Polimetroa. Osziloskopioa. Elikatze-iturria. Behe-maiztasuneko sorgailua.
|
|
- Κητώ Ασπάσιος
- 7 χρόνια πριν
- Προβολές:
Transcript
1 Elektronika Analogikoa 1 ELEKTRONIKA- -LABORATEGIKO TRESNERIA SARRERA Elektronikako laborategian neurketa, baieztapen eta proba ugari eta desberdinak egin behar izaten dira, diseinatu eta muntatu diren zirkuituen funtzionamendua egokia dela ziurtatzeko. Horretarako, oinarrizko tresna hauek behar dira: Polimetroa. Osziloskopioa. Elikatze-iturria. Behe-maiztasuneko sorgailua. 1.. POLIIMETROA Polimetroak ( tester ingelesez), bere izenak adierazten duenez, hainbat magnitude neurtzeko balio du. Gehienetan neurtzen diren magnitudeak hauek dira: Korronte zuzenaren tentsioa (V). Korronte zuzenaren intentsitatea (I). Korronte alternoaren tentsioa (V). Korronte alternoaren intentsitatea (I). Erresistentzia elektrikoa (Ω). Bestalde, gutxiagotan bada ere, polimetroa beste magnitude batzuk neurtzeko ere erabil daiteke: seinale elektrikoen maiztasuna (f); kondentsadoreen kapazitatea (C); dezibelak (db); argiaren fluxua (luxa); tenperatura (T), eta beste zenbait. 9
2 .Elektronika-laborategiko tresneria Polimetroaren bidezko neurketak Polimetroak, lehen esan dugunez, erresistentzia elektrikoa, korronte elektrikoaren intentsitatea eta tentsioa neurtzeko erabiltzen dira, eta magnitude horiek neurtzeko garaian honakoak izan behar ditugu kontuan: Erresistentzia: Zirkuituak elikatu gabe egon behar du eta polimetroaren konexio- -puntak neurtu nahi dugun elementuarekin paraleloan aplikatuko dira. Tentsioa: Zirkuitua elikatu ondoren, konexio-puntak paraleloan ezarriko dira neurtu nahi dugun tentsioaren bi puntutan. Intentsitatea: Zirkuitua elikatuta dagoelarik eta korrontea zein puntutan neurtu nahi dugun erabaki ondoren, puntu horretan zirkuitua ireki egingo da eta bi konexio-puntak seriean tartekatuko dira. Neurketa hau da arriskutsuena polimetroarentzat. Ampereak neurtzeko prestatu ondoren bi konexio-buruen artean potentzial-diferentzia ezarriko bagenu, barne-zirkuituak (edo babes- -fusiblea) hondatu egingo lirateke. Zenbait modelotan tentsioa neurtzeko konexio-buru aktiboa (gorria) ez da konektatzen intentsitatea eta erresistentzia neurtzeko erabili den borne berean, beste batean baizik. Oro har, neurtu nahi den magnitudea edo funtzioa aukeratzeko teklak daude (Ω, V, A...). Bestalde, eskalaren maila aukeratzeko teklak daude (maila automatikoki aukeratzeko tekla barne). A R B R + V + A R Ω + E=15V + E=15V a) Erresistentzia balioaren neurketa. b) Tentsio eta intentsitatearen neurketa adibideak. Polimetro digitala Polimetro digitalak irakurterrazak, erabilgarriak, gogorrak eta doitasun handikoak dira. Neurrien emaitzak erakusteko kristal likidozko pantaila (LCD) erabiltzen dute. Voltmetro digitalak neurtzen duen tentsioa zuzena denez, beste magnitude batzuk neurtzeko zirkuitu lagungarriak behar ditu. Bestalde, neurketaren balioaren arabera, kommutadore-hautagailu bat beharrezkoa du seinale handiak edota txikiak egokitzeko. (1. irudia) Horrela, gauza asko adierazteko gai dira, hala nola, zeinuak, bateriaren egoera, etab. Bestalde erresistentzia 0Ω dela (jarraikortasun elektrikoa) adierazteko, txistua jotzen dute, eta maila logikoak adierazteko ikurrak ere izaten dituzte irudia. Polimetroaren bidezko neurketak.
3 Elektronika Analogikoa Sarrera - I = V = I ~ V~ Voltmetro digitala (Liquid Cristal Display) 2. irudia. Polimetro digitalaren bloke-diagrama Korronte zuzenaren, korronte alternoa edota erresistentzien balioak neurtzeko, polimetro barruko hainbat zirkuituk hartzen dute parte. Voltmetro digitala korronte zuzenaz elikatzen denez, korronte zuzeneko magnitudeak neurtzeko ez da aldaketa handirik egin behar. Korronte alternoko neurketak egiteko, ordea, lehenik eta behin magnitudeak korronte zuzenera eraldatu behar dira. Irudiko polimetroak, ohiko neurketak egiteaz gain, kondentsadoreen C kapazitatea nahiz transistoreen β irabazpena neurtzeko aukera ematen du. 3. irudia. Polimetro edo multimetro digitala. Polimetro analogikoa Polimetro analogikoak gero eta gutxiago erabiltzen dira, digitalek errendimendu hobea dute eta. Instrumentazio analogiko guztien oinarria galvanometroa da. Osagai elektromagnetiko horrek orratz bat eskala graduatuan mugiarazten du. Neurketaren emaitza voltmetro analogikoaren orratz mugikorraren bidez adierazten du, eta neurtu nahi dugun magnitudearen balioa mailakatutako karatulan irakur daiteke. 4. irudia. Polimetro analogikoa. 11
4 .Elektronika-laborategiko tresneria Ezaugarri orokorretatik aparte, polimetroen kalitat a adierazten diguten ezaugarriak hauek dira: Sentikortasuna: Eskalaren bukaeraraino desbideratzeko behar duen seinalerik txikiena. Normalean, ohm/volt (Ω/V) erara adierazten da. Barne -erresistentzia: Haril higikorraren hariaren erresistentziaren araberakoa da. Doitasuna: Zenbat eta handiagoa izan, hainbat eta gehiago hurbilduko da egiazko baliora. 2.. OSZILOSKOPIOA Seinale elektriko edota elektronikoak neurtzeko tresna garrantzitsuena da eta denboraren arabera erakusten digu seinalea pantailan. Seinaleen itxura erakusten digu eta bertatik seinaleen balioak atera ditzakegu. Oro har, osagai hauek ditu: katodo-izpien hodia, anplifikadore bertikala, anplifikadore horizontala, bi elikatze-iturri eta denbora-oinarria. 2.1 KATODO-IZPIEN HODIA Hauxe da osziloskopioaren gailurik garrantzitsuena. Seinale elektrikoen itxura erakustea da bere eginkizuna. Pantaila fosforeszentean puntu argitsu eta mugikor batek marraztuko ditu seinaleak. Gailu honen osagai nabarmenenak hauek dira: harizpia eta katodoa, kontroleko saretxoa, anodo azeleratzaileak eta plaka desbideratzaileak. Anodo azeleratzaileak Plaka desbideratzaile horizontalak Elektroi- -izpiak Harizpia Katodoa Kontroleko saretxoa Plaka desbideratzaile bertikalak 5. irudia. Osziloskopioaren hodi katodikoa 12
5 Elektronika Analogikoa Harizpia eta katodoa Hodi katodikoan elektroi-izpiak sortzeko behar diren elektroiak ekoizten dituzte. Elementu horiek elektroi-lainoa sortzen dute eta gero pantaila fosforeszentean seinalea marraztuko dute. Harizpiari tentsioa aplikatutakoan gori-gori jartzen da, katodoa berotu egiten du, eta horrek, material termoionikoz egina dagoenez, elektroiak igortzen ditu. (4. irudia) Kontroleko saretxoa Saretxoaren betekizuna elektroien kopurua mugatzea da. Tentsio elektriko negatibora (0 eta 50V bitartekora) konektaturik dago, eta tentsio horren arabera, elektroi gehiago edo gutxiago utziko du pasatzen. Zilindro-itxura du eta bere barruan harizpia/katodoa multzoa dago (5. irudia). 6. irudia. Harizpi, katodo eta saretxoaren multzoa. Harizpia Katodoa Kontroleko saretxoa e - e - e - e - Elektroi-lainoa Anodo azeleratzaileak Horien betekizuna elektroi-izpi mehe-meheak lortzea da. Horrela, pantailan puntu zehatz bat marraztuko dute. Plaka desbideratzaileak Plaka par bertikalak eta beste pare horizontalak osatzen dute multzo hau. Pantailan azalduko den puntuaren mugimendua kontrolatzen dute, elektroi-izpien norabidea, aplikatzen zaien tentsioaren polaritatearen eta balioaren arabera, aldatuz. 2.2 ANPLIFIKADORE BERTIKALA Plaka desbideratzaile bertikalei aplikatzen zaizkien seinaleak anplifikatzen ditu, plaken artean pasatzen diren elektroi-izpiek desbideratze egokia izan dezaten eta pantailan seinaleak ondo irudika daitezen. Maiztasun desberdineko seinaleak anplifikatu behar dituenez, banda- -zabalera handikoa izan behar du. Osziloskopioaren aurreko aldean dagoen anplitudea finkatzeko aginteak (V/cm) aldarazten du bere balioa. 2.3 ANPLIFIKADORE HORIZONTALA Anplifikadore bertikalak duen zeregin bera du, baina horizontalean. Osziloskopioaren aurreko aldean dagoen denbora-oinarriko aginteak (s/cm) aldarazten du bere balioa eta, horrekin batera, pantailan ikusten dugun irudiaren zabalera. 13
6 .Elektronika-laborategiko tresneria 2.4 BARNE-ELIKADURA Batetik, katodo-izpien hodia goi-tentsioaren bidez elikatu behar du (3.000V ingurukoa) elikatze-iturri batek. Bestetik, beste elikatze-iturri batek osziloskopioko barne-zirkuituetako elementu erdieroaleek behar dituzten tentsio zuzen egokiak ere sortu behar ditu. 2.5 DENBORA-OINARRIA Zerra-hortzen sorgailua da, eta bere maiztasuna eta anplitudea aldatu egiten dira anplitude eta denbora-oinarriko aginteen bidez. Pantailan azalduko den seinalearen parametroekin sinkronizatuta egongo da eta, horrela, pantailako seinalea finkaturik ikusiko da. 2.6 OSZILOSKOPIO-ESKAINTZA Merkatuan eskaintza zabala topa daiteke. Promax, Alecop, Hameg eta beste zenbait etxeren eskaintza horretarako prestatutako web orrietan ikus daiteke. Honako hau osziloskopio arrunta dugu; bi seinale irudikatzeko eta osagaiei testa egiteko aukera ematen du, besteak beste. 7. irudia. HAMEG etxeko oszioloskopio konbentzionala. 2.7 NEURKETAK OSZILOSKOPIOAZ Osziloskopioaz tentsioak nahiz denborak neur daitezke. Osziloskopioak eskaintzen dituen aukerak aztertzeko, alboko irudia erabiliko dugu. Irudi honetan, ahultzailearen eta denbora- -oinarriaren kokapena adierazi da. Denbora-oinarria: t/zat = 1ms Ahultzailea: V/ZAT = 10V 8. irudia. Osziloskopioan jasotako bi seinaleri dagozkien uhinak. 14
7 Elektronika Analogikoa Ahultzaileak markatzen duen balioa eta seinaleak ardatz bertikalean adierazitako koadrotxo-kopurua biderkatuz neurtzen da tentsioa. Neurketa hori egin aurretik, lerro adierazlea, Y position potentziometroaz, pantailako erdialdeko marrara (y=0) doitzea komeni da. Horretarako, AC-DC-GND kommutadorea GND posizioan jartzen da. ADIBIDEA: Kalkulatu aurreko irudian jasotako seinalean adierazitako V max tentsioaren balioa. Seinaleak zero mailatik (y=0) balio maximora betetzen duen N koadrotxo-kopurua hiru da, eta, beraz, ahultzaileak markatzen duen balioa V/ ZAT =10V izanik: V max =N. V/ ZAT = = 30V Nahi izanez gero, hemendik aterako genituzke V RMS tentsioaren balio efikaza, V bat batez besteko tentsioa, eta abar. Seinalearen periodoa neurtzeko antzeko prozesua behar da. Periodoa denbora-oinarriak markatzen duen balioa eta seinaleak ardatz horizontalean adierazitako koadrotxo-kopurua biderkatuz neurtzen da. Neurketa hori egiteko, uhinak zero balioa duen gune hori, X position potentziometroa mugituz ardatz bertikal batera doitzea komeni da, neurketa ziur egiteko. ADIBIDEA: Kalkulatu goialdeko irudian jasotako seinalean adierazitako Periodoaren balioa. Seinalearen ziklo batek ezkerretik eskuinera betetzen duen N koadrotxo-kopurua zortzi da, eta, beraz, denbora-oinarriak markatzen duen balioa t/ ZAT =1ms izanik: Periodoa = N. t/ ZAT = = 8ms Nahi izanez gero, hemendik aterako genuke seinalearen f maiztasuna. f = Hz 3 T = 8.10 = Osziloskopioaz sarritan egiten den beste neurketa bat bi seinaleren arteko desfasearena da. Desfase hori neurtzeko, bi seinaleak zerotik, eta noranzko berean, pasatu bitartean dauden koadrotxoak neurtzen dira X ardatzean. Neurtutako balio hori desfase-denbora da, jakina, eta magnitude hori ez da segundotan neurtzen, gradutan baizik. Ondorioz, hiruko erregela erabili behar da. 15
8 .Elektronika-laborategiko tresneria ADIBIDEA: Berriro ere arestian marraztutako irudira joz, kalkulatu bi seinaleen arteko desfasea. Bi seinaleak y=0-tik noranzko berean pasatzean, bien artean dagoen koadrotxo-kopurua bat da, eta, beraz, denbora-oinarriak markatzen duen balioa t/ ZAT =1ms izanik: Desfase-denbora= N. t/zat = = 1ms 8ms 360º 1ms X 360 º.1 ms desfasea = 8 ms = 45 º ARIKETAK 1. Kalkula itzazu irudiko seinalearen Vmax eta maiztasuna, osziladorearen ahultzailea eta denbora-unitatea, hurrenez hurren, V/ ZAT =2V eta t/ ZAT =15ms posiziotan doituta badaude. 2. Marraztu seinale sinusoidala, V/ZAT=1V eta t/ ZAT =5µs izanik, bere maiztasuna 100kHzekoa eta balio efikaza 3,53V-ekoa bada. Kalkulatu eta irudikatu aldiuneko tentsioaren balioa t=7µs denean. Maiztasun-patroi batetik abiatuz, bi seinaleren arteko desfasea nahiz maiztasuna detekta daiteke Lissajousen irudiak erabiliz. Metodo hori erabiltzeko, seinale bat sarrera horizontalean eta bestea bertikalean sartu behar dira. Ondoren, XY funtzioa aktibatuz gero, KIHren pantailan uhin berezi batzuk irudikatuko dira bi seinaleen arteko desfasearen arabera. Irudi horiek desfasearen balioaz informatzen dute, hain zuzen ere. 16
9 Elektronika Analogikoa Azpialdeko irudietan, zenbait desfase-angeluri dagozkion irudiak marraztu dira. Irudi horiek adierazitako desfasea kalkulatzeko ondorengo adierazpena dugu: α = B arc sin A A B 9. irudia. a desfase-angelua kalkulatzeko erabili beharreko adierazpenaren jatorria. Hona hemen Lissajousen oinarrizko irudiak eta bakoitzari dagokion desfase-angelua: A A A B B B 0º-tako desfasea 25º-tako desfasea 35º-tako desfasea A B A B A B 90º-tako desfasea 155º-tako desfasea 180º-tako desfasea 10. irudia. a desfase-angelu zenbaiten Lissajousen irudi baliokideak. Maiztasuna neurtzeko, seinaleak X eta Y ardatzak zenbat aldiz ebakitzen dituen zenbatzen da. Bi emaitza horiek elkarrekin zatituz gero, maiztasun-erlazioa lortzen da. Irudian ikus daitekeenez, jakina, uhindurak ezberdinak dira desfasearen eta maiztasunaren arabera. 17
10 .Elektronika-laborategiko tresneria Maiztasun erlazioa 1:2 0º-ko desfasea Maiztasun erlazioa 1:2 90º-ko desfasea Maiztasun erlazioa 1:3 0º-ko desfasea Maiztasun erlazioa 1:3 90º-ko desfasea Maiztasun erlazioa 1:4 0º-ko desfasea Maiztasun erlazioa 1:4 90º-ko desfasea 11. irudia. a desfase angeluaren eta maiztasunaren araberako Lissajousen irudiak. 2.8 OSAGAIAK EGIAZTATZEKO IRUDIAK OSZILOSKOPIOAN Hainbat osziloskopiok osagaiak egiaztatzeko aukera ematen dute. Osagai bat lotzen zaionean, osagai horri atxikiriko irudia pantailaratzen du. Egiaztapen-lan horretarako, osziloskopioaren COMPONENT TESTER funtzioa aktibatu behar da, INTEN, FOCUS eta X POS funtzioak zainduz. 18
11 Elektronika Analogikoa a) Osagai solteen irudiak: Zirkuitulaburra 510Ω-eko erresist. Sareko transform. primarioa 33µF-ko kondents. b) Transistore solteetako terminalen arteko irudiak: B-C lotura B-E lotura E-C lotura FET c) Diodo solteen irudiak: Zener 7V-etik behera Zener 7V-etik gora Siliziozko diodoa Germaniozko diodoa Artezgailua Tiristorea, G eta A kon. 12. irudia. Zenbait osagai elektronikori dagozkion irudiak. 19
12 .Elektronika-laborategiko tresneria 3 ELIKATZE--ITURRIA Zirkuitu elektronikoek funtziona dezaten behar dugun potentzial-diferentzia emango digun gailua dugu. Sarreran sareko korronte alternoa aplikatuz (220V), irteeran korronte zuzena ematen du, eta balioa 5V-etik 30V-erainokoa izan daiteke. Batzuek irteera aldakorra izaten dute balio minimo eta maximo baten artean. Sarrerako ezaugarri teknikoak: Sarrerako tentsioa: Sareko seinalearen balio efikaza (220V). Sarrerako seinalearen maiztasuna: Europan 50Hz. Kontsumoa: Irteeran aplikatzen zaion kargaren menpe dago. Maximoa. Irteerako ezaugarri teknikoak: Irteerako tentsioa: Balio finkoa edo minimo eta maximo baten artean alda litekeena. Korronte maximoa: Aplikaturiko kargari eman diezaiokeen handiena. Egonkortasuna: Irteerako tentsioaren gorabeherak sarrerako tentsioa edo aplikaturiko karga aldatzen denean. 13. irudia. Elektronika-laborategian izan ohi diren elikatze-iturrietako mota bat. ARIKETA: Ingura itzazu laborategian 24V-era doitutako elikatze-iturri bat, 220/24V-eko transformadore bat, polimetroa eta osziloskopioa. Tresneria hori erabiliz, osatu ondorengo taula. Azal ezazu bi kasuetan neurtu diren balioak zein motatakoak diren. POLIMETROA OSZILOSKOPIOA 24V-eko elikatze-iturria. 220/24V-eko transformadorea. 20
13 Elektronika Analogikoa 4 BEHE--MAIZTASUNEKO SORGAILUA Gailu honek zirkuitu elektronikoak doitu eta horien funtzionamendua egiaztatzeko behar ditugun seinaleak sortzen ditu. Seinale horiek, sinusoidalak, triangeluarrak edota karratuak izan daitezke, eta anplitudean (0V-etik 15V ingururainokoak) eta maiztasunean (0Hz-etik hasi eta MHz-erainokoak) aldakorrak dira. Aginteak: Seinale-mota aukeratzeko teklak. Tentsio-maila aldatzeko agintea. Maiztasuna aukeratzeko teklak (doitasun handikoa bat eta txikikoa bestea). Irteerak: Seinale sinusoidala, triangeluarra edota karratua ematen duena. (600Ω-eko irteerako inpedantzia duena) TTL mailakoa (zirkuitu logikoentzat 5V-eko seinale karratuak). 14. irudia. BMS digital honek ematen dituen uhinen ezaugarriak pantailaratzen ditu. 21
14 .Elektronika-laborategiko tresneria 5 AUTOEBALUAZIOA 1) Polimetro analogikoan ez bezala, digitalean neurketa: a) Zuzenean egiten da. b) Kalkulu matematikoren bat eginez burutzen da. c) Beti paraleloan burutzen da. 2) Polimetro digitalek zirkuitu lagungarri bat behar dute: a) Tentsio zuzenak lortzeko. b) Tentsio alternoak lortzeko. c) Korronte zuzenak lortzeko. 3) Instrumentu analogikoaren oinarria: a) D/A bihurgailua da. b) Polimetroa da. c) Galvanometroa da. 4) Neurketarako osagai baten sentikortasunak honakoa adierazten du: a) Sendotasuna. b) Kalitatea eta doitasuna. c) Neurtzeko gai den magnitude-kopurua. 5) Neurtu nahi den tentsioaren balioa ezagutzen ez denean, polimetroaren zein eskala hautatu behar da? a) Txikiena. b) Handiena. c) Tarteko eskala bat. 6) Neurketa ahalik eta doitasun handienaz egiteko, hautatu behar den eskala: a) Balioa baino bat handiagoa. b) Berdin dio. c) Balioa baino bat txikiagoa. 7) Osziloskopioaren Katodo Izpien Hodiaren (KIH) zeregina: a) Seinale elektrikoa ikusteko modukoa bihurtzea da. b) Plaka desbideratzaileetan aplikatutako seinalea handitzea da. c) Irudia pantailaratzea da. 8) Osziloskopioan, arazorik gabe ikus daitezke ondorengo seinaleak: a) 10MHz-ekoa. b) 100GHz-ekoa. c) Aurreko bi erantzunak zuzenak dira. 9) Osziloskopioaren zunden bitartez: a) Zirkuituko edozein ataletako tentsioak irudika daitezke. b) Zirkuituko edozein ataletako korronteak irudika daitezke. c) Aurreko bi erantzunak zuzenak dira. 10) Osziloskopioan, bi neurketa egin daitezke aldi berean bi zunda erabiliz, baina: a) Bakoitzaren aktiboak lotu behar dira. b) Bakoitzaren masak lotu behar dira. c) Masa bakar bat lotu behar da zirkuituarekin. 22
2. ELEKTRONIKA-LABORATEGIKO TEGIKO TRESNERIA 2.1 POLIMETROA Ω. 100 Ω. 10 Ω Analogikoa OINARRIZKO ELEKTRONIKA
2. ELEKTRONIKA-LABORATEGIKO TEGIKO TRESNERIA Elektronikan adituak bere lana ondo burutzeko behar dituen tresnak honakoak dira:.- Polimetro analogikoa edo digitala..- Elikatze-iturria..- Behe-maiztasuneko
Διαβάστε περισσότεραOinarrizko Elektronika Laborategia I PRAKTIKAK
Oinarrizko Elektronika Laborategia I PRAKTIKAK I. PRAKTIKA - Osziloskopioa I. Alternoko voltimetroa. Karga efektua. Helburuak Osziloskopioaren aginteen erabilpenean trebatzea. Neurgailuek zirkuituan eragiten
Διαβάστε περισσότεραANGELUAK. 1. Bi zuzenen arteko angeluak. Paralelotasuna eta perpendikulartasuna
Metika espazioan ANGELUAK 1. Bi zuzenen ateko angeluak. Paalelotasuna eta pependikulatasuna eta s bi zuzenek eatzen duten angelua, beaiek mugatzen duten planoan osatzen duten angeluik txikiena da. A(x
Διαβάστε περισσότερα= 32 eta β : z = 0 planoek osatzen duten angelua.
1 ARIKETA Kalkulatu α : 4x+ 3y+ 10z = 32 eta β : z = 0 planoek osatzen duten angelua. Aurki ezazu α planoak eta PH-k osatzen duten angelua. A'' A' 27 A''1 Ariketa hau plano-aldaketa baten bidez ebatzi
Διαβάστε περισσότερα7.GAIA. ESTATISTIKA DESKRIBATZAILEA. x i n i N i f i
7.GAIA. ESTATISTIKA DESKRIBATZAILEA 1. Osatu ondorengo maiztasun-taula: x i N i f i 1 4 0.08 2 4 3 16 0.16 4 7 0.14 5 5 28 6 38 7 7 45 0.14 8 2. Ondorengo banaketaren batezbesteko aritmetikoa 11.5 dela
Διαβάστε περισσότεραDERIBAZIO-ERREGELAK 1.- ALDAGAI ERREALEKO FUNTZIO ERREALAREN DERIBATUA. ( ) ( )
DERIBAZIO-ERREGELAK.- ALDAGAI ERREALEKO FUNTZIO ERREALAREN DERIBATUA. Izan bitez D multzo irekian definituriko f funtzio erreala eta puntuan deribagarria dela esaten da baldin f ( f ( D puntua. f zatidurak
Διαβάστε περισσότεραAURKIBIDEA I. KORRONTE ZUZENARI BURUZKO LABURPENA... 7
AURKIBIDEA Or. I. KORRONTE ZUZENARI BURUZKO LABURPENA... 7 1.1. MAGNITUDEAK... 7 1.1.1. Karga elektrikoa (Q)... 7 1.1.2. Intentsitatea (I)... 7 1.1.3. Tentsioa ()... 8 1.1.4. Erresistentzia elektrikoa
Διαβάστε περισσότερα1. jarduera. Zer eragin du erresistentzia batek zirkuitu batean?
1. jarduera Zer eragin du erresistentzia batek zirkuitu batean? 1. Hastapeneko intentsitatearen neurketa Egin dezagun muntaia bat, generadore bat, anperemetro bat eta lanpa bat seriean lotuz. 2. Erresistentzia
Διαβάστε περισσότερα1. praktika Elikadura-iturria eta polimetroaren maneiua. Oinarrizko neurketak: erresistentzia, tentsioa eta korrontea.
eman ta zabal zazu Informatika Fakultatea, EHU Konputagailuen Arkitektura eta Teknologia Saila ktl'2001 KONPUTAGAILUEN TEKNOLOGIAKO LABORATEGIA 1. zatia: Instrumentazioa (I) 1. praktika Elikadura-iturria
Διαβάστε περισσότεραKONPUTAGAILUEN TEKNOLOGIAKO LABORATEGIA
eman ta zabal zazu Euskal Herriko Unibertsitatea Informatika Fakultatea Konputagailuen Arkitektura eta Teknologia saila KONPUTAGAILUEN TEKNOLOGIAKO LABORATEGIA KTL'2000-2001 Oinarrizko dokumentazioa lehenengo
Διαβάστε περισσότερα1. SARRERA. 2. OSZILOSKOPIO ANALOGIKOA 2.1 Funtzionamenduaren oinarriak
1. SARRERA Osziloskopioa, tentsio batek denborarekin duen aldaketa irudikatzeko tresna da. v(t) ADIBIDEZ Y Ardatza (adib.): 1 dibisio = 1 V X Ardatza (adib.): 1 dibisio = 1 ms t 4.1 Irudia. Osziloskopioaren
Διαβάστε περισσότερα1-A eta 1-8 ariketen artean bat aukeratu (2.5 puntu)
UNIBERTSITATERA SARTZEKO HAUTAPROBAK 2004ko EKAINA ELEKTROTEKNIA PRUEBAS DE ACCESO A LA UNIVERSIDAD JUNIO 2004 ELECTROTECNIA 1-A eta 1-8 ariketen artean bat aukeratu (2.5 1-A ARIKETA Zirkuitu elektriko
Διαβάστε περισσότεραOINARRIZKO ELEKTRONIKA LABORATEGIA I
23KO IRAILA Oharra: praktiketan eta laborategiko azterketan lorturiko notarekin batez bestekoa egin ahal izateko, idatzitako azterketan gutxienez 3 puntu lortu behar dira. Idatzitako azterketak guztira
Διαβάστε περισσότερα1.1 Sarrera: telekomunikazio-sistemak
1 TELEKOMUNIKAZIOAK 1.1 Sarrera: telekomunikazio-sistemak Telekomunikazio komertzialetan bi sistema nagusi bereiz ditzakegu: irratia eta telebista. Telekomunikazio-sistema horiek, oraingoz, noranzko bakarrekoak
Διαβάστε περισσότεραLANBIDE EKIMENA. Proiektuaren bultzatzaileak. Laguntzaileak. Hizkuntz koordinazioa
Elektroteknia: Ariketa ebatzien bilduma LANBDE EKMENA LANBDE EKMENA LANBDE EKMENA roiektuaren bultzatzaileak Laguntzaileak Hizkuntz koordinazioa Egilea(k): JAO AAGA, Oscar. Ondarroa-Lekeitio BH, Ondarroa
Διαβάστε περισσότεραGAILU ETA ZIRKUITU ELEKTRONIKOAK. 2011/2015-eko AZTERKETEN BILDUMA (ENUNTZIATUAK ETA SOLUZIOAK)
GAILU ETA ZIRKUITU ELEKTRONIKOAK. 2011/2015-eko AZTERKETEN BILDUMA (ENUNTZIATUAK ETA SOLUZIOAK) Recart Barañano, Federico Pérez Manzano, Lourdes Uriarte del Río, Susana Gutiérrez Serrano, Rubén EUSKARAREN
Διαβάστε περισσότεραLaborategiko materiala
Laborategiko materiala Zirkuitu elektronikoak muntatzeko, bikote bakoitzaren laborategiko postuan edo mahaian, besteak beste honako osagai hauek aurkituko ditugu: Mahaiak berak dituen osagaiak: - Etengailu
Διαβάστε περισσότερα1 GEOMETRIA DESKRIBATZAILEA...
Aurkibidea 1 GEOMETRIA DESKRIBATZAILEA... 1 1.1 Proiekzioa. Proiekzio motak... 3 1.2 Sistema diedrikoaren oinarriak... 5 1.3 Marrazketarako hitzarmenak. Notazioak... 10 1.4 Puntuaren, zuzenaren eta planoaren
Διαβάστε περισσότεραUNITATE DIDAKTIKOA ELEKTRIZITATEA D.B.H JARDUERA. KORRONTE ELEKTRIKOA. Helio atomoa ASKATASUNA BHI 1.- ATOMOAK ETA KORRONTE ELEKTRIKOA
1. JARDUERA. KORRONTE ELEKTRIKOA. 1 1.- ATOMOAK ETA KORRONTE ELEKTRIKOA Material guztiak atomo deitzen diegun partikula oso ttipiez osatzen dira. Atomoen erdigunea positiboki kargatua egon ohi da eta tinkoa
Διαβάστε περισσότερα1. Gaia: Mekanika Kuantikoaren Aurrekoak
1) Kimika Teorikoko Laborategia 2012.eko irailaren 12 Laburpena 1 Uhin-Partikula Dualtasuna 2 Trantsizio Atomikoak eta Espektroskopia Hidrogeno Atomoaren Espektroa Bohr-en Eredua 3 Argia: Partikula (Newton)
Διαβάστε περισσότεραSELEKTIBITATEKO ARIKETAK: EREMU ELEKTRIKOA
SELEKTIBITATEKO ARIKETAK: EREMU ELEKTRIKOA 1. (2015/2016) 20 cm-ko tarteak bereizten ditu bi karga puntual q 1 eta q 2. Bi kargek sortzen duten eremu elektrikoa q 1 kargatik 5 cm-ra dagoen A puntuan deuseztatu
Διαβάστε περισσότεραARRAZOI TRIGONOMETRIKOAK
ARRAZOI TRIGONOMETRIKOAK 1.- LEHEN DEFINIZIOAK Jatorri edo erpin berdina duten bi zuzenerdien artean gelditzen den plano zatiari, angelua planoan deitzen zaio. Zirkunferentziaren zentroan erpina duten
Διαβάστε περισσότερα9. K a p itu lu a. Ekuazio d iferen tzial arrun tak
9. K a p itu lu a Ekuazio d iferen tzial arrun tak 27 28 9. K A P IT U L U A E K U A Z IO D IF E R E N T Z IA L A R R U N T A K UEP D o n o stia M ate m atik a A p lik atu a S aila 29 Oharra: iku rra rekin
Διαβάστε περισσότερα9. Gaia: Espektroskopiaren Oinarriak eta Espektro Atomiko
9. Gaia: Espektroskopiaren Oinarriak eta Espektro Atomikoak 1) Kimika Teorikoko Laborategia 2012.eko irailaren 21 Laburpena 1 Espektroskopiaren Oinarriak 2 Hidrogeno Atomoa Espektroskopia Esperimentua
Διαβάστε περισσότεραSELEKTIBITATEKO ARIKETAK: EREMU ELEKTRIKOA
SELEKTIBITATEKO ARIKETAK: EREMU ELEKTRIKOA 95i 10 cm-ko aldea duen karratu baten lau erpinetako hirutan, 5 μc-eko karga bat dago. Kalkula itzazu: a) Eremuaren intentsitatea laugarren erpinean. 8,63.10
Διαβάστε περισσότεραSELEKTIBITATEKO ARIKETAK: OPTIKA
SELEKTIBITATEKO ARIKETAK: OPTIKA TEORIA 1. (2012/2013) Argiaren errefrakzioa. Guztizko islapena. Zuntz optikoak. Azaldu errefrakzioaren fenomenoa, eta bere legeak eman. Guztizko islapen a azaldu eta definitu
Διαβάστε περισσότεραHirukiak,1. Inskribatutako zirkunferentzia. Zirkunskribatutako zirkunferentzia. Aldekidea. Isoszelea. Marraztu 53mm-ko aldedun hiruki aldekidea
Hirukiak, Poligonoa: elkar ebakitzen diren zuzenen bidez mugatutako planoaren zatia da. Hirukia: hiru aldeko poligonoa da. Hiruki baten zuzen bakoitza beste biren batuketa baino txiakiago da eta beste
Διαβάστε περισσότεραKONPUTAGAILUEN TEKNOLOGIAKO LABORATEGIA
eman ta zabal zazu Euskal Herriko Unibertsitatea Informatika Fakultatea Konputagailuen rkitektura eta Teknologia saila KONPUTGILUEN TEKNOLOGIKO LBORTEGI KTL'000-00 Bigarren parteko dokumentazioa: Sistema
Διαβάστε περισσότεραMakina elektrikoetan sortzen diren energi aldaketak eremu magnetikoaren barnean egiten dira: M A K I N A. Sorgailua. Motorea.
Magnetismoa M1. MGNETISMO M1.1. Unitate magnetikoak Makina elektrikoetan sortzen diren energi aldaketak eremu magnetikoaren barnean egiten dira: M K I N Energia Mekanikoa Sorgailua Energia Elektrikoa Energia
Διαβάστε περισσότεραEIB sistemaren oinarriak 1
EIB sistemaren oinarriak 1 1.1. Sarrera 1.2. Ezaugarri orokorrak 1.3. Transmisio teknologia 1.4. Elikatze-sistema 1.5. Datuen eta elikatzearen arteko isolamendua 5 Instalazio automatizatuak: EIB bus-sistema
Διαβάστε περισσότερα1. Higidura periodikoak. Higidura oszilakorra. Higidura bibrakorra.
1. Higidura periodikoak. Higidura oszilakorra. Higidura bibrakorra. 2. Higidura harmoniko sinplearen ekuazioa. Grafikoak. 3. Abiadura eta azelerazioa hhs-an. Grafikoak. 4. Malguki baten oszilazioa. Osziladore
Διαβάστε περισσότεραERREAKZIOAK. Adizio elektrozaleak Erredukzio erreakzioak Karbenoen adizioa Adizio oxidatzaileak Alkenoen hausketa oxidatzailea
ERREAKZIAK Adizio elektrozaleak Erredukzio erreakzioak Karbenoen adizioa Adizio oxidatzaileak Alkenoen hausketa oxidatzailea ADIZI ELEKTRZALEK ERREAKZIAK idrogeno halurozko adizioak Alkenoen hidratazioa
Διαβάστε περισσότεραBanaketa normala eta limitearen teorema zentrala
eta limitearen teorema zentrala Josemari Sarasola Estatistika enpresara aplikatua Josemari Sarasola Banaketa normala eta limitearen teorema zentrala 1 / 13 Estatistikan gehien erabiltzen den banakuntza
Διαβάστε περισσότεραAtal honetan, laborategiko zirkuituetan oinarrizkoak diren osagai pasibo nagusiak analizatuko ditugu: erresistentziak, kondentsadoreak eta harilak.
1. SARRERA Atal honetan, laborategiko zirkuituetan oinarrizkoak diren osagai pasibo nagusiak analizatuko ditugu: erresistentziak, kondentsadoreak eta harilak. Horien artean interesgarrienak diren erresistentziak
Διαβάστε περισσότεραAgoitz DBHI Unitatea: JOKU ELEKTRIKOA Orria: 1 AGOITZ. Lan Proposamena
Agoitz DBHI Unitatea: JOKU ELEKTRIKOA Orria: 1 1. AKTIBITATEA Lan Proposamena ARAZOA Zurezko oinarri baten gainean joko elektriko bat eraiki. Modu honetan jokoan asmatzen dugunean eta ukitzen dugunean
Διαβάστε περισσότεραTEKNIKA ESPERIMENTALAK - I Fisikako laborategiko praktikak
TEKNIKA ESPERIMENTALAK - I Fisikako laborategiko praktikak Fisikako Gradua Ingeniaritza Elektronikoko Gradua Fisikan eta Ingeniaritza Elektronikoan Gradu Bikoitza 1. maila 2014/15 Ikasturtea Saila Universidad
Διαβάστε περισσότεραOrdenadore bidezko irudigintza
Ordenadore bidezko irudigintza Joseba Makazaga 1 Donostiako Informatika Fakultateko irakaslea Konputazio Zientziak eta Adimen Artifiziala Saileko kidea Asier Lasa 2 Donostiako Informatika Fakultateko ikaslea
Διαβάστε περισσότεραZinematika 2: Higidura zirkular eta erlatiboa
Zinematika 2: Higidura zirkular eta erlatiboa Gaien Aurkibidea 1 Higidura zirkularra 1 1.1 Azelerazioaren osagai intrintsekoak higidura zirkularrean..... 3 1.2 Kasu partikularrak..........................
Διαβάστε περισσότερα1.- Hiru puntutatik konmutaturiko lanpara: 2.- Motore baten bira noranzkoaren aldaketa konmutadore baten bitartez: 3.- Praktika diodoekin:
1.- Hiru puntutatik konmutaturiko lanpara: 2.- Motore baten bira noranzkoaren aldaketa konmutadore baten bitartez: 3.- Praktika diodoekin: 1 Tentsio gorakada edo pikoa errele batean: Ikertu behar dugu
Διαβάστε περισσότεραTrigonometria ANGELU BATEN ARRAZOI TRIGONOMETRIKOAK ANGELU BATEN ARRAZOI TRIGONOMETRIKOEN ARTEKO ERLAZIOAK
Trigonometria ANGELU BATEN ARRAZOI TRIGONOMETRIKOAK SINUA KOSINUA TANGENTEA ANGELU BATEN ARRAZOI TRIGONOMETRIKOEN ARTEKO ERLAZIOAK sin α + cos α = sin α cos α = tg α 0º, º ETA 60º-KO ANGELUEN ARRAZOI TRIGONOMETRIKOAK
Διαβάστε περισσότεραMATEMATIKAKO ARIKETAK 2. DBH 3. KOADERNOA IZENA:
MATEMATIKAKO ARIKETAK 2. DBH 3. KOADERNOA IZENA: Koaderno hau erabiltzeko oharrak: Koaderno hau egin bazaizu ere, liburuan ezer ere idatz ez dezazun izan da, Gogora ezazu, orain zure liburua den hori,
Διαβάστε περισσότερα15. EREMU EFEKTUKO TRANSISTOREAK I: SAILKAPENA ETA MOSFETA
15. EREMU EFEKTUKO TRANSISTOREAK I: SAILKAPENA ETA MOSFETA KONTZEPTUA Eremu-efektuko transistorea (Field Effect Transistor, FET) zirkuitu analogiko eta digitaletan maiz erabiltzen den transistore mota
Διαβάστε περισσότεραEnergia-metaketa: erredox orekatik baterietara
Energia-metaketa: erredox orekatik baterietara Paula Serras Verónica Palomares ISBN: 978-84-9082-038-4 EUSKARAREN ARLOKO ERREKTOREORDETZAREN SARE ARGITALPENA Liburu honek UPV/EHUko Euskararen Arloko Errektoreordetzaren
Διαβάστε περισσότεραMATEMATIKAKO ARIKETAK 2. DBH 3. KOADERNOA IZENA:
MATEMATIKAKO ARIKETAK. DBH 3. KOADERNOA IZENA: Koaderno hau erabiltzeko oharrak: Koaderno hau egin bazaizu ere, liburuan ezer ere idatz ez dezazun izan da, Gogora ezazu, orain zure liburua den hori, datorren
Διαβάστε περισσότερα3. Ikasgaia. MOLEKULA ORGANIKOEN GEOMETRIA: ORBITALEN HIBRIDAZIOA ISOMERIA ESPAZIALA:
3. Ikasgaia. MLEKULA RGAIKE GEMETRIA: RBITALE IBRIDAZIA KARB DERIBATUE ISMERIA ESPAZIALA Vant off eta LeBel-en proposamena RBITAL ATMIKE IBRIDAZIA ibridaio tetragonala ibridaio digonala Beste hibridaioak
Διαβάστε περισσότεραAldagai Anitzeko Funtzioak
Aldagai Anitzeko Funtzioak Bi aldagaiko funtzioak Funtzio hauen balioak bi aldagai independenteen menpekoak dira: 1. Adibidea: x eta y aldeetako laukizuzenaren azalera, S, honela kalkulatzen da: S = x
Διαβάστε περισσότερα1 Aljebra trukakorraren oinarriak
1 Aljebra trukakorraren oinarriak 1.1. Eraztunak eta gorputzak Geometria aljebraikoa ikasten hasi aurretik, hainbat egitura aljebraiko ezagutu behar ditu irakurleak: espazio bektorialak, taldeak, gorputzak,
Διαβάστε περισσότεραPROGRAMA LABURRA (gutxiengoa)
PROGRAMA LABURRA gutiengoa Batilergo Zientiiko-Teknikoa MATEMATIKA I Ignacio Zuloaga BHI Eibar IGNACIO ZULOAGA B.I. EIBAR Gutiengo programa Zientiiko-Teknikoa. maila Ekuaio esponentialak Ariketa ebatiak:
Διαβάστε περισσότεραEREMU NAGNETIKOA ETA INDUKZIO ELEKTROMAGNETIKOA
EREMU NAGNETIKOA ETA INDUKZIO ELEKTROMAGNETIKOA Datu orokorrak: Elektroiaren masa: 9,10 10-31 Kg, Protoiaren masa: 1,67 x 10-27 Kg Elektroiaren karga e = - 1,60 x 10-19 C µ ο = 4π 10-7 T m/ampere edo 4π
Διαβάστε περισσότεραSolido zurruna 1: biraketa, inertzia-momentua eta momentu angeluarra
Solido zurruna 1: biraketa, inertzia-momentua eta momentu angeluarra Gaien Aurkibidea 1 Definizioa 1 2 Solido zurrunaren zinematika: translazioa eta biraketa 3 2.1 Translazio hutsa...........................
Διαβάστε περισσότεραZirkunferentzia eta zirkulua
10 Zirkunferentzia eta zirkulua Helburuak Hamabostaldi honetan, hau ikasiko duzu: Zirkunferentzian eta zirkuluan agertzen diren elementuak identifikatzen. Puntu, zuzen eta zirkunferentzien posizio erlatiboak
Διαβάστε περισσότεραLAN PROPOSAMENA. Alarma bat eraiki beharko duzu, trantsistorizatuta dagoen instalazio bat eginez, errele bat eta LDR bat erabiliz.
- 1-1. JARDUERA. LAN PROPOSAMENA. 1 LAN PROPOSAMENA Alarma bat eraiki beharko duzu, trantsistorizatuta dagoen instalazio bat eginez, errele bat eta LDR bat erabiliz. BALDINTZAK 1.- Bai memoria (txostena),
Διαβάστε περισσότεραInekuazioak. Helburuak. 1. Ezezagun bateko lehen orria 74 mailako inekuazioak Definizioak Inekuazio baliokideak Ebazpena Inekuazio-sistemak
5 Inekuazioak Helburuak Hamabostaldi honetan hauxe ikasiko duzu: Ezezagun bateko lehen eta bigarren mailako inekuazioak ebazten. Ezezagun bateko ekuaziosistemak ebazten. Modu grafikoan bi ezezaguneko lehen
Διαβάστε περισσότερα1. INGENIARITZA INDUSTRIALA. INGENIARITZAREN OINARRI FISIKOAK 1. Partziala 2009.eko urtarrilaren 29a
1. Partziala 2009.eko urtarrilaren 29a ATAL TEORIKOA: Azterketaren atal honek bost puntu balio du totalean. Hiru ariketak berdin balio dute. IRAUPENA: 75 MINUTU. EZ IDATZI ARIKETA BIREN ERANTZUNAK ORRI
Διαβάστε περισσότεραESTATISTIKA ENPRESARA APLIKATUA (Bigarren zatia: praktika). Irakaslea: Josemari Sarasola Data: 2016ko maiatzaren 12a - Iraupena: Ordu t erdi
ESTATISTIKA ENPRESARA APLIKATUA (Bigarren zatia: praktika). Irakaslea: Josemari Sarasola Data: 2016ko maiatzaren 12a - Iraupena: Ordu t erdi I. ebazkizuna (2.25 puntu) Poisson, esponentziala, LTZ Zentral
Διαβάστε περισσότεραUhin guztien iturburua, argiarena, soinuarena, edo dena delakoarena bibratzen duen zerbait da.
1. Sarrera.. Uhin elastikoak 3. Uhin-higidura 4. Uhin-higiduraren ekuazioa 5. Energia eta intentsitatea uhin-higiduran 6. Uhinen arteko interferentziak. Gainezarmen printzipioa 7. Uhin geldikorrak 8. Huyghens-Fresnelen
Διαβάστε περισσότεραLANBIDE EKIMENA. Proiektuaren bultzatzaileak. Laguntzaileak. Hizkuntz koordinazioa
ELEKTROTEKNIA Makina elektriko estatikoak eta birakariak LANBIDE EKIMENA LANBIDE EKIMENA LANBIDE EKIMENA Proiektuaren bultzatzaileak Laguntzaileak LANBIDE HEZIKETAKO ZUZENDARITZA DIRECCION DE FORMACION
Διαβάστε περισσότεραHidrogeno atomoaren energi mailen banatzea eremu kubiko batean
Hidrogeno atomoaren energi mailen banatzea eremu kubiko batean Pablo Mínguez Elektrika eta Elektronika Saila Euskal Herriko Unibertsitatea/Zientzi Fakultatea 644 P.K., 48080 BILBAO Laburpena: Atomo baten
Διαβάστε περισσότεραGailuen elektronika Azterketen bilduma ( )
Gailuen elektronika Azterketen bilduma (1999-2009) Federico Recart Barañano Susana Uriarte del Río Rubén Gutiérrez Serrano Iñigo Kortabarria Iparragirre Eneko Fernández Martín EUSKARA ETA ELEANIZTASUNEKO
Διαβάστε περισσότεραDBH3 MATEMATIKA ikasturtea Errepaso. Soluzioak 1. Aixerrota BHI MATEMATIKA SAILA
DBH MATEMATIKA 009-010 ikasturtea Errepaso. Soluzioak 1 ALJEBRA EKUAZIOAK ETA EKUAZIO SISTEMAK. EBAZPENAK 1. Ebazpena: ( ) ( x + 1) ( )( ) x x 1 x+ 1 x 1 + 6 x + x+ 1 x x x 1+ 6 6x 6x x x 1 x + 1 6x x
Διαβάστε περισσότερα9.28 IRUDIA Espektro ikusgaiaren koloreak bilduz argi zuria berreskuratzen da.
9.12 Uhin elektromagnetiko lauak 359 Izpi ultramoreak Gasen deskargek, oso objektu beroek eta Eguzkiak sortzen dituzte. Erreakzio kimikoak sor ditzakete eta filmen bidez detektatzen dira. Erabilgarriak
Διαβάστε περισσότεραJose Miguel Campillo Robles. Ur-erlojuak
HIDRODINAMIKA Hidrodinamikako zenbait kontzeptu garrantzitsu Fluidoen garraioa Fluxua 3 Lerroak eta hodiak Jarraitasunaren ekuazioa 3 Momentuaren ekuazioa 4 Bernouilli-ren ekuazioa 4 Dedukzioa 4 Aplikazioak
Διαβάστε περισσότεραEREDU ATOMIKOAK.- ZENBAKI KUANTIKOAK.- KONFIGURAZIO ELEKTRONIKOA EREDU ATOMIKOAK
EREDU ATOMIKOAK Historian zehar, atomoari buruzko eredu desberdinak sortu dira. Teknologia hobetzen duen neurrian datu gehiago lortzen ziren atomoaren izaera ezagutzeko, Beraz, beharrezkoa da aztertzea,
Διαβάστε περισσότεραElementu baten ezaugarriak mantentzen dituen partikularik txikiena da atomoa.
Atomoa 1 1.1. MATERIAREN EGITURA Elektrizitatea eta elektronika ulertzeko gorputzen egitura ezagutu behar da; hau da, gorputz bakun guztiak hainbat partikula txikik osatzen dituztela kontuan hartu behar
Διαβάστε περισσότερα2. ERDIEROALEEN EZAUGARRIAK
2. ERDIEROALEEN EZAUGARRIAK Gaur egun, dispositibo elektroniko gehienak erdieroale izeneko materialez fabrikatzen dira eta horien ezaugarri elektrikoak dispositiboen funtzionamenduaren oinarriak dira.
Διαβάστε περισσότεραI. KAPITULUA Zenbakia. Aldagaia. Funtzioa
I. KAPITULUA Zenbakia. Aldagaia. Funtzioa 1. ZENBAKI ERREALAK. ZENBAKI ERREALEN ADIERAZPENA ZENBAKIZKO ARDATZEKO PUNTUEN BIDEZ Matematikaren oinarrizko kontzeptuetariko bat zenbakia da. Zenbakiaren kontzeptua
Διαβάστε περισσότεραElementu honek elektrizitatea sortzen du, hau da, bi punturen artean potentzial-diferentzia mantentzen du.
Korronte zuzena 1 1.1. ZIRKUITU ELEKTRIKOA Instalazio elektrikoetan, elektroiak sorgailuaren borne batetik irten eta beste bornera joaten dira. Beraz, elektroiek desplazatzeko egiten duten bidea da zirkuitu
Διαβάστε περισσότερα2. PROGRAMEN ESPEZIFIKAZIOA
2. PROGRAMEN ESPEZIFIKAZIOA 2.1. Asertzioak: egoera-multzoak adierazteko formulak. 2.2. Aurre-ondoetako espezifikazio formala. - 1 - 2.1. Asertzioak: egoera-multzoak adierazteko formulak. Programa baten
Διαβάστε περισσότεραMOTOR ASINKRONOAK TRIFASIKOAK Osaera Funtzionamendua Bornen kaxa: Konexio motak (Izar moduan edo triangelu moduan):...
Makina Elektrikoak MAKINA ELEKTRIKOAK... 3 Motak:... 3 Henry-Faradayren legea... 3 ALTERNADOREA:... 6 DINAMOA:... 7 Ariketak generadoreak (2010eko selektibitatekoa):... 8 TRANSFORMADOREAK:... 9 Ikurrak...
Διαβάστε περισσότεραSolido zurruna 2: dinamika eta estatika
Solido zurruna 2: dinamika eta estatika Gaien Aurkibidea 1 Solido zurrunaren dinamikaren ekuazioak 1 1.1 Masa-zentroarekiko ekuazioak.................... 3 2 Solido zurrunaren biraketaren dinamika 4 2.1
Διαβάστε περισσότεραMagnetismoa. Ferromagnetikoak... 7 Paramagnetikoak... 7 Diamagnetikoak Elektroimana... 8 Unitate magnetikoak... 9
Magnetismoa manak eta imanen teoriak... 2 manaren definizioa:... 2 manen arteko interakzioak (elkarrekintzak)... 4 manen teoria molekularra... 4 man artifizialak... 6 Material ferromagnetikoak, paramagnetikoak
Διαβάστε περισσότερα3. KOADERNOA: Aldagai anitzeko funtzioak. Eugenio Mijangos
3. KOADERNOA: Aldagai anitzeko funtzioak Eugenio Mijangos 3. KOADERNOA: ALDAGAI ANITZEKO FUNTZIOAK Eugenio Mijangos Matematika Aplikatua, Estatistika eta Ikerkuntza Operatiboa Saila Zientzia eta Teknologia
Διαβάστε περισσότεραUNIBERTSITATERA SARTZEKO HAUTAPROBAK ATOMOAREN EGITURA ETA SISTEMA PERIODIKOA. LOTURA KIMIKOA
UNIBERTSITATERA SARTZEKO HAUTAPROBAK ATOMOAREN EGITURA ETA SISTEMA PERIODIKOA. LOTURA KIMIKOA 1. (98 Ekaina) Demagun Cl - eta K + ioiak. a) Beraien konfigurazio elektronikoak idatz itzazu, eta elektroi
Διαβάστε περισσότεραEmaitzak: a) 0,148 mol; 6,35 atm; b) 0,35; 0,32; 0,32; 2,2 atm; 2,03 atm; 2.03 atm c) 1,86; 0,043
KIMIKA OREKA KIMIKOA UZTAILA 2017 AP1 Emaitzak: a) 0,618; b) 0,029; 1,2 EKAINA 2017 AP1 Emaitzak:a) 0,165; 0,165; 1,17 mol b) 50 c) 8,89 atm UZTAILA 2016 BP1 Emaitzak: a) 0,148 mol; 6,35 atm; b) 0,35;
Διαβάστε περισσότεραPoisson prozesuak eta loturiko banaketak
Gizapedia Poisson banaketa Poisson banaketak epe batean (minutu batean, ordu batean, egun batean) gertaera puntualen kopuru bat (matxura kopurua, istripu kopurua, igarotzen den ibilgailu kopurua, webgune
Διαβάστε περισσότεραProiektuaren bultzatzaileak. Laguntzaileak. Hizkuntza-koordinazioa
MEKANIZAZIO BIDEZKO PRODUKZIOA Neurtzeko tresnak eta teknikak LANBIDE EKIMENA Proiektuaren bultzatzaileak Laguntzaileak Hizkuntza-koordinazioa Egilea(k): TOMAS AGIRRE: Neurtzeko tresnak eta teknikak,
Διαβάστε περισσότεραAntzekotasuna. Helburuak. Hasi baino lehen. 1.Antzekotasuna...orria 92 Antzeko figurak Talesen teorema Antzeko triangeluak
6 Antzekotasuna Helburuak Hamabostaldi honetan haue ikasiko duzu: Antzeko figurak ezagutzen eta marrazten. Triangeluen antzekotasunaren irizpideak aplikatzen. Katetoaren eta altueraren teoremak erakusten
Διαβάστε περισσότερα6. Aldagai kualitatibo baten eta kuantitatibo baten arteko harremana
6. Aldagai kualitatibo baten eta kuantitatibo baten arteko harremana GAITASUNAK Gai hau bukatzerako ikaslea gai izango da: - Batezbestekoaren estimazioa biztanlerian kalkulatzeko. - Proba parametrikoak
Διαβάστε περισσότεραFISIKA ETA KIMIKA 4 DBH Higidurak
1 HASTEKO ESKEMA INTERNET Edukien eskema Erreferentzia-sistemak Posizioa Ibibidea eta lekualdaketa Higidura motak Abiadura Abiadura eta segurtasun tartea Batez besteko abiadura eta aldiuneko abiadura Higidura
Διαβάστε περισσότεραMikel Lizeaga 1 XII/12/06
0. Sarrera 1. X izpiak eta erradiazioa 2. Nukleoaren osaketa. Isotopoak 3. Nukleoaren egonkortasuna. Naturako oinarrizko interakzioak 4. Masa-defektua eta lotura-energia 5. Erradioaktibitatea 6. Zergatik
Διαβάστε περισσότερα3. K a p itu lu a. Aldagai errealek o fu n tzio errealak
3. K a p itu lu a Aldagai errealek o fu n tzio errealak 49 50 3. K AP IT U L U A AL D AG AI E R R E AL E K O F U N T Z IO E R R E AL AK UEP D o n o stia M ate m atik a A p lik atu a S aila 3.1. ARAZOAREN
Διαβάστε περισσότερα4. GAIA MASAREN IRAUPENAREN LEGEA: MASA BALANTZEAK
4. GAIA MASAREN IRAUPENAREN LEGEA: MASA BALANTZEAK GAI HAU IKASTEAN GAITASUN HAUEK LORTU BEHARKO DITUZU:. Sistema ireki eta itxien artea bereiztea. 2. Masa balantze sinpleak egitea.. Taula estekiometrikoa
Διαβάστε περισσότερα2011 Kimikako Euskal Olinpiada
2011 Kimikako Euskal Olinpiada ARAUAK (Arretaz irakurri): Zuzena den erantzunaren inguruan zirkunferentzia bat egin. Ordu bete eta erdiko denbora epean ahalik eta erantzun zuzen gehien eman behar dituzu
Διαβάστε περισσότεραINDUSTRI TEKNOLOGIA I, ENERGIA ARIKETAK
INDUSTRI TEKNOLOGIA I, ENERGIA ARIKETAK 1.-100 m 3 aire 33 Km/ordu-ko abiaduran mugitzen ari dira. Zenbateko energia zinetikoa dute? Datua: ρ airea = 1.225 Kg/m 3 2.-Zentral hidroelektriko batean ur Hm
Διαβάστε περισσότεραLAUGARREN MULTZOA: EREMU EFEKTUKO TRANSISTOREA
LAUGARREN MULZOA: EREMU EFEKUKO RANSSOREA 15. EREMU EFEKUKO RANSSOREAK : SALKAPENA EA MOSFEA 59 15.1 MOSFE transistorearen oinarria: MOS egitura 61 15.1.1 Metal-Oxido-Erdieroale egitura orekan 61 15.1.
Διαβάστε περισσότερα1. Aldagaiak. 0. Sarrera. Naturan dauden ezaugarriak neurtzen baditugu, zenbakiengatik ordezka ditzakegu. Horrela sor ditzakegu:
Bioestatistika eta Demografía (. edizioa):. Aldagaiak. Xabier Zupiria 7. Debekatua fotokopiak egitea. Aldagaiak. GAITASUNAK Gai hau bukatzerako ikaslea gai izango da: - Aldagai ezberdinak ezberdintzeko:
Διαβάστε περισσότερα4. Hipotesiak eta kontraste probak.
1 4. Hipotesiak eta kontraste probak. GAITASUNAK Gai hau bukatzerako ikaslea gai izango da ikerketa baten: - Helburua adierazteko. - Hipotesia adierazteko - Hipotesi nulua adierazteko - Hipotesi nulu estatistikoa
Διαβάστε περισσότερα1. MATERIALEN EZAUGARRIAK
1. MATERIALEN EZAUGARRIAK Materialek dituzten ezaugarri kimiko, fisiko eta mekanikoek oso eragin handia dute edozein soldadura-lanetan. Hori guztia, hainbat prozesu erabiliz, metal desberdinen soldadura
Διαβάστε περισσότεραELEKTROKARDIOGRAFO BATEN DISEINU ETA ERAIKUNTZA
Informatika Fakultatea / Facultad de Informática ELEKTROKARDIOGRAFO BATEN DISEINU ETA ERAIKUNTZA Ikaslea: Hurko Mendiguren Quevedo Zuzendaria: Txelo Ruiz Vázquez Karrera Amaierako Proiektua, 2013-ekaina
Διαβάστε περισσότεραOxidazio-erredukzio erreakzioak
Oxidazio-erredukzio erreakzioak Lan hau Creative Commons-en Nazioarteko 3.0 lizentziaren mendeko Azterketa-Ez komertzial-partekatu lizentziaren mende dago. Lizentzia horren kopia ikusteko, sartu http://creativecommons.org/licenses/by-ncsa/3.0/es/
Διαβάστε περισσότεραLANBIDE EKIMENA. Proiektuaren bultzatzaileak. Laguntzaileak. Hizkuntz koordinazioa
Analisia eta Kontrola Materialak eta entsegu fisikoak LANBIDE EKIMENA LANBIDE EKIMENA LANBIDE EKIMENA Proiektuaren bultzatzaileak Laguntzaileak Hizkuntz koordinazioa Egilea(k): HOSTEINS UNZUETA, Ana Zuzenketak:
Διαβάστε περισσότεραAntzekotasuna ANTZEKOTASUNA ANTZEKOTASUN- ARRAZOIA TALESEN TEOREMA TRIANGELUEN ANTZEKOTASUN-IRIZPIDEAK BIGARREN IRIZPIDEA. a b c
ntzekotasuna NTZEKOTSUN IRUI NTZEKOK NTZEKOTSUN- RRZOI NTZEKO IRUIK EGITE TLESEN TEOREM TRINGELUEN NTZEKOTSUN-IRIZPIEK LEHEN IRIZPIE $ = $' ; $ = $' IGRREN IRIZPIE a b c = = a' b' c' HIRUGRREN IRIZPIE
Διαβάστε περισσότεραBilboko Ingeniarien Goi Eskolan ematen den ikasgaiaren apunteak.
2006-2007 kurtsoa Seinale eta Sistemak I Bilboko Ingeniarien Goi Eskolan ematen den ikasgaiaren apunteak. Joseba Imanol Madariaga Longarai 2000-2006 Apunte hauek kopiatu, banatu eta aldatu ditzakezu ohar
Διαβάστε περισσότερα1.1. Aire konprimituzko teknikaren aurrerapenak
1.- SARRERA 1.1. Aire konprimituzko teknikaren aurrerapenak Aire konprimitua pertsonak ezagutzen duen energia-era zaharrenetarikoa da. Seguru dakigunez, KTESIBIOS grekoak duela 2.000 urte edo gehiago katapulta
Διαβάστε περισσότεραARIKETAK (I) : KONPOSATU ORGANIKOEN LOTURAK [1 5. IKASGAIAK]
Arikk-I (1-5 Ikasgaiak) 1 ARIKETAK (I) : KPSATU RGAIKE LTURAK [1 5. IKASGAIAK] 1.- 3 6 formula molekularreko 8 egitur-formula marraztu. 2.- Azido bentzoiko solidoararen disolbagarritasuna urn honako hau
Διαβάστε περισσότερα0.Gaia: Fisikarako sarrera. ARIKETAK
1. Zein da A gorputzaren gainean egin behar dugun indarraren balioa pausagunean dagoen B-gorputza eskuinalderantz 2 m desplazatzeko 4 s-tan. Kalkula itzazu 1 eta 2 soken tentsioak. (Iturria: IES Nicolas
Διαβάστε περισσότεραESTATISTIKA ETA DATUEN ANALISIA. Azterketa ebatziak ikasturtea Donostiako Ekonomia eta Enpresa Fakultatea. EHU
ESTATISTIKA ETA DATUEN ANALISIA Azterketa ebatziak. 2018-2019 ikasturtea Donostiako Ekonomia eta Enpresa Fakultatea. EHU Egilea eta irakasgaiaren irakaslea: Josemari Sarasola Gizapedia gizapedia.hirusta.io
Διαβάστε περισσότεραEGITURAREN ANALISIA ETA SINTESIA. KONTZEPTU OROKORRAK
1. GAIA 1.1 1.2 1.3 1.4 1.5 1.6 1.7 1.8 1.9 1.10 EGITURAREN ANALISIA ETA SINTESIA. KONTZEPTU OROKORRAK Definizioak 1.1.1 MakinaetaMekanismoa 1.1.2 MailaedoElementua 1.1.3 PareZinematikoa 1.1.4 KateZinematikoa
Διαβάστε περισσότεραEUSKARA ERREKTOREORDETZAREN SARE ARGITALPENA
EUSKARA ERREKTOREORDETZAREN SARE ARGITALPENA 1.1. Topologia.. 1.. Aldagai anitzeko funtzio errealak. Definizioa. Adierazpen grafikoa... 5 1.3. Limitea. 6 1.4. Jarraitutasuna.. 9 11 14.1. Lehen mailako
Διαβάστε περισσότεραGIZA GIZARTE ZIENTZIEI APLIKATUTAKO MATEMATIKA I BINOMIALA ETA NORMALA 1
BINOMIALA ETA NORMALA 1 PROBABILITATEA Maiztasu erlatiboa: fr i = f i haditze bada, maiztasuak egokortzera joko dira, p zebaki batera hurbilduz. Probabilitatea p zebakia da. Probabilitateak maiztasue idealizazioak
Διαβάστε περισσότερα