19 ΙΟΥΝΙΟΥ 2019 Ἁγίου Ἀποστόλου Ἰούδα τοῦ Ἀδελφοθέου. ΕΙΣ ΤΟΝ ΟΡΘΡΟΝ Μετὰ τὸν Ἑξάψαλµον... Συναπτὴ µεγάλη καὶ ἡ Ἐκφώνησις Ὅτι πρέπει σοι πᾶσα δόξα... Ἦχος α Ἀµήν. Θεὸς Κύριος, καὶ ἐπέφανεν ἡµῖν, εὐλογηµένος ὁ ἐρχόµενος ἐν ὀνόµατι Κυρίου. Στίχ, α'. Ἐξοµολογεῖσθε τῷ Κυρίῳ, καὶ ἐπικαλεῖσθε τὸ ὄνοµα τὸ ἅγιον αὐτοῦ. Θεὸς Κύριος, καὶ ἐπέφανεν ἡµῖν... Στίχ, β'. Πάντα τὰ ἔθνη ἐκύκλωσάν µε, καὶ τῷ ὀνόµατι Κυρίου ἠµυνάµην αὐτούς. Θεὸς Κύριος, καὶ ἐπέφανεν ἡµῖν... Στίχ, γ'. Παρὰ Κυρίου ἐγένετο αὕτη, καὶ ἔστι θαυµαστὴ ἐν ὀφθαλµοῖς ἡµῶν. Θεὸς Κύριος, καὶ ἐπέφανεν ἡµῖν... Ἦχος α Τὸν τάφον Σου Σωτήρ (Ἐκ τοῦ Πα, διὰ τὸ εἶναι Ἀπολυτίκιον καὶ οὐχὶ Κάθισµα). Χριστοῦ σε συγγενῆ, ὦ Ἰούδα εἰδότες, καὶ Μάρτυρα στεῤῥὸν, ἱερῶς εὐφηµοῦµεν, τὴν πλάνην πατήσαντα, καὶ τὴν πίστιν τηρήσαντα ὅθεν σήµερον, τὴν παναγίαν σου µνήµην, ἑορτάζοντες, ἁµαρτηµάτων τὴν λύσιν, εὐχαῖς σου λαµβάνοµεν. Δόξα Πατρί...ἕτερον Ἦχος γ Ἀπόστολε Ἅγιε Ἰούδα, πρέσβευε τῷ ἐλεήµονι Θεῷ, ἵνα πταισµάτων ἄφεσιν παράσχῃ ταῖς ψυχαῖς ἡµῶν. Καὶ νῦν... τῆς Ἑορτῆς Ἦχος πλ. δ Εὐλογητὸς εἶ, Χριστὲ ὁ Θεὸς ἡµῶν, ὁ πανσόφους τοὺς ἁλιεῖς ἀναδείξας, καταπέµψας αὐτοῖς τὸ Πνεῦµα τὸ ἅγιον, καὶ δι' αὐτῶν τὴν οἰκουµένην σαγηνεύσας, φιλάνθρωπε, δόξα σοι. Συναπτὴ µικρὰ µεθ' ἣν Ἐκφώνησις Ὅτι σὸν τὸ κράτος... Καθίσµατα Μετὰ τὴν α Στιχολογίαν Ἦχος α. Τὸν τάφον σου Σωτήρ. Ἰούδα Μαθητὰ, τοῦ Χριστοῦ θεηγόρε, τὴν τούτου µυηθεὶς, συγκατάβασιν ἄκραν, τοῖς πᾶσιν ἀνεκήρυξας, σωτηρίας τὰ ῥήµατα, θείου Πνεύµατος, ἐνδεδυµένος τὴν χάριν διὰ τοῦτό σε, χρεωστικῶς εὐφηµοῦµεν, Ἀπόστολε ἔνδοξε. 1
Δόξα Πατρί...Καὶ νῦν...ὅµοιον τῆς Ἑορτῆς Ἰδοὺ προφητικαί, περαιοῦνται προρρήσεις ὁ τούτους γὰρ αὐγαῖς, ἀµυδραῖς ἐκκαλύψας µελλόντων τὴν δήλωσιν, ὡς Θεὸς ὁ Παράκλητος, νῦν ἐκκέχυται, τοῖς Ἀποστόλοις πλουσίως, διὰ τούτων δέ, καὶ τοῖς πιστῶς προσκυνοῦσι, Τριάδα τὴν ἄκτιστον. Μετὰ τὴν β Στιχολογίαν, Κάθισµα. Ἦχος πλ.α Τὸν συνάναρχον λόγον Ἀδελφὸς κατὰ σάρκα Χριστοῦ γενόµενος, καὶ Ἀπόστολος τούτου καὶ ὑπηρέτης σοφὸς, ἀνεδείχθης ἀληθῶς Ἰούδα ἔνδοξε, καὶ ἀνεκήρυξας σαφῶς, τὸ Εὐαγγέλιον Αὐτοῦ, δυνάµει τοῦ Παρακλήτου διὸ σὲ ὑµνολογοῦµεν, ὡς ἡµῶν πρέσβυν πρὸς τὸν Κύριον. Δόξα Πατρί...Καὶ νῦν... ὅµοιον τῆς Ἑορτῆς Ἡ τοῦ Πνεύµατος αἴγλη τοὺς Ἀποστόλους σου, ἐµφορήσασα Σῶτερ, φωστῆρας ἔδειξε, τὴν τῶν αἱρέσεων ἀχλύν, ἀποδιώκοντας, ἀπὸ τῆς γῆς, καὶ τῶν πιστῶν, καταφωτίζοντας ψυχάς, λατρεύειν σου τὸν Πατέρα, καὶ τὸ πανάγιον Πνεῦµα τὸ ἁγιάζον τοὺς προσκυνοῦντάς σε. Μετὰ τὸν Πολυέλεον Κάθισµα. Ἦχος α Τὸν τάφον σου Σωτήρ. Ἀπόστολε Χριστοῦ, Μαθητὰ καὶ θεόπτα, Ἰούδα Ἀθλητὰ, ἀδελφὲ τοῦ Κυρίου, τοὺς πίστει ἑορτάζοντας, τὸ σεπτόν σου µαρτύριον, ἐλευθέρωσον, ἀσθενειῶν καὶ πταισµάτων, ταῖς πρεσβείαις σου, παῤῥησίαν ὡς ἔχων, µεγίστην πρὸς Κύριον. Δόξα Πατρί... Καὶ νῦν. Ὅµοιον τῆς Ἑορτῆς Χριστοῦ τοὺς Μαθητάς, ἡ τοῦ Πνεύµατος χάρις, φρικτῶς ἐξ οὐρανοῦ, κατελθοῦσα ἐν εἴδει, πυρός, κατεφώτισε, καὶ φωστῆρας ἀνέδειξε, καταγγέλλοντας, τῇν τῆς ἁγίας Τριάδος, µίαν δύναµιν, καὶ κυριότητα µίαν, ἣν πίστει δοξάζοµεν. Τὸ α Ἀντίφωνον τοῦ δ' Ἤχου. Ἐκ νεότητός µου πολλὰ πολεµεῖ µε πάθη, ἀλλ' αὐτὸς ἀντιλαβοῦ, καὶ σῶσον Σωτήρ µου. Ἐκ νεότητός µου πολλὰ πολεµεῖ µε πάθη, ἀλλ' αὐτὸς ἀντιλαβοῦ, καὶ σῶσον Σωτήρ µου. Οἱ µισοῦντες Σιών, αἰσχύνθητε ἀπὸ τοῦ Κυρίου, ὡς χόρτος γάρ, πυρὶ ἔσεσθε ἀπεξηραµµένοι. Οἱ µισοῦντες Σιών, αἰσχύνθητε ἀπὸ τοῦ Κυρίου, ὡς χόρτος γάρ, πυρὶ ἔσεσθε ἀπεξηραµµένοι. Δόξα Πατρὶ... Ἁγίῳ Πνεύµατι, πᾶσα ψυχὴ ζωοῦται, καὶ καθάρσει ὑψοῦται λαµπρύνεται, τῇ τριαδικῇ Μονάδι ἱεροκρυφίως. 2
Καὶ νῦν... Ἁγίῳ Πνεύµατι, ἀναβλύζει τὰ τῆς χάριτος ῥεῖθρα, ἀρδεύοντα, ἅπασαν τὴν κτίσιν πρὸς ζωογονίαν. Προκείµενον Ἦχος δ' Εἰς πᾶσαν τὴν γῆν ἐξῆλθεν ὁ φθόγγος αὐτοῦ καὶ εἰς τὰ πέρατα τῆς οἰκουµένης τὰ ῥήµατα αὐτοῦ. Εἰς πᾶσαν τὴν γῆν... Στίχ. Οἱ οὐρανοὶ διηγοῦνται δόξαν Θεοῦ ποίησιν δὲ χειρῶν αὐτοῦ ἀναγγέλλει τὸ στερέωµα. Εἰς πᾶσαν τὴν γῆν ἐξῆλθεν ὁ φθόγγος αὐτοῦ καὶ εἰς τὰ πέρατα τῆς οἰκουµένης τὰ ῥήµατα αὐτοῦ. Τάξις Εὐαγγελίου τοῦ Ὄρθρου ὁ Διάκονος: Τοῦ Κυρίου δεηθῶµεν. Κύριε ἐλέησον ὁ Ἱερεὺς: Ὅτι Ἅγιος εἶ ὁ Θεὸς ἡµῶν, καὶ ἐν ἁγίοις ἐπαναπαύῃ... Ἀµήν. Πᾶσα πνοὴ αἰνεσάτω τὸν Κύριον. Πᾶσα πνοὴ αἰνεσάτω τὸν Κύριον. Αἰνεσάτω πνοὴ πᾶσα τὸν Κύριον. ὁ Διάκονος: Καὶ ὑπέρ τοῦ καταξιωθῆναι ἡµᾶς... Κύριε, ἐλέησον (γ'). ὁ Διάκονος: Σοφία. Ὀρθοί, ἀκούσωµεν τοῦ ἁγίου Εὐαγγελίου. Ἱερεὺς: Εἰρήνη πᾶσι. ὁ β Χορὸς Καὶ τῷ Πνεύµατί σου. ὁἱερεὺς: Ἐκ τοῦ κατὰ Λουκᾶν ἁγίου Εὐαγγελίου τὸ ἀνάγνωσµα. ὁ Διάκονος: Πρόσχωµεν. Δόξα Σοι Κύριε, δόξα Σοι. ὁ Ἱερεύς: (ι 16 21) Εἶπεν ὁ Κύριος τοῖς ἑαυτοῦ Μαθηταῖς Ὁ ἀκούων ὑµῶν ἐµοῦ ἀκούει, καὶ ὁ ἀθετῶν ὑµᾶς ἐµὲ ἀθετεῖ ὁ δὲ ἐµὲ ἀθετῶν ἀθετεῖ τὸν ἀποστείλαντά µε. Ὑπέστρεψαν δὲ οἱ ἑβδοµήκοντα µετὰ χαρᾶς λέγοντες Κύριε, καὶ τὰ δαιµόνια ὑποτάσσεται ἡµῖν ἐν τῷ ὀνόµατί σου. Εἶπε δὲ αὐτοῖς Ἐθεώρουν τὸν σατανᾶν ὡς ἀστραπὴν ἐκ τοῦ οὐρανοῦ πεσόντα. Ἰδοὺ δίδωµι ὑµῖν τὴν ἐξουσίαν τοῦ πατεῖν ἐπάνω ὄφεων καὶ σκορπίων καὶ ἐπὶ πᾶσαν τὴν δύναµιν τοῦ ἐχθροῦ, καὶ οὐδὲν ὑµᾶς οὐ µὴ ἀδικήσῃ. Πλὴν ἐν τούτῳ 3
µὴ χαίρετε, ὅτι τὰ πνεύµατα ὑµῖν ὑποτάσσεται χαίρετε δὲ ὅτι τὰ ὀνόµατα ὑµῶν ἐγράφη ἐν τοῖς οὐρανοῖς. Ἐν αὐτῇ τῇ ὥρᾳ ἠγαλλιάσατο τῷ πνεύµατι ὁ Ἰησοῦς καὶ εἶπεν Ἐξοµολογοῦµαί σοι, πάτερ, κύριε τοῦ οὐρανοῦ καὶ τῆς γῆς, ὅτι ἀπέκρυψας ταῦτα ἀπὸ σοφῶν καὶ συνετῶν, καὶ ἀπεκάλυψας αὐτὰ νηπίοις ναί, ὁ πατήρ, ὅτι οὕτως ἐγένετο εὐδοκία ἔµπροσθέν σου. Δόξα Σοι Κύριε, δόξα Σοι. Ὁ Ν ψαλµὸς χῦµα Δόξα Πατρί... Ἦχος β Ταῖς τοῦ Ἀποστόλου, πρεσβείαις Ἐλεῆµον, ἐξάλειψον τὰ πλήθη, τῶν ἐµῶν ἐγκληµάτων. Καὶ νῦν... Ταῖς τῆς Θεοτόκου πρεσβείαις Ἐλεῆµον, ἐξάλειψον τὰ πλήθη, τῶν ἐµῶν ἐγκληµάτων. Πεντηκοστάριον. Ἦχος πλ.α Στίχ. Ἐλέησόν µε, ὁ Θεός, κατὰ τὸ µέγα ἔλεός σου, καὶ κατὰ τὸ πλῆθος τῶν οἰκτιρµῶν σου ἐξάλειψον τὸ ἀνόµηµά µου. Παρεστηκὼς τῷ θρόνῳ τοῦ Δεσπότου Χριστοῦ, καὶ παῤῥησίας τυγχάνων πρὸς αὐτὸν, διὰ τὴν συγγενῆ οἰκειότητα, µὴ παύσῃ ἀεὶ δεόµενος, ὑπὲρ ἡµῶν Ἰούδα, καὶ νῦν, καὶ ὅταν καθίσης ἐπὶ θρόνον, σὺν λοιποῖς Ἀποστόλοις, κρίναι τὰς δώδεκα φυλὰς τοῦ Ἰσραήλ. Σῶσον ὁ Θεὸς τὸν λαὸν σου...ἐλέει καὶ οἰκτιρµοῖς... Κοντάκιον. Ἦχος α Χορὸς Ἀγγελικὸς Ἐκ ῥίζης εὐκλεοῦς,θεοδώρητον κλῆµα, ἀνέτειλας ἡµῖν, τοῦ Κυρίου αὐτόπτα, Ἀπόστολε θεάδελφε, τοῦ Χριστοῦ κήρυξ πάνσοφε, τρέφων ἅπαντα, κόσµον καρποῖς σου τῶν λόγων, τὴν ὀρθόδοξον, πίστιν Κυρίου διδάσκων, ὡς µύστης τῆς χάριτος. Σ υ ν α ξ ά ρ ι ο ν Τῇ ΙΘ τοῦ αὐτοῦ µηνὸς, µνήµη τοῦ Ἁγίου Ἀποστόλου Ἰούδα. Τῇ αὐτῇ ἡµέρᾳ, µνήµη τοῦ ἁγίου µάρτυρος Ζωσίµου. Τῇ αὐτῇ ἡµέρᾳ, Μνήµῃ τοῦ Ὁσίου Πατρὸς ἡµῶν Ζήνωνος. Τῇ αὐτῇ ἡµέρᾳ, Μνήµῃ τοῦ Ὁσίου Παϊσίου τοῦ Μεγάλου. Τῇ αὐτῇ ἡµέρᾳ, Μνήµη τοῦ Ἁγίου Ἱεροµάρτυρος Ἀσυγκρίτου, µαχαίρᾳ τελειωθέντος. Τῇ αὐτῇ ἡµέρᾳ, Μνήµῃ τοῦ Ὁσίου Βαρλαὰµ τοῦ Ῥώσσου. Τῇ αὐτῇ ἡµέρᾳ, Μνήµῃ τοῦ Ἁγίου Μάρτυρος Φήλικος. Ταῖς αὐτῶν ἁγίαις πρεσβείαις, ὁ Θεός, ἐλέησον καὶ σῶσον ἡµᾶς. Ἀµήν. 4
ΚΑΤΑΒΑΣΙΑΙ Ἦχος δ Θείῳ καλυφθεὶς ὁ βραδύγλωσσος γνόφῳ. Ἐῤῥητόρευσε τὸν θεόγραφον νόµον Ἰλὺν γὰρ ἐκτινάξας ὄµµατος νόου, Ὁρᾷ τὸν ὄντα, καὶ µυεῖται Πνεύµατος Γνῶσιν, γεραίρων ἐνθέοις τοῖς ᾄσµασιν. Ἔῤῥηξε γαστρὸς ἠτεκνωµένης πέδας, Ὕβριν τε δυσκάθεκτον εὐτεκνουµένης, Μόνη προσευχὴ τῆς Προφήτιδος πάλαι Ἄννης, φερούσης πνεῦµα συντετριµµένον, Πρὸς τὸν δυνάστην.....καὶ Θεὸν τῶν γνώσεων. Ἄναξ ἀνάκτων, οἷος ἐξ οἵου µόνος, Λόγος προελθών, Πατρὸς ἐξ ἀναιτίου. Ἰσοσθενές σου Πνεῦµα τοῖς Ἀποστόλοις, Νηµερτὲς ἐξέπεµψας ὡς εὐεργέτης, ᾌδουσι,δόξα τῷ κράτει σου, Κύριε. Λυτήριον κάθαρσιν ἀµπλακηµάτων, Πυρίπνοον δέξασθε Πνεύµατος δρόσον, Ὢ τέκνα φωτόµορφα τῆς Ἐκκλησίας, Νῦν ἐκ Σιὼν γὰρ ἐξελήλυθε νόµος, Ἡ γλωσσοπυρσόµορφος πνεύµατος χάρις Στίχ. Αἰνοῦµεν, εὐλογοῦµεν, προσκυνοῦµεν τὸν Κύριον Λύει τὰ δεσµὰ καὶ δροσίζει τὴν φλόγα, Ὁ τρισσοφεγγὴς τῆς θεαρχίας τύπος, Ὑµνοῦσι Παῖδες, εὐλογεῖ δὲ τὸν µόνον, Σωτῆρα καὶ παντουργόν, ὡς εὐεργέτην, Ἡ δηµιουργηθεῖσα σύµπασα κτίσις. Τὴν Θεοτόκον καὶ µητέρα τοῦ φωτὸς... ΤΙΜΙΩΤΕΡΑ (Ἦχος δ ) Στίχ. Μεγαλύνει ἡ ψυχή µου τὸν Κύριον, καὶ ἠγαλλίασε τὸ πνεῦµά µου ἐπὶ τῷ Θεῷ τῷ σωτῆρί µου. Τὴν Τιµιωτέραν τῶν Χερουβείµ, καὶ ἐνδοξοτέραν ἀσυγκρίτως τῶν Σεραφείµ, τὴν ἀδιαφθόρως Θεὸν Λόγον τεκοῦσαν, τὴν ὄντως Θεοτόκον, σὲ µεγαλύνοµεν. Στίχ. Ὅτι ἐπέβλεψεν ἐπὶ τὴν ταπείνωσιν τῆς δούλης αὐτοῦ ἰδοὺ γὰρ ἀπὸ τοῦ νῦν µακαριοῦσί µε πᾶσαι αἱ γενεαί. 5
Τὴν Τιµιωτέραν... Στίχ. Ὅτι ἐποίησέ µοι µεγαλεῖα ὁ Δυνατός, καὶ ἅγιον τὸ ὄνοµα αὐτοῦ, καὶ τὸ ἔλεος αὐτοῦ εἰς γενεὰν καὶ γενεὰν τοῖς φοβουµένοις αὐτόν. Τὴν Τιµιωτέραν... Στίχ. Ἐποίησε κράτος ἐν βραχίονι αὐτοῦ, διεσκόρπισεν ὑπερηφάνους διανοίᾳ καρδίας αὐτῶν. Τὴν Τιµιωτέραν... Στίχ. Καθεῖλε δυνάστας ἀπὸ θρόνων καὶ ὕψωσε ταπεινούς, πεινῶντας ἐνέπλησεν ἀγαθῶν καὶ πλουτοῦντας ἐξαπέστειλε κενούς. Τὴν Τιµιωτέραν... Στίχ. Ἀντελάβετο Ισραὴλ παιδὸς αὐτοῦ, µνησθῆναι ἐλέους, καθὼς ἐλάλησε πρὸς τοὺς πατέρας ἡµῶν, τῷ Ἀβραὰµ καὶ τῷ σπέρµατι αὐτοῦ ἕως αἰῶνος. Τὴν Τιµιωτέραν... Καταβασία ᾠδὴ θ Χαίροις Ἄνασσα, µητροπάρθενον κλέος. Ἅπαν γὰρ εὐδίνητον εὔλαλον στόµα, Ῥητρεῦον, οὐ σθένει σε µέλπειν ἀξίως. Ἰλιγγιᾷ δὲ νοῦς ἅπας σου τὸν τόκον Νοεῖν, ὅθεν σε συµφώνως δοξάζοµεν. Συναπτὴ µικρὰ µεθ' ἣν Ἐκφώνησις Ὅτι σὲ αἰνοῦσι πᾶσαι αἱ δυνάµεις... ΕΞΑΠΟΣΤΕΙΛΑΡΙΑ Γυναῖκες ἀκουτίσθητε Ἰούδαν τὸν Ἀπόστολον, καὶ Μαθητὴν θεάδελφον, τοῦ Παντοκράτορος Λόγου, τιµήσωµεν κατὰ χρέος, σὺν τούτῳ µακαρίζοντες, Παΐσιον τὸν Ὅσιον, τῶν Ἀσκητῶν τὸ καύχηµα, τὸν Ἄγγελον ἐν ἀσκήσει, φανέντα ἐν τῇ ἐρήµῳ. τῆς Ἑορτῆς Ἦχος γ Φῶς ὁ Πατήρ, φῶς ὁ Λόγος, φῶς καὶ τὸ ἅγιον Πνεῦµα, ὅπερ ἐν γλώσσαις πυρίναις, τοῖς Ἀποστόλοις ἐπέµφθη, καὶ δι' αὐτοῦ πᾶς ὁ κόσµος φωταγωγεῖται Τριάδα σέβειν ἁγίαν. ΑΙΝΟΙ Ἦχος α Πᾶσα πνοὴ αἰνεσάτω τὸν Κύριον. Αἰνεῖτε τὸν Κύριον ἐκ τῶν οὐρανῶν αἰνεῖτε αὐτὸν ἐν τοῖς ὑψίστοις. Σοὶ πρέπει ὕµνος τῷ Θεῷ. 6
Αἰνεῖτε αὐτόν, πάντες οἱ Ἄγγελοι αὐτοῦ αἰνεῖτε αὐτόν, πᾶσαι αἱ δυνάµεις αὐτοῦ. Σοὶ πρέπει ὕµνος τῷ Θεῷ. Στιχηρὰ προσόµοια τοῦ Στίχ. Αἰνεῖτε αὐτὸν ἐπὶ ταῖς δυναστείαις αὐτοῦ, αἰνεῖτε αὐτὸν κατὰ τὸ πλῆθος τῆς µεγαλωσύνης αὐτοῦ. Τῶν οὐρανίων ταγµάτων Ἀσµατικοῖς ἐγκωµίοις τὸν ἀδελφὸν τοῦ Χριστοῦ, αἰνέσωµεν συµφώνως, φιλεόρτων οἱ δῆµοι, Ἰούδαν τὸν Ἀπόστολον Μαθητὴν, Ἀθλητήν τε λαµπρότατον οὗτος πρεσβεύει ἀεὶ γὰρ ὑπὲρ ἡµῶν, τῶν πιστῶς τιµώντων τὴν µνήµην αὐτοῦ. Στίχ. Αἰνεῖτε αὐτὸν ἐν ἤχῳ, σάλπιγγος, αἰνεῖτε αὐτὸν ἐν ψαλτηρίῳ καὶ κιθάρᾳ. Τῶν χριστωνύµων τὰ πλήθη νῦν ἱερὰν ἑορτὴν, χαρµονικῶς τελοῦντες, ἀλαλάξωµεν πάντες, πιστῶς ἀνευφηµοῦντες ψαλµοῖς καὶ ᾠδαῖς, τὸν Ἰούδαν τὸν Μάρτυρα, καὶ συγγενῆ τοῦ Κυρίου, ὅστις Αὐτὸν, ἱκετεύει τοῦ σωθῆναι ἡµᾶς. Στίχ. Αἰνεῖτε αὐτὸν ἐν τυµπάνῳ καὶ χορῷ, αἰνεῖτε αὐτὸν ἐν χορδαῖς καὶ ὀργάνῳ. Τὸν Μαθητὴν τοῦ Κυρίου Ἰούδαν µέλψωµεν ὅτι τοῦ Παρακλήξτου, δεδεγµένος τὴν χάριν, ἐξέλµψε τῷ κόσµῳ οἷα περ φῶς, τῷ ἁγίῳ κηρύγµατι, καὶ τοὺς ἐν σκότει τῆς πλάνης χειραγωγεῖ, πρὸς ἐπίγνωσιν τῆς πίστεως. Στίχ. Αἰνεῖτε αὐτὸν ἐν κυµβάλοις εὐήχοις, αἰνεῖτε αὐτὸν ἐν κυµβάλοις ἀλαλαγµοῦ. Πᾶσα πνοὴ αἰνεσάτω τὸν Κύριον. Ὡς ἀδελφὸν σε κληθέντα, καὶ νοµιζόµενον, τοῦ ἐκ Παρθένου Κόρης, σαρκωθέντος Κυρίου, Ἰούδα θεηγόρε καὶ Μαθητὴν, καὶ Ἀπόστολον ἔνθεον, τῆς σωµατώσεως τούτου τῆς ὑπὲρ νοῦν, κατὰ χρέος σε γεραίροµεν. Δόξα Πατρί... Ἦχος β Τῆς Ὑπερθέου Τριάδος, πεπληρωµένος µυστικῶς, Εὐαγγελίου ἐργάτης ὤφθης, καὶ ὑποφήτης θεοειδὴς, Ἀπόστολε Ἰούδα, αὐτόπτα καὶ Μαθητὰ τοῦ Χριστοῦ. Σὺ γὰρ, Ἀποστολικῷ διαπρέψας ἀξιώµατι, πολλὰ ἔθνη προσῆξας Κυρίῳ, τοῖς λόγοις σου τὸ δὲ εὐαγγελικὸν ἔργον διανύσας, τοῦ Παρακλήτου ὄργανον πέφηνας, λαῶν Ἀσίας φωτίζων τὴν διάνοιαν, πρὸς γνῶσιν τοῦ ἀληθοῦς Θεοῦ. Ὡς οὗν ἔχω παῤῥησίαν πρὸς τὸν Ἰησοῦν, ὡς ἀδελφὸς Αὐτοῦ, πρέσβευε σωθῆναι ἡµᾶς. Καὶ νῦν...τῆς Ἑορτῆς ἦχος ὁ αὐτός Ἐν ταῖς αὐλαῖς σου ὑµνήσω σε, τὸν Σωτῆρα τοῦ κόσµου, καὶ κλίνας γόνυ προσκυνήσω σου, τῇν ἀήττητον δύναµιν, ἐν ἑσπέρᾳ, καὶ πρωΐ, καὶ µεσηµβρίᾳ, καὶ ἐν παντὶ καιρῷ εὐλογήσω σε, Κύριε. Δοξολογία Μεγάλη εἰς ἦχον β ( Ἀργή ἢ σύντοµος ) Δόξα σοι τῷ δείξαντι τὸ φῶς. Δόξα ἐν ὑψίστοις Θεῷ, καὶ ἐπὶ γῆς εἰρήνη, ἐν ἀνθρώποις εὐδοκία. 7
Ὑµνοῦµέν σε, εὐλογοῦµέν σε, προσκυνοῦµέν σε, δοξολογοῦµέν σε, εὐχαριστοῦµέν σοι, διὰ τὴν µεγάλην σου δόξαν. Κύριε βασιλεῦ, ἐπουράνιε Θεέ, Πάτερ παντοκράτορ, Κύριε Υἱὲ µονογενές, Ἰησοῦ Χριστέ, καὶ Ἅγιον Πνεῦµα. Κύριε ὁ Θεός, ὁ ἀµνὸς τοῦ Θεοῦ, ὁ Υἱὸς τοῦ Πατρός, ὁ αἴρων τὴν ἁµαρτίαν τοῦ κόσµου, ἐλέησον ἡµᾶς, ὁ αἴρων τὰς ἁµαρτίας τοῦ κόσµου. Πρόσδεξαι τὴν δέησιν ἡµῶν, ὁ καθήµενος ἐν δεξιᾷ τοῦ Πατρός, καὶ ἐλέησον ἡµᾶς. Ὅτι σὺ εἶ µόνος Ἅγιος, σὺ εἶ µόνος Κύριος, Ἰησοῦς Χριστός, εἰς δόξαν Θεοῦ Πατρός. Ἀµήν. Καθ' ἑκάστην ἡµέραν εὐλογήσω σε, καὶ αἰνέσω τὸ ὄνοµά σου εἰς τὸν αἰῶνα, καὶ εἰς τὸν αἰῶνα τοῦ αἰῶνος. Καταξίωσον, Κύριε, ἐν τῇ ἡµέρᾳ ταύτῃ, ἀναµαρτήτους φυλαχθῆναι ἡµᾶς. Εὐλογητὸς εἶ, Κύριε, ὁ Θεὸς τῶν Πατέρων ἡµῶν, καὶ αἰνετὸν καὶ δεδοξασµένον τὸ ὄνοµά σου εἰς τοὺς αἰῶνας. Ἀµήν. Γένοιτο, Κύριε, τὸ ἔλεός σου ἐφ' ἡµᾶς, καθάπερ ἠλπίσαµεν ἐπὶ σέ. Εὐλογητὸς εἶ, Κύριε, δίδαξόν µε τὰ δικαιώµατά σου. Εὐλογητὸς εἶ, Κύριε, δίδαξόν µε τὰ δικαιώµατά σου. Εὐλογητὸς εἶ, Κύριε, δίδαξόν µε τὰ δικαιώµατά σου. Κύριε, καταφυγὴ ἐγενήθης ἡµῖν, ἐν γενεᾷ καὶ γενεᾷ. Ἐγὼ εἶπα Κύριε, ἐλέησόν µε, ἴασαι τὴν ψυχήν µου, ὅτι ἥµαρτόν σοι. Κύριε, πρὸς σὲ κατέφυγον, δίδαξόν µε τοῦ ποιεῖν τὸ θέληµά σου, ὅτι σὺ εἶ ὁ Θεός µου. Ὅτι παρὰ σοὶ πηγὴ ζωῆς, ἐν τῷ φωτί σου ὀψόµεθα φῶς. Παράτεινον τὸ ἔλεός σου τοῖς γινώσκουσί σε. Ἅγιος ὁ Θεός, Ἅγιος Ἰσχυρός, Ἅγιος Ἀθάνατος, ἐλέησον ἡµᾶς. Ἅγιος ὁ Θεός, Ἅγιος Ἰσχυρός, Ἅγιος Ἀθάνατος, ἐλέησον ἡµᾶς. Ἅγιος ὁ Θεός, Ἅγιος Ἰσχυρός, Ἅγιος Ἀθάνατος, ἐλέησον ἡµᾶς. Δόξα Πατρὶ καὶ Υἱῷ καὶ ἁγίῳ Πνεύµατι 8
Καὶ νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀµήν. Ἅγιος Ἀθάνατος, ἐλέησον ἡµᾶς. καὶ πάλιν γεγονωτέρᾳ τῇ φωνῇ Ἅγιος ὁ Θεός, Ἅγιος Ἰσχυρός, Ἅγιος Ἀθάνατος, ἐλέησον ἡµᾶς. καὶ εὐθύς τὸ Ἀπολυτίκιον τῆς ἑορτῆς Ἦχος πλ. δ Εὐλογητὸς εἶ, Χριστὲ ὁ Θεὸς ἡµῶν, ὁ πανσόφους τοὺς ἁλιεῖς ἀναδείξας, καταπέµψας αὐτοῖς τὸ Πνεῦµα τὸ ἅγιον, καὶ δι' αὐτῶν τὴν οἰκουµένην σαγηνεύσας, φιλάνθρωπε, δόξα σοι. ἢ τὸ Ἀπολυτίκιον τοῦ Ἀποστόλου Ἦχος α. Τὸν τάφον Σου Σωτήρ (Ἐκ τοῦ Πα, διὰ τὸ εἶναι Ἀπολυτίκιον καὶ οὐχὶ Κάθισµα). Χριστοῦ σε συγγενῆ, ὦ Ἰούδα εἰδότες, καὶ Μάρτυρα στῤῥὸν, ἱερῶς εὐφηµοῦµεν, τὴν πλάνην πατήσαντα, καὶ τὴν πίστιν τηρήσαντα ὅθεν σήµερον, τὴν παναγίαν σου µνήµην, ἑορτάζοντες, ἁµαρτηµάτων τὴν λύσιν, εὐχαῖς σου λαµβάνοµεν. ΕΙΣ ΤΗΝ ΘΕΙΑΝ ΛΕΙΤΟΥΡΓΙΑΝ Εἰ βούλει, τὰ Τυπικά, καὶ δ ἐκ τῆς γ καὶ ς ᾠδῆς τοῦ Κανόνος τοῦ. Εἰ δὲ µὴ τὰ παρόντα τῆς Ἑορτῆς ΑΝΤΙΦΩΝΑ Ἀντίφωνον Α' Ἦχος β' Στίχ. Οἱ οὐρανοὶ διηγοῦνται δόξαν Θεοῦ, ποίησιν δὲ χειρῶν αὐτοῦ ἀναγγέλλει τὸ στερέωµα. Ταῖς πρεσβείαις τῆς Θεοτόκου, Σῶτερ, σῶσόν ἡµᾶς. Στίχ. Ἡµέρα τῇ ἡµέρᾳ ἐρεύγεται ῥῆµα καὶ νὺξ νυκτὶ ἀναγγέλλει γνῶσιν. Ταῖς πρεσβείαις τῆς Θεοτόκου... Στίχ. Οὐκ εἰσὶ λαλιαὶ οὐδὲ λόγοι ὧν οὐχὶ ἀκούονται αἱ φωναὶ αὐτῶν. Ταῖς πρεσβείαις τῆς Θεοτόκου. Στίχ. Εἰς πᾶσαν τὴν γῆν ἐξῆλθεν ὁ φθόγγος αὐτῶν, καὶ εἰς τὰ πέρατα τῆς οἰκουµένης τὰ ῥήµατα αὐτῶν. 9
Ταῖς πρεσβείαις τῆς Θεοτόκου... Δόξα Πατρὶ... Καὶ νῦν... Ταῖς πρεσβείαις τῆς Θεοτόκου... Ἀντίφωνον Β' Ἦχος ὁ αὐτὸς Στίχ. Ἐπακούσαι σου Κύριος ἐν ἡµέρᾳ θλίψεως, ὑπερασπίσαι σου τὸ ὄνοµα τοῦ Θεοῦ Ἰακώβ. Σῶσον ἡµᾶς, Παράκλητε ἀγαθέ, ψάλλοντάς σοι, Ἀλληλούϊα. Στίχ. Ἐξαποστείλαι σοι βοήθειαν ἐξ ἁγίου, καὶ ἐκ Σιὼν ἀντιλάβοιτό σου. Σῶσον ἡµᾶς, Παράκλητε ἀγαθέ... Στίχ. Μνησθείη πάσης θυσίας σου, καὶ τὸ ὁλοκαύτωµά σου πιανάτω. Σῶσον ἡµᾶς, Παράκλητε ἀγαθέ... Δόξα Πατρὶ... Καὶ νῦν καὶ ἀεὶ καὶ εἰς τοὺς αἰῶνας τῶν αἰώνων.ἀµήν. Ὁ µονογενὴς Υἱὸς καὶ Λόγος τοῦ Θεοῦ, ἀθάνατος ὑπάρχων, καὶ καταδεξάµενος, διὰ τὴν ἡµετέραν σωτηρίαν, σαρκωθῆναι ἐκ τῆς ἁγίας Θεοτόκου καὶ ἀειπαρθένου Μαρίας, ἀτρέπτως ἐνανθρωπήσας, σταυρωθείς τε, Χριστὲ ὁ Θεός, θανάτῳ θάνατον πατήσας, Εἷς ὢν τῆς ἁγίας Τριάδος, συνδοξαζόµενος τῷ Πατρὶ καὶ τῷ ἁγίῳ Πνεύµατι, σῶσον ἡµᾶς. Ἀντίφωνον Γ' Ἦχος πλ. δ' Στίχ. Κύριε, ἐν τῇ δυνάµει σου εὐφρανθήσεται ὁ Βασιλεύς, καὶ ἐπὶ τῷ σωτηρίῳ σου ἀγαλλιάσεται σφόδρα. Εὐλογητὸς εἶ, Χριστὲ ὁ Θεὸς ἡµῶν, ὁ πανσόφους τοὺς ἁλιεῖς ἀναδείξας, καταπέµψας αὐτοῖς τὸ Πνεῦµα τὸ ἅγιον, καὶ δι' αὐτῶν τὴν οἰκουµένην σαγηνεύσας, φιλάνθρωπε, δόξα σοι. Μικρὰ Εἴσοδος. Εἰσοδικὸν Ἦχος β ( ψάλλεται ὑπὸ τῶν ἱερουργούντων µόνον ὅταν τελῆται συλλείτουργον) Δεῦτε προσκυνήσωµεν καὶ προσπέσωµεν Χριστῷ, σῶσον ἡµᾶς Παράκλητε ἀγαθέ......ψάλλοντάς σοι, Ἀλληλούϊα. ( ψάλλεται ὑπὸ τῶν ἱερουργούντων µόνον ὅταν τελῆται συλλείτουργον) 10
Ἦχος πλ.δ Εὐλογητὸς εἶ, Χριστὲ ὁ Θεὸς ἡµῶν, ὁ πανσόφους τοὺς ἁλιεῖς ἀναδείξας, καταπέµψας αὐτοῖς τὸ Πνεῦµα τὸ ἅγιον, καὶ δι' αὐτῶν τὴν οἰκουµένην σαγηνεύσας, φιλάνθρωπε, δόξα σοι. Ἀπολυτίκιον τοῦ Ἀποστόλου Ἦχος α. Τὸν τάφον Σου Σωτήρ (Ἐκ τοῦ Πα, διὰ τὸ εἶναι Ἀπολυτίκιον καὶ οὐχὶ Κάθισµα). Χριστοῦ σε συγγενῆ, ὦ Ἰούδα εἰδότες, καὶ Μάρτυρα στῤῥὸν, ἱερῶς εὐφηµοῦµεν, τὴν πλάνην πατήσαντα, καὶ τὴν πίστιν τηρήσαντα ὅθεν σήµερον, τὴν παναγίαν σου µνήµην, ἑορτάζοντες, ἁµαρτηµάτων τὴν λύσιν, εὐχαῖς σου λαµβάνοµεν. Ἕτερον Ἦχος γ Ἀπόστολε Ἅγιε Ἰούδα, πρέσβευε τῷ ἐλεήµονι Θεῷ, ἵνα πταισµάτων ἄφεσιν παράσχῃ ταῖς ψυχαῖς ἡµῶν. Τοῦ Ναοῦ Κοντάκιον ( ψάλλεται ὑπὸ τῶν ἱερουργούντων µόνον ὅταν τελῆται συλλείτουργον) Ἦχος πλ. δ Ὅτε καταβὰς τὰς γλώσσας συνέχεε, διεµέριζεν ἔθνη ὁ Ὕψιστος, ὅτε τοῦ πυρὸς τὰς γλώσσας διένειµεν, εἰς ἑνότητα πάντας ἐκάλεσε, καὶ συµφώνως δοξάζοµεν τὸ πανάγιον Πνεῦµα. Τρισάγιον Ἀπόστολος τοῦ Ἀποστόλου Προκείµενον. Ἦχος πλ.δ Εἰς πᾶσαν τὴν γῆν ἐξῆλθεν ὁ φθόγγος αὐτοῦ καὶ εἰς τὰ πέρατα τῆς οἰκουµένης τὰ ῥήµατα αὐτοῦ. Στίχ. Οἱ οὐρανοὶ διηγοῦνται δόξαν Θεοῦ, ποίησιν δὲ χειρῶν αὐτοῦ ἀναγγέλλει τὸ στερέωµα. Καθολικῆς Ἐπιστολῆς Ἰούδα τὸ Ἀνάγνωσµα (α :1-25) Ιούδας, Ιησοῦ Χριστοῦ δοῦλος, ἀδελφὸς δὲ Ιακώβου, τοῖς ἐν Θεῷ Πατρὶ ἡγιασµένοις καὶ Ιησοῦ Χριστῷ τετηρηµένοις κλητοῖς ἔλεος ὑµῖν καὶ εἰρήνη καὶ ἀγάπη πληθυνθείη. Αγαπητοί, πᾶσαν σπουδὴν ποιούµενος γράφειν ὑµῖν περὶ τῆς κοινῆς σωτηρίας, ἀνάγκην ἔσχον γράψαι ὑµῖν παρακαλῶν ἐπαγωνίζεσθαι τῇ ἄπαξ παραδοθείσῃ τοῖς ἁγίοις πίστει. Παρεισέδυσαν γάρ τινες ἄνθρωποι, οἱ πάλαι προγεγραµµένοι εἰς τοῦτο τὸ κρῖµα, ἀσεβεῖς, τὴν τοῦ Θεοῦ ἡµῶν χάριν µετατιθέντες εἰς ἀσέλγειαν καὶ τὸν µόνον δεσπότην καὶ Κύριον ἡµῶν Ιησοῦν Χριστὸν ἀρνούµενοι. Υποµνῆσαι δὲ ὑµᾶς βούλοµαι, εἰδότας ὑµᾶς ἅπαξ τοῦτο, ὅτι ὁ Κύριος λαὸν ἐκ γῆς Αἰγύπτου σώσας, τὸ δεύτερον τοὺς µὴ πιστεύσαντας ἀπώλεσεν, ἀγγέλους τε τοὺς µὴ τηρήσαντας τὴν ἑαυτῶν ἀρχήν, ἀλλ ἀπολιπόντας τὸ ἴδιον οἰκητήριον εἰς κρίσιν µεγάλης ἡµέρας δεσµοῖς ἀϊδίοις ὑπὸ ζόφον τετήρηκεν ὡς Σόδοµα καὶ Γόµορρα καὶ αἱ περί αὐτὰς πόλεις τὸν ὅµοιον τούτοις τρόπον ἐκπορνεύσασαι καὶ ἀπελθοῦσαι 11
ὀπίσω σαρκὸς ἑτέρας πρόκεινται δεῖγµα, πυρὸς αἰωνίου δίκην ὑπέχουσαι. Ὁµοίως µέντοι καὶ οὗτοι ἐνυπνιαζόµενοι σάρκα µὲν µιαίνουσι, κυριότητα δὲ ἀθετοῦσι, δόξας δὲ βλασφηµοῦσιν. ὁ δὲ Μιχαὴλ ὁ ἀρχάγγελος, ὅτε τῷ διαβόλῳ διακρινόµενος διελέγετο περὶ τοῦ Μωϋσέως σώµατος, οὐκ ἐτόλµησε κρίσιν ἐπενεγκεῖν βλασφηµίας, ἀλλ εἶπεν ἐπιτιµήσαι σοι Κύριος. οὗτοι δὲ ὅσα µὲν οὐκ οἴδασι βλασφηµοῦσιν, ὅσα δὲ φυσικῶς ὡς τὰ ἄλογα ζῷα ἐπίστανται, ἐν τούτοις φθείρονται. Οὐαὶ τοῖς ἀσεβἐσιν, ὅτι τῇ ὁδῷ τοῦ Κάϊν ἐπορεύθησαν, καὶ τῇ πλάνῃ τοῦ Βαλαὰµ µισθοῦ ἐξεχύθησαν, καὶ τῇ ἀντιλογίᾳ τοῦ Κορὲ ἀπώλοντο. Οὗτοί εἰσιν ἐν ταῖς ἀγάπαις ὑµῶν σπιλάδες, συνευωχούµενοι ἀφόβως, ἑαυτοὺς ποιµαίνοντες, νεφέλαι ἄνυδροι ὑπὸ ἀνέµων παραφερόµεναι δένδρα φθινοπωρινά, ἄκαρπα, δὶς ἀποθανόντα, ἐκριζωθέντα κύµατα ἄγρια θαλάσσης ἐπαφρίζοντα τὰς ἑαυτῶν αἰσχύνας ἀστέρες πλανῆται, οἷς ὁ ζόφος τοῦ σκότους εἰς τὸν αἰῶνα τετήρηται. Προεφήτευσε δὲ καὶ τούτοις ἕβδοµος ἀπὸ Αδὰµ Ενὼχ λέγων Ἰδοὺ, ἦλθε Κύριος ἐν ἁγίαις µυριάσιν αὐτοῦ, ποιῆσαι κρίσιν κατὰ πάντων καὶ ἐλέγξαι πάντας τοὺς ἀσεβεῖς αὐτῶν περὶ πάντων τῶν ἔργων ἀσεβείας αὐτῶν ὧν ἠσέβησαν καὶ περὶ πάντων τῶν σκληρῶν ὧν ἐλάλησαν κατ αὐτοῦ ἁµαρτωλοὶ ἀσεβεῖς. Οὗτοί εἰσι γογγυσταί, µεµψίµοιροι, κατὰ τὰς ἐπιθυµίας αὐτῶν πορευόµενοι, καὶ τὸ στόµα αὐτῶν λαλεῖ ὑπέρογκα, θαυµάζοντες πρόσωπα ὠφελείας χάριν. Υµεῖς δέ, ἀγαπητοί, µνήσθητε τῶν ῥηµάτων τῶν προειρηµένων ὑπὸ τῶν Ἀποστόλων τοῦ Κυρίου ἡµῶν Ιησοῦ Χριστοῦ, ὅτι ἔλεγον ὑµῖν ὅτι ἐν ἐσχάτῳ χρόνῳ ἔσονται ἐµπαῖκται κατὰ τὰς ἑαυτῶν ἐπιθυµίας πορευόµενοι τῶν ἀσεβειῶν. Οὗτοί εἰσιν οἱ ἀποδιορίζοντες, ψυχικοί, Πνεῦµα µὴ ἔχοντες. Υµεῖς δέ, ἀγαπητοί, τῇ ἁγιωτάτῃ ὑµῶν πίστει ἐποικοδοµοῦντες ἑαυτούς, ἐν Πνεύµατι Αγίῳ προσευχόµενοι, ἑαυτοὺς ἐν ἀγάπῃ Θεοῦ τηρήσατε, προσδεχόµενοι τὸ ἔλεος τοῦ Κυρίου ἡµῶν Ιησοῦ Χριστοῦ, εἰς ζωὴν αἰώνιον. Καὶ οὓς µὲν ἐλεεῖτε διακρινόµενοι, οὓς δὲ ἐν φόβῳ σῴζετε, ἐκ τοῦ πυρὸς ἁρπάζοντες, µισοῦντες καὶ τὸν ἀπὸ τῆς σαρκὸς ἐσπιλωµένον χιτῶνα. Τῷ δὲ δυναµένῳ φυλάξαι αὐτοὺς ἀπταίστους καὶ στῆσαι κατενώπιον τῆς δόξης αὐτοῦ ἀµώµους ἐν ἀγαλλιάσει, µόνῳ σοφῷ Θεῷ καὶ Σωτῆρι ἡµῶν, δόξα καὶ µεγαλωσύνη, κράτος καὶ ἐξουσία καὶ νῦν καὶ εἰς πάντας τοὺς αἰῶνας ἀµήν. Ἦχος α Ἀλληλούϊα (γ ) Ἐξοµολογήσονται οἱ οὐρανοὶ τὰ θαυµάσιά σου. Στίχ. Ὁ Θεὸς ὁ ἐνδοξαζόµενος ἐν βουλῇ Ἁγίων. Εὐαγγέλιον ὁµοίως Ἐκ τοῦ κατὰ Ἰωάννην (ιδ 21-24) Εἶπεν ὁ Κύριος τοῖς ἑαυτοῦ Μαθηταῖς ὁ ἔχων τὰς ἐντολάς µου καὶ τηρῶν αὐτὰς, ἐκεῖνός ἐστιν ὁ ἀγαπῶν µε ὁ δὲ ἀγαπῶν µε ἀγαπηθήσεται ὑπὸ τοῦ πατρός µου, καὶ ἐγὼ ἀγαπήσω αὐτὸν καὶ ἐµφανίσω αὐτῷ ἐµαυτόν. Λέγει αὐτῷ Ἰούδας, οὐχ ὁ Ἰσκαριώτης Κύριε, καὶ τί γέγονεν ὅτι ἡµῖν µέλλεις ἐµφανίζειν σεαυτὸν καὶ οὐχὶ τῷ κόσµῳ; Ἀπεκρίθη Ἰησοῦς καὶ εἶπεν αὐτῷ Ἐάν τις ἀγαπᾷ µε, τὸν λόγον µου τηρήσει, καὶ ὁ πατήρ µου ἀγαπήσει αὐτόν, καὶ πρὸς αὐτὸν ἐλευσόµεθα καὶ µονὴν παρ' αὐτῷ ποιήσοµεν. Ὁ µὴ ἀγαπῶν µε τοὺς λόγους µου οὐ τηρεῖ καὶ ὁ λόγος ὃν ἀκούετε οὐκ ἔστιν ἐµὸς, ἀλλὰ τοῦ πέµψαντός µε πατρός. 12
Δόξα σοι Κύριε, δόξα σοι. Καὶ καθεξῆς ἡ Θεία Λειτουργία τοῦ Ἱεροῦ Χρυσοστόµου Εἰς τό Εξαιρέτως ἦχος β ( Ἀρχαία Τάξις) Ἄξιόν ἐστιν ὡς ἀληθῶς, µακαρίζειν σὲ τὴν Θεοτόκον, τὴν ἀειµακάριστον καὶ παναµώµητον καὶ µητέρα τοῦ Θεοῦ ἡµῶν. Τὴν τιµιωτέραν τῶν Χερουβεὶµ καὶ ἐνδοξοτέραν ἀσυγκρίτως τῶν Σεραφείµ, τὴν ἀδιαφθόρως Θεὸν Λόγον τεκοῦσαν, τὴν ὄντως Θεοτόκον, σὲ µεγαλύνοµεν. Κοινωνικόν Εἰς πᾶσαν τὴν γῆν ἐξῆλθεν ὁ φθόγγος αὐτοῦ, καὶ εἰς τὰ πέρατα τῆς οἰκουµένης τὰ ῥήµατα αὐτοῦ. Ἀλληλούϊα. ἦχος β Εἴδοµεν τὸ φῶς τὸ ἀληθινόν, ἐλάβοµεν Πνεῦµα ἐπουράνιον, εὕροµεν πίστιν ἀληθῆ, ἀδιαίρετον Τριάδα προσκυνοῦντες, αὕτη γὰρ ἡµᾶς ἔσωσεν. ἦχος β Εἴη τὸ ὄνοµα Κυρίου εὐλογηµένον ἀπό τοῦ νῦν καὶ ἕως τοῦ αἰῶνος. (τρίς). Ἀπόλυσις «... Ο ἐν εἴδει πυρίνων γλωσσῶν οὐρανόθεν καταπέµψας τό Πανάγιον Πνεῦµα, ἐπί τούς Αγίους Αὐτοῦ µαθητάς καί Αποστόλους, Χριστός, ὁ ἀληθινός...». Δι εὐχῶν... Ἀµήν. 13