ΑΠΟΛΥΤΙΚΙΑ ΕΟΡΤΩΝ κ ΑΓΙΩΝ

Transcript

1 1/5 Ὁ ἅγιος Προφήτης Ἱερεμίας Ἦχος α. Σῆς ἐρήμου πολίτης. Ἐκ γαστρὸς ἡγιάσθης τῇ προγνώσει τοῦ Κτίσαντος, καὶ προφητικῆς ἐπληρώθης, ἐκ σπαργάνων συνέσεως ἐθρήνησας τὴν πτῶσιν Ἰσραήλ, σοφὲ Ἱερεμία ἐν στοργῇ διὰ τοῦτο ὡς προφήτην καὶ ἀθλητήν, τιμῶμέν σε κραυγάζοντες δόξα τῷ σὲ δοξάσαντι Χριστῷ, δόξα τῷ σὲ στεφανώσαντι, δόξα τῷ χορηγοῦντι διὰ σοῦ, ἡμῖν τὰ κρείττονα. 2/5 Ἀνακομιδή λειψάνου ἁγίου Ἀθανασίου Πατριάρχου Ἀλεξανδρείας Στύλος γέγονας, ὀρθοδοξίας, θείοις δόγμασιν, ὑποστηρίζων, τὴν Ἐκκλησίαν ἱεράρχα Ἀθανάσιε τῷ γὰρ Πατρὶ τὸν Υἱὸν ὁμοούσιον, ἀνακηρύξας κατήσχυνας Ἄ- ρειον. Πάτερ ὅσιε, Χριστὸν τὸν Θεὸν ἱκέτευε, δωρήσασθαι ἡμῖν τὸ μὲγα ἔλεος. 3/5 Οἱ ἅγιοι Μάρτυρες Σιμόθεος καὶ Μαύρα Ὡς ζεῦγος ὁμόζυγον, καὶ ξυνωρὶς θαυμαστή, Τιμόθεε πάνσοφε, καὶ Μαύρα νύμφη Χριστοῦ, ἐνθέως ἠθλήσατε σύμμορφοι γὰρ ὀφθέντες, τῶν παθῶν τοῦ Κυρίου, δόξης ἀκαταλύτου, ἠξιώθητε ἄμφω, πρεσβεύοντες τῷ Σωτῆρι, ὑπὲρ τῶν ψυχῶν ἡμῶν.

2 4/5 Ἡ ἁγία Μάρτυς Πελαγία Θείας πίστεως, τῇ ἐπιγνώσει, ζόφον ἔλιπες, τῆς ἀ- γνωσίας, Πελαγία Χριστοῦ καλλιπάρθενε Οὗ τὴν ἀείζωον δρόσον πλουτήσασα, διὰ πυρὸς τὸν ἀγῶνα διήνυσας. Μάρτυς ἔνδοξε, Χριστὸν τὸν Θεὸν ἱκέτευε, δωρήσασθαι ἡμῖν τὸ μέγα ἔλεος. 5/5 Ἡ ἁγία Μεγαλομάρτυς Εἰρήνη Εἰρήνης τὸν ἄρχοντα, ἰχνηλατοῦσα σεμνή, εἰρήνης ἐπώνυμος, δι ἐπιπνοίας Θεοῦ, ἐδείχθης πανεύφημε σὺ γὰρ τοῦ πολεμίου, τὰς ἐνέδρας φυγοῦσα, ἤθλησας ὑπὲρ φύσιν, ὡς παρθένος φρονίμῃ διὸ μεγαλομάρτυς Εἰρήνη, εἰρήνην ἡμῖν αἴτησαι. 6/5 Ὁ ἅγιος καὶ Δίκαιος Ἰώβ Ἦχος α. Τὸν πλοῦτον θεωρήσας τῶν ἀρετῶν τοῦ Ἰώβ, συλῆσαι ἐμηχανᾶτο ὁ τῶν δικαίων ἐχθρός καὶ διαρρήξας τὸν πύργον τοῦ σώματος, τὸν θησαυρὸν οὐκ ἐσύλησε τὸν τοῦ πνεύματος εὗρε γὰρ ὡπλισμένην τὴν τοῦ ἀμέμπτου ψυχήν ἐμὲ δὲ καὶ γυμνώσας ἠχμαλώτευσε προφθάσας οὖν πρὸ τέλους, ρῦσαί με τοῦ δολίου Σωτήρ, καὶ σῶσόν με. 7/5 Ἡ ἐμφάνισις στόν ορανό τοῦ τιμίου ταυροῦ Ἦχος α. Τοῦ Σταυροῦ σου ὁ τύπος νῦν ὑπὲρ ἥλιον ἔλαμψεν, ὅν περ ἐξ ὅρους ἁγίου, τόπῳ Κρανίου ἐφήπλωσας, καὶ τὴν ἐν αὐτῷ σου Σῶτερ ἰσχὺν ἐτράνωσας, διὰ τούτου κρατύνας καὶ τοὺς πιστοὺς βασιλεῖς ἡμῶν οὓς καὶ περίσωζε διὰ παντὸς ἐν εἰρήνῃ, πρεσβείαις τῆς Θεοτόκου, Χριστὲ ὁ Θεός, καὶ σῶσον ἡμᾶς.

3 Α Κ Ο Λ Ο Υ Θ Ι Α Υ Ν Α Ξ Ε Ω Ν Ε Π Ε Ρ Ι Ν Ο Υ 8/5 Ὁ Ἀπόστολος καί Εαγγελιστής Ἰωάννης Ὁ Ὅσιος Ἀρσένιος ὁ Μέγας Ἦχος β. Ἀπόστολε Χριστῷ τῷ Θεῷ ἠγαπημένε, ἐπιτάχυνον ρῦσαι λαὸν ἀναπολόγητον δέχεταί σε προσπίπτοντα, ὁ ἐπιπεσόντα τῷ στήθει καταδεξάμενος ὃν ἱκέτευε Θεολόγε, καὶ ἐπίμονον νέφος ἐθνῶν διασκεδάσαι, αἰτούμενος ἡμῖν εἰρήνην καὶ τὸ μέγα ἔλεος. Ἦχος πλ. α. Σὸν συνάναρχον Λόγον. Τῶν τερπνῶν ἀπανέστης ἐμφρόνως Ὅσιε, χρηματισθεὶς οὐρανόθεν ὡς Ἀβραὰμ ὁ κλεινός, καὶ ἀγγέλων μιμητὴς ὤφθης τῷ βίῳ σου, λόγῳ ἐμπρέπων πρακτικῷ καὶ σοφία ἀληθεῖ, Ἀρσένιε θεοφόρε. Καὶ νῦν ἀπαύστως δυσώπει, ἐλεηθῆναι τὰς ψυχὰς ἡμῶν. 9/5 Ὁ Προφήτης Ἡσαΐας κ ὁ Μάρτυρας Χριστοφόρος Ὡς σάλπιγξ πανεύσημος, μεγαλοφώνῳ φθογγῇ τῷ κόσμῳ προήγγειλας, τὴν παρουσίαν Χριστοῦ, προφῆτα θεσπέσιε σὺ γὰρ τοῦ Παρακλήτου, ἐλλαμφθεὶς τῇ δυνάμει, κάλαμος ὀξυγράφος, τῶν μελλόντων ἐδείχθης διό σε ὦ Ἡσαΐα, ὕμνοις γεραίρομεν. Στολαῖς ταῖς ἐξ αἵματος, ὡραϊζόμενος, Κυρίῳ παρίστασαι, τῷ βασιλεῖ οὐρανῶν, Χριστοφόρε ἀοίδιμε ὅθεν σὺν Ἀσωμάτων καὶ Μαρτύρων χορείας, ἄδεις τῇ τρισαγίῳ καὶ φρικτῇ μελωδίᾳ διὸ ταῖς ἱκεσίαις ταῖς σαῖς, σῶζε τοὺς δούλους σου.

4 10/5 Ὁ Ἀπόστολος ίμωνας ὁ Ζηλωτής Ζῆλος ἔνθεος καταλαβών σε, τοῦ γνωσθέντος σοι, σαρκὸς ἐν εἴδει, Ζηλωτὴν ἐν Ἀποστόλοις ἀνέδειξε καὶ τοῦ Δεσπότου ζηλώσας τὸν θάνατον, διὰ Σταυροῦ πρὸς αὐτὸν ἐξεδήμησας. Σίμων ἔνδοξε, Χριστὸν τὸν Θεὸν ἱ- κέτευε, δωρήσασθαι ἡμῖν τὸ μέγα ἔλεος. 11/5 Ἐγκαίνια Κωνσταντινουπόλεως Ὁ Ἱερομάρτυρας Μώκιος Κύριλλος καί Μεθόδιος Ἦχος δ. Τῆς Θεοτόκου ἡ πόλις, τῇ Θεοτόκῳ προσφόρως, τὴν ἑαυτῆς ἀνατίθεται σύστασιν ἐν αὐτῇ γὰρ ἐστήρικται διαμένειν, καὶ δι αὐτῆς περισῴζεται καὶ κραταιοῦται, βοῶσα πρὸς αὐτὴν Χαῖρε ἡ ἐλπὶς πάντων τῶν περάτων τῆς γῆς. Ἦχος α. Χορὸς ἀγγελικός. Χριστῷ ἱερουργῶν, ἱερεὺς ὢν τῆς δόξης, θυσίαν λογικήν, καὶ ὁλόκληρον θῦμα, ἀθλήσεως ἄνθραξι, σεαυτὸν προσενήνοχας ὅθεν Μώκιε, διπλῷ στεφάνῳ σε στέφει, ὁ δοξάσας σε, ὡς δοξασθείς σου τοῖς ἄθλοις, Χριστὸς ὁ φιλάνθρωπος. Ἦχος πλ. α. Σὸν συνάναρχον Λόγον. Ἀποστόλων τὸν ζῆλον ἐπιδειξάμενοι, ἐπὶ τὰς χώρας τῶν Σλάβων Εὐαγγελίου τὸ φῶς, διηυγάσατε λαμπρῶς θείῳ κηρύγματι, Θεσσαλονίκης οἱ βλαστοί, καὶ ἀστέρες φαεινοί, Μεθόδιε σὺν Κυρίλλῳ, αὐτάδελφοι θεηγόροι, Ἐκκλησιῶν ἡ σεμνοπρέπεια.

5 Α Κ Ο Λ Ο Υ Θ Ι Α Υ Ν Α Ξ Ε Ω Ν Ε Π Ε Ρ Ι Ν Ο Υ 12/5 Ὁ Ἐπιφάνιος Κύπρου κ Γερμανός Κωνσταντινουπόλεως Θείας πίστεως, ἔγνως τὴν χάριν, καὶ θεόφθογγον, ἔ- σχηκας γλῶσσαν, Ἱεράρχα σοφὲ Ἐπιφάνιε ὅθεν δογμάτων ὀρθαῖς ἀναπτύξεσιν, αἱρετικῶν θριαμβεύεις τὴν ἄνοιαν. Πάτερ Ὅσιε, Χριστὸν τὸν Θεὸν ἱκέτευε, δωρήσασθαι ἡμῖν τὸ μέγα ἔλεος. Σοφίας τοῖς δόγμασιν, ἐκπαιδευθεὶς εὐκλεῶς, φωστὴρ ἐχρημάτησας, τῆς Ἐκκλησίας Χριστοῦ, ἐν λόγοις καὶ πράξεσι σύμμορφος γὰρ ὑπάρχων, τῆς εἰκόνος τοῦ Λόγου, λύεις Εἰκονομάχων, τὴν ἀντίθεον πλάνην διό σε Ἱεράρχα Γερμανέ, Χριστὸς ἐδόξασε. 13/5 Ἡ ἁγία Μάρτυς Γλυκερία Ἦχος γ. Σὴν ὡραιότητα. Τὴν καλλιπάρθενον, Χριστοῦ τιμήσωμεν, τὴν ἀριστεύσασαν, πόνοις ἀθλήσεως, καὶ ἀσθενείᾳ τῆς σαρκός, τὸν ὄφιν καταβαλοῦσαν πόθῳ γὰρ τοῦ Κτίσαντος, τῶν βασάνων τὴν ἔφοδον, ὡς οὐδὲν ἡγήσατο, καὶ θεόθεν δεδόξασθαι πρὸς ἣν ἀναβοήσωμεν πάντες Χαίροις θεόφρον Γλυκερία. 14/5 Ὁ ἅγιος Μάρτυρας Ἰσίδωρος στή Χίο Ἦχος δ. Ὁ ψωθεὶς ἐν τῷ ταυρῷ. Ὡς στρατευθεὶς τῷ Βασιλεῖ τῶν αἰώνων, τῶν ἐπιγείων τὴν στρατείαν ἀπώσω, καὶ εὐθαρσῶς ἐκήρυξας Χριστὸν τὸν Θεόν ὅθεν τὸν ἀγῶνά σου τὸν καλὸν ἐκτελέσας, μάρτυς θεοδόξαστος τοῦ Σωτῆρος ἐδείχθης. Ὅν ἐκδυσώπει σῴζεσθαι ἡμᾶς, τοὺς σὲ τιμῶντας, παμμάκαρ Ἰσίδωρε.

6 15/5 Ὁ Ὅσιος πατήρ ἡμῶν Παχώμιος ὁ Μέγας, ὁ Ὅσιος Ἀχίλλιος Ἀρχιεπίσκοπος Λαρίσσης Ἦχος πλ. α. Σὸν συνάναρχον Λόγον. Ἀγελάρχης ἐδείχθης τοῦ Ἀρχιποίμενος, μοναστῶν τὰς ἀγέλας, πάτερ Παχώμιε, πρὸς τὴν μάνδραν ὁδηγῶν τὴν ἐπουράνιον, καὶ τὸ πρέπον ἀσκηταῖς, ἐκεῖθεν σχῆμα μυηθείς, καὶ τοῦτο πάλιν μυήσας νῦν δὲ σὺν τούτοις ἀγάλλῃ, καὶ συγχορεύεις ἐν οὐρανίαις σκηναῖς. Λαρίσης σε πρόεδρον, καὶ πολιοῦχον λαμπρόν, ἡ χάρις ἀνέδειξεν, ὡς ἱεράρχην σοφόν, παμμάκαρ Ἀχίλλιε σὺ γὰρ τὸ τῆς Τριάδος, ὁμοούσιον κράτος, θαύμασί τε καὶ λόγοις, καατετράνωσας κόσμῳ. Ἣν πάτερ ἐξευμενίζου, τοῖς σὲ γεραίρουσι. 16/5 Ὁ Ὅσιος Θεόδωρος ὁ ἡγιασμένος Δῶρον πέφηνας, ἁγιωσύνης, τὸν πανάγιον, δοξάσας Λόγον, ἡγιασμένε θεόφρον Θεόδωρε ὅθεν βλυστάνεις ἐκ θείας χρηστότητος, ἁγιασμὸν ἀληθῆ τοῖς βοῶσί σοι Πάτερ ὅσιε, Χριστὸν τὸν Θεὸν ἱκέτευε δωρήσασθαι ἡ- μῖν τὸ μέγα ἔλεος. 17/5 Οἱ ἅγιοι Ἀπόστολοι Ἀνδρόνικος καὶ Ἰουνία Ἦχος α. Σὸν τάφον σου ωτήρ. Δυὰς φωτοειδής, ἱερῶν ἀποστόλων, καὶ κήρυκες Χριστοῦ, ἀνεδείχθητε κόσμῳ, τοῖς πᾶσι κατασπείραντες, τὸ τῆς χάριτος κήρυγμα ὅθεν σήμερον, ὑμᾶς πιστῶς εὐφημοῦμεν, ὦ Ἀνδρόνικε, καὶ Ἰουνία θεόφρον, Χριστὸν μεγαλύνοντες.

7 Α Κ Ο Λ Ο Υ Θ Ι Α Υ Ν Α Ξ Ε Ω Ν Ε Π Ε Ρ Ι Ν Ο Υ 18/5 Οἱ ἅγιοι Μάρτυρες Πέτρος, Διονύσιος, Ἀνδρέας, Παῦλος, Χριστίνα, Ἡράκλειος, Παυλίνος καὶ Βενέδιμος Ἦχος δ. Ὁ ψωθεὶς ἐν τῷ ταυρῷ. Τῶν ἀθλοφόρων τὸν ὀκτάριθμον δῆμον, μαρτυρικοῖς ἐγκωμιάσωμεν ὕμνοις, Παυλῖνον Διονύσιον καὶ Πέτρον ὁμοῦ, Ἀνδρέαν καὶ Βενέδιμον, τὸν θεόφρονα Παῦλον, Ἡράκλειον τὸν ἔνδοξον, καὶ Χριστίναν τὴν θείαν. Οὗτοι καὶ γὰρ πρεσβεύουσιν ἀεί, ὑπὲρ τοῦ κόσμου Χριστῷ τῷ Θεῷ ἡμῶν. 19/5 Ὁ ἅγιος Ἱερομάρτυρας Πατρίκιος, Ἐπίσκοπος Προύσης, καὶ οἱ σὺν ατῷ Ἀκάκιος, Μένανδρος καὶ Πολύαινος Τετρὰς θεοφόρητος, ἱεραρχῶν ἱερῶν, Τριάδα τὴν ἄ- κτιστον, κατ ἐναντίων ἐχθρῶν, πανσόφως ἐκήρυξε, Πατρίκιος ὁ τῆς Προύσης, θεηγόρος ποιμάντωρ, Ἀκάκιος σὺν Μενάνδρῳ, καὶ Πολύαινος ἅμα διὸ καὶ ὡς ἀθλήσαντες, δόξης ἠξιώθησαν. 20/5 Ὁ ἅγιος Μάρτυρας Θαλλέλαιος Ἦχος α. Σῆς ἐρήμου πολίτης. Μαρτυρίου ἀνύσας τὸν ἀγῶνα Θαλλέλαιε, ἤσχυνας εἰδώλων τὴν πλάνην, τῇ γενναίᾳ ἀθλήσει σου καὶ ὤφθης ἰαμάτων θησαυρός, παρέχων τὰς ἰάσεις δωρεάν, τοῖς προστρέχουσιν ἐν πίστει τῷ σῷ ναῷ, καὶ πόθῳ ἀνακράζουσι δόξα τῷ δεδωκότι σοι ἰσχύν, δόξα τῷ σὲ στεφανώσαντι, δόξα τῷ ἐνεργοῦντι διὰ σοῦ, πᾶσιν ἰάματα. 21/5 Οἱ ἅγιοι Ἰσαπόστολοι Βασιλεῖς Κωνσταντίνος κ Ἑλένη Ἦχος πλ. δ. Τοῦ Σταυροῦ σου τὸν τύπον, ἐν οὐρανῷ θεασάμενος, καὶ ὡς Παῦλος τὴν κλῆσιν, οὐκ ἐξ ἀνθρώπων δεξάμενος, ὁ ἐν βασιλεῦσιν ἀπόστολός σου Κύριε, βασιλεύουσαν

8 πόλιν τῇ χειρί σου περέθετο ἣν περίσωζε διὰ παντὸς ἐν εἰρήνῃ, πρεσβείαις τῆς Θεοτόκου, μόνε Φιλάνθρωπε. Πρῶτος πέφηνας, ἐν βασιλεῦσι, θεῖον ἕδρασμα, τῆς εὐσεβείας, ἀπ οὐρανοῦ δεδεγμένος τὸ χάρισμα ὅθεν Χριστοῦ τὸν Σταυρὸν ἐφανέρωσας, καὶ τὴν ὀρθόδοξον πίστιν ἐφήπλωσας. Κωνσταντῖνε ἰσαπόστολε, σὺν μητρὶ Ἑλένῃ τῇ θεόφρονι, πρεσβεύσατε ὑπὲρ τῶν ψυχῶν ἡμῶν. 22/5 Ὁ ἅγιος Μάρτυρας Βασιλίσκος Ἦχος πλ. α. Σὸν συνάναρχον Λόγον. Ὡς βασίλειον δῶρον καὶ θῦμα ἅγιον, τῷ Βασιλεῖ τῶν αἰώνων καὶ ἀθλοθέτῃ Θεῷ, δι ἀθλήσεως στερρᾶς προσήχθης ἔνδοξε σὺ γὰρ τὴν πλάνην καθελών, στρατιώτης εὐκλεής, πανεύφημε Βασιλίσκε, τῆς ἀληθείας ἐδείχθης, Χριστῷ πρεσβεύων ὑπὲρ πάντων ἡμῶν. 23/5 Ὁ Ὅσιος Μιχαήλ, Ἐπίσκοπος υννάδων, ὁ Ὁμολογητής Θεῷ ἀναθέμενος, τὴν σὴν ζωὴν ἐκ παιδός, ποιμὴν ἀ- νηγόρευσαι, καὶ ἱεράρχης σεπτός, Χριστοῦ ἱερώτατε ὅθεν τὸν τοῦ Δεσπότου, χαρακτῆρα τιμήσας, θλίψεις ἐν ἐξορίαις, Μιχαὴλ καθυπέστης καὶ νῦν ἀναπηγάζεις ἡ- μῖν, ρεῖθρα ἰάσεων. 24/5 Ὁ Ὅσιος πατήρ υμεών, στό Θαυμαστό Ὄρος Ἦχος α. Σῆς ἐρήμου πολίτης. Ὡς ἀείφωτος λύχνος δωρεῶν τῆς ἀσκήσεως, ἐν τῷ θαυμαστῷ πάτερ Ὄρει, διαπρέψας ἀνέλαμψας, καὶ κλίμακα ἐκ γῆς πρὸς οὐρανόν, τὸν στῦλόν σου ὑπέθου ἀληθῶς, Συμεὼν θαυματοφόρε τοῖς εὐσεβῶς, προστρέχουσι τῇ μάνδρᾳ σου δόξα τῷ δεδωκότι σοι ἰσχύν, δόξα τῷ σὲ στεφανώσαντι, δόξα τῷ ἐνεργοῦντι διὰ σοῦ, πᾶσιν ἰάματα.

9 Α Κ Ο Λ Ο Υ Θ Ι Α Υ Ν Α Ξ Ε Ω Ν Ε Π Ε Ρ Ι Ν Ο Υ 25/5 Σρίτη φανέρωση τῆς τιμίας Κεφαλῆς τοῦ Πρδρόμου Ὡς θεῖον θησαύρισμα, ἐγκεκρυμμένον τῇ γῇ, Χριστὸς ἀπεκάλυψε, τὴν Κεφαλήν σου ἡμῖν, προφῆτα καὶ Πρόδρομε πάντες οὗν συνελθόντες, ἐν τῇ ταύτης εὑρέσει, ᾄσμασι θεηγόροις, τὸν Σωτῆρα ὑμνοῦμεν, τὸν σῴζοντα ἡμᾶς ἐκ φθορᾶς, ταῖς ἱκεσίαις σου. 26/5 Ὁ ἅγιος Ἀπόστολος Κάρπος ἀπό τούς Ἑβδομῆντα Θείας χάριτος, τῇ κοινωνία, ἐκοινώνησας δεσμῶν τῷ Παύλῳ, θεομακάριστε Κάρπε ἀπόστολε, καὶ κοινωνοὺς θείας δόξης ἀνέδειξας, τοὺς δεξαμένους τὸ φέγγος τῶν λόγων σου. Ὅθεν πρέσβευε, Χριστῷ τῷ Θεῷ πανεύφημε, δωρήσασθαι ἡμῖν τὸ μέγα ἔλεος. 27/5 Ὁ Ἱερομάρτυρας Ἑλλάδιος, Ἰωάννης ὁ Ρῶσσος Ἦχος πλ. α. Σὸν συνάναρχον Λόγον. Φερωνύμως ἐδέξω ὡς θεῖον ἔλαιον, ἱερουργίας τὴν χάριν, τῇ ἐπινεύσει Χριστοῦ, καὶ ἱέρευσας σαφῶς πάτερ Ἑλλάδιε, καὶ μαρτύρων κοινωνός, δι ἀγώνων ἱερῶν, γενόμενος ἱεράρχα, καθικετεύεις ἀπαύστως, ἐλεηθῆναι τὰς ψυχὰς ἡμῶν. Ἐκ γῆς ὁ καλέσας σε, πρὸς οὐρανίους μονάς, τηρεῖ καὶ μετὰ θάνατον ἀδιαλώβητον, τὸ σκῆνός σου ὅσιε. Σὺ γὰρ ἐν τῇ Ἀσίᾳ, ὡς αἰχμάλωτος ἤχθης, ἔνθα καὶ ᾠκειώθης, τῷ Χριστῷ Ἰωάννη. Αὐτὸν οὖν ἱκέτευε, σωθῆναι τὰς ψυχὰς ἡμῶν.

10 28/5 Ὁ ἅγιος Μάρτυρας Ετυχής, Ἐπίσκοπος Μελιτινῆς Ἦχος δ. Ὁ ψωθεὶς ἐν τῷ ταυρῷ. Ὡς εὐτυχήσας ἀρετῶν ταῖς ἰδέαις, τῆς τῶν Μαρτύρων εὐκληρίας μετέσχες, ἱερομάρτυς ἔνδοξε παμμάκαρ Εὐτυχές σὺ γὰρ τῷ Θεῷ ἡμῶν, καθαρῶς ὑπουργήσας αἵμασιν ἐφοίνιξας, τὴν ἁγίαν στολήν σου, μεθ ἧς Χριστῷ καὶ νῦν ἱερουργῶν, ἀεὶ δυσώπει, ὑπὲρ τῶν ψυχῶν ἡμῶν. 29/5 Ἡ ἁγία Μάρτυς Θεοδοσία Ὡς δόσιν θεόσδοτον, τὴν παρθενίαν τὴν σὴν, ἀγῶσιν ἀθλήσεως, Θεοδοσία σεμνή, τῷ Λόγῳ προσήγαγες ὅθεν πρὸς ἀθανάτους, μεταστᾶσα νυμφῶνας, πρέσβευε ἀθληφόρε, τῷ Δεσπότῃ τῶν ὅλων, ρυσθῆναι ἐκ πολυτρόπων, ἡμᾶς συμπτώσεων. 30/5 Ὁ Ὅσιος Ἰσαάκιος Ἡγούμενος Μονῆς Δαλμάτων Τύπος πέφηνας, τῆς ἐγκρατείας, καὶ ἑδραίωμα, τῆς Ἐκκλησίας, Ἰσαάκιε πατέρων ἀγλάϊσμα ἐν ἀρεταῖς γὰρ φαιδρύνας τὸν βίον σου, Ὀρθοδοξίας τὸν λόγον ἐ- τράνωσας. Πάτερ ὅσιε, Χριστὸν τὸν Θεὸν ἱκέτευε, δωρήσασθαι ἡμῖν τὸ μέγα ἔλεος. 31/5 Ὁ ἅγιος Μάρτυρας Ἑρμείας Χριστῷ στρατευσάμενος, τῷ Βασιλεῖ τοῦ παντός, γενναίως διέκοψας, τὰς παρατάξεις ἐχθρῶν, Ἑρμεία πανένδοξε σὺ γὰρ ἐγκαρτερήσας, πολυτρόποις αἰκίαις, ἤθλησας ἐν τῷ γήρᾳ, ὡς τοῦ Λόγου ὁπλίτης ᾧ πρέσβευε ἀθλοφόρε, σώζεσθαι ἅπαντας.