IMP sunaava? IMP naalisagaavoq Inuuneq Meeraq Pinngortitarlu, Namminersortunit pigineqarpoq meeqqat inuusuttuaqqallu isumaginnagaasimasut ulloq unnuarlu angerlarsimaffiat. IMP pillugu naattumik. Ukioq 2003 naanerani, ukiorlu 2004 aallartinnerani sulissutigineqalerpoq pimoorullugulu ulloq unnuarlu angerlarsimavimmik pilersititsinissaq. IMP-mik aallartitsiniartut ukiut 16-nit sumiginnagaasunik paaqqinnereerlutik ukiunilu siusinnerusuni Nuummi Meeqqat illuani sulinikuullutik. 2004-mi aasalersoq pilersitsisoqarpoq atserlugu Inuuneq Meeraq Pinngortitarlu naalisarlugu IMP. Namminersorluni ulloq unnuarlu angerlarsimaffik allanut ulloq unnuarlu angerlasimaffinnut unammillertuunngilaq aammalu isornartorsiuinani, anguniagaanngilaq sumiginnagaasunut ulloq unnuarlu angerlarsimaffinnut unammillissalluni. Kisianni IMP sumiginnagaasunik ulloq unnuarlu angerlarsimaffiit Nuummiittut sinerissamiittullu qanimut suleqatigissallugit ammaffigaat. Angerlarsimaffik namminersortunik piginnitsilik. Anguniagaavoq IMP arlalinnik angerlarsimaffeqassasoq illoqarfinni nunaqarfinnilu, Nuummilu angerlarsimaffik qitiussalluni. Angerlarsimaffik Nuummiittoq meeqqanut inuusuttuaqqanullu sisamaniit arnilillit tikillugit inissaqartitsivoq, 12-niit 16-nut ukiullinnut. Ulloq unnuarlu angerlarsimaffik Nuummiittoq angissusigissavaa 130-180 m², aallartisarnerani anguniagaavoq sisamanik inissiisoqarsinnaassasoq, taamatuttaaq sulissutigineqarnikuuvoq pisortarqarfinniit akuersissummik Side 1 af 15
pinissaq. Illu illoqarfiup qeqqaniinngilaq, isikkivigissumilli avatangiiseqarluni inissisimalluni. Pilersaarut malillugu illu ukioq naallugu atorneqassaaq, qitiutillugit meeqqat inuusuttuaqqallu isumaginaagaasimasut sullinneqarnissaat. Sammisat: IMP Nuuk Inissaqartitsineq : 6 Ukioqatigiit : 12 16 år. Illup angissusaa : 185 m² Sulisut : 8 Siunertaa : Tikerlaat, Pisariallit, Tarnip pissusiinik ilisimasalik aammalu Isernermi sungiussiartuaartitsineq IMP Paarinnga Maniitsoq Inissaqartitsineq: 10 Ukioqatigiit: 12 16 år. Illup angissusaa: 500 m² Sulisut: 5 Siunertaa: Aninissamut sungiussiartuaartitsineq aamma timersorneq. Side 2 af 15
IMP Udslusning Nuuk Inissaqartitsineq: 4 Ukioqatigiit: 15 16 år. Illup angissusaa: 185 m² Siunertaa: 5 Formål : Aninissamut sungiussiartuaartitsineq aamma timersorneq. IMP Kuunnguaq Inissaqartitsineq: 0 Ukioqatigiit: 12 16 år. Illup angissusaa: 180 m² Sulisut: 3 讈 Ή Siunertaa: Pisariaqartitsinerpaat. M/K Martha Inissaqartitsineq: 0 Ukioqatigiit: Angissusaa : 14 16 år. 42 fods Sulisut: 3 Siunertaa: Aalisarneq piniarnerlu aamma Kuunnguamiittussaq. Side 3 af 15
Inissat : Inissat akuerisat. November-ip aallaqqaataa 2005 Nuummi ulloq unnuarlu angerlarsimaffik pilersinneqarpoq, najugaqarfia Ilivinnguaq 3. Illu angissuseqarpoq 185 m² -nik quleriiullunilu, qulleq meeqqanut arfinilinnut Inissatut atorneqarluni, alleq allaffittut ataatsimiittarfittullu iluarsineqarsimalluni, aammattaaq sulliveqarlunilu kiassaateqarfiutigaluni. Immikkortortaqarfittaaq atserneqarpoq IMP Nuuk. IMP Paarinnga, Maniitsoq. 2007 aasariartulersoq immikkoortortaqarfik aappaa Maniitsumi pilersinneqarpoq, taannalu taajuuserneqarpoq IMP Paarinnga najugaqarfeqarlunilu Annersuaq 3 Maniitsumi. Immikkoortortaqarfittaaq siornatigut angallatunut akunnittarfiusimavoq. Immikkoortortaqarfittaami qulinik inissiisoqarsinnaavoq. Angerlarsimaffiup qulaatungaa kisimi angerlarsimaffittut atorneqarpoq,ataatungaalu sulisut inissiaatut sivisunngitsumik atorneqarluni aammalu inissiat ilaai illoqarfimmi akunnittarfiit suleqatigalugit unnuinermut attartorneqarsinnaallutik. Illorsuarmi quleriit imminnut attuumassuseqanngillat. 鎈 Side 4 af 15
Kuunnguami Illu, Nuup kangerluani. 2007 ingerlanerani aammalu 2008 aasariartornerani aasaaneranilu Nuup kangerluani illuaqqamik sanasoqarpoq, taajuuserneqarlunilu Kuunnguaq, illuaraq 2008-mi allineqarpoq, illuaraq allinerani innaallagialerneqarpoq sarfalersuutilimmik, kiassaateqarfik, imermillu kuuffilerneqarluni, sanatigullu eqqakkat aqqutissaanik kuussiortoqarluni. Illuaraq ukioq naallugu atorneqarsinnaavoq, kissaatigineqarporlu akuerisaasumik immikkoortortaqarfilernissaa sisamanik inissiisoqarsinnaalluni. Illuaraq ukioq naallugu atorneqarnermini siullertut meeqqanik inuusuttuaqqanillu inissiisarfiussasoq.aasaaneranilu illuaraq ulloq unnuarlu angerlarsimaffimmiit tamanit asimiiffitut aammalu aalisarneq piniarnerlu qitiutillugu atorluarneqartassalluni. Pujortuleeraq GR 6-123, M/K Martha 2008 ukialersoq pujortuleeraq 42 fod-inik takissusilik GR 6-123 Martha pissarsiarineqarpoq. Pujortuleeraq kangerlummi illuaqqamut salliutillugu atorneqartarpoq aammalu meeqqat inuusuttuaqqallu anginerit angalaqataasassallutik, angalanermi ileqqorissaarnissamik ilinniarnissaq annertuumik sulissutigineqartarluni. 奘 Siunertaq : Siunertaavoq pujortuleeraq aalisarnermut piniarnermullu atorneqassasoq, soorlu nerisassanik nammineq pilinermi IMP-ip angerlarsimaffii tamaasa ukiamut peqqumaatissaannik. Taamatuttaaq periarfissaassaaq ataavartumik aalisarnermi pisarisanik tunisisarnissaq eqqarsaataavoq, angalanermilu angalaqataasut aalisartunngornissamut piniartunngornissamulluuniit sungiusaatigineqassalluni. Suli maannamut pujortuleeraq siunertaminut ingerlanneqarnissaanut inuttaqanngilaq, kisianni immikkoortortaqarfik siunissami marlunnik inuttalerneqarnissaa kissaataavoq. Side 5 af 15
Makkua sullitarinngilagut : Meeqqanik inuusuttuaqqallu innarluutilinnik sullitaqanngilagut. Meeqqanik inuusuttuaqqallu sakkortuumik pinerluuteqarsimasunik sullitaqanngilagut. Pinerlunniartartunut ilaasarsimasunut sullitaqanngilagut. Naliginnaasumik meeqqat inuusuttuaqqallu anneetuumik artorsaatillit qaammatini pingasuni misiliummik isertinneqarsinnaapput, piffissap iluani misissuiffigineqassaaq nalilerneqarlunilu ilumut pineqartoq avatangiisitsinnut sulieriuusitsinnut naleqqunnersoq. Aasalerneraniit ukiamut angalanerit. Aasalerneraniit ukiamut meeqqat asimut illoqarfinnut aammalu nunanut allanut angallanneqartassapput. Ulloq unnuarlu angerlasimaffimmi sulisut asimiinnermi sungiussisimasuupput, angalanernilu illumi pisortaq akisussaasuuvoq. Illumi pisortaq ukiuni 16-ni misilittagaqareerpoq, angalanissamut pilersaarusiornerit, isumannaallisaanissamut malittarisassat malinneqarnissaat, nerisassanik pilersaarusiornerit, angalanissallu ataasiakkaat sivisussusissaanik pilersaarusiornerit assigisaannillu. ꌘΈ Nuummi angerlarsimaffik. Illu Nuummiittoq qitiuvoq. Sulisut meeqqallu ataatsimoorlutik pilersaarusiussapput, aammattaaq sammineqartassaaq illoqarfimmi inuuneq. Illu annerusumik isertertunut sungiussiaartuartitsinermut atorneqassaaq, meeqqat inuusuttuaqqallu pisariallit tarnimikkut aaqqissuutissallugit, inuiaqatigiinnut akulerunnissamut, ineqartunut sulilernissamut sungiusarneq. Side 6 af 15
Suliassat ataatsimoorlutik anguneqassapput soorlu : Itersartereernermi siniffik aaqqissuullugu. Ullaakkorsiornissamut piareersaaneq erruineq, torersaaneq. Atuanngitsunut ulloq qeqqata siorna sammisassanik pilersaarusiorluni. Meeqqat atuariartornissaat. Ulloq qeqqanut nerineq erruineq iluarsaasinerlu. Ualikkut sammisassanik pilersaarusiorluni. Unnukkut nerineq suliassallu suliarineqarnissaat. Unnukkut sammisassaqartitsineq. Innarnissaminnut piareersarlutik. Inoqatigiinnut akulerunnissaq, Sulilernissaminuut sungiusarlutik. Έ Maniitsumi angerlarsimaffik. Angerlarsimaffik Maniitsumiittoq, angerlarsimaffik Nuummiitumi immikkortortaqarfittut isigineqassaaq. Angerlarsimaffik Nuummituulli sulisut inissisimasullu suleqatigiillutik ulluinnarni pisussat sammisassallu ullormiit ullormut aaqqisuunneqartassapput, angerlarsimaffik Nuummiittoq ulloq ingerlanneqartarnera assigiiginnangajapput. Angerlarsimaffik Maniitsumiittoq siullertut anguniagarivaa inissisimasut IMP-mi najugaqareerlutik aninissaminnut sungiussiartuaartitsissallutik, perorsaanermi sulissutigineqartut ilagivaat timersorneq kiisalu inoqatinut akulerunnissamut sungiussiaartuaartitsissallutik, taamaattumik suliniutit ilagivaat sulilernissamut sungiusarneq. Side 7 af 15
IMP udslusning. IMP udslusning angerlarsimaffik Nuummiitumit immikkortortaqarfittut isigineqassaaq. Angerlarsimaffik IMP Nuummituulli sulisut ineqartullu suleqatigiillutik ulluinnarni pisussat sammisassallu ullormiit ullormut aaqqisuunneqartassapput, angerlarsimaffik Nuummiittoq ulloq ingerlanneqartarnera assigiiginnangajapput. IMP udslusning siullertut anguniagarivaa ineqartut IMP-mi najugaqareerlutik aninissaminnut sungiussiartuaartitsissallutik, perorsaanermi sulissutigineqartut ilagivaat timersorneq kiisalu inuiaqatigiinnut akulerunnissamut sungiussiaartuaartitsissallutik, taamaattumik suliniutit ilagivaat sulilernissamut sungiusarneq. IMP Sullivik. IMP sullivik angerlarsimaffik IMP Nuummiitumit immikkortortaqarfittut isigineqassaaq, siullertut Έ anguniagarivaa IMP Nuuk aamma IMP udslusning-imi ineqartut periarfissaraat sullivimmukarsinnaallutik sulisunik ilalerlutik iluarsaasinermik ikiuunnissaminnut, soorlu makkuninnga pequttanik iluarsaasinerit, sikkilinik iluarsaasinerit allallu assigiinngitsut. Sullivik aamma sulisunik pikkorissarfittut atorneqartarpoq, ineqartunut angajoqqaavinut oqaloqatiginnittarfiulluni aammalu IMP Nuummiittunut katerisimaartarfiulluni soorlu nereqatigiinnertalimmik unnussioqatigiinnerit. Kuunnguaami illu, Illu asimiittoq. Illu Kuunnguamiittoq IMP aasarsiorfittut isigineqassanngilaq, kisianni IMP suliniutaasa ilaanniippoq. Illu inissisimasunit atorneqartassaaq timikkut tarnimikkullu sungiusarfittut, sammisassat pingaarnerpaat asimiillutik. Side 8 af 15
Soorlu sammisassat makkuusinnaapput : Aalisariarneq. Piniarneq / Aavariarneq. Peqqissarneq. Qasuersaarneq. Aalisakkat uumasullu pisarisat suliarissallugit panertuliaralugit, tarajorterlugit, pujoorineq aammalu ileqqutoqqatut puuineq. Ulloq unnuarlu angerlarsimaffiit tamarmik naapittarfiat. Meeqqat angalarusupput. Meeqqanut tamanut pingaartuuvoq misigisassarsiornissaq aammalu misigisaqarnissaq. Meeqqap sumiginnagaasimasup misigissuseqarpoq, suliarisassamik aamma meeraq kisimiilluni oqaluunneqaannarluni aaqqinniarsinnaanngilaa. Inuttulli allatut meeraq maluginiartarpoq eqqamini susoqarnersoq isiginnaakkaminillu ilinniarfigalugit, taamatuttaaq angerlarsimaffimmi, soorlu iluarsaasisoqarpat, pujoralaajaasoqarpat, erruisoqarpat imaluunniit maluginiartarpaa qanoq imminnut pissusilersortoqarnersoq. IMP-mi avataaniit misilittakkagut atorlugit isumaqarpugut, meeraq misigissutsikkut suliarineqanngikkuni, sammisassaqartinneqanngikkuni nuannaarnani ineriartussaaq. Killormuanik meeraq sammisassaqartinneqaruni inunnut allanut paasinninnerusinnaalissaaq, inuiaqatigiinnut, inunnut meeqqamut pingaaruteqartumut kiisalu ilaqutariissutimut suna pingaaruteqartoq. Taamaattumik IMP angalatitsinerunissaq kissaatigaa. Έ Side 9 af 15
Asimiinneq. Kalaallit asimut qaninnerat assortugassaanngilaq. Issittumi inuuvugut nalunagulu issittumiinniaraanni mianersornissaq. Kisianni aamma asimiinneq nukissamik tunisisarpoq, aammattaaq uumassusillit pissamaatinut tunniussisinnaalluni. IMP pingaartippaa meeraq asimi inunneq misiginissaa aammalu asimi qanoq iliuuseqassasoq. Sammisassat. IMP-miinermi pingaaruteqarpoq meeqqat sammisaqartittuarnissaat. Meeqqat angerlaraangamik sulisut meeqqallu ukiumut pilersaarusiortassapput. Pingaaruteqarluinnarpoq meeqqat assigiinngitsunik soqutigisaqarnerat piginnaanerallu aallaavigalugu assigiinngitsunik piumasaqartarput pisariaqartitsisarlutik. Atuarnerup nalaani saniatigullu asimiinerminni ilimagineqassaaq IMP angerlarsimaffiini assigiinngitsunik sammisassaqartassapput soorlu : Guitar-eqassaaq pisariaqartitsisoqassappallu pattagiarsisoqassaaq. Qarasaasiaqassaaq paarlakaajaalluni atugassaq. Atuagassaqassaaq aammalu assitalinnik atuagassaqassaaq. TV-qassaaq DVD-lu taakkulu atorneri aaqqissuulluagaassapput. Aliikutassat naliginnaasut soorlu : dam, ludo, matador kiisalu meeqqat ikiorsiullugit pinnguaatissasiorneq. Timersorneq. Side 10 af 15
Aliikkutassallu saniatigut meeqqat qaammamut minnerpaamik ataasiarlutik pulaartoqarsinnaapput soorlu utoqqaat, eqqumiitsuliortut, nipilersortartut, piniartut allallu inuunerminnik oqaluttuussillutik, immaqa assitalerlugit. Aliikkutassat aasakkut ukiariartorneraniluunniit suliarineqartassapput meeqqat angerlamut tikerareerpata aamma pilersaarusiorneqartassapput sulisut meeqqallu suleqatigiinneranni. Meeraq qitiutillugu Sulisut : IMP meeqqat sumiginnagaasunik sullississappat angusaqarfiulluartumik, qitiutinneqassaaq sulisut suliassaminik ilisimasaqarluassasut, sulisullu suliassaq nalunngittariaqarpaat pisariaqartoq aammalu ilisimasaqariaqarpaat malussajasinnaasut suliffimmi. Avataaniit suleqatit. Iluaqutissartaqarpoq Kalaaliinnarnik sullissinissaq. Kisianni suliamut tunngatillugu erseqqissarneqassaaq inunnik kalaallisuujunngitsumik allanik oqaasilimmik sullissinissaq pingaartinneqarmat. IMP pilersaarutigaa meeqqat sumiginnagaasunik sullissinermi, sulisoqarpallu qallunaatuinnaq oqaluttut imaluunniit allamik kultur-ilimmik, meeqqat IMP-miinnertik nuannersumik ilinniutaalluartumillu najorsinnagaat. Side 11 af 15
Avataaniit suleqateqarnikkut meeqqanut iluaqutissartaqarput soorlu makkua : Inooriaatsimut paasisaqalernissaq. Oqaatsitigut ineriartornissaq. Kultur-i allaanerusumik paasisaqalernissaq. Aliikkutassanik assingusunilluunniit misigisaqarnissaat il. il. Perorsaaneq perorsaariaatsimik periusit IMP-mi suliaqarnermi perorsaariaaseq ataaseq atorneqassaaq. Tassalu konsekvenspædagogik IMP-mi sullissinermi atorneqassaaq, ukiut arlerlugit meeqqat ulloq unnuarlu angerlarsimaffianni atugaagaluttuinnartoq. Pilersaarutaavoq ukiuni aggersuni naliliiffigineqassasoq suleriaaseq konsekvenspædagogik ingerlatiinnarneqassanersoq. Konsekvenspædagogik. Konsekvenspædagogik-imi qitiuvoq meeraq kingusinnerusukkut naliliiffigineqarsinnaavoq suna pisariaqartikkaa aammalu meeqqamut qanoq iliuuseqarnissaq. Sianigisassat assigiinngitsut. Nalilissoqarnermi sulisut imaluunniit avataaniit suleqateqarluni perorsaanermut ilisimasalimmik, atuarfik, kommune-mi siunnersortit, namminersornerullutiniit siunnersortit, tarnip pissusiinik ilisimasallit allallu suliamut attuumassuseqartunut suleqatigiittoqassaaq meeqqanik ataasiakkaanik qanoq sullissisoqassanersoq. Ulluinnarni meeqqat ataasiakkaat sullinneqassapput sulisut perorsaanermik misilittagaqarluartunit. Side 12 af 15
Sunngiffimmi. Sulinermi meeqqap pisariaqartitaa qitiutinneqassaaq, meeqqap eqqissisimanissaa, meeqqap soqutigisani sammiuarnissaa. Meeqqap soqutigisaa eqqoriarneqarsinnaanngilaq, IMP tulluartippaa meeraq tikinnermiit najuussimaleraangat naliliiffigineqarnissaa. Taamaalereerpat sulisup paasisarpaa ilisimalerlugu meeqqap soqutigisaa, aatsaallu pisortat naliliineratigut suliniutissaat sorleq aallartinneqassanersoq. IMP-mi pisortat. IMP-mi pisortaapput, allaffissornermi ingerlatsisuusullutillu, ukuupput piginneqatigiiffimmi ittoq, ittumut tullersorti, perorsaasoq nakorsaatissiissutinik ilinniagaqaqqinnikoq, allaffimmi pisortaq, immikoortortaqarfik Paarinngami pisortaq. Pisortat ulloq unnuarlu angerlarsimaffinni najoqqutassat suliarissavaat, inissiinissamut, inissiinisamut allatsinerit, aninissamut sungiussiaartuaartitsinerit. Pisortat sulisut suleqatigalugit meeqqat inuusuttuaqqallu iserternikut suliassamik piareersarneqarneri atuutilernissaat isumagissavaat. Side 13 af 15
Siulersuisut. IMP siulersuisoqarpoq inuiaqatigiinniit siammasissumik misilittagalinnik aammalu assigiinngitsunik ilinniagaqarsimasuneerlutik, siulersuisut tallimanik inuttaqarput ataaserlu ulloq unnuarlu angerlarsimaffimmi sulisuniit ilaasortaalluni. Anguniagaavoq IMP ulluinnarni ingerlanneqarnera siulersuisuniit toqqaannartumik sunninneqassasoq, kisiannili siulersuisut sulissutigissavaat IMP anguniagaai atuutsinneqassasut. Taamaattumik ulluinnarni ingerlatsinermi siulersuisullu isumannaatsumik suliffeqarnissaat anguniarlugu, taamatuttaaq suliniutaassaaq malittarisassat, najoqqutassat, aningaasartuutissallu aaliangersimasumik malinneqarnissaat. Pilersaarutaavoq pitsaanerpaamik suliffik aqutsisoqarfeqalernissaa, siulersuisut sullinneqarnissaanut aammalu suliffik ulluinnarni pitsaasumik ingerlanneqarnissaa anguniarlugu. Taamatuttaaq siunniussat siulersuisuniit aaliangiunneqarsimasut anguneqarnissaat pillugit. Ulloq unnuarlu angerlarsimaffik aningaasanut naatsorsuutinik avataaniit siunnersortimik sullinneqarpoq. Akit. Meeqqat inuusuttuaqqanillu inissiiniarnermi pisortaq kommune-lu ataasiakkaat akinik isumaqatigiitoqassaaq, tamatigut meeqqanik inissiisoqartillugu akinik isumaqatigiittoqartassaaq. Side 14 af 15
Nuuk, ulloq 01.01.2009 Nikolaj Olsen Pisortaq Attaveqarfiusinnaasut : Telefon: +299 312733 Fax : +299 312734 Mobil : +299 556324 Email : imp@imp.gl Side 15 af 15