ΑΠΟΛΥΤΙΚΙΑ ΕΟΡΤΩΝ κ ΑΓΙΩΝ

ΑΠΟΛΥΤΙΚΙΑ ΕΟΡΤΩΝ κ ΑΓΙΩΝ 1/8 Ἡ πρόοδος τ. Σταυροῦ, οἱ ἅγιοι ἑπτά Μακκαβαῖοι Ἦχος δ. Ὁ ὑψωθεὶς ἐν τῷ Σταυρῷ. Τῶν Μακκαβαίων τὸν ἑπτάριθμον δῆμον, σὺν τῇ μητρὶ Σολομονῇ τῇ ἁγίᾳ, καὶ Ἐλεάζαρ ἅμα εὐφημήσωμεν οὗτοι γὰρ ἠρίστευσαν, δι ἀγώνων νομίμων, ὡς φρουροὶ καὶ φύλακες, τῶν τοῦ Νόμου δογμάτων καὶ νῦν ὡς καλλιμάρτυρες Χριστοῦ, ὑπὲρ τοῦ κόσμου, ἀπαύστως πρεσβεύουσι. Ἦχος α. Σῶσον Κύριε τὸν λαόν σου καὶ εὐλόγησον τὴν κληρονομίαν σου, νίκας τοῖς βασιλεῦσι κατὰ βαρβάρων δωρούμενος, καὶ τὸ σὸν φυλάττων, διὰ τοῦ Σταυροῦ σου πολίτευμα. 2/8 Ἀνακομιδὴ λειψάνου Πρωτομάρτυρος Στεφάνου Βασίλειον διάδημα, ἐστέφθη σὴ κορυφή, ἐξ ἄθλων ὧν ὑπέμεινας, ὑπὲρ Χριστοῦ τοῦ Θεοῦ, Μαρτύρων πρωτόαθλε σὺ γὰρ τὴν Ἰουδαίων, ἀπελέγξας μανίαν, εἶδές σου τὸν Σωτῆρα, τοῦ Πατρὸς δεξιόθεν. Αὐτὸν οὖν ἐκδυσώπει ἀεί, ὑπὲρ τῶν ψυχῶν ἡμῶν. 3/8 Οἱ ὅσιοι Πατέρες Ἰσαάκιος, αλμάτος καὶ Φαῦστος Ἦχος α. Τῆς ἐρήμου πολίτης. Τὴν τρίστιχον χορείαν τῶν ὁσίων τιμήσωμεν, Φαῦστον Ἰσαάκιον ἅμα, καὶ αλμάτον τὸν ἔνδοξον ὡς τρίφωτος λαμπὰς γὰρ τῶν ἠθῶν, σκεδάζουσι τὴν νύκτα τῶν παθῶν, καὶ ταῖς θείαις καταυγάζουσιν ἀρεταῖς, τοὺς πόθῳ ἀνακράζοντας δόξα τῷ θαυμαστώσαντι ἡ-

μᾶς, δόξα τῷ μεγαλύναντι, δόξα τῷ ἐνεργοῦντι δι ὑ- μῶν, πᾶσιν ἰάματα. 4/8 Οἱ ἅγιοι ἑπτὰ Παῖδες στήν Ἔφεσο Θείῳ Πνεύματι, ἀφθαρτισθέντες, πολυχρόνιον, ἤνυσαν ὕπνον, οἱ ἐν Ἐφέσῳ ἑπτάριθμοι Μάρτυρες καὶ ἀ- ναστάντες πιστοὺς ἐβεβαίωσαν, τὴν τῶν ἀνθρώπων κοινὴν ἐξανάστασιν ὅθεν ἅπαντες, συμφώνως τούτους τιμήσωμεν, δοξάζοντες Χριστὸν τὸν πολυέλεον. 5/8 Προεόρτια Μεταμορφώσεως, Μάρτυρος Εὐσιγνίου Χριστοῦ τὴν Μεταμόρφωσιν προϋπαντήσωμεν, φαιδρῶς πανηγυρίζοντες τὰ προεόρτια, πιστοὶ καὶ βοήσωμεν Ἔφθασεν ἡ ἡμέρα, τῆς ἐνθέου εὐφροσύνης, ἄνεισιν εἰς τὸ ὄρος, τὸ Θαβὼρ ὁ εσπότης, τῆς θεότητος αὑτοῦ, ἀπαστράψαι τὴν ὡραιότητα. Ὡς ἔμπλεως πίστεως, τῆς πρὸς Χριστὸν εὐσεβῶς, νεάζον τὸ φρόνημα, ἔσχες ἐν γήρᾳ καλῶς. Εὐσίγνιε ἔνδοξε ὅθεν ὁμολογήσας, τὸν ὑπέρθεον Λόγον, ἤλεγξας θαρσαλέως. Παραβάτου τὸ θράσος ἐντεῦθεν, μετὰ μαρτύρων, μάρτυς δεδόξασαι. 6/8 Ἀνάμνηση ἁγίας Μεταμορφώσεως Ἦχος Βαρύς. Μετεμορφώθης, ἐν τῷ ὄρει Χριστὲ ὁ Θεός, δείξας τοῖς Μαθηταῖς σου, τὴν δόξαν σου καθὼς ἠδύναντο. Λάμψον καὶ ἡμῖν τοῖς ἁμαρτωλοῖς, τὸ φῶς σου τὸ ἀΐδιον, πρεσβείαις τῆς Θεοτόκου Φωτοδότα, δόξα σοι.

7/8 Ὁ Ὁσιομάρτυρας ομέτιος, ὁ Ὅσιος Νικάνωρας Ἦχος πλ. α. Τὸν συνάναρχον Λόγον. Τὸν τῆς χάριτος λόγον εἰσποιησάμενος, πυρσολατρῶν τὰς τερθρείας ἀπεποιήσω σοφῶς, τῷ Χριστῷ ἀνατεθεὶς πάτερ ομέτιε καὶ ἐν ἀθλήσει ἀκλινής, ὡς Ὁσίων μιμητής, ἐδείχθης ὁσιομάρτυς διό σε ὕμνοις τιμῶμεν, σὺν φοιτητῶν σου τῇ δυάδι σοφέ. Ὡς ἔνσαρκος Ἄγγελος πολιτευθεὶς ἐπὶ γῆς, τῆς νίκης τὸν στέφανον, ἐν οὐρανοῖς ἐκ Θεοῦ ἀπέλαβες, Ὅσιε, ὅθεν καὶ τῶν θαυμάτων δεδεγμένος τὴν χάριν, ρῶσιν ἀεὶ παρέχεις, θεοφόρε Νικάνωρ, τοῖς πίστει προσιοῦσι, τῇ θείᾳ πρεσβείᾳ σου. 8/8 Ὁ ἅγιος Αἰμιλιανός, Ἐπίσκοπος Κυζίκου Ἦχος α. Τῆς ἐρήμου πολίτης. Τῆς τοῦ Λόγου εἰκόνος διαγράψας τὴν ἔλλαμψιν, Αἰμιλιανὲ Ἱεράρχα, διὰ βίου ὀρθότητος, τὴν ἔνσωμον εἰκόνα τοῦ Χριστοῦ, ἐδίδαξας τιμᾶσθαι εὐσεβῶς διὰ τοῦτο ὡς ποιμένα καὶ ἀθλητήν, τιμῶμέν σε κραυγάζοντες δόξα τῷ παρασχόντι σοι ἰσχύν, δόξα τῷ σὲ στεφανώσαντι, δόξα τῷ δωρουμένῳ διὰ σοῦ, πᾶσι τὴν ἄφεσιν. 9/8 Ὁ ἅγιος Ἀπόστολος Ματθίας Θείῳ Πνεύματι, κεκληρωμένος, συνεπλήρωσας, τῶν Ἀποστόλων, τὴν δωδεκάριθμον φάλαγγα ἔνδοξε μεθ ὧν κηρύξας τοῦ Λόγου τὴν κένωσιν, ἐθαυμαστώθης Ματθία ἀπόστολε. Ἀλλὰ πρέσβευε, δοθῆναι τοῖς σὲ γεραίρουσι, πταισμάτων ἱλασμὸν καὶ μέγα ἔλεος. 10/8 Ὁ ἅγιος Μάρτυρας καὶ Ἀρχιδιάκονος Λαυρέντιος Ἦχος γ. Τὴν ὡραιότητα.

Τῷ θείῳ Πνεύματι, καταυγαζόμενος, ὡς ἄνθραξ ἔφλεξας, πλάνης τὴν ἄκανθαν, ἀρχιδιάκονε Χριστοῦ, Λαυρέντιε ἀθλοφόρε ὅθεν ὡς θυμίαμα, λογικὸν ὡλοκαύτωσαι, τῷ σὲ μεγαλύναντι, τῷ πυρὶ τελειούμενος διὸ τοὺς σὲ τιμῶντας θεόφρον, σκέπε ἐκ πάσης ἐπηρείας. 11/8 Ὁ ἅγιος Μάρτυρας Εὖπλος Ὡς θεῖος διάκονος τῆς Ἐκκλησίας Χριστοῦ, ὁσίως διήγαγες, τὰ πρὸς Θεὸν καὶ πιστῶς, καὶ ἤθλησας ἄριστα σὺ γὰρ ἐν τῷ πελάγει, τῶν ποικίλων ἀγώνων, εὔπλοος ἀνεδείχθης, παμμακάριστε Εὖπλε. Καὶ νῦν ἡμᾶς πρὸς λιμένα, θεῖον κυβέρνησον. Ἔργοις ἔλαμψας, τῆς εὐσεβείας, πᾶσαν ηὔγασας, τὴν Ἐκκλησίαν, τῆς ταπεινώσεως τρόποις ὑψούμενος ἀσκητικῶς δοξασθεὶς γὰρ ἐν Ἄθωνι, πατριαρχῶν καλλονὴ ἐχρημάτισας. Νήφων ἔνδοξε, θείων χαρίτων ἔ- μπλησον, τοὺς πίστει καὶ πόθῳ σε μεγαλύνοντας. 12/8 Οἱ Μάρτυρες Φώτιος καὶ Ἀνίκητος ὉὍσιος Μάξιμος Θείας πίστεως, τῇ συμφωνίᾳ, τὴν οἰκείωσιν, τῆς συγγενείας, δι ἀγώνων ἱερῶν ἐλαμπρύνατε, θεομακάριστε μάρτυς Ἀνίκητε, σὺν τῷ Φωτίῳ φωτὸς τῷ θεράποντι. Ἀλλ αἰτήσασθε, δοθῆναι πταισμάτων ἄφεσιν, τοῖς μέλπουσιν ὑμῶν τὴν θείαν ἄθλησιν. Ἦχος γ. Τὴν ὡραιότητα. Τὴν τῶν λειψάνων σου, ἁγίαν λάρνακα, ἀρωματίζουσαν ζωῆς τὰς χάριτας, ὡς κιβωτὸν ἁγιασμοῦ, πλουτήσαντεες θεοφόρε, ἐξ αὐτῆς δρεπόμεθα, χάριν θείαν καὶ ἔλεος, Μάξιμε πανεύφημε, τῆς σοφίας ὁ τρόφιμος. ιὸ μὴ διαλίπῃς πρεσβεύειν, θείας τυχεῖν ἡμᾶς εὐκλείας.

13/8 Ἀπόδοση ἁγίας Μεταμορφώσεως Ἦχος Βαρύς. Μετεμορφώθης, ἐν τῷ ὄρει Χριστὲ ὁ Θεός... 14/8 Προεόρτια Κοιμήσεως Θεοτόκου, Προφήτου Μιχαίου Λαοὶ προσκιρτήσατε, χεῖρας κροτοῦντες πιστῶς, καὶ πόθῳ ἀθροίσθητε, σήμερον χαίροντες, καὶ φαιδρῶς ἀ- λαλάζοντες, πάντες ἐν εὐφροσύνῃ τοῦ Θεοῦ γὰρ ἡ Μήτηρ, μέλλει τῶν ἐπιγείων, πρὸς τὰ ἄνω ἀπαίρειν, ἐνδόξως ἣν ἐν ὕμνοις ἀεί, ὡς Θεοτόκον δοξάζομεν. Ὡς ὄρος περίοπτον, καὶ ἐμφανὲς ἀληθῶς, καὶ ἐμφανὲς ἀληθῶς, προεῖδες ἐν Πνεύματι, τὴν Ἐκκλησίαν Χριστοῦ, Μιχαία θεόπνευστε ὅθεν οἱ εὑρηκότες, ἐν αὐτῇ σωτηρίαν, βαίνουσιν ὡς προέφης, ἐν ταῖς τρίβοις Κυρίου, γεραίροντες ὦ Προφῆτα, τὴν πάνσεπτον μνήμην σου. 15/8 Μνήμη Κοιμήσεως τῆς ὑπεραγίας ἡμῶν Θεοτόκου Ἦχος α. Ἐν τῇ γεννήσει, τὴν παρθενίαν ἐφύλαξας ἐν τῇ κοιμήσει, τὸν κόσμον οὐ κατέλιπες Θεοτόκε μετέστης πρὸς τὴν ζωήν, μήτηρ ὑπάρχουσα τῆς ζωῆς, καὶ ταῖς πρεσβείαις ταῖς σαῖς λυτρουμένη, ἐκ θανάτου τὰς ψυχὰς ἡμῶν. 16/8 Τῆς ἀχειροποιήτου Εἰκόνος, ὁ ἅγιος Μάρτυρας ιομήδης Ἦχος β. Τὴν ἄχραντον Εἰκόνα σου, προσκυνοῦμεν ἀγαθέ, αἰτούμενοι συγχώρησιν τῶν πταισμάτων ἡμῶν, Χριστὲ ὁ Θεός βουλήσει γὰρ ηὐδόκησας σαρκί, ἀνελθεῖν ἐν τῷ Σταυρῷ, ἵνα ρύσῃ οὓς ἔπλασας ἐκ τῆς δουλείας τοῦ ἐ- χθροῦ ὅθεν εὐχαρίστως βοῶμέν σοι Χαρᾶς ἐπλήρωσας

τὰ πάντα ὁ Σωτὴρ ἡμῶν, παραγενόμενος εἰς τὸ σῶσαι τὸν κόσμον. 17/8 Ὁ ἅγιος Μάρτυρας Μύρωνας Ὡς θεῖον ἀλάβαστρον, τῶν ἱερῶν ἀρετῶν, πιστῶς ἱεράτευσας, τῇ Ἐκκλησίᾳ Χριστοῦ, καὶ χαίρων ἐνήθλησας ὅθεν τῇ εὐωδίᾳ, τῶν ἐν σοὶ χαρισμάτων, Μύρων Ἱ- ερομάρτυς, τῶν παθῶν τὸ δυσῶδες, ἀπέλασον ἀνενδότως, ἐκ τῶν ψυχῶν ἡμῶν. 18/8 Οἱ ἅγιοι Μάρτυρες Φλῶρος καὶ Λαῦρος Ἦχος πλ. α. Τὸν συνάναρχον Λόγον. Εὐσεβείας τοῖς τρόποις ἐγγυμναζόμενοι, τοῦ μαρτυρίου τὴν τρίβον διαπερᾶτε καλῶς, ὡς ὁμαίμονες λαμπροὶ Χριστὸν δοξάσαντες ὅθεν γεραίρομεν ὑμᾶς, ὡς γενναίους ἀθλητάς, Φλῶρε καὶ Λαῦρε, βοῶντες Ἀπὸ παντοίας ἀνάγκης, ρύσασθε πάντας ἡμᾶς ἅγιοι. 19/8 Ὁ ἅγιος Μάρτυρας Ἀνδρέας ὁ Στρατηλάτης Θείας πίστεως, τῇ δυναστείᾳ, προσενήνοχας, ὡς στρατηγέτης, τῷ Παντάνακτι στρατὸν θεοσύλλεκτον τύπος γὰρ τούτων Ἀνδρέα γενόμενος, μαρτυρικῶς σὺν αὐτοῖς ἠνδραγάθησας. Μεθ ὧν πρέσβευε, Κυρίῳ τῷ σὲ δοξάσαντι, δωρήσασθαι ἡμῖν τὸ μέγα ἔλεος. 20/8 Ὁ ἅγιος Προφήτης Σαμουήλ Ἐκ στείρας ἐβλάστησας, δικαιοσύνης καρπός, προφαίνων τὴν μέλλουσαν, εὐεργεσίαν ἡμῖν, Σαμουὴλ θεσπέσιε ὅθεν ἱερατεύσας, παιδιόθεν Κυρίῳ, ἔχρισας ὡς Προφήτης βασιλεῖς θείῳ μύρῳ. Καὶ νῦν τῶν σὲ εὐφημούντων, μάκαρ μνημόνευε.

21/8 Ὁ Ἀπόστολος Θαδδδαῖος, ἡ ἁγία Μάρτυς Βάσσα Θεοῦ τοῦ ἐν σώματι, ἐπιφανέντος ἡμῖν, αὐτόπτης γενόμενος, καὶ ἱερὸς μαθητής, Θαδδαῖε, ἀπόστολε, ἔλαμψας τοῖς ἐν σκότει, τὴν σωτήριον χάριν ὤφθης τῶν ἐν Ἐδέσσῃ, ἰατὴρ λαμπαδοῦχος διὸ τοὺς προσιόντας σοι, σκέπε ἑκάστοτε. Ἦχος α. Τῆς ἐρήμου πολίτης. Ὡς καλλίτεκνος μήτηρ τῇ Τριάδι προσήγαγες, Βάσσα ἀθληφόρε Θεόφρον, τοὺς καρποὺς τῆς κοιλίας σου, Θεόγνιον Ἀγάπιον Πιστόν, ἀθλήσαντας τῷ λόγῳ σου στερρῶς μεθ ὧν θείας ἀπολαύουσα χαρμονῆς, σῷζε τοὺς ἐκβοῶντάς σοι δόξα τῷ σὲ δοξάσαντι Χριστῷ, δόξα τῷ σὲ στεφανώσαντι, δόξα τῷ ἐνεργοῦντι διὰ σοῦ πᾶσιν ἰάματα. 22/8 Ὁ ἅγιος Μάρτυρας Ἀγαθόνικος Νίκης τρόπαιον, κατὰ τῆς πλάνης, Ἀγαθόνικε, λαμπρὸν ἐγείρας, τῶν ἀφθάρτων ἀγαθῶν κατηξίωσαι τοῦ γὰρ εσπότου ζηλώσας τὸν θάνατον, τῆς ἀθανάτου ζω- ῆς ὤφθης μέτοχος. Μάρτυς ἔνδοξε, Χριστὸν τὸν Θεὸν ἱ- κέτευε, δωρήσασθαι ἡμῖν τὸ μέγα ἔλεος. Ἦχος γ. Τὴν ὡραιότητα. Τὴν ἀπροσμάχητον, τοῦ Λόγου δύναμιν, Λοῦππε μακάριε, περιζωσάμενος, κατεπολέμησας στερρῶς, τὸν ἄρχοντα τῆς κακίας σὺ γὰρ ὑπερέλαμψας, ἐν ἀγῶσιν ἀθλήσεως ὅθεν καὶ ἀπέλαβες, τὸ βραβεῖον τῶν ἄθλων σου, πρεσβεύων ἐκτενῶς Ἀθλοφόρε, δοῦναι ἡμῖν πταισμάτων λύσιν.

23/8 Ἀπόδοση Κοιμήσεως Θεοτόκου Ὁ Μάρτυρας Λοῦππος Ἦχος α. Ἐν τῇ γεννήσει... Σελίδα 38 24/8 Οἱ ἅγιοι Ἱερομάρτυρες Εὐτυχής κ Κοσμάς Ἦχος δ. Ὁ ὑψωθεὶς ἐν τῷ Σταυρῷ. Ὡς φοιτητὴς τῶν ἱερῶν Ἀποστόλων, τῆς εὐσεβείας ὑποφήτης ἐδείχθης, καὶ τὴν τοῦ Λόγου σάρκωσιν ἐκήρυξας τρανῶς ὅθεν ἐνδιέπρεψας, μαρτυρίου τοῖς πόνοις, θαύμασι τῆς πίστεως, βεβαιώσας τὸν λόγον Ἱερομάρτυς πάτερ Εὐτυχές, Χριστὸν δυσώπει ὑπὲρ τῶν ψυχῶν ἡμῶν. Θείας πίστεως, διδασκαλία, κατεκόσμησας, τὴν Ἐκκλησίαν, ζηλωτὴς τῶν Ἀποστόλων γενόμενος σὺ γὰρ τῇ θείᾳ ἀγάπῃ πτερούμενος, Εὐαγγελίου τὸν λόγον διέσπειρας. Κοσμᾶ ἔνδοξε, Χριστὸν τὸν Θεὸν ἱκέτευε, δωρήσασθαι ἡμῖν τὸ μέγα ἔλεος. 25/8 Οἱ Ἀπόστολοι Βαρθολομαῖος καὶ Τίτος Ἦχος πλ. α. Τὸν συνάναρχον Λόγον. Ἐξ ἑῴας ὡς ὄρθρος ὤφθη πολύφωτος, ποντοπορήσασα ξένως, Βαρθλομαῖε σοφέ, πρὸς τὴν ύσιν ἡ σορός, ἡ τῶν λειψάνων σου τοῦ γὰρ Ἡλίου τῆς ζωῆς, δαδουχεῖ τὰς δωρεᾶς, καὶ σκότος παντοίων νόσων, ὁλοσχερῶς διαλύει, τῶν προσιόντων ταύτῃ πάντοτε. Ἦχος πλ. α. Τὸν συνάναρχον Λόγον. Προκληθεὶς οὐρανόθεν πρὸς γνῶσιν ἔνθεον, τὴν ἐν σαρκὶ τοῦ εσπότου ἐπιδημίαν ἐν γῇ, αὐτοψεὶ ἑωρακὼς φωτὸς πεπλήρωσαι ὅθεν τοῦ Παύλου κοινωνός, θεηγόρος γεγονώς, τὴν Κρήτην πᾶσαν πυρσεύεις, τῆς εὐσεβείας, τῷ λόγῳ, Τίτε ἀπόστολε μακάριε.

26/8 Οἱ ἅγιοι Μάρτυρες Ἀδριανός καὶ Ναταλία Ἀναφαίρετον, ὄλβον ἡγήσω, τὴν σωτήριον, πίστιν τρισμάκαρ, καταλιπὼν τὴν πατρώαν ἀσέβειαν καὶ τῷ εσπότῃ κατ ἴχνος ἑπόμενος, κατεπλουτίσθης ἐνθέοις χαρίσμασιν Ἀνδριανὲ ἔνδοξε, Χριστὸν τὸν Θεὸν ἱκέτευε, ὁμοῦ σὺν Ναταλία τῇ θεοφρόνι. 27/8 Ὁ ὅσιος Πατέρας Ποιμένας Θείων ἔργων σου, τῇ δαδουχίᾳ, λαμπρυνόμενος τῇ διανοίᾳ, διακρίσεως φωστὴρ ὤφθης ἄδυτος, διασκεδάζων παθῶν τὴν σκοτόμαιναν, καὶ καταυγάζων ἡμῶν τὰ νοήματα. Ποιμὴν ὅσιε, Χριστὸν τὸν Θεὸν ἱκέτευε, δωρήσασθαι ἡμῖν τὸ μέγα ἔλεος. 28/8 Ὁ ὅσιος Πατέρας ἡμῶν Μωυσῆς ὁ Αἰθίοπας Ἦχος πλ. α. Τὸν συνάναρχον Λόγον. Τῶν παθῶν καταλείψας πάτερ τὴν Αἴγυπτον, τῶν ἀ- ρετῶν ἐν τῷ ὄρει ἀνῆλθες πίστει θερμῇ, τὸν Σταυρὸν τὸν τοῦ Χριστοῦ ἄρας ἐπ ὤμων σου καὶ δαξασθεὶς θεουργικῶς, τύπος ὤφθης μοναστῶν, Μωσῆ πατέρων ἀ- κρότης. Μεθ ὧν ἀπαύστως δυσώπει, ἐλεηθῆναι τὰς ψυχὰς ἡμῶν. 29/8 Μνήμη ἀποτομῆς τ. Κεφαλῆς ἁγίου ἐνδόξου Προφήτου, Προδρόμου καὶ Βαπτιστοῦ Ἰωάννου. Ἦχος β. Μνήμη δικαίου μετ ἐγκωμίων, σοὶ δὲ ἀρκέσει ἡ μαρτυρία τοῦ Κυρίου Πρόδρομε ἀνεδείχθης γὰρ ὄντως καὶ Προφητῶν σεβασμιώτερος, ὅτι καὶ ἐν ρείθροις βαπτίσαι, κατηξιώθης τὸν κηρυττόμενον. Ὅθεν τῆς ἀληθείας ὑπεραθλήσας, χαίρων εὐηγγελίσω καὶ τοῖς ἐν ἅδῃ, Θε-

ὸν φανερωθέντα ἐν σαρκί, τὸν αἴροντα τὴν ἁμαρτίαν τοῦ κόσμου, καὶ παρέχοντα ἡμῖν τὸ μέγα ἔλεος. 30/8 Οἱ ἅγιοι Πατριάρχες Κωνσταντινουπόλεως Ἀλέξανδρος, Ἰωάννης καὶ Παῦλου ὁ Νέος Ἦχος β. Μνήμη δικαίου μετ ἐγκωμίων... Ὡς πάντων ὑπέρτερος, τῶν Προφητῶν ἀληθῶς, αὐτόπτης καὶ Πρόδρομος, τῆς παρουσίας Χριστοῦ, Προφῆτα γεγένησαι ὅθεν καὶ παρ Ἡρώδου, ἐκτμηθείς σου τὴν Κάραν, ἔδραμες τοῖς ἐν ᾍδῃ προκηρῦξαι τὸ λύτρον διό σε Ἰωάννη Βαπτιστά, πόθῳ γεραίρομεν. Ἦχος γ. Τὴν ὡραιότητα. Μύσται οὐράνιοι ἀποδεικνύμενοι, θεῖοι ἐκφάντορες τῷ κόσμῳ ὤφθητε, τὴν Ἐκκλησίαν τοῦ Χριστοῦ, ποιμάναντες θεαρέστως, ἱερὲ Ἀλέξανδρε, τῆς Τριάδος ὁ πρόμαχος, Ἰωάννη ἔνδοξε, ὁ τῆς χάριτος τρόφιμος, καὶ Παῦλε Ἱερέων ἀκρότης ὅθεν ὑμᾶς ἀνευφημοῦμεν. 31/8 Καταθέσια τιμίας Ζώνης Ὑπεραγίας Θεοτόκου Ἦχος πλ. δ. Θεοτόκε ἀειπάρθενε, τῶν ἀνθρώπων ἡ σκέπη, Ἐσθῆτα καὶ Ζώνην τοῦ ἀχράντου σου σώματος, κραταιὰν τῇ πόλει σου περιβολὴν ἐδωρήσω, τῷ ἀσπόρῳ τόκῳ σου, ἄ- φθαρτα διαμείναντα ἐπὶ σοὶ γὰρ καὶ φύσις καινοτομεῖται καὶ χρόνος. ιὸ δυσωποῦμέν σε, εἰρήνην τῇ πολιτείᾳ σου δώρησαι, καὶ ταῖς ψυχαῖς ἡμῶν τὸ μέγα ἔλεος.