Venofer 20 mg járn/ml stungulyf, lausn og innrennslisþykkni, lausn.

Transcript

1 SAMANTEKT Á EIGINLEIKUM LYFS Þetta lyf er undir sérstöku eftirliti til að nýjar upplýsingar um öryggi lyfsins komist fljótt og örugglega til skila. Heilbrigðisstarfsmenn eru hvattir til að tilkynna allar aukaverkanir sem grunur er um að tengist lyfinu. Í kafla 4.8 eru upplýsingar um hvernig tilkynna á aukaverkanir. 1. HEITI LYFS Venofer 20 mg járn/ml stungulyf, lausn og innrennslisþykkni, lausn. 2. INNIHALDSLÝSING Hver 5 ml lykja eða hettuglas af Venofer inniheldur 100 mg járns í formi járnsúkrósa (járn(iii)-hýdroxíð-súkrósakomplex; 20 mg járns/ml). Sjá lista yfir öll hjálparefni í kafla LYFJAFORM Stungulyf, lausn og innrennslisþykkni, lausn. Venofer er dökkbrún, ógegnsæ vatnslausn með sýrustig 10,5-11,0 og osmósuþéttni mosmól/l. 4. KLÍNÍSKAR UPPLÝSINGAR 4.1 Ábendingar Venofer er ætlað til meðferðar við járnskorti við eftirfarandi ábendingar: Þegar klínísk þörf er fyrir hraða uppbyggingu járnforða líkamans. Fyrir sjúklinga sem ekki þola járn til inntöku eða fara ekki eftir fyrirmælum um að taka inn járn. Við virkan bólgusjúkdóm í ristli þegar járnlyf til inntöku eru ekki árangursrík. Við langvinnum nýrnasjúkdómi þegar inntaka járnlyfja skilar minni árangri. Greining á járnskorti verður að byggjast á viðeigandi rannsóknastofumælingum (t.d. Hb, ferritin í sermi, TSAT, járn í sermi o.s.frv.). (Hb: blóðrauði, TSAT: transferrínmettun) 4.2 Skammtar og lyfjagjöf Fylgist vel með sjúklingum vegna einkenna um ofnæmisviðbrögð meðan á gjöf stendur og eftir hverja gjöf af Venofer. Venofer skal aðeins gefa ef til staðar er starfsfólk, sem þjálfað er til að meta og meðhöndla bráðaofnæmisviðbrögð, í umhverfi þar sem allur nauðsynlegur endurlífgunarbúnaður er til staðar. Fylgjast skal með sjúklingnum með tilliti til aukaverkana í a.m.k. 30 mínútur eftir hverja gjöf með Venofer (sjá kafla 4.4). Skammtar Samanlagðan skammt af Venofer skal reikna út fyrir hvern sjúkling fyrir sig og ekki má gefa meira en sem honum nemur. 1

2 Skammtaútreikningar Samanlagður heildarskammtur Venofer, sem jafngildir samanlögðum járnskortinum (mg) er ákvarðaður út frá magni blóðrauða og líkamsþyngd. Skammt Venofer skal reikna út einstaklingsbundið fyrir hvern sjúkling fyrir sig, í samræmi við heildarjárnskort, sem reiknaður er samkvæmt eftirfarandi Ganzoni jöfnu, til dæmis: Heildarjárnskortur [mg] = líkamsþyngd [kg] x (markgildi blóðrauða - raunverulegur blóðrauði) [g/dl] x 2,4* + forðajárn [mg] Líkamsþyngd < 35 kg: Líkamsþyngd 35 kg: Markgildi blóðrauða = 13 g/dl og forðajárn = 15 mg/kg líkamsþyngdar Markgildi blóðrauða = 15 g/dl og forðajárn = 500 mg * Stuðull 2,4 = 0,0034 (járninnihald blóðrauða = 0,34%) x 0,07 (blóðrúmmál = 7% af líkamsþyngd) x (umbreyting úr [g] yfir í [mg]) x 10 Heildarmagn Venofer sem skal gefa (í ml) = Heildarjárnskortur [mg] 20 mg járn/ml Heildarmagn Venofer (ml) sem skal gefa samkvæmt líkamsþyngd, raunverulegum gildum blóðrauða og markgildi blóðrauða*: Líkamsþyngd Heildarfjöldi lykja/hettuglasa af Venofer sem gefa skal: (1 lykja eða hettuglas af Venofer samsvarar 5 ml) Blóðrauði Blóðrauði Blóðrauði Blóðrauði 10,5 g/dl 6,0 g/dl 7,5 g/dl 9,0 g/dl 30 kg 9,5 8,5 7,5 6,5 35 kg 12,5 11, kg 13, ,5 45 kg , kg ,5 55 kg kg ,5 11,5 65 kg 19 16,5 14, kg 20 17, ,5 75 kg 21 18, kg 22,5 19,5 16,5 13,5 85 kg 23,5 20, kg 24,5 21, ,5 *Líkamsþyngd < 35 kg: Líkamsþyngd 35 kg: Markgildi blóðrauða =13 g/dl Markgildi blóðrauða =15 g/dl Til að breyta blóðrauða (mm) yfir í blóðrauða (g/dl) skal margfalda hið fyrrnefnda með 1,6. Ef nauðsynlegur heildarskammtur er meiri en hámarksmagn sem gefa má í einum skammti, verður að skipta lyfjagjöfinni upp. Skammtar Fullorðnir 5-10 ml af Venofer ( mg af járni) 1 sinni til 3 sinnum í viku. Sjá tímalengd lyfjagjafar og þynningarhlutfall undir Lyfjagjöf. 2

3 Börn Notkun Venofer hefur ekki verið nægilega vel rannsökuð hjá börnum. Því er ekki mælt með notkun Venofer handa börnum. Lyfjagjöf Venofer má einungis gefa í bláæð. Það má gefa með innrennsli, hægri inndælingu eða beint í bláæðarlegg blóðskilunartækis. Innrennsli í bláæð Venofer skal einungis þynna með sæfðri 9 mg/ml natríumklóríðlausn (NaCl). Þynning verður að fara fram rétt áður en lyfið er gefið og gefa skal lausnina á eftirfarandi hátt: Venofer skammtur (mg af járni) Venofer skammtur (ml af Venofer) Hámarksrúmmál sæfðrar 9 mg/ml NaCl lausnar til þynningar 3 Lágmarkstími innrennslis 100 mg 5 ml 100 ml 15 mínútur 200 mg 10 ml 200 ml 30 mínútur Með hliðsjón af stöðugleika lyfsins má ekki þynna það umfram það sem að framan greinir. Inndæling í bláæð Gefa má Venofer með hægri inndælingu í bláæð þannig að gefinn sé 1 ml af óþynntri lausn á mínútu (þ.e. 5 mínútur fyrir hverja lykju eða hettuglas) og ekki meira en 2 lykjur eða hettuglös af Venofer (200 mg af járni) hverju sinni. Inndæling í bláæðarlegg blóðskilunartækis Gefa má Venofer meðan á blóðskilun stendur, beint inn í bláæðarlegg blóðskilunartækisins við sömu aðstæður og við inndælingu í bláæð. 4.3 Frábendingar Ekki má nota Venofer við eftirtaldar aðstæður: Ofnæmi fyrir virka efninu, Venofer eða einhverju hjálparefnanna sem talin eru upp í kafla 6.1. Þekkt alvarlegt ofnæmi fyrir öðrum járnlyfjum til inndælingar. Blóðleysi sem ekki stafar af járnskorti. Vísbendingar um ofhleðslu járns eða arfgenga röskun á járnnýtingu líkamans. 4.4 Sérstök varnaðarorð og varúðarreglur við notkun Járnlyf sem gefin eru með inndælingu geta valdið ofnæmisviðbrögðum, þ.m.t. alvarlegum og hugsanlega banvænum bráðaofnæmis-/bráðaofnæmislíkum viðbrögðum. Einnig hefur verið tilkynnt um ofnæmisviðbrögð eftir skammta af járnkomplexum til inndælingar sem ekki höfðu vakið viðbrögð áður þ.m.t. járnsúkrósa. Hins vegar hafa allmargar rannsóknir sem gerðar voru hjá sjúklingum með sögu um ofnæmisviðbrögð við járndextrani eða járnglúkonati sýnt að Venofer þoldist vel. Sjá upplýsingar í kafla 4.3 um þekkt alvarleg ofnæmisviðbrögð við öðrum járnlyfjum til gjafar í æð. Hættan á ofnæmisviðbrögðum er meiri hjá sjúklingum með þekkt ofnæmi, þ.m.t. lyfjaofnæmi og hjá sjúklingum með sögu um alvarlegan astma, exem eða annað atópískt ofnæmi. Einnig er aukin hætta á ofnæmisviðbrögðum vegna járnkomplexa til inndælingar, hjá sjúklingum með ónæmis- eða bólgusjúkdóma (t.d. rauða úlfa, iktsýki). Venofer skal aðeins gefa ef til staðar er starfsfólk, sem þjálfað er til að meta og meðhöndla bráðaofnæmisviðbrögð, í umhverfi þar sem allur nauðsynlegur endurlífgunarbúnaður er til staðar. Fylgjast skal með hverjum sjúklingi með tilliti til aukaverkana í a.m.k. 30 mínútur eftir hverja

4 inndælingu með Venofer. Ef ofnæmisviðbrögð eða einkenni um óþol koma fram við lyfjagjöf skal umsvifalaust stöðva meðferðina. Endurlífgunarbúnaður og búnaður til meðhöndlunar á bráðum bráðaofnæmis-/bráðaofnæmislíkum viðbrögðum skal vera til staðar, þ.m.t. 1:1000 adrenalínlausn til inndælingar. Enn fremur skal gefa viðbótarmeðferð með andhistamínum og/eða barksterum eftir því sem við á. Hjá sjúklingum með truflanir á lifrarstarfsemi þarf að fara fram vandlegt mat á áhættu og ávinningi áður en járn er gefið með inndælingu. Forðast skal að gefa sjúklingum með truflanir á lifrarstarfsemi járn til inndælingar þegar ofhleðsla járns er einn af orsakaþáttunum, sér í lagi Porphyria Cutanea Tarda (PCT). Mælt er með náinni vöktun á járnstöðu til að forðast ofhleðslu járns. Fara skal varlega í að gefa járn til inndælingar þegar um eru að ræða bráðar eða langvarandi sýkingar. Mælt er með því að inngjöf Venofer sé stöðvuð þegar sjúklingar eru með blóðsýkingu (bacteraemia). Hjá sjúklingum með langvarandi sýkingu skal meta áhættu og ávinning. Forðast skal að lyfið leki út úr æð vegna þess að Venofer leki á stungustað getur verið sársaukafullur, valdið bólgum og brúnni blettamyndun á húð. 4.5 Milliverkanir við önnur lyf og aðrar milliverkanir Eins og við á um öll járnlyf til gjafar í æð er mælt með því að Venofer sé ekki gefið samhliða járnlyfjum til inntöku vegna þess að frásog járns sem tekið er inn getur verið minnkað. Því skal ekki hefja meðferð með járni til inntöku fyrr en að minnsta kosti 5 dögum eftir síðustu inndælingu Venofer. 4.6 Frjósemi, meðganga og brjóstagjöf Meðganga Engar upplýsingar liggja fyrir um notkun járnsúkrósa hjá þunguðum konum á fyrsta þriðjungi meðgöngu. Upplýsingar um notkun Venofer hjá þunguðum konum á öðrum og þriðja þriðjungi meðgöngu (303 þunganir) sýndu engin skaðleg áhrif á móður eða nýbura. Áhættu/ávinning skal meta vandlega áður en lyfið er notað á meðgöngu og Venofer á ekki að nota á meðgöngu nema brýna nauðsyn beri til (sjá kafla 4.4). Í mörgum tilvikum má meðhöndla járnskortsblóðleysi, sem kemur fram á fyrsta þriðjungi meðgöngu, með járni til inntöku. Meðferð með Venofer ætti að einskorðast við annan og síðasta þriðjung meðgöngu ef ávinningurinn er talinn vega þyngra en hugsanleg áhætta fyrir bæði móður og fóstur. Dýrarannsóknir benda hvorki til beinna né óbeinna skaðlegra áhrifa hvað varðar eiturverkanir á æxlun (sjá kafla 5.3). Brjóstagjöf Takmarkaðar upplýsingar liggja fyrir um útskilnað járns í brjóstamjólk eftir gjöf járnsúkrósa í bláæð. Í einni klínískri rannsókn fengu 10 heilbrigðar mæður með börn á brjósti og járnskort 100 mg af járni á formi járnsúkrósa. Fjórum dögum eftir meðferð hafði járninnihald mjólkurinnar ekki aukist. Ekki er hægt að útiloka að nýburar/ungbörn gætu verið útsettir fyrir járni úr Venofer með brjóstamjólkinni og því skal meta áhættu/ávinning. Ólíklegt er að járnsúkrósi sem ekki hefur umbrotnað skiljist út í brjóstamjólk. Hjá mjólkandi rottum sem fengu meðferð með 59 Fe-merktum járnsúkrósa, kom fram að lítið magn af járni skildist út í mjólkina og að ungarnir fengu járnið í sig með henni. Frjósemi Rannsóknir á dýrum hafa ekki sýnt fram á nein áhrif meðferðar með járnsúkrósa á frjósemi eða æxlun hjá rottum. 4

5 4.7 Áhrif á hæfni til aksturs og notkunar véla Verði vart við sundl, ringlun eða væga vönkun í kjölfar inngjafar Venofer skulu sjúklingar hvorki aka né stýra velknúnum tækjum fyrr en einkennin eru farin. 4.8 Aukaverkanir Algengasta aukaverkunin sem skráð var í klínískum rannsóknum á Venofer var bragðskynstruflun, sem kom fyrir með tíðninni 4,5 tilvik fyrir hverja 100 þátttakendur. Mikilvægustu alvarlegu aukaverkanirnar sem tengjast Venofer eru ofnæmisviðbrögð sem komu fyrir með tíðninni 0,25 tilvik fyrir hverja 100 þátttakendur í klínískum rannsóknum. Aukaverkanirnar sem tilkynnt var um eftir að þátttakendum í klínískum rannsóknum var gefið Venofer sem og þær sem tilkynnt var um eftir að lyfið var sett á markað eru settar fram í töflunni hér á eftir. Flokkun eftir líffærum Algengar ( 1/100; <1/10) Sjaldgæfar ( 1/1.000; <1/100) Mjög sjaldgæfar ( 1/10.000, <1/1.000) Tíðni ekki þekkt 1) Ónæmiskerfi Ofnæmi Bráðaofnæmislík viðbrögð, ofnæmisbjúgur Taugakerfi Bragðskynstruflanir Höfuðverkur, sundl, náladofi, skert snertiskyn Yfirlið, svefnhöfgi Skert meðvitund, ruglástand, meðvitundarleysi, kvíði, skjálfti Hjarta Hjartsláttarónot Hægtaktur, hraðtaktur Æðar Lágþrýstingur, háþrýstingur Hitakóf, bláæðabólga Blóðrásarbilun, bláæðabólga með segamyndun Öndunarfæri, brjósthol og miðmæti Mæði Berkjukrampi Nýru og þvagfæri Litmiga Meltingarfæri Ógleði Uppköst, kviðverkir, niðurgangur, hægðatregða Húð og undirhúð Kláði, útbrot Ofsakláði, roði Stoðkerfi og stoðvefur Almennar aukaverkanir og aukaverkanir á íkomustað Viðbrögð á stungustað/innrennslisstað 2) Vöðvakippir, vöðvaverkir, liðverkir, verkir í útlim, bakverkir Kuldahrollur, þróttleysi, þreyta, útlimabjúgur, verkir Brjóstverkur, ofsvitnun, sótthiti Kaldur sviti, lasleiki, fölvi Rannsóknaniðurs töður Hækkun alanín amínótransferasa, hækkun aspartat amínótransferasa, hækkun gamma-glútamýltransferasa, hækkun ferritíns í sermi 5 Hækkun laktat dehýdrógenasa í blóði

6 1) Aukaverkanatilkynningar eftir markaðssetningu 2) Algengustu aukaverkanirnar eru: verkur, lyf fer utan æðar á stungustað, erting á stungustað, viðbrögð á stungustað, litabreyting á stungustað, margúll á stungustað, kláði á stungustað. Tilkynning aukaverkana sem grunur er um að tengist lyfinu Eftir að lyf hefur fengið markaðsleyfi er mikilvægt að tilkynna aukaverkanir sem grunur er um að tengist því. Þannig er hægt að fylgjast stöðugt með sambandinu milli ávinnings og áhættu af notkun lyfsins. Heilbrigðisstarfsmenn eru hvattir til að tilkynna allar aukaverkanir sem grunur er um að tengist lyfinu samkvæmt fyrirkomulagi sem gildir í hverju landi fyrir sig, sjá Appendix V. 4.9 Ofskömmtun Ofskömmtun getur valdið ofhleðslu járns sem getur komið fram með járnútfellingum í vefjum. Veita skal meðferð við ofskömmtun, eftir því sem meðferðarlæknir telur nauðsynlegt, með lyfi sem klóbindur járn eða samkvæmt hefðbundinni læknismeðferð. 5. LYFJAFRÆÐILEGAR UPPLÝSINGAR 5.1 Lyfhrif Flokkun eftir verkun: Blóðleysislyf, járn, stungulyf, ATC-flokkur: B03AC Verkunarháttur Járnsúkrósi, virka innihaldsefnið í Venofer er samsett úr fjölkjarna járn(iii)-hýdroxíð kjarna sem er umlukinn miklum fjölda súkrósasameinda tengdum með ósamgildum tengjum. Meðalþyngd mólmassa komplexins er um það bil 43 kda. Fjölkjarna járnkjarninn hefur svipaða byggingu og kjarni lífeðlisfræðilega járnforðapróteinsins ferritíns. Komplexinn er hannaður til þess að veita, á skipulagðan hátt, nýtilegt járn fyrir járnflutningsprótein og járnforðaprótein líkamans (þ.e. annars vegar transferrín og hins vegar ferritín). Eftir gjöf í bláæð er fjölkjarna járnkjarninn úr komplexnum fyrst og fremst tekinn upp af netþekjukerfinu í lifur, milta og beinmerg. Í öðru skrefi er járnið notað til nýmyndunar blóðrauða, vöðvarauða og annarra ensíma sem innihalda járn, eða geymt, aðallega í lifur á formi ferritíns. Verkun og öryggi Langvinnur nýrnasjúkdómur Rannsóknin LU98001 var eins arms rannsókn sem skoðaði verkun og öryggi þegar sjúklingar í blóðskilun með járnskortsblóðleysi (blóðrauði >8 og <11,0 g/dl, mettun transferríns (TSAT) <20% og ferritín í sermi 300 μg/l) sem voru á meðferð með rhuepo fengu 100 mg af járni sem gefið var sem Venofer í allt að 10 lotum yfir 3 4 vikna tímabil. Blóðrauðagildi 11 g/dl náðust hjá 60/77 sjúklingum. Meðalaukning á ferritíni í sermi og TSAT frá upphafsgildum til meðferðarloka (dagur 24) var marktæk sem og í eftirfylgnikomum eftir 2 og 5 vikur. Rannsóknin 1VEN03027 var slembiröðuð rannsókn sem bar saman Venofer (1.000 mg sem skipt var niður á 14 daga) og járnsúlfat til inntöku (325 mg 3 sinnum á dag í 56 daga) hjá sjúklingum með langvinna nýrnasjúkdóma sem voru ekki háðir blóðskilun (blóðrauði 11,0 g/dl, ferritín í sermi 300 μg/l og TSAT 25%), með eða án rhuepo. Klínísk svörun (skilgreind sem hækkun blóðrauðagilda 1,0 g/dl og hækkun á ferritíni í sermi 160 μg/l) sást oftar hjá sjúklingum sem fengu meðferð með Venofer (31/79; 39,2%) samanborið við járn til inntöku (1/82; 1,2%); p<0,0001. Bólgusjúkdómur í þörmum Slembiröðuð samanburðarrannsókn bar saman Venofer (stakur 200 mg járnskammtur í bláæð einu sinni í viku eða aðra hverja viku þar til heildarskammti var náð) og járn til inntöku (200 mg tvisvar á dag í 20 vikur) hjá sjúklingum með bólgusjúkdóma í þörmum og blóðleysi (blóðrauði <11,5 g/dl). Í 6

7 lok meðferðar kom í ljós hækkun á blóðrauðagildum 2,0 g/dl hjá 66% sjúklinganna sem fengu Venofer samanborið við hjá 47% þeirra sem fengu járn til inntöku (p=0,07). Eftir fæðingu Slembiröðuð samanburðarprófun hjá konum með járnskortsblóðleysi í kjölfar barnsfæðingar (blóðrauði <9 g/dl og ferritín í sermi <15 μg/l klukkustundum eftir fæðingu) bar saman mg af járni sem gefið var sem Venofer á degi 2 og 4 (n=22) og 200 mg af járni til inntöku, gefið sem járnsúlfat, tvisvar á dag í 6 vikur (n=21). Meðaltalshækkun blóðrauðagilda frá upphafsgildum fram að degi 5 var 2,5 g/dl hjá hópnum sem fékk Venofer og 0,7 g/dl hjá hópnum sem fékk járn til inntöku (p<0,01). Meðganga Í slembiraðaðri samanburðarrannsókn var konum á síðasta þriðjungi meðgöngu með járnskortsblóðleysi (blóðrauði 8 til 10,5 g/dl og ferritín í sermi <13 µg/l) slembiraðað til að fá Venofer (heildarskammtur var gefinn á 5 daga tímabili og var reiknaður út frá einstaklingsgrundvelli) eða járnpólýmaltósaflóka (e. iron polymaltose complex) til inntöku (100 mg 3 á dag fram að fæðingu). Hækkun blóðrauðagilda frá upphafsgildum var marktækt meiri hjá hópnum sem fékk Venofer samanborið við hópinn sem fékk járn til inntöku, bæði á degi 28 og við fæðingu (p<0,01). 5.2 Lyfjahvörf Dreifing Járnhvörf járnsúkrósa merktum með 52 Fe og 59 Fe voru metin hjá 6 sjúklingum með blóðleysi og langvinna nýrnabilun. Á fyrstu 6-8 klukkustundunum var 52 Fe tekið upp í lifur, milta og beinmerg. Upptaka geislavirkninnar í átfrumuríku miltanu er talin sýna járnupptöku netþekjunnar. Eftir gjöf staks 100 mg járnskammts með gjöf járnsúkrósa í bláæð hjá heilbrigðum sjálfboðaliðum náðist hámarksþéttni heildarjárns í sermi 10 mínútum eftir inndælinguna og var meðalþéttni 538 mól/l. Dreifingarrúmmál miðhólfsins samsvaraði plasmarúmmálinu vel (um það bil 3 lítrar). Umbrot Eftir inndælingu klofnar súkrósi að miklu leyti og fjölkjarna járnkjarninn er aðallega tekinn upp af netþekjukerfinu í lifur, milta og beinmerg. Fjórum vikum eftir gjöf lyfsins var nýting rauðra blóðkorna á járni á bilinu 59 til 97%. Brotthvarf Meðalþyngd mólmassa járnsúkrósakomplexins er um það bil 43 kda, sem er nægilega mikið til að koma í veg fyrir brotthvarf um nýru. Brotthvarf járns um nýru sem á sér stað á fyrstu 4 klst. eftir inndælingu 100 mg af járni í skammti af Venofer, samsvaraði minna en 5% af skammtinum. Eftir 24 klst. hafði heildarþéttni járns í sermi minnkað niður í það sem hún var áður en skammturinn var gefinn. Brotthvarf súkrósa um nýru var um það bil 75% af gefnum skammti. 5.3 Forklínískar upplýsingar Forklínískar upplýsingar benda ekki til neinnar sérstakrar hættu fyrir menn, á grundvelli hefðbundinna rannsókna á eiturverkunum eftir endurtekna skammta, eiturverkunum á erfðaefni og eiturverkunum á æxlun og þroska. 6. LYFJAGERÐARFRÆÐILEGAR UPPLÝSINGAR 6.1 Hjálparefni Vatn fyrir stungulyf Natríumhýdroxíð (til stillingar á sýrustigi). 7

8 6.2 Ósamrýmanleiki Ekki má blanda þessu lyfi saman við önnur lyf en þau sem nefnd eru í kafla 6.6. Hætta er á útfellingum og/eða milliverkunum ef lyfinu er blandað við aðrar lausnir eða önnur lyf. Samrýmanleiki við ílát, önnur en þau sem eru úr gleri, pólýetýleni eða PVC, er ekki staðfestur. 6.3 Geymsluþol Geymsluþol lyfsins í órofinni pakkningu: 3 ár. Geymsluþol eftir að umbúðir hafa verið rofnar: Með hliðsjón af hættu á örverumengun á að nota lyfið strax. Geymsluþol eftir þynningu með sæfðri 9 mg/ml natríumklóríð (NaCl) lausn: Sýnt hefur verið fram á eðlis- og efnafræðilegan stöðugleika meðan á notkun stendur í 24 klst. við 25 C. Frá örverufræðilegu sjónarmiði skal engu að síður nota lyfið strax eftir þynningu. Ef lyfið er ekki notað strax eru geymslutími og geymsluaðstæður fyrir notkun á ábyrgð notanda og skulu að jafnaði ekki fara yfir 24 klst. við 2 til 8 C. 6.4 Sérstakar varúðarreglur við geymslu Geymið ekki við hærri hita en 25 C. Má ekki frjósa. Geymið í upprunalegum umbúðum. Geymsluskilyrði eftir þynningu lyfsins eða eftir að pakkning lyfsins hefur verið rofin, sjá kafla Gerð íláts og innihald 5 ml lausn í lykju (gler af gerð I), í pakkningum með 5 lykjum. 5 ml lausn í hettuglasi (gler af gerð I), í pakkningum með 5 hettuglösum. Ekki er víst að báðar pakkningastærðir séu markaðssettar. 6.6 Sérstakar varúðarráðstafanir við förgun og önnur meðhöndlun Skoða á lykjur og hettuglös með tilliti til botnfalls og skemmda, áður en lyfið er gefið. Notið eingöngu lausnir sem eru einsleitar og án botnfalls. Venofer má ekki blanda öðrum lyfjum en sæfðri 9 mg/ml natríumklóríðlausn til þynningar. Sjá leiðbeiningar um þynningu lyfsins fyrir lyfjagjöf í kafla 4.2. Þynnta lausnin á að vera brún og tær. Hver lykja/hettuglas af Venofer er eingöngu ætluð til einnar notkunar. Farga skal öllum lyfjaleifum og/eða úrgangi í samræmi við gildandi reglur. 7. MARKAÐSLEYFISHAFI Vifor France Terrasse Boieldieu Tour Franklin La Défense Paris La Défense Cedex Frakkland Tel. +33 (0) Fax +33 (0)

9 8. MARKAÐSLEYFISNÚMER IS/1/01/063/01 9. DAGSETNING FYRSTU ÚTGÁFU MARKAÐSLEYFIS/ENDURNÝJUNAR MARKAÐSLEYFIS Dagsetning fyrstu útgáfu markaðsleyfis: 19. september Nýjasta dagsetning endurnýjunar markaðsleyfis: 27. október DAGSETNING ENDURSKOÐUNAR TEXTANS 10. nóvember