Rom 15:1-7. Fokus: vers 1-7 Die belangrikheid van Kerk-eenheid en ons hantering van versskille (j)

Transcript

1 Rom 15:1-7 Fokus: vers 1-7 Die belangrikheid van Kerk-eenheid en ons hantering van versskille (j) Desember 2013

2 Ps-vooraf Ps 96: 1, 2 Ontmoetingsdiens. Votum. Ons slaan ons oë op na die berge: waar sal ons hulp vandaan kom? Ons hulp is van die HERE wat hemel en aarde gemaak het. Amen Seëngroet Gemeente van ons Here Jesus: Genade vir julle en vrede van God, onse Vader, en die Here Jesus Christus deur die kragvolle werking van die Heilige Gees Amen. Lofprysing Ps 96: 5, 6, 8 Verootmoediging en Versoeningsdiens. Gebed van belydenis en vir verligting Psalm na gebed Ps 69: 12, 13, 14 1

3 Woorddiens. Die Woord van die HERE spreek tot ons uit Rom 15:1-7 Psalm as antwoord na verklaring en toepassing Ps 86: 6 Ons fokus op vers 1-6 Skrifverklaring Inleiding Geliefdes by Rom 15:1-7 kom ons aan die einde van Paulus se 'leer' in Rom oor die belangrikheid van eenhied tusen ware gelowiges en hoe ons verskille moet hanteer. 1 En wanneer Paulus dan reg aan die begin van sy afsluiting in Rom 15:1-2 skryf: En op ons wat sterk is, rus die verpligting om die swakhede te dra van die wat nie sterk is nie, en nie onsself te behaag nie. Want elkeen van ons moet die naaste behaag met die oog op wat goed is tot stigting (of opbou 2 ) dan haak Paulus weer aan by wat hy in Rom 14:19-21 geleer het. Bewys 3 En dis veral met vers 2 waar Paulus sê: elkeen van ons moet die naaste behaag 1 Vgl Moo se Rom komm bl Vgl Rom 14,19-21.odt 3 Die funksie van δε (vers 1) kan hier wees om: 'n Verdere gedagte/element by die voorafgaande te voeg (Greek grammer beyond basics bl 671; Lange se Rom komm bl 425); of 'n Oorgang na 'n nuwe gedeelte/onderwerp (Greek grammer beyond basics bl 674; Ridderbos se Rom komm bl 319). Gevolgtrek: Die betekenis van βασταζειν (1a) neem my terug na wat al gesê is in 14:17-21 (Jonker se Rom komm bl 186). Dit sê vir my dat die voegwoord δε dit wat Paulus nou gaan sê laat aansluit by 14: Ook vers 2 wat praat van αρεσκετω εις το αγαθον προς οικοδομην wys my wys dat Paulus met 15:1 se δε weer aanhaak by 14:19-21 waar dit ook gaan om οικοδομη, en nou daarop uitbrei. Dit doen Paulus nadat hy in 14:22-23 'n belangrike opmerking gemaak het oor ons vryheid in Christus en en begrensende beginsels gestel het in die toepassing daarvan (Wilson se Rom komm bl 230; Jonker se Rom komm bl 186). 2

4 met die oog op wat goed is tot opbou dat Paulus terug vat na Rom 14: En dan doen Paulus dit veral met die woord opbou. Want in Rom 14:19-21 het dit ook gegaan oor die onderlinge-opbou as Paulus daar sê: Laat ons dan najaag wat tot vrede en onderlinge opbou dien. ******************* So waar Paulus in Rom 14:22-23 waar ons vanoggend was vir ons 'n riglyn gegee het vir wanneer ons vanuit die vryheid waarmee Christus ons vrygemaak het mekaar dien en opbou kom Paulus in Rom 15 weer terug by die saak self. Die saak van Rom 14:19-21 van onderlinge-opbou En dan gaan ons tema vanaand wees In plaas van om onsself te behaag moet ons mekaar behaag tot onderlinge-opbou. En dan gaan ons stilstaan by... Die opdrag en die begronding daarvan. En die belangrikheid van die Skrif en gebed daarby. **************** 1. So ons begin dan by die opdrag. En van die opdrag hoor ons in vers

5 Opmerking En dan gaan ons eers kyk na vers 1 en dan gaan ons aan na vers 2. A. Nou in vers 1 sê Paulus: En op ons wat sterk is, rus die verpligting om die swakhede te dra van die wat nie sterk is nie, en nie onsself te behaag nie. Verduidelik 4 So hoor u: Hier's 'n opdrag. Want hier's 'n verpligting. En dans'it spesifiek die sterkes vir wie hierdie opdrag is. Want Paulus sê:... op ons wat sterk is, rus die verpligting... Verduidelik 5 So Paulus is deel van die sterkes. Hy's deel van die ons wat sterk is. Hy's deel van die gelowiges in Rome wat almeer deur die gelof die volheid van die verlossingswerk van Christus verstaan. Saam met die die sterkes in Rome weet Paulus en is hy oortuig 6 dat Christus se verlossingswerk die nuwe tyd van die Koninkryk laat kom het 4 Vgl Baljon bl Vgl Greijdanus se Rom komm vol 2 bl 616; Ridderbos se Rom komm bl 319; Moo se Rom komm bl 865 ; Rom 14 preke 6 Rom 14:14 4

6 Die nuwe tyd waarin Christus die OT-rein-en-onrein-koswette laat ophou het. En ons daarom nou vry is om enige kos te eet. **************** Maar wat is nou die verpligting wat op die sterkes is? Wel vers 1 sê dis om die swakhede te dra van die wat nie sterk is nie... Verduidelik 7 Nou wanneer Paulus praat van die swakhede... van die wat nie sterk is nie praat hy van die swakkes in die geloof. Hy praat oor daardie kosbare broeders-&-susters wat waarlik kinders van God is maar wat in Christus nog net nie gekom het by daardie oortuiging dat Christus met sy verlossingswerk die OT-seremoniële-wet laat ophou het nie. Daarom het hulle swakhede gehad soos om net groente te eet in die heidense stad Rome waar hulle onseker was oor watter vleis nou rein was. So kon ons leer toe ons by Rom 14:2 was. En daarby het hulle ook nog die OT-feesdae gevier. So kon ons leer toe ons by Rom 14:5 was. *************** 7 Vgl TDNT vol 1 bl 492; Greijdanus se Rom vol 2 bl 616; TDNT vol 1 bl 492 ; Moo se Rom komm bl 865; Rom 14 preke. 5

7 En nou sê Paulus in Rom 15:1 op ons wat sterk is, rus die verpligting om die swakhede te dra van die wat nie sterk is nie... Verduidelik 8 En as die sterkes hulle swakker-broeders-&-susters se swakhede moet dra dan's hierdie dra nie maar net verdra nie. Dis nie maar net uithou met hierdie klomp swakkes nie. Nee! Dis om hulle aktief te help. Ja dra beteken dien. Ja as Paulus sê: op ons wat sterk is, rus die verpligting om die swakhede te dra van die wat nie sterk is nie... dan sê hy: 'Weet julle wat: Ons moet mekaar dien. Ons moet in ons swak broeders-&-susters se skoene gaan staan. Ons moet moeite doen om hulle te verstaan. Hulle krisis moet ons aangryp. En dan moet ons beslis nie 'n struikelblok vir hulle wees nie. Nee! Ons moet hulle dra. Ons moet hulle dien.' 9 ***************** En weet u: Wanneer die sterkes in Rome besig is om vanuit hulle vryheid waarmee Chritus hulle vrygemaak het diensknegte te word van hulle swakker broeders-&-susters en hulle swakhede dra 8 Vgl Baljon bl 156; TDNT vol 1 bl 596; Greijdanus se Rom komm vol 2 bl 616; Ridderbos se Rom komm bl 320; Calvyn se Rom komm bl 514; Haldane se Rom komm bl 608; Moo se Rom komm bl Skrif met Skrif: In 1Kor 9:22 sê Paulus dit mooi. Hy sê: vir die swakkes het ek soos 'n swakke geword... sodat hy hulle werklik kon dien. En hieroorpraat Paulus weerseens skitterend mooi as hy in 1Kor 19:19 sê: alhoewel ek van almal vry was, het ek my aan almal diensbaar gemaak...!!!! 6

8 dan leer Paulus ons in Gal 6:2 dat ons so die wet van Christus vevul. Verduidelik 10 En oor die wet van Christus praat Christus self as Hy in Joh 15:12 sê: Dit is my gebod, dat julle mekaar moet liefhê net soos Ek julle liefgehad het. Toepassing + Selfondersoek En geliefdes dit moet ook by ons gebeur!!! Ja as daar nou een ding is wat by die kerk in Daspoort moet kom dan'sit hierdie ding waaroor Paulus praat in vers 1. Die ding van dra mekaar dien mekaar. Die ding dat ons vanuit die vryheid waarmee Christus ons vrygemaak het mekaar se diensknegte sal word wat mekaar dien volgens die wet van Christus. Die wet van selfopofferende liefde. *************** Ja hoe staan dit met ons geliefdes? Hoe is dit met my? En met u? Dis so belangrik. Want dis hoe ware gelowiges is. Dis 'n merkteken van mense wat waarlik uit genade alleen deur die geloof alleen verlos is. *************** 10 Vgl Adams se Gal komm bl 59 7

9 B. En dit het net mooi niks te doen met Ek nie. En wat ek wil nie. Dit het niks te doen met daardie vieslike sonde van selfgesentreerdheid nie. 11 Bewys Daarom dat Paulus verder praat in vers 1 en sê: op ons wat sterk is, rus die verpligting om die swakhede te dra van die wat nie sterk is nie, en nie onsself te behaag nie. En in vers 2 en nou gaan ons van vers 1 na vers 2 toe ja in vers 2 verduidelik 12 Paulus verder as hy sê: elkeen van ons moet die naaste (of sy broeder of suster 13 ) behaag... Verduidelik 14 Ja nie ek nie maar my naaste my broeder en suster moet vir my belangrik wees. Nie myself nie maar my naaste moet ek dien. En dan beteken dit nie dat ek maar enige iets vir my naaste moet doen nie en maar net 'n 'people pleaser' moet wees nie. Nee! Dis nie wat dit beteken nie as Paulus sê: elkeen van ons moet die naaste behaag Vgl NIDNTT vol 2 bl γαρ lei hier 'n sin in waarin die indirekte bevel van vers 1 meer direk herhaal word, maar dan ook verduidelikend en uitbreidend van daardie indirekte opdrag (vgl Greek grammer beyond basics bl 673; Greijdanus se Rom komm vol 2 bl 617). Dus iets soos: 'Ja, laat elkeen van ons...' 13 Naaste is altyd daardie een wat my nodig het so leer Jesus in Luk 10: Hier in vers 2 is dit my broeder en susters in die kerk (Vgl NIDNTT vol 1 bl 258; TDNT vol 6 bl 317; Moo se Rom komm bl 867). 14 Vgl NIDNTT vol 2 bl 815; Moo se Rom komm bl 867; Ridderbos se Rom komm bl

10 Bewys 15 En hoekom nie? Wel omdat Paulus verder praat in vers 2 en sê: elkeen van ons moet die naaste behaag met die oog op wat goed is tot opbou. Verduidelik 16 En dan skryf Paulus die Griekse teks van vers 2 so dat die tot opbou die met die oog op wat goed is verder verduidelik. So Paulus sê vir ons hoe ons ons naaste moet behaag. Ons moet hulle dien en nie onsself nie. En awanneer ons hulle dien moet ons dit doen met die doel om goed aan hullle te doen. En om goed te doen beteken ons bou hulle op. ************** Gevolgtrek + Selfondersoek So sien u dit geliefdes? Sien u hoe sluit Paulus met Rom 15:1-2 aan by Rom 14:19-21? Sien u hoe hamer hy hierdie saak in. Oor en oor sê hy dit. Wel op verskillende maniere. Maar elke keer is dit die selfde saak. 15 Sien voetnoot προς by προς οικοδομην (vers 2) is ook doelaanduidend net soos εις το αγαθον (Greek grammer beyond basics bl 380). Ek verstaan egter nie προς οικοδομην as 'n tweede doel by αρεσκετω nie, maar wel as 'n verduideliking van wat το αγαθον is (vgl Ridderbos se Rom komm bl 320; Lange se Rom komm bl 425; Moo se Rom komm bl 867 voetnoot 20). 9

11 Want dis so ontsettend belangrik. By ware gelowiges moet dit net gebeur. Dis die wese die hart die kern van die christelike Godsdiens. Verduidelik Want eers was ons haatlik. En het ons mekaar gehaat sê Tit 3:3. En as ons lief gehad het was dit aaklig selfgesentreerd. 17 Maar deur die geloof in Christus verander alles radikaal!!! In Christus behaag ek nie meer myself nie. Nee in Christus begin ek om my naaste te dien met selfopofferende liefde soos Christus ons lief gehad het. En dit doen ons om mekaar op te bou totdat ons almal kom tot die eenheid van die geloof en van die kennis van die Seun van God. 18 **************** So is dit so by ons? Weet u: As ons hierdie belangrike saak mis mis ons alles. Dan help ons wonderlike gereformeerdheid en dat ons behoudend is niks net mooi absoluut niks!!! Want dan's ons nog nie christene nie. Dan's ons self nog in die wêreld waar alles net om hierdie selfgesentreerde ek gaan. Dan's ons nog in ons sonde verlore. 17 Sondag Efes 4:13 10

12 So waar staan ons geliefdes? Oorgang Maar goed: Kom ons gaan nou van vers 2 af na vers 3 toe. En in vers 3 gee Paulus die rede vir die opdrag van vers En dis ons tweede punt wat gaan oor die begronding vir die opdrag van vers 1-2. Bewys Ja op ons wat sterk is, rus die verpligting om die swakhede te dra van die wat nie sterk is nie, en nie onsself te behaag nie. (Ja) elkeen van ons moet die naaste behaag met die oog op wat goed is tot stigting. Want sê Paulus in vers 3: ook Christus het Homself nie behaag nie, maar soos geskrywe is: Die smaadhede van die wat U smaad, het op My geval. En nou's hierdie rede van vers 3 'n rede wat sê: In die kerk by ware gelowiges is Christus ons norm. Christus is ons wet. Christus is ons voorbeeld. En ons moet Hom navolg. 20 Ja ons moet mekaar met selfopofferende liefde dien en mekaar so opbou. Sê die opdrag van vers Wat is die funksie van γαρ (vers 3)? Ek het hierdie rede/grond vir vers 1-2 die rede/grond waarom ons elkeen nie onsself moet behaag nie, maar die naaste met die goeie as doel, naamlik om mekaar op te bou (Greek grammer beyons basics bl 674). 20 Vgl Greijdanus se Rom komm vol 2 bl 617; Ridderbos se Rom komm bl 320; Jonker se Rom komm bl 187; comm on the NT use of the OT bl

13 En hoekom? Wel omdat Christus ons norm is ons wet is ons voorbeeld is. Skrif met Skrif En vers 3 is nie die enigste plek waar Paulus hierdie waarheid leer nie. Nee! In Efes 5:2 sê Paulus: wandel in liefde, soos Christus ons ook liefgehad het en Hom vir ons oorgegee het... En in Fil 2:4-5 skryf Paulus: Julle moet nie elkeen na sy eie belange omsien nie, maar elkeen ook na die ander s'n. Want hierdie gesindheid moet in julle wees wat ook in Christus Jesus was. En dan sê Paulus niks anders as wat Christus self geleer het nie. Want in Joh 13:15 het Christus gesê: Ek het julle 'n voorbeeld gegee om, net soos Ek aan julle gedoen het, ook so te doen. En in Joh 13:34 sê Christus: soos Ek julle liefgehad het, moet julle ook mekaar liefhê. ***************** So dis duidelik. Christus moet vir ware gelowiges altyd ons Norm wees ons Voorbeeld. 12

14 Opmerking Maar as Christus ons Voorbeeld moet wees dan moet ons Hom ook goed bestudeer. En daarom ook baie seker maak wat Paulus in vers 3 oor Christus sê. So kom ons kyk nou in meer detail na wat in vers 3 staan. *************** Nou in vers 1-2 sê Paulus dat ons nie onsself mag behaag nie. En waarom? Want ook Christus het Homself nie behaag nie... Sê Paulus in vers 3. Verduidelik Sien u hoe Christus ons Voorbeeld is? Ons moet Christus leer ken as die Een wat Homself nie behaag het nie. By Hom was daar nie een stukkie selfgesentreerdheid nie. En dan? Wel dan moet ons as sy gelowiges Hom hierin navolg *************** Maar nou'sit wanneer Psulus in vers 3 sê wat Christus wel positief gedoen het en waarin ons Christus positief moet navolg 21 dat Paulus ons aandag baie spesifiek trek. 21 αλλα verbind 3b aan 3a. αλλα plaas egter ook 3b teenoor 3a (Greek grammer beyond basics bl 671). Dus: waar 3a sê hoe Christus se optrede nie was nie Hy het Homself nie behaag nie sê 3b waarmee Christus se optrede wel inlyn was en waarvan dit 'n vervulling was. Dit was in ooreenstemming (καθως) met die Skrif en vervulling van die Skrif (Greek grammer beyond basics bl 675; Haldane se rom komm bl 609). 13

15 Verduidelik 22 Want ons sou verwag het dat Paulus iets moes skryf soos: Want ook Christus het Homself nie behaag nie maar Homself in selfopofferende liefde aan ons oorgegee. Maar nou doen Paulus nie. Nee! Hy haal aan uit Ps 69:10 en sê dan: 23 Want ook Christus het Homself nie behaag nie, maar soos geskrywe is: Die smaadhede van die wat U smaad, het op My geval. **************** En weet u: Net hier leer Paulus ons iets baie belangriks oor Christus. Iets baie baie belangriks waarin ons Christus moet navolg wanneer ons met selfopofferende liefde mekaar se diensknegte word om mekaar op te bou. Verduidelik En die eerste ding wat Paulus ons wys is dat Ps 69 ook oor Christus gaan. 24 Die tweede ding is dat Ps 69:10 ons leer dat dit vir Chritsus net nooit oor Homself gegaan het nie. Nee! God en wat God wil was vir Christus die belangrikste. 25 en die eer van God 22 Moo se Rom komm bl Vgl comm on the NT useof the OT bl Vgl ook Joh 2:17; Moo se Rom komm bl Vgl Calvyn se Rom komm bl ; Haldane se Rom komm bl

16 Ja Christus was net nooit selfgesentreerd nie. Maar altyd altyd was Hy Godgesentreerd. Daarom dat Christus in Ps 69:10 sê: Die smaadhede van die wat U (o God 26 ) smaad, het op My geval. Want dis hoe erg Christus oor God was. As daar iets teen God gedoen of geê is dan was dit ook teen Hom. ************** Toepassing En nou moet ons Christus hierin navolg. 27 In navoolging van Christus moet ons onsself al minder behaag. Al minder selfgesentreerd word en almeer Godgesentreerd. En dan? Wel dan sal ons ook mekaar se diensknegte word. Want dis wat Christus gedoen het. Hy was Godgesentreerd. God se wil was vir Hom die een en al. Skrif met Skrif Chritsus praat daaroor as Hy in Joh 4:34 sê: My voedsel is om die wil te doen van Hom wat My gestuur het en om sy werk te volbring. En toe? Wel toe het Christus net soos God wil sy naaste met selfopofferende liefde gedien Vanuit die konteks van Ps 69 is dit duidelik dat σε heir verwys na die HERE/ God die Vader (vgl ook Moo se Rom komm bl 868). 27 Vgl Calvyn se Ps komm vol 3 bl Vgl TDNT vol 2 bl ; NIDNTT vol 3 bl 597; NIDOTTE vol 3 bl 307; Reformation study Bible bl

17 Bewys Paulus praat daaroor as hy in Fil 2:7-8 skryf dat Christus die gestalte van 'n dienskneg aan (ge)neem (het) en aan die mense gelyk geword (het) en in gedaante gevind as 'n mens, het Hy Homself verneder deur gehoorsaam te word (aan God 29 ) tot die dood toe, ja, die dood van die kruis. Sodat Christus as die Groot-Dienskneg sy naaste kon bevry uit Sonde en Satan se slawerny. Sodat ons navolgers van Christus kan word wat nie onsself behaag nie maar vir God en juis daarom mekaar dien en opbou met selfopofferende liefde soos dit God se wil is. Want hierdie gebod het ons van Hom dat hy wat God liefhet, ook sy broeder moet liefhê. 30 *************** Oorgang Wat 'n wonder geliefdes!! Wat 'n ontsaglike wonder!! Maar dadelik moet ons van vers 3 na vers 4 gaan. Want as ons navolgers van Chritus moet wees wat onsself nie behaag nie maar vir God en daarom ook ons naaste dan'sie Skrif ontsettend belangrik Vgl Heb 10:5-9; Ps 40: Leer 1Joh 4:21 ons. 31 Vraag is: Na wat verwys οσα/ 'soveel as wat' (4a)? Dit sluit Ps 69:10b in, maar verwys dan ook na die hele OT (Greijdanus se Rom komm vol 2 bl 619; Reformation study Bible bl 1638; Lange se Rom komm bl 426). Dit is veral die doel waarom daar te vore geskryf is, nl εις την ημετεραν διδασκαλιαν wat my wys dat dit wat geskryf is in die hele OT, want εις την ημετεραν διδασκαλιαν is die doel van die OT volgens 2Tim 3:16 πασα γραφη θεοπνευστος και ωφελιμος προς διδασκαλιαν (vgl Reformation study Bible bl 1638). Verder wys των γραφων by δια της υπομονης και της 16

18 3. En hieroor leer Paulus ons in vers 4. En dis ons derde punt: Die belangrikheid van die Skrif vir wanneer ons met selfopofferende liefde en in navolging van Christus ons naaste moet dien. Nou in vers 4 sê Paulus: Want alles wat tevore geskrywe is, is tot ons lering tevore geskrywe, sodat ons deur lydsaamheid en bemoediging van die Skrifte hoop kan hê. Opmerking En nou's hier drie dinge wat ons vanuit vers 4 moet raaksien oor die belangrikheid van die Skrif. A. Die eerste is dat Paulus met vers 4 sê waarom 32 hy in vers 3 toe hy ons gewys het hoe Christus se lewe van God-gesentreerdheid was met Ps 69 gewerk het. En dan sê Paulus in vers 4: Ek kan vir julle Christus en sy absolute God-gesentreerdheid vanuit Ps 69 preek Want alles wat tevore (in die Skrif) geskrywe is, is tot ons lering tevore geskrywe... *************** παρακλησεως των γραφων (4c) ook baie duidelik dat Paulus hier in 4a-b besig is om te praat van die Skrif as hy praat van οσα γαρ προεγραφη (Baljon bl 190). 32 Wat is die funksie van γαρ (vers 4)? γαρ lei hier, so meen ek, 'n sin in waarmee Paulus vir my verduidelik waarom hy vanuit die OT aanhaal om my te wys hoe Christus se optrede van nie-self-behaging gelyk het dit leer ek veral uit 4a-b (Greek grammer beyons basics bl 673; Greijdanus se Rom komm vol 2 bl 619; Lange se Rom komm bl 426; Jonker se Rom komm bl 187). 17

19 B. Maar nou's daar ook 'n tweede ding. En dis dat Paulus met vers 4 wys dat die Skrif nie net vir hom is nie. Dis'ie net Paulus wat meer oor Christus vanuit die Skrif kan leer nie. Nee! Dis ook ons. Bewys Want kyk wat sê Paulus in vers 4. Hy sê nie: Want alles wat tevore (in die Skrif) geskrywe is, is tot my lering tevore geskrywe... nie. Nee! Paulus sê: alles wat tevore geskrywe is, is tot ons 33 lering tevore geskrywe... Toepassing So sien u? Die Skrif die OT maar ook die NT 34 is vir ons tevore geskrywe sodat ons Christus uit die Skrifte kan leer ken. En dadelik sien ons hoe belangrik dit is om besig te wees met die Skrif. Want in die Skrif leer ons Christus ken ημετεραν by εις την ημετεραν διδασκαλιαν = 1ste mv besitlike vnw. In konstruk met διδασκαλιαν het dit die betekenis van 'ons onderrig/ onderwysing' (Baljon bl 225; 418). 34 Vgl Calvyn se Rom komm bl Wat is die funksie van die ινα-sin (4c)? ινα + subj = doel/gevolg van waarom daar tevore tot ons lering/ onderwysing geskryf is. Dit wys op die doel/gevolg wat die Skrif vir ons het (Greek grammer beyond basics bl 473; Greijdanus se Rom komm vol 2 bl 620). Die lering daarin bring in ons hoop voort. Dit maak hoop ons konsante besit vgl ook Kol 1:23 (NIDNTT vol 2 bl 243). 18

20 Daarom moet ons die Skrif lees. 36 Saam met mekaar moet ons Bybelstudie doen. Ons moet sorg dat ons by prediking uitkom waar die Skrifte verklaar word. Want in die Skrif leer ons Christus ken vir Wie Hy is en wat Hy doen en hoe ons Hom moet navolg in 'n lewe waarin ons mekaar dien met selfopofferende liefde. *************** C. En weet u: Om so 'n lewe te leef het ons hoop nodig. 37 Opmerking En dis'ie derde ding wat ons vanuit vers 4 moet raaksien oor die belangrikheid van die Skrif. Ja om 'n lewe te leef van selfopofferende-liefde in navolging van Christus het ons hoop nodig. Verduidelik 38 Daardie vasstaande hoop. Die hoop van die komende Koninkryk van God en die verde en die lewe daarin by God. Die hoop wat seker en vas staan omdat Christus daar is met sy verlossingswerk 36 Vgl Calvyn se Rom komm bl My vraag is hier by 4c: Waarom praat Paulus hier oor ελπις? Hoe pas dit in hierdie konteks? Ek sou verwag het dat Paulus iets sou sê soos: 'sodat ons gehoorsaamheid kan besit'. Kol 1:4-5 sê: ons het gehoor van julle geloof in Christus Jesus en julle liefde tot al die heiliges,vanweë die hoop wat vir julle weggelê is in die hemele, waarvan julle vroeër gehoor het deur die woord van die waarheid van die evangelie. Hier leer ek dat hoop en liefde saamgaan vgl ook 1Kor 13:13; 1Tes 1:3 (NIDNTT vol 2 bl ). En is dit nie wat ek nodig het om nie myself te behaag nie maar wel my naste? Ja dit is!! 38 Vgl TDNT vol 2 bl ; NIDNTT vol 2 bl 214, 242,

21 aan die kruis in die graf in sy opstanding in sy hemelvaart in sy regering nou in die hemel en in sy wederkoms. **************** En weet u: Presies hierdie hoop gee Christus ons deur sy Gees in die Skrif. 39 En Paulus sê dit in vers 4. Hy sê: Want alles wat tevore geskrywe is, is tot ons lering tevore geskrywe, sodat ons deur lydsaamheid en bemoediging van die Skrifte hoop kan hê. En met hierdie hoop in ons harte kan ons almeer 'n lewe van selfopofferende-liefde in navolging van Christus leef. Verduidelik Want hoop en liefde gaan altyd saam. Paulus praat baie maal van geloof, hoop, liefde. 40 Dis dinge wat altyd saamgaan En in Kol 1:4-5 leer Paulus ons dat hoop liefde in ons opwek. 41 Want wie sal nie begin lief hê nie as ons die hoop van die Koninkryk in ons harte het nie? Ja wie sal nie begin lief hê 39 Sien voetnoot Sein voetnoot Sein voetnoot 34 20

22 as die hoop wat Christus met die bloed van sy liefde vir ons verdien het deur die Gees met die Skrif in ons harte opgewek word nie. Ja dit kan nie anders nie! Uit die Hoop wat die Skrif ons gee sal daar liefde borrel. Liefde waarmee ons ons naaste selfopofferend dien. ************** Oorgang So sien u hoe belangrik die Skrif is vir ons lewe van selfopofferende-liefde in navolging van Christus? Ja die Skrif is belangrik. Onontbeerlik belangrik. Want daarin leer ons Christus ken vir wie Hy is en wat Hy doen sodat ons Hom kan navolg. En in die Skrif kry ons hoop sodat ons kan lief hê. 4. Maar net so belangrik is gebed vir ons lewe van dienkneg-wees-vir-ons-naaste met selfopofferende-liefde in navolging van Christus. En dis ons laaste punt. En ons leer meer hieroor in vers 5-6 waar Paulus sê: En mag die God van lydsaamheid en bemoediging aan julle gee om eensgesind onder mekaar te wees ooreenkomstig die wil van Christus Jesus, sodat julle die God en Vader van onse Here Jesus Christus eendragtiglik uit een mond kan verheerlik. 21

23 Opmerking En nou's daar drie dinge wat ons moet raaksien in hierdie gebed. A. Die eertse is dat dit Paulus se gebed is. Verduidelik 42 En dat Paulus hier bid sien ons as Paulus sê: mag die God... aan julle gee... Want wanneer Paulus so skryf is hy besig om sy versmagting en smeking voor God te bring. Maar nou'sit belangrik: Paulus bid hier in sy brief wat in die kerk in Rome gelees is en wat ook vanaand in die kerk in Daspoort gelees is. So Paulus se gebed is hier in ons midde. Dis 'n gebed waarop ons 'Amen' moet sê. Dis 'n gebed wat uitendelik ook ons gebed word. 43 **************** B. En ons het hierdie gebed so nodig. En dis'ie tweede ding van vers 5-6 se gebed. Verduidelik 44 Want as Paulus en ons saam met hom bid 42 δωη (vers 5) = aor optat akt van didomi. Die optatief van didomi is hier die hoof-ww, en het daarom die betekenis van 'n wens vir die toekoms. Dit kan egter ook 'n gebed wees vir die kerk in Rome dit is hoe die optatief hier verstaan moet word (Binnewerk bl 19; Greek grammer beyond basics bl 481; Greijdanus se Rom komm vol 2 bl 620; Moo se Rom komm bl 871). Dus: 'en mag die God van volharding en vertroosting gee...' 43 1Kor 14:16 wys my dat die gemeente op die openbare gebed Amen kan sê en dat hulle soo instem met die gebed en dat die gebed ook hulle gebed is (NIDNTT vol 2 bl 873,875; Reformation study Bible bl 1663). 44 Met hierdie gebed lê Paulus die klem daarop dat ware eenheid tussen gelowiges en die bereiking daarvan genade alleen is dit is 'n baie belangrike ding wat die woord δωη na vore bring. Ons doen, van dit wat Paulus in Rom leer, is uiteindelik genade 'n gawe van God Dit moet vir ons 'n troos wees (NIDNTT vol 2 bl 42). 22

24 dat die God van lydsaamheid en bemoediging aan (ons sal) gee om eensgesind onder mekaar te wees ooreenkomstig die wil van Christus Jesus... dan erken ons dat alles net genade is. I Ons erken dat eenheid tussen ware gelowiges die groot tema van Rom 'n gawe van God is. II Ons erken dat om mekaar aan te neem wat so nodig is vir eenheid tussen ware gelowiges en waaroor Rom 14:1 en Rom 15:7 praat 'n gawe van God is. III Die sterkes en swakkes in die kerk in Rome erken dat hulle nooit ooit sal ophou om mekaar te veroordeel en te verag nie dit waaroor Rom 14:3-4 gaan as God dit nie gee nie. IV Ons erken dat ons nooit uit ons eie vir die Here sal lewe nie en so sal verenig in sy wil nie dit waaroor Rom 14:5-9 gaan as God dit nie gee nie. V Ons erken dat ons nooit met die fokus van geregtigheid vrede mekaar in vryheid sal dien en opbou dit waaroor Rom 14:13-23 gaan as God dit nie gee nie. en blydskap 23

25 VI Ons erken dat ons nooit navolgers van Christus sal wees wat God-gesentreerd met selfopofferende liefde dien dit waaroor Rom 15:1-4 gaan as God dit nie gee nie. **************** Toepassing Ja ons het God nodig geliefdes! Daarom dat Paulus in vers 5-6 bid. En ons Amen moet sê op sy gebed. En nou 'sie vraag: En het ons al so gebid? Besef ons dit? Het ek en u al gevra: 'O God gee dat ook ek deel sal wees van u gelowiges en gee dat ons eensgesind onder mekaar (sal) wees ooreenkomstig die wil van Christus Jesus '. ************** C. En dis so belangrik! En dis'ie derde ding van vers 5-6 se gebed. Dis so belangrik! En Paulus wys'it as hy in vers 6 bid: En mag die God van lydsaamheid en bemoediging aan julle gee om eensgesind onder mekaar te wees ooreenkomstig die wil van Christus Jesus, sodat julle die God en Vader van onse Here Jesus Christus eendragtiglik uit een mond kan verheerlik. Verduidelik 45 Sien u hoe belangrik hierdie gebed is? Ja... dis belangrik. 45 ινα + δοξαζητε (praes sub akt) gee hier die groot doel van waarom Paulus bid vir eensgesindheid en waarom daar ook eensgesinheid moet wees (Greek grammer beyond basics bl 472; Moo se Rom komm bl 872). 24

26 Want alles wat Paulus in Rom geleer het oor die belangrikheid van eenheid tussen gelowiges gaan uiteindelik daaroor dat ons die God en Vader van onse Here Jesus Christus eendragtiglik uit een mond kan verheerlik. ************** Toepassing 46 In die wêreld is dit nie so nie. In die totaal verdorwe mensdom is dit so anders. Daar verafgod ons onsself. Daar haat ons mekaar in selfgesentreerdheid in plaas daarvan dat ons die God en Vader van onse Here Jesus Christus eendragtiglik uit een mond kan verheerlik. Maar in die kerk by die ware gelowiges moet dit anders wees. Want in Christus het God vir Hom weer mense verlos om Hom eendragtiglik uit een mond (te) verheerlik... Slot En juis daarom moet ons bid geliefdes. Saam met Paulus moet ons bid dat God sal gee I dat ons Christus al meer uit die Skrifte sal leer ken. II Saam met Paulus moet ons bid dat ons Christus al meer sal navolg. dat God sal gee 46 Vgl Reformation study Bible bl

27 III Saam met Paulus moet ons bid dat God sal gee dat ons al meer God-gesentreerd sal leef sodat ons mekaar kan aanneem in die vryheid van selfopofferende-liefde en mekaar al meer kan dien Amen. sodat ons God eendragtiglik uit een mond kan verheerlik. sodat die wêreld kan glo dat God sy Seun gestuur het. 47 Antwoorddiens Psalm as antwoord op die Woord Ps 86: 6 Gebed Barmhartigheidsdiens Psalm tydens kollekte : Ps 116: 1, 5, 7 Slotpsalm : Ps 66: 1, 6, 7 Wegstuurseën. Ontvang nou die seën van die HERE en gaan in vrede. Die genade van die Here Jesus Christus en die liefde van God en die gemeenskap van die Heilige Gees sy met julle almal! Amen. 47 Joh 17:21 26