SAMANTEKT Á EIGINLEIKUM LYFS. Hver tafla inniheldur 2,0 mg af cýpróterónacetati og 35 míkrógrömm af etinýlestradíóli.

Transcript

1 SAMANTEKT Á EIGINLEIKUM LYFS 1. HEITI LYFS Diane mite filmuhúðaðar töflur. 2. INNIHALDSLÝSING Hver tafla inniheldur 2,0 mg af cýpróterónacetati og 35 míkrógrömm af etinýlestradíóli. Hver tafla inniheldur 31,1 mg mjólkursykur (laktósa) og 19,371 mg súkrósa. Sjá lista yfir öll hjálparefni í kafla LYFJAFORM Filmuhúðaðar töflur. Diane mite er hringlaga, gul tafla. 4. KLÍNÍSKAR UPPLÝSINGAR 4.1 Ábendingar Meðferð við í meðallagi alvarlegum eða alvarlegum andrógennæmum gelgjubólum (með eða án flösu) og/eða ofhæringu (hirsutism) hjá konum á barneignaraldri. Til meðferðar við gelgjubólum skal aðeins nota Diane mite þegar staðbundin meðferð eða altækar meðferðir með sýklalyfjum hafa brugðist. Þar sem Diane mite er einnig hormónagetnaðarvörn skal ekki nota það ásamt öðrum hormónagetnaðarvörnum (sjá kafla 4.3). 4.2 Skammtar og lyfjagjöf Lyfjagjöf Til inntöku Diane mite kemur í veg fyrir egglos og kemur þannig í veg fyrir þungun. Sjúklingar sem nota Diane mite eiga því ekki að nota aðrar getnaðarvarnir með hormónum, þar sem hormónamagnið yrði óeðlilega mikið sem er ekki nauðsynlegt til að ná getnaðarvarnarverkun. Af sömu ástæðu skulu konur sem vilja verða þungaðar, ekki nota Diane mite. Skammtar Töflurnar á að taka á sama tíma sólarhringsins í þeirri röð sem fram kemur á pakkningunni. Taka á eina töflu á dag í 21 dag samfellt. Síðan er gert 7 daga töfluhlé áður en byrjað er á næsta spjaldi; í hléinu hefst blæðing. Blæðingar byrja venjulega á 2. eða 3. degi eftir að síðasta tafla hefur verið tekin og þeim lýkur e.t.v. ekki fyrr en byrjað er á næsta spjaldi. Þannig hefst fyrsta meðferðartímabil Diane mite Engin hormónagetnaðarvarnarlyf hafa verið tekin áður (mánuðinn á undan) Byrja á að taka töflurnar á fyrsta degi tíðahrings (þ.e. á fyrsta degi tíðablæðinga). Það má byrja á degi, en á fyrsta tíðahring er þá ráðlagt að nota samtímis aðra getnaðarvörn, sem ekki inniheldur hormón, fyrstu 7 dagana sem töflurnar eru teknar. 1

2 Þegar skipt er úr annarri tegund samsettra getnaðarvarnartaflna (samsettum getnaðarvarnartöflum, skeiðarinnleggi eða forðaplástri) Best er að byrja að taka Diane mite daginn eftir að síðasta virka taflan (síðasta taflan með virku innihaldsefni) af fyrri tegund samsettra getnaðarvarnartaflna er tekin, en í síðasta lagi daginn eftir venjulegt töfluhlé eða tímabil með lyfleysutöflum af fyrri tegund samsettra getnaðarvarnartaflna. Ef notað hefur verið skeiðarinnlegg eða forðaplástur er best að hefja notkun Diane mite sama dag og innlegg er fjarlægt eða plástur er fjarlægður þó í síðasta lagi á þeim degi sem hefja á notkun á nýjum hring eða plástri. Við skipti úr gestagenlyfjum (mini-pilla, stungulyf, lyf í vef (implant) eða leginnlegg (lykkja) sem gefur frá sér gestagen). Skipta má úr getnaðarvarnartöflum sem innihalda einungis gestagen (mini-pillum) hvaða dag sem er (við skipti úr lyfi í vef eða leginnleggi, þann dag sem það er fjarlægt og við skipti úr stungulyfi, þegar gefa ætti stungulyfið næst). Í öllum þessum tilvikum er ráðlagt að nota getnaðarvörn án hormóna samtímis fyrstu 7 dagana, sem töflurnar eru teknar. Eftir fósturlát á fyrsta þriðjungi meðgöngu Hægt er að byrja að taka töflurnar strax. Sé það gert er ekki nauðsynlegt að nota aðrar getnaðarvarnir samtímis. Eftir fæðingu eða fósturlát á öðrum þriðjungi meðgöngu Konur með barn á brjósti sjá kafla 4.6. Ráðlagt er að byrja notkun lyfsins á degi eftir fæðingu eða fósturlát á öðrum þriðjungi meðgöngu. Sé byrjað seinna að nota lyfið er ráðlagt að nota samtímis aðra getnaðarvörn, sem ekki inniheldur hormón, fyrstu 7 dagana sem lyfið er tekið. Hafi konan þegar haft samfarir skal útiloka þungun áður en byrjað er að taka töflurnar eða bíða eftir fyrstu blæðingum. Hafi gleymst að taka töflur (samsettar getnaðarvarnartöflur) Getnaðarvörn minnkar ekki, ef minna en 12 klst. hafa liðið frá því að gleymdist að taka töflu. Taka skal töfluna um leið og munað er eftir og halda síðan áfram töflutöku eins og áður. Getnaðarvörn getur minnkað, ef meira en 12 klst. hafa liðið frá því að gleymdist að taka töflu. Í þeim tilvikum skal fylgja eftirfarandi tveimur grundvallarreglum. 1. Aldrei má fresta töflutöku lengur en sem nemur 7 dögum daga samfellda töflutöku þarf til þess að ná nægilegri bælingu undirstúku-heiladingulseggjakerfis-öxuls. Almennar ráðleggingar: 1. vika Taka skal síðustu töfluna sem gleymdist strax og munað er eftir, jafnvel þótt þurfi að taka 2 töflur samtímis. Síðan er notkun lyfsins haldið áfram eins og ráð var fyrir gert. Aðra getnaðarvörn, sem ekki inniheldur hormón, t.d. verjur, skal nota samtímis næstu 7 daga. Hafi konan haft samfarir næstu 7 daga á undan skal hafa í huga möguleika á þungun. Því fleiri töflur sem hafa gleymst og því nær töfluhléi sem það er, þeim mun meiri hætta er á þungun. 2. vika Taka skal síðustu töfluna sem gleymdist strax og munað er eftir, jafnvel þótt þurfi að taka 2 töflur samtímis. Síðan er notkun lyfsins haldið áfram eins og ráð var fyrir gert. Hafi töflurnar verið teknar inn á réttan hátt 7 daga áður en gleymdist að taka töflu er ekki nauðsynlegt að gera aðrar ráðstafanir til getnaðarvarna. Sé það hins vegar ekki raunin eða ef meira en ein tafla hefur gleymst, er ráðlagt að nota samtímis aðra getnaðarvörn í 7 daga. 3. vika Hætta er á að öryggi sé minna þar sem komið er nærri töfluhléi. Þó er hægt að koma í veg fyrir að öryggi minnki með því að breyta inntöku taflnanna. Ef farið er eftir öðrum af eftirtöldum tveimur valkostum er ekki nauðsynlegt að gera aðrar ráðstafanir til getnaðarvarna, að því tilskildu að allar 2

3 töflurnar hafi verið teknar inn á réttan hátt síðustu 7 daga áður en gleymdist að taka töfluna. Ef svo er ekki er ráðlagt að fylgja fyrri valkosti auk þess að nota aðra getnaðarvörn samtímis næstu 7 daga. 1. Taka skal síðustu töfluna sem gleymdist strax og munað er eftir, jafnvel þótt þurfi að taka 2 töflur samtímis. Síðan er notkun lyfsins haldið áfram eins og áður. Byrja skal á næsta töfluspjaldi strax og lokið er við töflurnar af fyrra spjaldinu þ.e.a.s. ekkert töfluhlé er gert á milli spjalda. Líklegt er að blæðingar verði ekki fyrr en lokið er töku seinna töfluspjaldsins, en blettablæðingar eða milliblæðingar geta orðið meðan á töku þessara taflna stendur. 2. Einnig getur verið ráðlegt að hætta að taka töflur af töfluspjaldi sem er í notkun. Þá skal gera 7 daga töfluhlé að meðtöldum þeim dögum sem gleymdist að taka töflurnar og byrja síðan á næsta töfluspjaldi. Hafi gleymst að taka töflur og blæðingar verða ekki í næsta venjulega töfluhléi, á að hafa í huga möguleika á þungun. Viðbrögð við uppköstum Fái konan uppköst innan 3-4 klst. eftir töflutöku, getur frásogi verið ábótavant og þá skal fylgja reglum um gleymdar töflur hér að framan. Ef ekki er óskað eftir að breyta töflutöku, verður að taka nauðsynlega(r) aukatöflu(r) af öðru spjaldi. Tíðablæðingum flýtt eða frestað Til þess að fresta tíðablæðingum á að halda áfram með annað spjald af Diane mite án þess að gera töfluhlé. Halda má áfram að fresta tíðablæðingum eins lengi og óskað er þar til í lok annars töfluspjalds. Þegar tíðablæðingum er frestað getur konan fengið milli- eða blettablæðingar. Reglulega töku Diane mite á að hefja aftur eftir venjulegt 7 daga töfluhlé. Til þess að flýta tíðablæðingum svo þær hefjist á öðrum vikudegi en vant er við yfirstandandi töflutöku má ráðleggja konunni að stytta komandi töfluhlé um þá daga sem óskað er eftir. Því styttri sem hléið er þeim mun meiri er hættan á að tíðablæðingar verði ekki og milli- og blettablæðing verði við notkun næsta spjalds (eins og einnig á sér stað þegar tíðablæðingum er frestað). Lengd notkunar Batamerki koma í ljós eftir minnst þrjá mánuði. Læknirinn sem sér um meðferðina skal meta það reglulega hvort þörf sé á að halda meðferð áfram. Tímalengd meðferðar ræðst af því hve svæsin einkennin eru. Venjulega stendur meðferðin í marga mánuði. Bati kemur venjulega fyrr fram á gelgjubólum og feitri húð og flösu en auknum hárvexti eða karlmannaskalla. Versni einkenni einhverjum vikum eða mánuðum eftir að meðferð lauk, er hægt að hefja meðferð með Diane mite á ný. Sé meðferð með Diane mite hafin að nýju (eftir 4 vikna hlé eða lengra), skal hafa í huga aukna hættu á segareki (sjá kafla 4.4). Viðbótarupplýsingar fyrir sérstaka sjúklingahópa Sjúklingar með skerta nýrnastarfsemi Ekki hafa verið gerðar sérstakar rannsóknir með Diane mite hjá sjúklingum með skerðingu á nýrnastarfsemi. Fyrirliggjandi gögn benda ekki til þess að breyta þurfi meðferð hjá þessum sjúklingahópi. Sjúklingar með skerta lifrarstarfsemi Diane mite má ekki nota handa sjúklingum með alvarlegan lifrarsjúkdóm (sjá kafla 4.3). 4.3 Frábendingar 3

4 Ekki má nota samsettar getnaðarvarnartöflur í eftirfarandi tilvikum. Komi eitthvert þessara tilvika fram í fyrsta skipti þegar getnaðarvarnartöflur eru notaðar, ber að hætta töku þeirra strax. - Samhliða notkun annarrar hormónagetnaðarvarnar (sjá kafla 4.1). - Yfirstandandi segarek í bláæðum eða saga um slíkt (segamyndun í djúpum bláæðum, lungnablóðrek). - Yfirstandandi segarek í slagæðum eða saga um slíkt (t.d. hjartadrep) eða fyrirboði um slíkt (t.d. hjartaöng og skammvinnt blóðþurrðaráfall). - Heilablóðfall eða saga um slíkt. - Alvarlegir eða fleiri en einn áhættuþáttur fyrir segamyndun í bláæðum eða slagæðum (sjá kafli 4.4) svo sem: o sykursýki ásamt æðaeinkennum o alvarlegur háþrýstingur o alvarleg röskun á fitupróteinum í blóði. - Arfgeng eða áunnin tilhneiging til segamyndunar í bláæðum eða slagæðum svo sem þol gegn virku C-próteini (APC), skortur á andtrombíni III, skortur á C-próteini, skortur á S-próteini, of mikið hómósystín í blóði og andfosfólípíð mótefni (andkardíólípín mótefni, andstorkulúpus (lupus anticogulant). - Staðfest saga um segarek í bláæðum (VTE) þar með talin tilhneiging í fjölskyldu (systkini eða foreldrar hafa fengið segarek í bláæðum tiltölulega snemma á ævinni). - Saga um mígreni með staðbundnum einkennum frá taugum. - Alvarlegur lifrarsjúkdómur eða saga um hann ef lifrargildin eru ekki komin í eðlilegt horf. - Illkynja, kynhormónaháður sjúkdómur, (t.d. í kynfærum eða brjóstum) eða grunur um slíkt. - Lifraræxli (góðkynja eða illkynja) eða saga um slíkt. - Blæðing frá leggöngum af óþekktum orsökum. - Þungun eða grunur um þungun (sjá kafla 4.6). - Brjóstagjöf (sjá kafla 4.6). - Ofnæmi fyrir virku efnunum eða einhverju hjálparefnanna sem talin eru upp í kafla Sérstök varnaðarorð og varúðarreglur við notkun Diane mite inniheldur gestagenið cýpróterónacetat og estrógenið etinýlestradíól og er gefið í 21 dag í tíðahring. Lyfið hefur svipaða samsetningu og samsettar getnaðarvarnartöflur. Lengd notkunar Batamerki koma í ljós eftir minnst þrjá mánuði. Læknirinn sem sér um meðferðina skal meta það reglulega hvort þörf sé á að halda meðferðinni áfram (sjá kafla 4.2). Læknisskoðun/-viðtal Skrá skal nákvæma sjúkrasögu konunnar og gera læknisskoðun áður en meðferð með getnaðarvarnartöflum hefst eða er tekin upp að nýju í samræmi við frábendingar (í kafla 4.3) og varnaðarorð (í kafla 4.4) og skal þetta endurtekið reglulega. Einnig er mikilvægt að meta heilsufarsástand konunnar öðru hvoru þar sem frábendingar (t.d. tímabundin heilablóðþurrð) eða áhættuþættir (t.d. fjölskyldusaga um segamyndun í bláæðum eða slagæðum) geta komið fram í fyrsta sinn á meðferðartímanum. Það byggist á almennum venjum og fer eftir hverri konu um sig hversu oft skal gera slíkt mat og hvernig staðið skal að því, en yfirleitt á það að taka til blóðþrýstings, brjósta, kviðarhols og grindarholslíffæra, þar með talinnar frumufræði legháls. Láta skal konuna vita að getnaðarvarnartöflur veita hvorki vörn gegn HIV-smiti (eyðni) né öðrum kynsjúkdómum. Þegar getnaðarvarnartöflur er teknar á réttan hátt, er tíðni þess að þær bregaðst u.þ.b. 1% á ári. Ef einhver eftirtalinna sjúkdóma/áhættuþátta er fyrir hendi skal meta kosti við notkun Diane mite gagnvart hugsanlegri áhættu hjá hverri konu fyrir sig og ræða við konuna áður en hún ákveður að hefja notkun Diane mite. Við versnun, aukningu eða fyrstu einkenni einhverra þessara sjúkdóma eða áhættuþátta skal konan hafa samband við lækninn. Læknirinn ákveður þá hvort hætta eigi notkun Diane mite. 4

5 Blóðrásartruflanir Notkun Diane mite felur í sér aukna hættu á bláæðasegareki (VTE, venous thromboembolism) miðað við enga notkun. Þessi aukna hætta á bláæðasegareki er mest á fyrsta árinu sem kona notar Diane mite eða þegar notkun er hafin á ný eða þegar skipt er um lyf eftir að að minnsta kosti mánaðar hlé á töku getnaðarvarnartaflna. Þessi aukna hætta er þó minni en hættan á bláæðasegareki á meðgöngu, en hún er metin um 60 tilvik á þunganir. Bláæðasegarek getur leitt til dauða í 1-2% tilvika. Faraldsfræðilegar rannsóknir hafa sýnt að tíðni bláæðasegareks er 1,5 til 2 sinnum hærri hjá þeim sem nota Diane mite en hjá þeim sem nota samsettar getnaðarvarnartöflur með levónorgestreli og áhættan er hugsanlega svipuð og við notkun samsettra getnaðarvarnartaflna sem innihalda desogestrel / gestoden / drospirenon. Meðal notenda Diane mite er líklegt að séu sjúklingar sem eru í aukinni hættu á arfgengum hjarta- og æðasjúkdómum, svo sem í tengslum við fjölblöðrueggjastokkaheilkenni. Faraldsfræðilegar rannsóknir hafa einnig tengt notkun hormónagetnaðarvarna við aukna hættu á segarekssjúkdómum í slagæðum (hjartadrep, skammtíma blóðþurrðaráfall). Örsjaldan hefur verið greint frá segamyndun í öðrum æðum, t.d. í lifur, garnahengi, nýrum, heila eða bláæðum og slagæðum sjónhimnu hjá einstaklingum sem nota getnaðarvarnartöflur. Einkenni segamyndunar í bláæðum eða slagæðum, eða heilablóðfalls, geta verið eftirfarandi: Óvenjulegir verkir í öðrum fótlegg og/eða bólga; mikill og skyndilegur verkur fyrir brjósti, hvort sem hann leggur út í vinstri handlegg eða ekki; skyndileg andnauð; skyndilegur hósti; óvenjulegur, mikill og þrálátur höfuðverkur; skyndileg sjónskerðing að hluta eða alger; tvísýni; óskýrt tal eða málstol; svimi; örmögnun með eða án staðbundinna krampakasta; slappleiki eða mjög greinilegur dofi sem skyndilega kemur fram í annarri hlið líkamans eða í hluta hans; hreyfitruflanir; bráður kviðarholskvilli. Hættan á segareki í bláæðum eykst með: - aldrinum; - reykingum (hjá stórreykingamönnum og með hækkandi aldri eykst hættan enn frekar, einkum hjá konum yfir 35 ára aldri. Konum eldri en 35 ára skal eindregið ráðleggja að reykja ekki ef þær óska eftir að nota Diane mite; - fjölskyldusjúkrasögu (t.d. segarek í bláæðum hjá systkinum eða foreldrum á yngri árum). Ef grunur leikur á að kona hafi arfgenga tilhneigingu til slíks, ber að vísa henni til sérfræðings til að fá ráðleggingar áður en hún ákveður að nota hormónagetnaðarvörn; - langvarandi hreyfingarleysi, meiri háttar skurðaðgerðum, aðgerð á fótleggjum eða meiri háttar áverkum. Í slíkum tilvikum er ráðlegt að hætta notkuninni (a.m.k. fjórum vikum fyrir ráðgerða skurðaðgerð) og byrja meðferð með getnaðarvarnartöflum ekki aftur fyrr en eftir að viðkomandi er komin á fulla hreyfingu aftur. Íhuga skal segavarnarmeðferð ef notkun Diane mite hefur ekki verið hætt fyrirfram. - offitu (líkamsþyngdarstuðull yfir 30 kg/m 2 ). Segamyndun í slagæðum getur verið lífshættuleg eða leitt til dauða. Taka á tillit til hugsanlega aukinnar samanlagðrar hættu á segamyndun hjá konum sem eru með fleiri en einn áhættuþátt eða ef einn áhættuþáttur er mjög alvarlegur. Þessi aukna áhætta getur verið meiri en einfaldlega samanlögð hætta af áhættuþáttunum. Ekki á að ávísa Diane mite ef hlutfall ávinnings og áhættu er óhagstætt (sjá kafla 4.3). Hættan á fylgikvillum vegna segareks í slagæðum eða heilablóðfalli eykst með: - aldrinum; - reykingum (hjá stórreykingamönnum og með hækkandi aldri eykst hættan enn frekar, einkum hjá konum yfir 35 ára aldri. Konum eldri en 35 ára skal eindregið ráðleggja að reykja ekki ef þær óska eftir að nota Diane mite); - röskun á fitupróteinum í blóði; - offitu (líkamsþyngdarstuðull yfir 30 kg/m 2 ); - háþrýstingi; - mígreni; - lokusjúkdómi í hjarta; 5

6 - gáttatifi; - fjölskyldusjúkrasögu (segamyndun í slagæðum hjá systkini eða foreldri á yngri árum). Ef grunur leikur á arfgengri tilhneigingu til slíks, ber að vísa konunni til sérfræðings til að fá ráðleggingar áður en hún ákveður að nota hormónagetnaðarvörn. Aðrir sjúkdómar sem hafa verið tengdir við aukaverkanir í blóðrás eru sykursýki, rauðir úlfar, blóðlýsuþvageitrunarheilkenni (haemolytic uremic syndrome), langvinnur bólgusjúkdómur í þörmum (Crohns sjúkdómur eða sáraristilbólga) og sigðfrumublóðleysi. Íhuga þarf aukna hættu á segamyndun rétt eftir barnsburð (fyrir frekari upplýsingar varðandi Meðgöngu og brjóstagjöf, sjá kafla 4.6). Ef tíðni mígrenikasta eykst eða þau versna við notkun Diane mite (sem gæti verið fyrirboði um heilablóðfall) getur verið ástæða til að hætta strax notkun Diane mite. Menn eru ekki á eitt sáttir um hugsanleg áhrif æðahnúta og grunnlægrar segabláæðabólgu á myndun segareks í bláæðum. Faraldsfræðilegar rannsóknir sýna að bláæðasegarek er algengara hjá þeim sem nota Diane mite, samanborið við þær sem nota samsettar getnaðarvarnartöflur með lágu estrógeninnihaldi (<50 µg af etinýlestradíóli). Taka skal tillit til framangreindra upplýsinga við ávísun þessarar samsettu getnaðarvarnartöflu og almennt þegar ráðleggingar eru gefnar um notkun lyfja til getnaðarvarna. Lífefnafræðilegir þættir sem benda til arfgengrar eða áunninnar tilhneigingar til segamyndunar í bláæðum eða slagæðum eru þol gegn virku C-próteini (APC), of mikið hómósystín í blóði, skortur á andtrombíni III, skortur á C-próteini, skortur á S-próteini og andfosfólípíð mótefni (andkardíólípín mótefni, andstorkulúpus (lupus antikoagulant)). Við mat á kostum og göllum skal læknir hafa í huga að fullnægjandi meðferð á viðkomandi sjúkdómi getur dregið úr þeirri hættu sem tengist segamyndun og að hættan á segamyndun á meðgöngu er meiri en hún er við notkun lágskammta getnaðarvarnartaflna (<0,05 mg etinýlestradíól). Benda skal konum sem nota Diane mite sérstaklega á að hafa samband við lækninn ef vart verður við hugsanleg einkenni segamyndunar. Ef grunur leikur á segamyndun eða ef hún er staðfest skal hætta notkun Diane mite. Hefja skal notkun öruggrar getnaðarvarnar vegna fósturskemmandi áhrifa blóðþynningarmeðferðar (kúmarína). 2. Æxli Í nokkrum faraldsfræðilegum rannsóknum hefur verið greint frá aukinni hættu á leghálskrabbameini við langtímanotkun getnaðarvarnartaflna. Enn er þó ágreiningur um að hve miklu leyti þessi niðurstaða er háð afleiðingum kynlífshegðunar og öðrum þáttum, svo sem vörtuveiru í mönnum (HPV). Frumgreining á 54 faraldsfræðilegum rannsóknum sýndi lítils háttar aukningu á að brjóstakrabbamein greinist í konum sem nota getnaðarvarnartöflur. Þessi aukna hætta minnkar stig af stigi á tíu árum eftir að notkun þeirra er hætt. Þar sem brjóstakrabbamein er sjaldgæft hjá konum undir fertugu, er aukningin á fjölda greindra tilfella brjóstakrabbameins lítil hjá þeim sem nú nota getnaðarvarnartöflur eða hafa notað þær samanborið við hættuna á að fá brjóstakrabbamein einhvern tíma á ævinni. Úr þessum rannsóknum fást ekki sannanir fyrir orsakasamhengi. Sú aukna hætta sem sást getur stafað af fyrri greiningu á brjóstakrabbameini hjá þeim sem nota getnaðarvarnartöflur, líffræðilegri verkun taflnanna eða báðum þessum atriðum í sameiningu. Í þeim tilvikum þar sem brjóstakrabbamein greindist hjá þeim sem notuðu getnaðarvarnartöflur var sjúkdómurinn ekki eins langt genginn klínískt og í þeim tilvikum þar sem brjóstakrabbamein greindist hjá þeim sem ekki nota getnaðarvarnartöflur. Einstaka sinnum hefur verið greint frá góðkynja lifraræxlum, og enn sjaldnar illkynja lifraræxlum hjá þeim sem nota getnaðarvarnartöflur. Í örfáum tilvikum hafa þessi æxli leitt til lífshættulegra blæðinga í kviðarholi. Hafa ber lifraræxli í huga við mismunagreiningu þegar fram koma miklir verkir í efri hluta kviðarhols, við lifrarstækkun eða merki um blæðingu í kviðarholi hjá konum sem taka getnaðarvarnartöflur. 6

7 Illkynja krabbameinsæxli geta verið lífshættuleg eða leitt til dauða. Aðrir sjúkdómar Konur með of mikið af þríglýseríðum í blóði, eða fjölskyldusögu um slíkt, geta verið í aukinni hættu á að fá brisbólgu þegar þær taka getnaðarvarnartöflur. Þótt greint hafi verið frá lítils háttar blóðþrýstingshækkun hjá mörgum konum sem taka samsettar getnaðarvarnartöflur eða Diane mite, er blóðþrýstingshækkun sem hefur klíníska þýðingu mjög sjaldgæf. Ef viðvarandi klínískur háþrýstingur þróast samt sem áður meðan á notkun samsettra getnaðarvarnartaflna eða Diane mite stendur, á læknir að rjúfa meðferðina og meðhöndla háþrýstinginn. Meðferð með samsettum getnaðarvarnartöflum eða Diane mite má síðan hefja aftur við hentugleika þegar blóðþrýstingur er aftur orðinn eðlilegur með blóðþrýstingslækkandi meðferð. Greint hefur verið frá að eftirfarandi ástand geti komið fram eða versnað, bæði á meðgöngu og við notkun getnaðarvarnartaflna, en sönnun fyrir tengslum við notkun getnaðarvarnartaflna er ófullnægjandi: Gula og/eða kláði í tengslum við gallteppu; gallsteinamyndun, porfýría; rauðir úlfar; blóðlýsuþvageitrunarheilkenni (hemolytic uremic syndrome); rykkjadans (Sydenham s chorea); meðgöngublöðrubóla; heyrnartap vegna snigilgluggaherslis. Hjá konum með arfgengan ofsabjúg geta viðbótar estrógen framkallað einkenni ofsabjúgs eða gert þau verri. Bráðar eða langvinnar truflanir á lifrarstarfsemi geta gert það að verkum að nauðsynlegt sé að hætta notkun getnaðarvarnartaflna þar til lifrargildin eru komin í eðlilegt horf. Við endurtekna gallteppugulu sem gerði fyrst vart við sig á meðgöngu eða við fyrri notkun kynhormóna, verður einnig að hætta notkun getnaðarvarnartaflna. Þótt getnaðarvarnartöflur geti haft áhrif á insúlínviðnám í útæðum og sykurþol, er ekkert sem bendir til þess að nauðsynlegt sé að breyta meðferðarskömmtum hjá sykursýkisjúklingum sem nota lágskammta getnaðarvarnartöflur (sem innihalda < 50µg af etinýlestradíóli). Þó á að fylgjast vel með konum sem hafa sykursýki meðan þær nota getnaðarvarnartöflur. Crohns sjúkdómur og sáraristilbólga hafa tengst notkun samsettra getnaðarvarnartaflna. Þungunarfreknur geta stundum komið fram, einkum hjá konum með sögu um slíkt á meðgöngutíma (chloasma gravidum). Konur með tilhneigingu til þungunarfrekna ættu að forðast sólarljós eða útfjólubláa geislun á meðan þær nota getnaðarvarnartöflur. Ef einkenni versna hjá konum sem þjást af hárvexti í andliti, skal leita orsaka (æxli sem framleiðir andrógen, galli í nýrnahettuensímum) með hjálp mismunagreiningar. Sjúklingar á Diane mite meðferð eiga ekki að nota afurðir/náttúrulyf sem innihalda Hypericum perforatum (Jóhannesarjurt), þar sem hætta er á að samhliða gjöf þeirra geti dregið úr þéttni etinýlestradíóls í plasma. Þetta getur leitt til minni klínískra áhrifa Diane mite (sjá kafla 4.5). Minni verkun Getnaðarvörnin getur minnkað ef töflurnar gleymast (kafli 4.2), ef uppköst verða (kafli 4.2) eða ef önnur lyf eru tekin samtímis (kafli 4.5). Óreglulegri tíðahringur Við notkun getnaðarvarnartaflna geta blæðingar orðið óreglulegar (blettablæðingar og milliblæðingar), einkum fyrstu mánuðina. Þannig er ekki ástæða til að meta tíðni óreglulegra blæðinga fyrr en eftir u.þ.b. þriggja tíðahringja aðlögunartíma. 7

8 Ef óregla á blæðingum heldur áfram eða kemur fram eftir reglulega tíðahringi, skal íhuga hvort eitthvað annað en hormónar geti verið ástæðan og gera þarf viðeigandi ráðstafanir varðandi greiningu til að útiloka að um illkynja sjúkdóm sé að ræða eða þungun. Það gæti þýtt útskröpun. Sumar konur fá ekki tíðablæðingar í töfluhléi. Hafi kona tekið getnaðarvarnartöflurnar eins og mælt er fyrir um í kafla 4.2 er ólíklegt að hún sé þunguð. Hafi hún aftur á móti ekki tekið getnaðarvarnartöflurnar samkvæmt þessum fyrirmælum áður en hún missti fyrst úr blæðingar eða ef næstu blæðingar láta einnig á sér standa, skal útiloka að um þungun sé að ræða áður en hún heldur áfram að nota getnaðarvarnartöflurnar. Diane mite inniheldur laktósa. Sjúklingar með galaktósaóþol, laktósaskort eða vanfrásog glúkósagalaktós, sem eru mjög sjaldgæfir arfgengir kvillar, skulu ekki að nota lyfið. Diane mite inniheldur súkrósa. Sjúklingar með frúktósaóþol, glúkósa/galaktósa vanfrásog eða súkraísómaltasaþurrð, sem eru sjaldgæfir arfgengir kvillar, skulu ekki að nota lyfið. 4.5 Milliverkanir við önnur lyf og aðrar milliverkanir Fram geta komið milliverkanir við lyf sem örva lifrarensím í fitubólum (microsomes) sem veldur aukinni úthreinsun kynhormóna og getur leitt til milliblæðinga og/eða að getnaðarvörn bregst. Hjá konum sem eru í langtímameðferð með lyfjum sem örva frymisagnarensím, mæla sérfræðingar með að auka styrk getnaðarvarnarhormóna. Ef ekki er æskilegt að hækka styrk getnaðarvarnarhormóna, eða að hár styrkur er ekki nægjanlegur eða óvíst með virkni hans t.d. vegna óreglulegra blæðinga, er mælt með annarri tegund getnaðarvarna. Konur sem eru í skammtímameðferð með einhverjum þessara lyfja skulu nota aðrar getnaðarvarnir án hormóna samtímis getnaðarvarnartöflunum á meðan á samhliða lyfjatöku stendur og í 28 daga eftir að hætt er að taka það lyf. Ef tímabilið með annarri samhliða lyfjatöku er lengra en sem svarar fjölda taflna á getnaðarvarnartöfluspjaldinu, á að byrja á nýju töfluspjaldi án venjulegs töfluhlés. Meðal efna sem auka úthreinsun Diane mite (draga úr virkni þess vegna ensímvirkjunar) eru t.d. fenýtóín, barbítúröt, prímidón, karbamazepín, rífampicín og hugsanlega oxkarbazepín, tópíramat, felbamat, gríseófúlvín og lyf sem innihalda jóhannesarjurt). Lyf með breytileg áhrif á úthreinsun Diane mite Margir HIV/HCV-próteasahemlar og bakritahemlar sem ekki eru núkleósíð (non-nucleoside reverse transcriptase inhibitors: NNRTI) geta aukið eða minnkað þéttni estrógens eða prógestíns í plasma ef þeir eru gefnir samtímis Diane mite. Í sumum tilvikum geta slíkar breytingar haft klíníska þýðingu. Getnaðarvarnarlyf til inntöku geta truflað umbrot annarra lyfja. Því getur þéttni þeirra í plasma og vefjum annað hvort aukist (t.d. cýklósporín) eða minnkað (t.d. lamotrigin). Jóhannesarjurt Konur sem nota Diane mite eiga ekki samtímis að nota lyf/náttúrulyf sem innihalda Jóhannesarjurt (hypericum perforatum), þar sem það getur dregið úr getnaðarvarnaráhrifum. Skráð hafa verið tilfelli milliblæðinga og óæskilegrar þungunar. Jóhannesarjurt (hypericum perforatum) eykur með ensímörvun magn ensíma sem taka þátt í niðurbroti lyfja. Ensímörvunaráhrifin geta staðið í a.m.k. 1-2 vikur eftir að meðhöndlun með Jóhannesarjurt er hætt. Athugið: Taka á mið af tilmælum í upplýsingum um lyf sem tekin eru samhliða til ákvörðunar á hugsanlegum milliverkunum. Rannsóknarstofupróf Notkun getnaðarvarnarhormóna getur haft áhrif á niðurstöður sumra rannsóknarstofuprófa, þar með talda lífefnafræðilega mælikvarða á lifrar-, skjaldkirtils-, nýrnahettu- og nýrnastarfsemi; plasmagildi 8

9 (flutnings-)próteina, t.d. barksterabindandi glóbúlíns og lípíð/lípópróteinaþátta; mælikvarða á kolvetnisumbrot, storknun og fíbrínsundrun. Yfirleitt eru breyttu gildin innan eðlilegra vikmarka. 4.6 Meðganga og brjóstagjöf Meðganga: Diane mite má ekki nota á meðgöngu (sjá kafla 4.3). Verði þungun á meðan Diane mite er notað skal hætta töku lyfsins strax (sjá kafla 5.3). Í víðtækum faraldsfræðilegum rannsóknum hefur hvorki verið sýnt fram á aukna hættu á fæðingargöllum hjá börnum kvenna sem tóku getnaðarvarnartöflur fyrir þungunina né vansköpunaráhrif er getnaðarvarnartöflur voru fyrir vangá teknar inn snemma á meðgöngu (sjá einnig kafla 4.3). Brjóstagjöf: Diane mite má ekki nota á meðan brjóstagjöf stendur. Cypróterón acetat berst í brjóstamjólk. Um það bil 0,2% skammtsins mun berast með mjólkinni til ungbarnsins en það jafngildir u.þ.b. 1 µg/kg. 0,02% af daglegum skammti etinýlestradíóls getur borist með mjólkinni til ungbarnsins þegar brjóstagjöf er komin vel á veg. 4.7 Áhrif á hæfni til aksturs og notkunar véla Diane Mite hefur engin eða óveruleg áhrif á hæfni til aksturs eða notkunar véla. 4.8 Aukaverkanir Aukin hætta er á bláæðasegareki hjá öllum konum sem nota Diane mite (sjá kafla 4.4). Sýkingar af völdum sýkla og sníkjudýra Tíðni ekki þekkt Æxli, góðkynja og illkynja (einnig blöðrur og separ) Örsjaldan koma fyrir (<1/10.000) Ónæmiskerfi Mjög sjaldgæfar (>1/ til <1/1.000) Efnaskipti og næring Algengar (>1/100 til <1/10) Geðræn vandamál Algengar (>1/100 til <1/10) Taugakerfi Algengar (>1/100 til <1/10) Augu Mjög sjaldgæfar (>1/ til <1/1.000) Aukin tilhneiging til hvítsveppasýkingar í leggöngum. Lifraræxli (við langtímameðferð). Ofnæmisviðbrögð. Vökvasöfnun. Breytingar á kynlöngun, þunglyndi/skapsveiflur. Höfuðverkur, mígreni. Óþol fyrir augnlinsum. 9

10 Hjarta Mjög sjaldgæfar (>1/ til <1/1.000) Æðar Mjög sjaldgæfar (>1/ til <1/1.000) Tíðni ekki þekkt (ekki hægt að áætla tíðni út frá fyrirliggjandi gögnum) Meltingarfæri Sjaldgæfar (>1/1.000 til <1/100) Lifur og gall Mjög sjaldgæfar (>1/ til <1/1.000) Húð og undirhúð Algengar (>1/100 til <1/10) Sjaldgæfar (>1/1.000 til <1/100) Tíðni ekki þekkt Æxlunarfæri og brjóst Algengar (>1/100 til <1/10) Mjög sjaldgæfar (>1/ til <1/1.000) Koma örsjaldan fyrir (<1/10.000) Rannsóknaniðurstöður Algengar (>1/100 til 1/10) Mjög sjaldgæfar (>1/ til 1/1.000) Tíðni ekki þekkt Háþrýstingur. Segarek Hækkaður blóðþrýstingur Ógleði, uppköst, kviðverkir og niðurgangur. Gallteppa (að meðtalinni gallteppugulu) Ýmsir húðsjúkdómar (t.d. útbrot, þrymlaroði, regnbogaroðasótt). Útbrot, ofsakláði. Þungunarfreknur. Brjóstaspenna, verkir í brjóstum, brjóstastækkun, seyting frá brjóstum. Breytingar á útferð. Minni tíðablæðingar, milli- eða blettablæðingar (blæðingar milli tíða). Þyngdaraukning. Þyngdartap. Notkun getnaðarvarnarhormóna hefur áhrif á niðurstöður tiltekinna rannsóknastofuprófa, sjá kafla 4.5. Tilkynnt hefur verið um eftirfarandi alvarlegar aukaverkanir hjá notendum Diane mie, sjá kafla 4.4: - Bláæðasegarekssjúkdóma - Slagæðasegarekssjúkdóma Greint hefur verið frá eftirfarandi alvarlegum aukaverkunum hjá konum sem taka samsettar getnaðarvarnartöflur og fjallað er um í kaflanum Sérstök varnaðarorð og varúðarreglur við notkun : - Segarekskvillar í bláæðum - Segarekskvillar í slagæðum - Heilablóðfall - Háþrýstingur - Ofgnótt þríglýseríða í blóði - Breyting á glúkósaþoli eða áhrif á insúlínmótsöðu í útlimum - Æxli í lifur (góðkynja eða illkynja) - Truflun á lifrarstarfsemi - Þungunarfreknur 10

11 - Hjá konum með arfgengan ofsabjúg, geta utanaðkomandi estrógen valdið því að sjúkdómur kemur fram eða versnar. - Tilvist eða versnun einkenna, sem gætu tengst notkun getnaðarvarnartaflna án þess að það sé staðfest: gulu og/eða kláði vegna gallstíflugulu, myndun gallsteina, porfýríu, rauðra úlfa, blóðlýsuþvageitrunarheilkennis, rykkjadans, meðgöngublöðrubólu, skertrar heyrnar vegna snigilgluggaherslis, Crohns sjúkdóms, sáraristilbólgu, krabbameins í legi. Tíðni greiningar á brjóstakrabbameini eykst mjög lítillega hjá notendum getnaðarvarnartaflna til inntöku. Þar sem brjóstakrabbamein er sjaldgæft hjá konum undir 40 ára að aldri er aukning á fjölda tilfella lítill miðað við heildaráhættuna á brjóstakrabbameini. Tengslin við samsettar getnaðarvarnartöflur eru óþekkt. Frekari upplýsingar eru í kafla um Frábendingar og Sérstök varnaðarorð og varúðarreglur við notkun. Tilkynning aukaverkana sem grunur er um að tengist lyfinu Eftir að lyf hefur fengið markaðsleyfi er mikilvægt að tilkynna aukaverkanir sem grunur er um að tengist því. Þannig er hægt að fylgjast stöðugt með sambandinu milli ávinnings og áhættu af notkun lyfsins. Heilbrigðisstarfsmenn eru hvattir til að tilkynna allar aukaverkanir sem grunur er um að tengist lyfinu til Lyfjastofnunar, Ofskömmtun Einkenni: Ekki hefur verið tilkynnt um alvarlegar, skaðlegar verkanir ofskömmtunar. Eftirfarandi einkenni geta komið fram í tengslum við ofskömmtun: ógleði, uppköst og smávægileg blæðing frá leggöngum hjá ungum stúlkum. Meðferð: Ekkert mótefni er til og miða ber frekari meðferð við einkennin hverju sinni. 5. LYFJAFRÆÐILEGAR UPPLÝSINGAR 5.1 Lyfhrif Flokkun eftir verkun: Andandrógen og estrógen, ATC-flokkur: G 03 HB 01. Pilosebaceus, sem samanstendur af fitukirtli og hársekk, er hluti húðar sem er næmur fyrir áhrifum andrógena. Gelgjubólur, flasa, óeðlilegur hárvöxtur og andrógenháður skalli er sjúkdómsástand sem verður vegna óeðlilegrar starfsemi í þessu marklíffæri en það getur stafað af auknu næmi fyrir andrógenum eða hærri þéttni andrógena í plasma. Bæði virku efnin í Diane mite stuðla að því að draga úr þessu ástandi sem lýsir sér sem ofgnótt andrógena: Cýpróterónacetat er samkeppnisblokki á andrógenviðtaka og veldur jafnframt lækkun á andrógenstyrk í blóði með því að hamla útskilnaði gónadótrópína. Þessi andgónadótrópíska virkni eykst fyrir tilstuðlan etinýlestradíóls, sem auk þess stillir myndun kynhormónabindandi globúlíns (KHBG) í plasma. Þannig minnkar frítt andrógen sem er líffræðilega virkt í blóðrásinni. Meðferð með Diane mite leiðir venjulega til þess að útbrot lagast eftir notkun í 3-4 mánuði. Eftir skamma meðferð dregur úr fitu í húð og hári. Einnig minnkar hárlos sem kann að fylgja flösu. Aftur á móti að sést ekki greinilegur árangur hjá konum sem eru með væga aukningu á hárvexti og vægan hárvöxt í andliti fyrr en eftir margra mánaða notkun. Áhrif getnaðarvarnartaflnanna eru byggð á milliverkun ýmissa þátta. Þeirra mikilvægastir eru hindrun á egglosi og breytingar á seytingu úr leghálsi. Auk getnaðarvarnar hafa getnaðarvarnartöflur með blöndu estrógens og gestagens jákvæða eiginleika ef litið er fram hjá aukaverkunum (sjá kafla 4.4 og kafla 4.8): Tíðahringur verður reglulegri, tíðaverkir oft minni og blæðingar ekki eins miklar. Hið síðastnefnda getur haft í för með sér að ekki verði eins mikill járnskortur. 5.2 Lyfjahvörf 11

12 Cýpróterónacetat Frásog Cýpróterónacetat frásogast hratt og fullkomlega eftir inntöku. Eftir einn skammt af Diane mite náðist 15 ng/ml hámarksþéttni í plasma eftir 1,6 klukkustund. Aðgengi er um 88%. Dreifing Cýpróterónacetat er næstum eingöngu bundið albúmíni í sermi. Aðeins 3,5-4 % af heildarþéttni hormónsins í sermi er á óbundnu formi. Hækkun á KHBG-gildum í plasma vegna etinýlestradíólörvunar hefur ekki áhrif á próteinbindandi áhrif cýpróterónacetats í sermi. Sýnilegt dreifingarrúmmál cýpróterónacetats er um l. Umbrot Umbrot cýpróterónacetats er nánast algjört. Aðalumbrotsefnið í plasma var greint sem 15β-OH-CPA, sem myndað er með cýtókróm-p450-ensíminu CYP3A4. Úthreinsunarhraði úr sermi er u.þ.b. 3,6 ml/mín./kg. Brotthvarf Þéttni cýpróterón acetats í sermi fellur í tveimur áföngum, sem hafa helmingunartíma um 0,8 klst. og u.þ.b. 2,3-3,3 daga. Cýpróterónacetat skilst út að hluta til óbreytt. Umbrotsefni þess skiljast út með þvagi og galli í hlutföllunum 1:2. Helmingunartími brotthvarfs umbrotsefnanna er u.þ.b. 1,8 dagar. Jafnvægisþéttni KHBG gildi hafa ekki áhrif á lyfjahvörf cýpróterónacetats. Við daglega inntöku hækka gildi etinýlestradíóls í sermi u.þ.b. 2,5 falt og ná jafnvægisþéttni á seinni helmingi meðferðarlotu. Etinýlestradíól Frásog Etinýlestradíól frásogast hratt og að fullu eftir inntöku. Hámarkssermiþéttni sem nemur um 71 pg/ml næst á 1,6 klst. Við frásog og fyrstu umferð gegnum lifur umbrotnar etinýlestradíól í miklum mæli, en það leiðir til þess að meðalaðgengi eftir inntöku nemur um 45% með miklum einstaklingsbundnum mun á bilinu 20-65%. Dreifing Etinýlestradíól er að mestu leyti bundið ósérhæft við albúmín í sermi (um 98%) og veldur hækkun á sermiþéttni KHBG. Sýnilegt dreifingarrúmmál er um 2,8-8,6 l/kg. Umbrot Samtenging etinýlestradíóls verður í slímhúð smáþarma og lifur áður en það berst um líkamann. Etinýlestradíól umbrotnar fyrst og fremst með vatnsrofi (aromatic hydroxylation), en mörg hýdroxýlog metýltengd umbrotsefni myndast. Þessi umbrotsefni er að finna á óbundnu formi og sem glúkúróníð- og súlfatsambönd. Úthreinsunarhraði umbrotsefna er um 2,3-7 ml/mín./kg. Brotthvarf Þéttni etinýlestradíóls í sermi fellur í tveimur áföngum og er helmingunartími hvors áfanga um sig 1 klst. og klst. Etinýlestradíól útskilst ekki, en umbrotsefni þess skiljast út með þvagi og galli í hlutfallinu 4:6. Helmingunartími útskilnaðar umbrotsefna er u.þ.b. einn dagur. Jafnvægisþéttni Í samræmi við breytilegan helmingunartíma í endanlegum brotthvarfsfasa í sermi og daglega inntöku næst jafnvægi á sermigildi etinýlestradíóls eftir um það bil eina viku. 5.3 Forklínískar upplýsingar Altæk eituráhrif Í dýrarannsóknum sem gerðar voru til að meta þol við endurtekna gjöf í inntöku var ekki hægt að greina neitt almennt óþol sem mælti gegn notkun hjá mönnum í ráðlögðum skömmtum við viðurkenndum ábendingum. 12

13 Ekki hafa verið gerðar næmisrannsóknir á dýrum fyrir etinýlestradíól og cýpróterónacetat. Eituráhrif á fóstur/vansköpunaráhrif Rannsóknir á eituráhrifum á fósturvísa eða vansköpunaráhrifum við notkun þessara tveggja virku efna í samsetningu sýndu engin áhrif sem benda til almennra vansköpunaráhrifa á fóstur, við meðferð á því skeiði þegar aðgreining kynja á sér stað áður en ytri kynfæri þroskast. Inntaka cýpróterónacetats á því skeiði sem aðgreining kynja á sér stað (frá um það bil 45. degi meðgöngu), gæti mögulega leitt til kvengerðar karlfóstra eftir stóra skammta. Rannsókn á nýfæddum drengjum þar sem móðirin hafði tekið cýprósterón acetat á þessu skeiði meðgöngunnar, sýndi engin merki um kvengerð. Áhrif á erfðir og krabbameinsvaldandi áhrif Viðurkenndar tilraunir á erfðaeituráhrifum við notkun cýtopróterón acetats sem fyrstu meðferðar gáfu neikvæðar niðurstöður. Hins vegar sýndu önnur próf að cýpróterónacetat getur myndað DNA-aðfærslu (og aukið viðgerðarvirkni DNA) í lifrarfrumum úr rottum og öpum og einnig í nýlega einangruðum lifrarfrumum úr mönnum, en aftur á móti sást ekki þessi DNA-aðfærsla í lifrarfrumum hunda. Þessi myndun DNA-aðfærslu kom fram við skammta sem notaðir eru í meðferð með cýpróterónacetati. Afleiðingin af slíkri meðferð in vivo var aukin tíðni staðbundinna lifrarskemmda, hugsanlega æxliskenndra, með breytingum á frumuensímum í kvenkyns rottum og aukinni tíðni sökkbreytinga í erfðabreyttum rottum sem hafa bakteríugen þar sem stökkbreyting á sér stað. Klínísk reynsla og faraldsfræðilegar rannsóknir styðja ekki tilgátu um hættu á aukningu á tíðni lifraræxla í mönnum. Rannsóknir á æxlismyndandi áhrifum cýpróterónacetats hjá nagdýrum bentu heldur ekki til sértæks krabbameinsmyndandi möguleika. Hins vegar ber að hafa í huga að kynhormónar geta örvað vöxt ákveðinna hormónaháðra vefja og æxla. Í þeim rannsóknum sem gerðar hafa verið er ekkert sem mælir gegn notkun Diane mite hjá mönnum við þeim ábendingum og í þeim skömmtum sem ráðlagðir eru. 6. LYFJAGERÐARFRÆÐILEGAR UPPLÝSINGAR 6.1 Hjálparefni Mjólkursykur, maíssterkja, póvídón , magnesíum sterat, súkrósi, póvídón makrógól 6.000, kalsíum karbónat, talkúm, glýseról 85%, títan tvíoxíð (E171), gult járnoxíð (E172), montanglýkól vax. 6.2 Ósamrýmanleiki Á ekki við. 6.3 Geymsluþol 5 ár. 6.4 Sérstakar varúðarreglur við geymslu Engin sérstök fyrirmæli eru um geymsluaðstæður lyfsins. 6.5 Gerð íláts og innihald Þynnupakkningar Pakkningastærð: 3 x 21 tafla. 13

14 6.6 Sérstakar varúðarráðstafanir við förgun Engin sérstök fyrirmæli. 7. MARKAÐSLEYFISHAFI Bayer AB Box 606 SE Solna 8. MARKAÐSLEYFISNÚMER MTnr (IS). 9. DAGSETNING FYRSTU ÚTGÁFU MARKAÐSLEYFIS/ENDURNÝJUNAR MARKAÐSLEYFIS Dagsetning fyrstu útgáfu markaðsleyfis 1. júlí Nýjasta dagsetning endurnýjunar markaðsleyfis: 6. maí DAGSETNING ENDURSKOÐUNAR TEXTANS 19. apríl