ENKOITOI ENJEUNOTO Olaigeroni lena buku Paul Highfield (Saruni Ole Ntayia) Enkaretoni Malaika (Angela Highfield), Ilaretok Cosmas Ole Lemein, o Tipanko Ole Karia Erishata naigeroki (Copyright) 2005 Christian Restoration Ministries 3247 N. Nixon Springfield, MO 65803 USA
Ekinyor Enkai iyie oleng o metaba anaa neirriu Enkerai enye pee kinang iyie. Neas tempiris enye eton eitu iyiolou enaipirta enkipankata enye (Yhn. 3: 16) Neibukoo osarge lenye te shumata olchani pee itum enkishui nemeish. Anaata kiata enashe oleng tenkaraki ina (1 Yhn. 3: 16; 4: 14-16).
Keibala ajo ekishal oleng. Mikiindim aaitoria enkitiko osarge oltauja lang. Mikiyiolo aajo kanu kimuoiyu nimikiyiolo aajo kanu kiye. Ekishal oleng nikipong ori sii inkatitin kumok. Neaku, meidimayu pee kingarakino engolon ang. Kiyieu eretoto oleng (Yer. 2: 13; 14: 7; 17:9; Irm. 3: 21-26). Kenare nikirridu ng ok ang amu kitaasa pooki ng ai ng ok nikituata tiatua ng ok nimikiindim aaitajeu ate. Nenare niking amu enkitoria e Yesu tiatua enkishui ang. (Emb. 9: 20, 21; Ilheb. 6: 1 Irm. 10:9, 10; Iat. 20: 21; Mat. 5: 3; 18: 2-4; Yhn. 5: 24; Efe. 1: 24; 2: 1, 5; Iat. 2: 37, 38; 3: 19; Lk. 1: 14, 15; 13: 1-5; Ilkol. 2: 6.) Ore pee kias ina nenare neibatisai iyiook. Ore tenkaraki engolon osarge le Yesu o empiunoto enye nepalaki Enkai iyiook ng ok ang neitutum iyiook o Yesu neisho iyiook Enkiyang et Sinyati tenkata enkibatisa. Nikias ina te nkirukoto, o tenkirridunoto. (Iat. 2: 38; Ilgal. 3: 27; Ilkol. 2: 12; Iroma 6: 1-4; I Pet. 3: 21).
Ore pee king amu Yesu aiko neijia neini iyiook aigil nikitum enkishui ng ejuk tiatua Yesu. Eshomo enkishui musana nelotu enkishui ng ejuk. (Yhn. 3:5; 11 Ilkor. 5: 17). Nenare sii pee kibulu tiatua enkirukoto e Yesu aaku iltung ana ootubulutua. Naa Enkai naisho iyiook engolon pee kibulu tinikisilig ninye nikinyok sii oleng aatoni tiatua ninye neton sii ninye tiatua iyiook (11 Pet. 1: 5-10; Yhn. 15: 1-8).
Eipanka sii Enkai apa pee kitii tenebo ilkulikae tenchula pee kiretuno nikiutaro sii (Iat. 2: 42-47; Efe. 3: 10). Mikitamayiana Enkai anaa pee idamu kuna baa naata tipat oleng ninyok sii te ngolon Enkai pee inchu tenkishui ino anaake te nkitoo Enkai (11 Ilkor. 13: 4).
Tapala kuna: (ILgalatia 5: 19-21) 1. Emarmalisho e loloito 2. Loirerioni 3. Ng uarrat torrok 4. Eomonoto e kulie tokitin neme Enkai 5. Esakutore 6. Mang atisho 7. Enchankar 8. Olom 9. Engoro 10. Olorok 11. Eoro 12. Olarrabal le oro 13 Enkiba neeta likae toki 14 Emerai 15. Enkului (Eului) 16. O nkulie naatiu neijia.
Toponai ilng anayio le Nkiyang et Sinyati (ILgalatia 5: 22) 1. Enyorrata 2. Eseriani 3. Enchipai nagut 4. Engiriata 5. Enanai e nkoshoke 6. Esupatisho 7. Enkisiligata 8. Emboron 9. Enkibooroto e kewan Enchom entaa loreren pooki ilooiteng eni laainei, nimbatisasa te nkarna e Papa o ene Nkerai o ene Nkiyang et Sinyati; ninteng ening ene meibung a inaitanapa intae pooki; naa ng ura, atii tenebo intae nkolong i pooki o metabau enkiting oto e nkop (Mat. 28: 19, 20).
Inkikilikuanat 1. Kebaa enyorrata Enkai tialo iyiook? 2. Kaa etaasa Yesu pee eitodolu enyorrata enye? 3. Kainyioo tipat naata osarge le Yesu te nkishui ino taata? 4. Ainyoo pee meidimayu pee kintajeu ate? 5. Kaa kias amu kitaasa pooki ng ok nikintong oro enkitoo Enkai? 6. Kainyioo tipat naata enkibatisa te Bibilia o te iyiook taata? 7. Kaji eiko oltung ani pee eini aigil? 8. Kaa kias pee kibulu te nkirukoto ang? 9. Kainyioo tipat naata enchula e kanisa te iyiook taata? 10. Kakua baa nemeishiakino toolairukok? Ainyoo? 11. Tolimu ilng anayio le Nkiyang et Sinyati. Kaa nabo naata tipat oleng te iyie? 12. Kaa kias tinikiaku ilairukok? Ekitoni ake, aashu ekiliki ilkulikae? (Ore pee iyieu inkulie bukui naijio kuna tisiraki Cosmas Lemein box 700 Narok, Kenya aashu email ninye te crm@nbi.ispkenya.com)