Raporti vjetor Raporti vjetor Godišnji izveštaj

Transcript

1 Republika e Kosovës Raporti vjetor 2015 Republika Kosova Republic of Kosovo Qeveria Vlada Government Ministria e Punëve të Brendshme - Ministarstvo Unutrašnjih Poslova/ Ministry of Internal Affairs Policia e Kosovës / Policija Kosova / Kosovo Police D Drejtoria për Planifikim Strategjik dhe Çështje Ligjore Raporti vjetor Godišnji izveštaj Annual report

2 Raporti vjetor Godišnji izveštaj 2015 Annual report 2

3 Raporti vjetor i punës së Policisë së Kosovës 2015 MESAZHI I DREJTORIT TË PËRGJITHSHËM,... 4 PËRMBLEDHJA,... 5 PËRMBAJTJA SIGURIA, RENDI DHE QETËSIA PUBLIKE,... 7 SIGURIA NË KOMUNIKACIONIN RRUGOR, PARANDALIMI DHE LUFTIMI I KRIMIT TË ORGANIZUAR DHE KRIMIT EKONOMIK,...12 PARANDALIMI DHE LUFTIMI I TERRORIZMIT, EKSTREMIZMIT TË DHUNSHËM DHE RADIKALIZMIT, KONTROLLI, MBIKËQYRJA DHE MENAXHIMI I INTEGRUAR I KUFIRIT,...15 NGRITJA E KAPACITETEVE TË POLICISË,...17 STATISTIKAT E PËRGJITHSHME,...19 SHKURTESAT,

4 Mesazhi z. Shpend Maxhuni Drejtor i Përgjithshëm i Policisë së Republikës së Kosovës MESAZHI I DREJTORIT TË PËRGJITHSHËM TË POLICISË SË KOSOVËS Kam kënaqësinë që të paraqes raportin vjetor të punës së Policisë së Republikës së Kosovës për vitin Në këtë raport paraqiten rezultatet dhe të arriturat e punës sonë, sfidat, analizat, si dhe identifikimi i fushave të caktuara ku ne duhet të përmirësohemi. Duke u bazuar në të dhënat konkrete të raportit vjetor nga të gjitha departamentet, lirisht mund të them se jemi të kënaqur që në fund të kësaj periudhe kohore po shihen rezultatet e punës së palodhur të pjesëtarëve të Policisë së Kosovës. Policia e Kosovës edhe këtë vit ka vazhduar trendin e zhvillimit dhe profesionalizmit duke qenë një institucion i besueshëm, profesional, transparent dhe mbi të gjitha përgjegjës për punën e saj. Policia e Kosovës përveç që ka avancuar në kapacitetet teknologjike ashtu edhe profesionale, tashmë ka krijuar edhe traditë e cila do të vazhdojë të na bëjë krenarë që jemi pjesë e këtij institucioni. Puna që është paraqitur në raportin vjetor 2015 ka qenë në koherencë me planin zhvillimor strategjik të PK-së, me strategjitë tjera nacionale në bashkëpunim dhe partneritet. Ne vlerësojmë lart angazhimin e pjesëtarëve të Policisë dhe bashkëpunimin e qytetarëve dhe institucione tjera, të cilët kanë bërë të mundur që numri i rasteve në përgjithësi dhe i veprave penale në veçanti të ketë një ulje të konsiderueshme. Gjithashtu është punuar shumë në luftën kundër krimit të organizuar dhe krimit ekonomik si dhe në luftimit dhe parandalimit të radikalizmit dhe ekstremizmit të dhunshëm, ku kemi pasur rezultate të prekshme. Përkushtim i veçantë është treguar në fushën e mbikëqyrjes dhe Menaxhimit të Integruar të Kufirit, ku vlen të theksohet se Policia e Kosovës ka zbatuar plotësisht të gjitha aktivitetet e dala nga udhërrëfyesi për liberalizimin e vizave. Sa i përket ngritjes së kapaciteteve njerëzore, kemi vazhduar me edukimin e kadetëve të rinj në AKSP, si dhe kemi pasur gradime të eprorëve të rinj, ndërsa janë bërë edhe investime në ngritjen e kapaciteteve të teknologjisë informative përmes së cilave puna e Policisë do të jetë më e lehtë, më e shpejtë dhe më efikase. Duke iu referuar raportit vjetor, përveç sukseseve dhe rezultateve, ne kemi identifikuar edhe nevojat në sektorë të veçantë, ku ne do të investojmë potencialin tonë që të përmirësohemi në vazhdimësi, duke synuar të arriturat maksimale, për të krijuar një ambient të qetë dhe të sigurt, për të gjithë qytetarët e Republikës së Kosovës. Pjesëtarët e Policisë së Kosovës, të cilët me punën e tyre të palodhshme kanë bërë që organizata të gëzojë një besueshmëri dhe respekt të vazhdueshëm, do ta kenë vlerësimin dhe mbështetjen e pa rezervë, në mënyrë që të gjithë t u gëzohemi sukseseve të reja. 4

5 PËRMBLEDHJE Raste Vepra penale 3873 Persona të ndaluar Persona të arrestuar 43 Grupe kriminale të goditura 1301 Armë zjarri të konfiskuara Municione të konfiskuara 564kg gr Narkotikë të konfiskuar 129 Persona të vdekur në komunikacionin rrugor Tiketa të shqiptuara në komunikacionin rrugor Aksidente në komunikacionin rrugor Hyrje/dalje të personave në kufi 344 Protesta dhe tubime të qytetarëve 6895 Asistime organeve, organizatave & agjencive të ndryshme 5

6 Në Policinë e Kosovës janë të punësuar 8981 punonjës, prej të cilëve 7885 janë zyrtarë policorë, ndërsa 1096 staf civil 86.06% e personelit të PK-së i takojnë gjinisë mashkullore, ndërsa 13.94% gjinisë femërore, prej të cilëve 83.75% i takojnë përkatësisë etnike shqiptare, ndërsa 16.25% i takojnë grupeve tjera etnike. Në fushën e luftimit të terrorizmit, ekstremizmit dhe radikalizmit, Policia e Kosovës ka punuar në gjithsej 56 raste. Janë ngritur 19 kallëzime penale kundër 50 personave, ku 22 prej tyre janë arrestuar. Në AKSP është duke u trajnuar gjenerata e 53 të e kadetëve të Policisë së Kosovës. Gjeneratën e përbëjnë 289 kadetë, prej të cilëve 94.81% gjinisë mashkullore dhe 5.19% gjinisë femërore. Gjithashtu, janë graduar 27 togerë dhe 38 rreshterë. Vrasjet kanë shënuar ulje për 28.57% Grabitjet kanë shënuar ulje për 30.44% Vjedhjet e rënda kanë shënuar ulje për 21.61% Vjedhjet kanë shënuar ulje për 22.72% Policia e Kosovës vazhdimisht monitoron, kontrollon dhe heton veprimet e zyrtarëve të saj. Si rezultat i kësaj kontrolle të brendshme, gjatë vitit 2015 PK-ja ka trajtuar 948 raste të cilët policët dyshohen për shkeljet të ndryshme. Në 56.64% të këtyre rasteve, akuzat nuk janë argumentuar; për 3.16% të rasteve është shqiptuar masa e ndërprerjes së marrëdhënies së punës; në 0.1% rasteve është shqiptuar masa e degradimit; për 25.73% e rasteve janë shqiptuar masa e ndalimit në pagë; në 8.75% e rasteve janë shqiptuar masa e vërejtjes me shkrim; 1.26% e rasteve është shqiptuar masa e vërejtjes gojore dhe 4% rasteve ka rezultuar me lirim nga akuza. Policia e Kosovës, për vitin 2015, ka pas në dispozicion buxhetin prej 89,470,530, i cili është realizuar në shkallë prej 99.60%. Saktësisht, 71.51% të buxhetit është shfrytëzuar për paga dhe mëditje, 16.18% për mallra dhe shërbime, 7.86% për shpenzime kapitale, 1.35% për komunalin, 1.78% për subvencionin, 0.76% kanë qenë të hyrat për subvencione dhe 0.56% kanë qenë të hyrat për paga dhe mëditje. Me qëllim të ofrimit të sigurisë së qëndrueshëm të kufijve, janë ndërmarrë 453 operacione dhe janë realizuar 381 raste të bashkëpunimit ndërkombëtar. Janë shqiptuar 1020 gjoba për qëndrimin ilegal dhe mosvazhdimin e lejes së qëndrimit, si dhe janë shqiptuar edhe 375 gjoba për kundërvajtje tjera kufitare. Policia e Kosovës ka organizuar 205 trajnime, ligjërata, punëtori për 4970 pjesëtarët e saj pjesëtarë kanë përfunduar ricertifikimin pjesëtarë kanë marrë pjesë në trajnime, seminare organizuara brenda RKS-së nga autoritetet tjera. Ndërsa, 510 pjesëtarë kanë vijuar trajnimet jashtë RKS-së. 6

7 SIGURIA, RENDI DHE QETËSIA PUBLIKE Siguria publike, rendi dhe qetësia publike janë të drejta dhe vlera në çdo shoqëri demokratike të garantuara me Kushtetutë dhe me ligje përkatëse. Pa ekzistimin e tyre nuk ka funksionim të mirëfilltë të shoqërisë dhe as të institucioneve shtetërore. Si njëri ndër aktorët më kryesor i autorizuar me Kushtetutë dhe me ligje përkatëse, Polica e Kosovës e ka shtrirë veprimtarinë e saj në garantimin e këtyre vlerave dhe të drejtave të shoqërisë. Me anë të një bashkëpunimi të ngushtë me qytetarët, por edhe me të gjitha institucionet vendore dhe ndërkombëtare relevante në fushën e sigurisë, Policia e Kosovës ka arritur që të ofrojë një siguri, rend dhe qetësi publike të qëndrueshme. Në vazhdën e aktiviteteve të Policisë së Kosovës janë arritur rezultate të konsiderueshme në luftimin e dukurive me shqetësuese të shoqërisë, përkundër sfidave të shumta të cilat janë paraqitur gjatë përmbushjeve të objektivave policore. Për periudhën raportuese, Policia e Kosovës ka evidentuar gjithsej raste, prej të cilave janë klasifikuar si vepra penale, ndërsa raste janë klasifikuar si kundërvajtjeve dhe raste të natyrave të tjera. Krahasuar me periudhën e vitit 2014, numri i rasteve ka shënuar rënie për 7.3%, si dhe rënie të veprave penale për 11.68%. Rëniet më të dalluara janë të vërejtur si në vijim: Numri i vrasjeve, ka shënuar rënie, nga 35 në 25, ose rënie për 28.57%; Numri i lëndimeve të rënda trupore ka shënuar ngritje, nga 330 në 331, ose ngritje për 0.3%; Numri i vjedhjeve ka shënuar rënie, nga 7748, në 5988, ose rënie për 22.72%; Numri i vjedhjeve të rënda ka shënuar rënie, nga 6977 në 5469, ose rënie për 21.61%; Numri i grabitjeve po ashtu ka shënuar rënie, nga 404 në 281, ose rënie për %; Policia e Kosovës ka ndaluar 3873 persona për shkak të dyshimeve në përfshirje në akte kriminale, ku në raport me periudhën e njëjtë të vitit 2014 është shënuar një rënie për 3.9%. Po ashtu, Policia e Kosovës ka arrestuar persona të cilët në bashkëpunim me autoritet përkatëse janë dërguar në procedura të mëtejme. Krahasuar me të njëjtën periudhë të vitit paraprak, vërehet një rënie e personave të arrestuar për 9.9%. Në operacione të ndryshme të ndërmarra, Policia ka konfiskuar 1301 armë të llojeve të ndryshme dhe në raport me periudhën e njëjtë të vitit 2014 është shënuar një rënie për 11%, si dhe ka konfiskuar sasi të municionit të kalibrave të ndryshme dhe në raport periudhën e njëjtë të vitit 2014 është shënuar një rënie për 41%. 7

8 MBROJTJA E TRASHËGIMISË KULTURORE & FETARE DHE ROLI I KËSHILLAVE TË SIGURISË Duke marrë në konsideratë faktin se Kosova ka një trashëgimi të pasur dhe të larmishme kulturore dhe fetare që mund të rrezikohet nga mungesa e ruajtjes, mbrojtjes dhe promovimit, Policia e Kosovës ofron sigurinë 24 orëshe për 24 objektet e trashëgimisë kulturore dhe fetare të objekteve ortodokse. Ndërsa për të gjitha objektet tjera të trashëgimisë kulturore dhe fetare (TKF), Policia e Kosovës kujdeset me anë të patrullimeve të rregullta, të cilat në bazë të vlerësimeve ndërmerr edhe aktivitete tjera të nevojshme për sigurinë e këtyre objekteve. Siguria e trashëgimisë kulturore dhe fetare adresohet edhe nga aspekti i brengës së përgjithshme të bashkësisë në të cilat ato gjinden me anë të dy këshillave të sigurisë: Këshilli Komunale për Siguri në Bashkësi (KKSB), i cili është themeluar në bazë të Udhëzimit Administrativ 27/2012 MPB MAPL, janë themeluar në gjithsej 34 komuna dhe brenda vitit 2015 janë mbajtur 180 takime. Krahasuar me vitin e kaluar, ku 78.92% të takimeve ishin realizuar, në vitin 2015 janë realizuar 80.23% të takimeve apo një rritje prej 11.80%. Këshilli Lokal për Siguri Publike (KLSP) është themeluar në bazë të Ligjit të Policisë Neni 7, respektivisht paragrafi 7.5, ku drejtori i Përgjithshëm i Policisë së Kosovës me vendim themelon këtë forum të sigurisë në bashkësi. Në gjithë territorin e vendit janë të themeluara dhe funksionale gjithsej 51 KLSP. Gjatë vitit 2015, KLSP-të në bashkëpunim me Policinë e Kosovës (PK), ka hartuar dhe ka zbatuar 28 projekte mbi nevojat e komunitetit dhe ngritjen e sigurisë në bashkësi, të cilat janë mbështetur financiarisht nga Ambasada e Mbretërisë Norvegjeze në Prishtinë dhe lehtësuar nga misioni i OSBE-së në Kosovë, duke forcuar partneritetin me donatorët dhe duke u pozicionuar si një partner strategjik në nivelin lokal në fushën e sigurisë në bashkësi. Përkundër angazhimeve të shtuara të Policisë për ruajtjen dhe mbrojtjen e objekteve të trashëgimisë kulturore dhe fetare në nivel vendi, sipas raporteve zyrtare nga DRP-të gjatë vitit 2015 është një rritje e rasteve nga 88 në 99 raste. - Në vitin 2015 në objektet e fesë Islame janë regjistruar 52 raste të ndryshme në krahasim me 40 sa ishin në vitin 2014; - Në objektet e religjionit ortodoks gjatë vitit 2015 janë regjistruar 38 raste në krahasim me 42 sa ishin në 2014; - Në objektet e fesë katolike gjatë vitit 2015 janë regjistruar 6 raste në krahasim me 5 sa ishin në 2014; - Në objektet e cilësuara si Të tjera gjatë 2015 janë regjistruar 3 raste në krahasim me 1 rast të vetëm në Sa i përket zbulimit të rasteve, persona të arrestuar dhe të identifikimit të të dyshuarve të tjerë në vitin 2015 është bërë një progres në krahasim me vitin Brenda kësaj periudhe janë zbuluar 30 raste të ndryshme krahasuar me në vitin 2014 ku Policia e Kosovës ka arritur të zbulojë 25 raste. Në këtë vit, është vërejtur rritje e numrit të të arrestuarve, prej 12 sa ishin në vitin 2014, në 34 persona të arrestuar. Po ashtu është shënuar rritja e numrit të personave të dyshuar për vepra penale të kryera në TKF, nga 21 sa ishte në vitin 2014, në 46 persona të dyshuar gjatë vitit

9 Tabela nr.1: Rastet të trashëgimisë kulturore dhe fetare Rastet/Veprat penale në trashëgiminë kulturore dhe fetare të Republikës së Kosovës Rastet në periudhën Janar Dhjetor 2015 Rastet në objekte sipas orientimit fetar Nr. i Rasteve Emërtimi i rastit / Veprës penale Janar Shkurt Mars Prill Maj Qershor Korrik Gusht Shtator Tetor Nëntor Dhjetor Raste në vit Objekte islame Objekte ortodokse Objekte katolike Objekte tjera 1 Vjedhje Vjedhje e rëndë Tentim vjedhje Asgjësime/dëmtim prone Dëmtim i varrezave/kufomave Kanosje Shkrim i grafiteve Sulm/Peng.i pers.zyrt.në kryerje të detyrës zyrtare Lëndim i lehtë trupor Prerje ilegale e drunjëve Zjarrvënie Nxitje e urrejtjes, përçarjes Pengim i ceremonisë fetare Gjetje e mjetit të pashpërthyer Gjithsej raste mujore/vjetore A Raste të zbuluara B Persona të arrestuar C Persona të dyshuar

10 Raporti vjetor 2015 Tubimet publike dhe protestat Gjatë vitit 2015, Policia e Kosovës ka regjistruar gjithsej 344 protesta, në të cilat Policia e Kosovës ka kryer një gamë të detyrave policore lidhur me protesta. Duke marrë në konsideratë faktin se detyra parësore e Policisë është të mbrojë jetën, pronën dhe të ofrojë siguri për qytetarët të saj, Policia e Kosovës gjithmonë është përkujdesur për sigurinë jo vetëm të qytetarëve të cilët nuk janë të përfshirë në protesta, por edhe ofrimi i sigurisë së atyre që protestojnë, si dhe vetë siguria e zyrtarëve policorë. Respektimi i plotë i të drejtave të njeriut për të gjithë të përfshirët në protesta dhe zbatimi efektiv i ligjeve, ishte ndër çështjet më kryesore gjatë menaxhimit të protestave nga ana e Policisë së Kosovës, së bashku me obligimin saj për të mbrojtur pronën, për të parandaluar dhe për të zbuluar personat që nuk e respektojnë ligjin. Për të siguruar rrjedhjen normale të këtyre protestave, Policia e Kosovës gjithmonë ka bërë përpjekje me biseda të dyanshme me komunitetin, para, gjatë dhe pas çdo ngjarjeje. Kushdo që kishte shkelur ligjin gjatë protestave, ishte hetuar dhe është sjellë para drejtësisë. Në situatë kur arrestimet e menjëhershme nuk ishin të mundura, provat janë mbledhur nga një ekip hetimor i dedikuar me qëllim që arrestimet të kryhen në një datë të mëvonshme dhe për të përgatitur një rast të fortë me prova. 10

11 SIGURIA NË KOMUNIKACIONIN RRUGOR Siguria në komunikacionin rrugor vazhdon të mbetet sfidë jo vetëm për Kosovën, por edhe për shume shtete të Evropës dhe të botës. Numri i madh i të vdekurve dhe i personave të lënduar rëndë në aksidente të komunikacionit rrugor, si dhe kostoja e lartë e trajtimit të lëndimeve dhe dëmeve materiale për buxhetin e shtetit janë sfidat të vazhdueshme që karakterizojnë sigurinë në komunikacion rrugor në Republikën e Kosovës. Policia e Kosovës në vazhdimësi po bën përpjekje të mëdha që të ngrihet siguria në komunikacionin rrugor duke përdorur një qasje të ofrimit të sigurisë e cila në bërthamën e saj ka: (i) parandalimin (me metodat proaktive dhe reaktive) dhe zbulimin e të gjitha aktiviteteve që mund të ndikojnë negativisht në sigurinë e përgjithshme të komunikacionit rrugor, (ii) bashkërendimin dhe koordinimin e veprimeve policore, me theks të veçantë ndërmjet njësiteve organizative të PK-së, pastaj ato ndërinstitucionale, ndërkombëtare, shoqërisë civile si dhe ekspertëve të ndryshëm të fushës se sigurisë në komunikacionin rrugor në kuptimin e saj më të gjerë, e cila në bërthamën e saj gjithashtu ka edhe (iii) orientimin strategjik të adresimit të sfidave në komunikacionin rrugor. Brenda kësaj periudhe, janë hartuar gjithsej 123 raporte analitike, të cilat kanë qenë orientuar në identifikimin dhe adresimin e dukurive negative në komunikacionin rrugor, duke përfshirë fenomenologjinë dhe etiologjinë e aksidenteve, do të thotë, tematikën e ardhjes deri tek aksidenti (gabimet), shkaktarët, kushtet, si dhe faktorë të tjerë që rezultojnë me aksidentet në komunikacionin rrugor (në kontekst para-gjatë-pas aksidentit). Për të adresuar këto sfida në komunikacionin rrugor, Policia e Kosovës ka hartuar gjithsej 178 plane operative dhe ka marrë pjesë në 14 konferenca, 161 takime, 19 grupe punuese, 10 komisione, 69 emisione televizive të cilat kanë qenë të fokusuar në ngritjen e vetëdijesimit të sigurisë në komunikacionin rrugor. Gjithashtu, ka realizuar mbi 100 ligjërata në institucionet shkollore. Njëkohësisht, gjatë vitit 2015, Policia e Kosovës ka realizuar 875 përcjellje të materieve të rrezikshme dhe ka shqiptuar tiketa për kundërvajtje në komunikacionin rrugor. Fatkeqësisht, edhe përkundër përpjekjeve të mëdha të Policisë, gjatë vitit 2015 janë evidentuar aksidente, që në raport me vitin 2014 është shënuar një ngritje për 8.72% Ngritje shënojnë të gjitha llojet e aksidenteve, si ato fatale për 5.41%, me lëndime për 8.18% dhe me dëme materiale për 7.86 %. Nga ky numër i aksidenteve, 129 persona kanë humbur jetën, që në raport me vitin 2014 shënon një ngritje për 1.57%. Ngritjen fatkeqësisht e shënon edhe numri i personave të lënduar në komunikacionin rrugor për 9.86%. Me qëllim të adresimit të këtyre fakteve shqetësuese të sigurisë në komunikacionin rrugor, Policia e Kosovës është në proces të hartimit të projekt propozimit të qasjes së integruar të ofrimit të sigurisë në komunikacionit rrugor, i cili do të prezantohet në Këshillin e Sigurisë në Komunikacionin Rrugor (KSKRR). PK-ja është anëtare e KSKRR, ku jep kontributin e saj në prezantimin/pasqyrimin e gjendjes së sigurisë në komunikacionin rrugor, rekomandime për ndërmarrjen e masave edhe nga mekanizmat tjerë, me qëllim të përmirësimit të sigurisë rrugore në vend. 11

12 PARANDALIMI DHE LUFTIMI I KRIMIT TË ORGANIZUAR DHE KRIMIT EKONOMIK Lufta kundër krimit të organizuar dhe krimeve të rënda si fenomen shqetësues për shoqëritë demokratike ka qenë prioritet kryesor i Policisë së Kosovës gjatë vitit 2015, në kuadër të së cilës janë zbatuar të gjitha strategjitë nacionale të cilat lidhen me luftimin e krimit të organizuar dhe dukuritë tjera përcjellëse dhe aktiviteteve të parapara me planin e punës së PK-së për vitin Në bashkëpunim me Ministrinë e Punëve të Brendshme të Republikës së Kosovës, janë bërë përpjekjet të vazhdueshme për t u anëtarësuar në organizatën evropiane të EUROPOL-it dhe organizatën e INTERPOL-it anëtarësimi i cili do të ishte në interes jo vetëm të Kosovës, por edhe shteteve të tjera në adresimin e sfidave të përbashkëta të sigurisë. Gjatë vitit 2015 në kuadër të Departamentit të Hetimeve është punuar në gjithsej 1649 raste, prej tyre 962 raste të reja, 251 të transferuara nga njësitë tjera në kuadër të Policisë së Kosovës, ndërsa 436 raste janë trashëguar nga vitet paraprake. Janë ngritur 894 kallëzime penale, 47 prej të cilave me kryes të panjohur, ndërsa 847 kallëzime penale me kryes të njohur ndaj 1561 personave. Brenda kësaj periudhe raportuese, janë arrestuar 878 persona dhe ndaluar 442 persona të dyshuar për vepra të rënda penale, si dhe janë goditur apo shkatërruar 43 grupe kriminale. Nga zyrtarët e këtij departamenti janë realizuar 604 operacione, 154 plane operative, 683 bastisje, si dhe 516 lokale të kontrolluara. Gjatë kësaj periudhe janë konfiskuar: 9 kg gramë heroinë, 461 kg gr marihuanë, 54.5 gramë kokainë, 2557 bimë kanabis, si dhe 93 kg 14 gramë droga të tjera. Në fushën e luftimit të trafikimit me qenie njerëzore janë iniciuar 165 raste për hetim, asgjësuar 6 grupe kriminale të trafikimit me qenie njerëzore; arrestuar 178 persona të dyshuar prej të cilëve: 48 persona të dyshuar për vepër penale të trafikimit me njerëz; 37 të dyshuar për mundësim apo detyrim në prostitucion; 11 të dyshuar për veprën penale të shërbimeve seksuale të viktimës së trafikimit; 12 të dyshuar për veprat tjera që ndërlidhen me trafikim me njerëz, si dhe 70 të dyshuar për marrjen me prostitucion-shkelje kundërvajtëse. Vlen të theksohet se parandalimi dhe luftimi i dukurisë së kontrabandimin me migrant gjatë këtij viti ka qenë një sfide e madhe për policinë për shkak të fluksit të madh të njerëzve të cilit emigrojnë në shtetet e Bashkimit Evropian (BE). Kjo sfidë është luftuar në bashkëpunim me shtetet fqinje dhe shtetet e BE-së, si dhe me Europolin dhe Eurojust. Në përgjithësi janë hetuar 17 raste të kontrabandimin me migrant si dhe janë arrestuar 14 persona. Në kontekstit e luftimit të kontrabandimit me migrant, vlen të përmendet rasti i përbashkët me Europolin dhe Eurojust-in, si dhe 8 shtetet tjera, ku janë arrestuar 78 persona. Në fushën e mbrojtjes së dëshmitarëve, Policia e Kosovës gjithashtu ka vazhduar me ngritjen e kapaciteteve të saj, ku në bashkëpunimin me faktorit ndërkombëtar janë siguruar donacione të rëndësishme. Në kuadër të bashkëpunimit me institucionet tjera, është arritur nënshkrimi i marrëveshjes së bashkëpunimit me agjencitë e zbatimit të ligjit për koordinimin e aktiviteteve në fushën e teknologjisë informative. Me anë të kësaj marrëveshje është arritur themelimi i Komitetit Koordinues për TIK në mes të këtyre agjencive: PKsë, KGJK-së, KPK-së, Doganës, NJIF-it, Agjencinë për Shoqërinë e Informacioni, ATK-së, Shërbimit Korrektues dhe IPK-së. Me ndihmën e projektit të Binjakëzimit, është hartuar edhe Manuali i Përbashkët Polici-Prokurori dhe IPK lidhur me unifikimin e procedurave hetimore. Ky manual përmban udhëzimet e dizajnuara për Prokurorinë e Shtetit dhe Policinë e Republikës së Kosovës. Ky udhëzues është i përbërë nga 5 kapituj, plus shtojcën sipas përmbajtjes në vijim: Kapitulli 1 - Rritja e bashkëpunimit të përbashkët në mes të Prokurorisë dhe Policisë së Republikës së Kosovës; Kapitulli 2- Menaxhimi i dosjeve hetimore dhe format e standardizuara; Kapitulli 3- Udhëzues mbi masat e fshehta ose teknike të vëzhgimit dhe hetimit; 12

13 Kapitulli 4 - Hetimi i krimit të organizuar lidhur me veprat penale të narkotikëve; Kapitulli 5 Standardizimi i hetimeve, korrupsioni në fushën e prokurimit publik; Aneks shtesë ku përfshihen format e standardizuara dhe unike gjenden si aneks shtesë bashkangjitur këtij udhëzimi. Me mbështetjen e OSBE-së dhe Ambasadës Gjermane në Prishtinë vitin 2015 është implementuar projekti Zhvillimi i kapaciteteve të Policisë së Kosovës në luftimin e korrupsionit të nivelit të lartë gjatë periudhës prill dhjetor Ky projekt ka pasur qëllim fuqizimin e kapaciteteve të hetuesve të Policisë së Kosovës dhe të prokurorëve nga Zyra e Prokurorit Special (Task-forca kundër korrupsionit). Në kuadër të këtij projekti janë mbajtur katër kurse trajnimi, dy seminare, një tryezë e rrumbullakët, një konferencë rajonale dhe një vizitë studimore në Gjermani. Gjatë këtij viti kemi marrë pjesë në kuadër të projektit IPA 2013 WESTERN BALKANS Fight against organised crime: Internacional Cooperation in Criminal Justice (PL Annapaola Porzio). Në kuadër të këtij projekti rajonal kemi marrë pjesë në disa takime operacionale. Me përkrahjen e këtij projekti, Policia e Kosovës ka paraqitur dy raste të trafikimit me narkotikë të cilat kanë marrë përkrahjen për mbështetjen, në kuadër të hetimeve të përbashkëta ndërkombëtare. Vlen të theksohet se në kuadër të bashkëpunimit ndërkombëtar Policia e Kosovës ka trajtuar 3428 raste, prej të cilëve ka asistuar në 18 raste të ekstradimit dhe një 1 rast të transferimi. Gjatë vitit 2015 janë akredituar dy ndërlidhës policorë për shtetet e Gjermanisë dhe Belgjikës. Në koordinim me Ministrinë e Drejtësisë, Policia e Kosovës ka arritur të largojë nga lista e personave të kërkuara për krime lufte 17 persona, të cilat ishin vendosur në atë listë me kërkesë të Republikës së Serbisë. Në prill të 2015 është bërë aplikimi për pranim në organizatën e INTERPOL-it, ndërkohë që bashkëpunimi me EUROPOL-in ka vazhduar përmes deskut të Suedisë i cili është në kuadër të EULEX-it. Policia e Kosovës (PK) ka marrë pjesë në projektin/ programin me titull, Rritja e aftësive operacionale të inteligjencës kriminale dhe atyre proaktive në rajon (Policia e Kosovës dhe Policia e Shtetit Shqiptar), me mbështetjen e misionit të OSBE-së dhe financuar nga DCAF, qëllimi i cilit ka qenë ngritja e kapaciteteve analitike në fushën e inteligjencës dhe përpilimit të Vlerësimit të Kërcënimit nga Krimit i Organizuar dhe Krimeve Serioze (SOCTA). Gjithashtu, gjatë vitit 2015, janë iniciuar marrëveshjet e bashkëpunimit policor me Belgjikën, Danimarkën dhe Italinë, si dhe ka filluar të zbatohet iniciativa për arritjen e marrëveshjes së bashkëpunimit ndërkombëtar policor me shtetin e Lituanisë. Gjatë vitit 2015, PK-ja ka marrë pjesë edhe në hartimin e Strategjisë së Sigurisë Kibernetike dhe Planit të Veprimit të saj, e cila është strategjia e parë nacionale në këtë fushë e hartuar në Kosovë. 13

14 PARANDALIMI DHE LUFTIMI I TERRORIZMIT, EKSTREMIZMIT TË DHUNSHËM DHE RADIKALIZMIT Në përpjekje për të luftuar kriminalitetin e të gjitha formave, rëndësi e veçantë i është kushtuar luftës kundër terrorizmit, ekstremizmit të dhunshëm dhe radikalizmit, si një fenomen global i cili kërkon një qasje gjithëpërfshirëse në luftimin e tij. Me angazhimin e saj të përkushtuar, Policia e Kosovës është renditur në krahun e shteteve të cilat e luftojnë këtë fenomen dhe ka bashkëpunuar në vazhdimësi me partnerët e saj strategjikë. Luftës kundër këtij fenomeni, Policia e Kosovës i është qasur në mënyrë strategjike, duke filluar prej bashkëpunimit në nivel lokal përmes Këshillave Komunale për Siguri në Bashkësi (KKSB), Këshillave Lokale për Siguri në Bashkësi (KLSB), e deri te hartimi dhe implementimi i Strategjisë Kombëtare e Republikës së Kosovës Kundër Terrorizmit për periudhën , si dhe Strategjinë për Parandalimin e Ekstremizmit të Dhunshëm dhe Radikalizmit që Shpie në Terrorizëm për periudhën Gjatë këtij viti, autoritetet e specializuara për parandalimin dhe luftimin e terrorizmit në kuadër të Policisë së Kosovës kanë punuar në gjithsej 56 raste dhe kanë ndërmarrë gjithsej 5 operacione dhe 12 bastisje në rajone të ndryshme të Kosovës. Janë ngritur 19 kallëzime penale kundër 50 personave, 22 prej të cilëve janë arrestuar dhe tashmë gjenden në faza të ndryshme hetimore, ndërsa me raport të veçantë, 12 raste janë dërguar në Prokurori. Brenda kësaj periudhe është arritur që të parandalohet një numër i konsiderueshëm i personave për t iu bashkuar grupeve terroriste në konflikte jashtë vendit, si dhe në vazhdimësi janë shkëmbyer informata me institucione vendore dhe me vendet tjera lidhur me të gjitha çështjet e fushës së parandalimit dhe luftimit të terrorizmit, ekstremizmit të dhunshëm dhe radikalizmin. 14

15 KONTROLLI, MBIKËQYRJA DHE MENAXHIMI I INTEGRUAR I KUFIRIT Policia e Kosovës ka treguar një përkushtim të veçantë edhe në fushën e kontrollit dhe mbikëqyrjes së kufirit, kontrollit të qëndrimit dhe lëvizjes së të huajve, luftimin e krimit ndërkufitar, si dhe avancimin e bashkëpunimit ndërmjet autoriteteve përgjegjëse për Menaxhimit e Integruar të Kufijve (MIK). Si rezultat i bashkëpunimit dhe bashkërendimit të aktiviteteve autoriteteve të MIK-ut, kufijtë e Republikës së Kosovës i kanë kaluar: 15,100,923 persona, që krahasuar me vitin e kaluar tregon rritje për 9.7%; 4,068,234 vetura, që tregon rritje për 5.7% krahasuar me vitin e kaluar; 452,530 kamionë, që krahasuar me vitin e kaluar tregon rritje për 7.3%; 157,760 autobusë, që tregon rritje për 9.8%, si dhe 12,530 trena, që krahasuar me vitin e kaluar gjithashtu tregon rritje për 8.2%. Në kuadër të kontrollit të hyrje-daljeve të personave në pikat kufitare janë evidentuar dhe procesuar 5742 persona të rëndësishëm. Sa i përket kontrollit së vijës së dytë, pjesëtarët e Policisë së Kosovës, në përputhje me parimet e MIK-ut, kanë arritur që të kontrollojnë: Tabela nr.2: Kontrolli i vijës së dytë Kategoritë Janar Dhjetor Janar Dhjetor % Persona Automjete Dokumenteve Gjatë ofrimit të sigurisë së kufijve të Republikës së Kosovës, si rezultat i shkeljeve të ndryshme ligjore, pjesëtarët të Policisë së Kosovës kanë hapur 814 raste të veprave penale, 375 kundërvajtje, kanë shqiptuar 1020 gjoba në fushën e qëndrimit ilegal dhe mosvazhdimin e lejes së qëndrimit. Policia kufitare ka arrestuar: (a) 1103 persona për vepra të ndryshme kriminale; (b) 620 persona me urdhëresa vendore; (c) 11 persona me urdhëresa të ndryshme (ndërkombëtar etj.) dhe 142 persona të ndaluar. Me qëllim të përmbushjes së objektivave të parapara për vitin 2015, zyrtarët e Policisë Kufitare kanë bërë 1555 inspektime në fushën e migrimit të të huajve, kanë bërë 3817 refuzime të hyrjes dhe 2269 refuzime të daljes, si dhe kanë realizuar 1075 verifikime të kërkesave për viza të Republikës së Kosovës. Po ashtu, zyrtarët e Policisë Kufitare kanë ekzekutuar 45 depërtime dhe 60 urdhër largime me forcë dhe kanë trajtuar 70 kërkesa për azilkërkues. Njëkohësisht, brenda kësaj periudhe kohore janë bërë një numër i madh i konfiskimeve të ndryshme, ku ndër më të rëndësishmet kanë qenë konfiskimi i 42 armëve të zjarrit; 1192 municioneve të llojit të ndryshëm; 167 mjeteve motorike; 1652 kafshëve dhe shpezëve të llojeve të ndryshme. Policia Kufitare gjatë këtij viti ka realizuar 453 operacione, 329 patrullime të përbashkëta me shtetet fqinje (Shqipëri, Maqedoni dhe Mali i Zi). Sa i përket menaxhimit të integruar të kufirit janë realizuar 289 takime me autoritetet e MIK-ut, ndërsa 381 aktivitete kanë qenë me karakterin ndërkombëtar. Sa i përket liberalizimit të vizave, Policia e Kosovës ka zbatuar të gjitha aktivitetet e dala nga udhërrëfyesit. Gjatë kësaj periudhe, përfaqësuesit e PK-së kanë qenë pjesë e dialogut ndërshtetëror për migrim në mes të Republikës së Kosovës dhe Konfederatës së Zvicrës. 15

16 Marrëveshjet dhe protokollet me Republikën e ShqipërisË Me qëllim të rritjes së sigurisë ndërkufitare dhe lehtësimit të qarkullimit të qytetarëve, Policia e Kosovës ka vazhduar me implementimin e tetë (8) marrëveshjeve dhe tri (3) protokolleve me Republikën e Shqipërisë siç janë Marrëveshjet për: (a) Bashkëpunimin policore ndërkufitar, (b) lëvizjen e ndërsjellët të qytetareve gjatë qarkullimit në zonat kufitare, (c) kryerjen e procedurave të përbashkëta në hyrje dalje, (d) patrullimin e përbashkët përgjatë kufirit shtetëror, (e) krijimin e një qendre të përbashkët për bashkëpunim policor, (f) hapjen e PKK të përbashkët Krushevë-Shishtavec, (g) hapjen e PKK të përbashkët Orqush-Orgjosht, (h) hapjen e PKK të përbashkët Glloboqicë-Borje, si dhe protokollet për organizimin dhe zhvillimin e takimeve ndërmjet drejtuesve të Policisë kufitare në nivel kombëtar, regjional dhe lokal, protokoll për ndjekje të menjëhershme ndërkufitarë dhe shfrytëzimi i përbashkët i pajisjeve për kontrollin kufitare. Marrëveshjet dhe protokollet me Republikën e Maqedonisë Policia e Kosovës është duke vazhduar me implementimin e marrëveshjes për bashkëpunim Policor dhe marrëveshjes për patrullime të përziera përgjatë kufirit te përbashkët shtetëror me Republikën e Maqedonisë, si dhe është në implementim e sipër protokolli për themelimin dhe funksionimin e qendrës së përbashkët të kontakteve për bashkëpunim policor. Sa i përket marrëveshjes për hapjen e PKK Bellanovc-Staniçiç ai ende nuk implementohet edhe përkundër faktit që pala kosovare ka plotësuar kërkesat që dalin nga kjo marrëveshje. Gjithashtu është hartuar edhe draft protokolli për ndjekje të menjëhershme policore e cila për momentin ende nuk është nënshkruar nga palët e përfshira. Marrëveshjet dhe protokollet me Republikën e Malit të Zi Në kuadër të bashkëpunimit me Republikën e Malit të Zi, Policia e Kosovës është duke implementuar marrëveshjen për bashkëpunim ndërkufitar policor, protokollin për patrullime të përbashkëta përgjatë kufirit të përbashkët shtetëror dhe protokollin për mbajtjen e takimeve të rregullta. Janë formuar komisionet për implementimin e marrëveshjeve për: (a) rregullimin e trafikut ndërkufitare, (b) caktimin e PKK-së ndërkombëtare për qarkullimin e udhëtarëve Savina Voda-Kulla, si dhe (c) hapjen e kalimit të përbashkët kufitare Kuqishtë-Kotllovi. Hapja e qendrës së përbashkët për bashkëpunimin policor trepalëshe Gjatë kësaj periudhe është hartuar marrëveshja për hapjen e qendrës së përbashkët për bashkëpunimin policor trepalësh: Mali i Zi - Shqipëri-Kosovë, i cili pritet të nënshkruhet nga palët e përfshira. 16

17 NGRITJA E KAPACITETEVE TË POLICISË SË KOSOVËS Policia e Kosovës e cila është themeluar me 6 shtator 1999, që në atë kohë përbëhej nga 176 pjesëtarë të saj, tani përbëhet nga gjithsej 8981 punonjës, prej të cilëve 7885 janë zyrtarë policorë, ndërsa 1096 staf civil. Nga ky numër, 86.06% e personelit të PK-së i takojnë gjinisë mashkullore, ndërsa 13.94% gjinisë femërore. Prej të cilëve 83.75% i takojnë përkatësisë etnike shqiptare, ndërsa 16.25% i takojnë grupeve tjera etnike. Duke marrë në konsideratë rëndësinë e kontinuetit të saj, Policia e Kosovës në vazhdimësi investon në kuadrat të saj, duke filluar me rekrutimin e gjeneratave të reja të policëve, ofrimin njohurive bashkëkohore në fushën e zbatimit të ligjit, ngritjen e sistemeve të bazës së të dhënave të nevojshme për kryerjen sa më efektive dhe efikase të punës policore, furnizimin me të gjitha pajisjet e nevojshme për kryerjen e detyrave policore, dizajnimi dhe furnizimi me uniformë të re policore, renovimi/sanimi dhe rregullimi i infrastrukturës së objekteve të PK-së, si dhe ngritja e shëndetit dhe mirëqenies sociale të zyrtarëve të saj, ku vlen të theksohet pjesëmarrja në draftimin e projektligjit për pensionimin e zyrtarëve policorë. Për të përmbushur të gjitha këto obligimet me sukses, Policia e Kosovës, për vitin 2015, ka pasur në dispozicion buxhetin prej 89,470,530, i cili është realizuar në shkallë prej 99.60%. Saktësisht, 71.51% të buxhetit është shfrytëzuar për pagat dhe mëditjet, 16.18% për mallra dhe shërbime, 7.86% për shpenzime kapitale, 1.35% për komunalitë, 1.78% për subvencion, 0.76% ka qenë të hyrat për subvencione dhe 0.56% ka qenë të hyrat për paga dhe mëditje. Brenda kësaj periudhe të raportimit, kanë filluar trajnime të gjeneratës 53 të kadetëve në Akademinë Kosovare për Sigurinë Publike (AKSP), të cilën e përbëjnë 289 kadetë, prej të cilëve 94.81% gjinisë mashkullore dhe 5.19% gjinisë femërore. Si rezultat i një analize për nevojën për plotësimin e strukturës komanduese me stafin e ri, brenda vitit 2015 janë graduar 27 togerë dhe 38 rreshterë. Policia e Kosovës ka organizuar 205 trajnime, ligjërata, punëtori për 4970 pjesëtarët të saj pjesëtarët kanë përfunduar ricertifikimin në AKSP pjesëtarë kanë marrë pjesë në trajnime, seminare të organizuara brenda RKS-së nga autoritete tjera. Ndërsa, 510 pjesëtarë kanë vijuar trajnimet jashtë RKS-së. Njëkohësisht, në trajnimet e organizuara nga ana e Policisë së Kosovës kanë vijuar 130 pjesëmarrës nga organizata të ndryshme. Duke marrë në konsideratë faktin se Policia e Kosovës udhëhiqet nga parimi i policimit demokratik dhe si rrjedhojë e kësaj llogaridhënia dhe transparenca para shoqërisë dhe publikut në përgjithësi është esenciale për funksionimin e Policisë. Për të siguruar një qasje profesionale në zbatim të ligjit, Policia e Kosovës monitoron, kontrollon dhe heton veprimet e zyrtarëve të saj. Si rezultat i kësaj kontrolle të brendshme gjatë vitit 2015 janë trajtuar 948 raste në të cilat zyrtarët policorë dyshohen për shkelje të ndryshme. Hetimet kanë rezultuar se në 56.64% të këtyre rasteve akuzat nuk janë argumentuar; 3.16% të rasteve janë shqiptuar masa e ndërprerjes së marrëdhënies së punës; në 0.1% të rasteve është shqiptuar masa e degradimit; për 25.73% e rasteve janë shqiptuar masa e ndalimit në pagë; në 8.75% e rasteve janë shqiptuar masa e vërejtjes me shkrim; 1.26% e rasteve është shqiptuar masa e vërejtjes gojore dhe 4% e rasteve ka rezultuar me lirim nga akuza. Kontrolli i brendshëm i Policisë është fuqizuar edhe me auditimet dhe inspektimet e brendshme. Si rezultat i kësaj kontrolle, gjatë vitit 2015, Zyra e Auditimit në kuadër të PK-së ka realizuar 13 auditime të rregullta dhe 1 auditim të jashtëzakonshëm. Këto auditime janë bërë në fusha të ndryshme të zbatimit të ligjeve dhe akteve nënligjore që lidhen me fushën e prokurimit, financave dhe menaxhimit të pasurisë, si dhe në fushën e zbatimit të procedurave administrative për personelin e PK-së. Për këto auditime janë dhënë 89 rekomandime nga fusha e auditimit të rregullt, si dhe 3 rekomandime nga fusha e auditimit të jashtëzakonshëm. Gjithashtu, në kuadër të kontrollit të brendshëm të PK-së edhe Njësia e Inspektimit ka bërë 314 inspektime të rregullta si dhe 121 inspektime të jashtëzakonshme. Këto inspektime janë bërë në të gjitha fushat e Policisë, posaçërisht në fushën e mbajtjes së disiplinës në kuadër të Policisë së Kosovës. Për të gjeturat e këtyre inspektimeve janë dhënë 906 rekomandime. 17

18 Raporti vjetor 2015 Policia e Kosovës ka qenë vazhdimisht e përkushtuar në ngritjen dhe forcimin e bashkëpunimit me publikun, mediumet elektronike dhe të shkruara, me qëllim të rritjes së transparencës për veprimet policore. Gjithashtu ka mbështetur dhe promovuar disa fushata sensibilizuese në interes të përgjithshëm shoqëror, me theks të veçantë në fushën e sigurisë rrugore, kundër përdorimit të drogave etj. Gjatë periudhës raportuese në nivel qendror të PK-së janë lëshuar 126 komunikata me shkrim për media, janë publikuar 365 raporte 24-orësh dhe janë realizuar 3500 kërkesa nga mediumet e ndryshme, OJQ-të si dhe persona fizikë. Ndërsa, në nivel të drejtorive rajonale të Policisë, janë lëshuar 514 komunikata, organizuar 66 konferenca për shtyp, si dhe janë organizuar një numër i madh i aktiviteteve ditore, si në komunikim me media ashtu edhe në mbështetje dhe promovim të fushatave të ndryshme sensibilizuese. Me qëllim që Policia e Kosovë të jetë në hap me zhvillimet dhe trendët ndërkombëtarë në fushën e teknologjisë informative dhe për të mbështetur nevojat operative të Policisë, rëndësia e veçantë i është kushtuar kësaj fushe. Në kuadër të Teknologjisë Informative dhe Komunikimit (TIK) janë bërë investime: (a) Sistemit i Integruar Informativ i PK-së (SIPK); (b) Sistemit Informativ i Menaxhimit të Resurseve të Policisë (PRIMS); (c) Sistemit Integruar i Menaxhimit të Kufijve (BIMS); (d) Sistemit të vëzhgimit përmes kamerave në objektet policore; (e) Sistemit të Menaxhimit të Shpenzimeve të automjeteve (SMSHA-ONTRA); (f) Sistemi Informativ Gjeografik (GIS); (g) Projekti 3D-GIS; (h) Shtrirja e rrjetit përmes fibrës optike në objektet policore dhe linkave mikrovalorë; (i) Sistemit të radio komunikimit, si dhe (j) Sistemi i telefonisë. Njëkohësisht është bërë projektimi-dizajnimi dhe implementimi i projektit për linja emergjente 192 (nga ana e Njësisë së Telefonisë) në 3 regjione të Policisë së Kosovës (Qendrat e Komunikimit dhe Koordinimit) pra në DRP Prishtinë, DRP Ferizaj dhe DRP Mitrovicë Jugore, ku tani ekziston një sistem i avancuar për pranimin e thirrjeve emergjente, ruajtjen dhe qasjen në thirrje emergjente për një periudhe një vjeçare, si dhe është bërë integrimi dhe ndërlidhja e sistemit për linja emergjente 192 të PK-së me agjencitë tjera emergjente si 112, 193 dhe 194 si dhe me të gjitha stacionet policore. Të gjitha aktivitetet e orientuara në përmbushjen e objektivave të parapara me Planin vjetor të Policisë, kanë qenë të koordinuara nga ana e Drejtorit të Policisë, i cili përveç stafit të tij ekzekutiv, ka qenë i mbështetur edhe me stafin të tij administrativ, i cili ka procesuar gjithsej 1204 shkresa të natyrës së ndryshme. Në vazhdën e aktiviteteve të zhvillimi strategjik të saj, Policia e Kosovës ka hartuar planin strategjik për periudhën kohore si dhe ka nxjerrë dhe aprovuar një numër të konsiderueshëm të udhëzimeve, parimeve dhe rregulloreve të brendshme të orientuar në ngritjen e efektivitetit dhe efikasitetit të saj. 18

19 STATISTIKAT E PËRGJITHSHME 19

20 Grafikoni nr.1 Krahasimi i numrit të përgjithshëm të rasteve Grafikoni nr.2 - Krahasimi i numrit të përgjithshëm të veprave penale 20

21 Rastet dhe veprat penale të adresuara në nivel të Drejtorisë Rajonale të Policisë (DRP) Grafikoni nr. 3 - Numri i përgjithshëm i rasteve në nivel të DRP-ve Grafikoni nr. 4 - Numri i rasteve sipas shtrirjes territoriale në nivel të DRP-ve Grafikoni nr. 5 - Numri i përgjithshëm i veprave penale në nivel të DRP-ve Grafikoni nr. 6 - Numri i veprave penale sipas shtrirjes territoriale në nivel të DRP-ve 21

22 Grafikoni nr. 7 - Krahasimi i numrit të vrasjeve Grafikoni nr. 8 - Krahasimi i numrit të rasteve me lëndime të rënda trupore Grafikoni nr. 9 - Krahasimi i numrit të rasteve me lëndime të lehta trupore Grafikoni nr. 10- Krahasimi i numrit të vjedhjeve Grafikoni nr Krahasimi i numrit të vjedhjeve të rënda Grafikoni nr Krahasimi i numrit të grabitjeve 22

23 Grafikoni nr.13- Krahasimi i numrit të përgjithshëm të aksidenteve në komunikacionin rrugor Grafikoni nr.14 - Krahasimi i numrit të aksidenteve me pasoja fatale Grafikoni nr.15 - Krahasimi i numrit të aksidenteve me lëndime Grafikoni nr. 16- Krahasimi i numrit të personave të vdekur në aksidentet të komunikacionit rrugor Grafikoni nr. 17- Krahasimi i numrit të personave të lënduar në komunikacionin rrugor Grafikoni nr.18- Krahasimi i numrit të tiketave të shqiptuara për kundërvajtjet në kom.rrugor 23

24 Tabela nr. 3 Krahasimi i rasteve të fushës së krimeve të rënda dhe krimit të organizuar Departamenti i Hetimeve % Raste % Operacione % Persona të arrestuar % Kallëzime penale % Grupe kriminale të shkatërruara % Marihuanë 737 kg gr 461 kg gr 37 % Heroinë 9 kg gr 9 kg gr 00 % Kokainë 21 kg gr 54.5 gr -100 % Bimë Kanabisi % Droga të ndryshme 5 kg 235 gr prekursor; 8 litra acid klorihdrik; 246 litra aceton; 7 litra hidrokiselin; 5 tableta imunex; 2 shishe metadon; 10 ampula nordropin; 22 shishe sterox lab tren ml; 2 pako kamagra 100; 2 pako anabol tab. 5 mg; 20 tab.tramadol; 49 eksatzi; 83.5 gr fara kanabisë; 3 pako rizlla; 31.2 gr hashash; 1 shishe metadon; 14 tableta; 1.8 gr methametamines; 0.62 gr pluhur i bardhe; 1 shishe qelqi me substance te panjohur; 93 kg 014 gr. pluhur i bardhe ende i panjohur; 4 shishe metadon 36 ml GHB; 1 pako heptanol, Armë % Municion /Fishekë % Vetura të konfiskuara % Kontroll të lokaleve % Bastisje % Viktima të trafikimit % Viktima të asistuar % ASETET E NGRIRA,SEKUESTRUARA Shtëpi 12 1 garazh 04 shtëpi 06 lokale Banesa Patundshmëri (tokë) 38 hektarë, 25 ari e 56 metra; m2 Sipërfaqe prej 2756 m2; Pronë në vlerë prej 1,300,000.00; sipërfaqe prej 549m2 parcelë; sipërfaqe prej 92m2 parcelë Objekte 1 Klinika hospital 1 objekt banesor Para 654, uro; CH; $ 16, ; 100 $; 100 CHF Mjetet motorike 1Xx autobus; 1 x traktor; 26 x vetura 2 traktorë; 4 kombajna; 1 autobot Ngrirje e xhirollogarive 51 (13 personave) 4 llogari Të tjera Një fabrikë me 8 hektarë e 27 ari dhe mjetet përcjellëse (ngrirje) 1 klinikë mjekësore; 12 pompa të derivateve; 2 depo; 1 shitore; 4 cisterna ; 4 rezervuar 2 X shtëpiza të kompjuterit; 9 x aparate të lojërave të fatit sekuestrimi i përkohshëm 24

25 Tabela nr.4 -Veprat penale të karakterit kufitar Nr. Vepra penale Janar Dhjetor 2014 Janar Dhjetor 2015 % 1 Kalim i paautorizuar i kufirit Kontrabandë me migrantë Kontrabandë i narkotikëve (posedim i narkotikëve) Kontrabandë me mallra Shmangie nga tatimi Transportim Ilegal i armëve Posedim i paligjshëm i armëve Falsifikim i dokumentit Falsifikim i automjeteve Falsifikim i parasë Legalizim i përmbajtjes së pavërtetë Kontrabandë me kafshë Dhënie e ryshfetit Marrja e ryshfetit Vjedhje e pyllit Shkretimi i pyjeve (prerje ilegale e pyllit) Tregti e ndaluar Pengim i personit zyrtar në detyrë Sulm i personit zyrtar në detyrë Dëmtim prone (shpërdorim i pasurisë së huaj) Vjedhje Kanosje Rrezikimi i aviacionit civil Ngacmim Gjetje e marihuanës Tentim pjesëmarrje në grupe terroriste Lajmërim i rrejshëm Blerje e mallrave të përfituara nga vepra penale Mashtrim Lëshim i çeqeve pa mbulesë Lëndim i lehtë trupor Bartja dhe transport i paligjshëm i municionit Incizim i paautorizuar Shkrepje e armës së gjatë zyrtare Bartja dhe transporti i paligjshëm i doku Mosmundësim i kryerjes së kontrollit kufitar Dhënie ndihme në kryerjen e VP-së Transportim i udhëtarëve pa licencë Shpërdorim i detyrës zyrtare Tentim kalimi ilegal i kufirit Vjedhje e automjeteve TOTALI

26 Tabela nr. 5 - Kundërvajtjet e natyrës së migrimit dhe të huajve Kundërvajtjet Gjoba të shqiptuara 1008 Aktivitete Inspektimet (nga DMH) dhe njësitë tjera rajonale 1555 Depërtime të ekzekutuara 45 Kërkesa për urdhër largim 73 Urdhër largime të ekzekutuara (me forcë) nga DMH 60 Verifikimi i kërkesave për viza në Republikën e Kosovës nga DMH 1075 Verifikimi me rekomandim pozitiv për viza 790 Verifikimi me rekomandim negativ për viza 281 Verifikimi me rekomandim neutral për viza 3 Lëshim i vizave në PKK 1 Azilkërkues nga DMH-ja, njësitë tjera rajonale si dhe nga DESHAM-i 70 Persona të dërguar në qendrën e mbajtjes 47 Anulim i qëndrimit afatshkurtër 31 Refuzim hyrje 3817 Refuzim dalje 2269 Tabela nr. 6- Gjoba të shqiptuara dhe klasifikimi i tyre nga fusha e migrimit Qëndrim në Kosovë në kundërshtim me qëllimin e qëndrimit të përkohshëm 625 Mosvazhdim i lejeqëndrimit të përkohshëm 214 Qëndrim i paligjshëm 36 Moslajmërim i adresës së vendbanimit 19 Përdorim i dokumentit të udhëtimit të personit tjetër 1 Qëndrim në kundërshtim me qëllimin e qëndrimit të përkohshëm 1 Përdorimi i dokumentit të udhëtimit të personit tjetër 1 Moskthim i lejeqëndrimit për të huaj 2 Ndalim për dhënien ndihme së jashtëligjshme për të huaj 1 Mospajisje me vërtetim për lajmërimin e punës 3 Gjoba të shqiptuara për kompani

27 SHKURTESAT AKSP ATK BE DBNj DCAF Akademia e Kosovës për Siguri Publike Administrata Tatimore e Kosovës Bashkimi Evropian Departamenti i Burimeve Njerëzore Democratic Control of Armed Forces (Qendra e Gjenevës për Kontrollin Demokratik të Forcave të Armatosura DH DO DKRr DPK DPSÇL DRP DShM IPK KGJK KKSB KLSP KPK KSKRR MIK NJIF OSBE PK PKK SHKK SOCTA Departamenti për Hetime Departamenti për Operacione Divizioni i Komunikacionit Rrugor Departamenti i Policisë Kufitare Drejtoria për Planifikim Strategjik dhe Çështje Ligjore Drejtori Rajonale e Policisë Departamenti i Shërbimeve Mbështetëse Inspektorati Policor i Kosovës Këshilli Gjyqësor i Kosovës Këshilli Komunal për Siguri në Bashkësi Këshilli Lokal për Siguri Publike Këshilli Prokurorial i Kosovës Këshilli për Siguri në Komunikacionin Rrugor Menaxhimi i integruar i Kufijve Njësia e Inteligjencës Financiare Organizata për Siguri dhe Bashkëpunim në Evrope Policia e Kosovës Pikëkalim kufitar Shërbimi Korrektues i Kosovës Serious and Organised Crime Threat Assessment (Vlerësimi i Kërcënimit nga Krimit i Organizuar dhe Krimeve Serioze) 27

28 28