SAMANTEKT Á EIGINLEIKUM LYFS 1. HEITI LYFS Methergin 0,2 mg/ml stungulyf, lausn. 2. INNIHALDSLÝSING Hver lykja inniheldur methylergometrinmaleat 0,2 mg/ml. Sjá lista yfir öll hjálparefni í kafla 6.1. 3. LYFJAFORM Stungulyf, lausn til notkunar í bláæð eða í vöðva. Tær, litlaus eða bláleit flúorljómandi lausn. 4. KLÍNÍSKAR UPPLÝSINGAR 4.1 Ábendingar Samdráttarleysi í legi (atonia uteri) eða blæðing frá legi eftir fósturlát eða fæðingu. 4.2 Skammtar og lyfjagjöf 0,2 mg í vöðva eða gefið hægt í bláæð. Endurtaka má lyfjagjöfina á 2-4 klst. fresti, ef nauðsyn krefur, allt að 5 sinnum innan 24 klukkustunda. Lyfjagjöf Methergin stungulyf, lausn er til inndælingar í bláæð eða í vöðva. 4.3 Frábendingar Meðganga. 1. stig fæðingar. 2. stig fæðingar áður en fremri öxlin er komin út, eða áður en fremri öxlin hjá síðasta barninu er komin út þegar um fleirburafæðingu er að ræða (ekki má nota Methergin til að framkalla eða flýta fæðingu). Þó gilda framangreindar leiðbeiningar um fremri öxl ekki við um sitjandi fæðingar. Alvarlegur háþrýstingur. Meðgöngueitrun (pre-eclampsia) og fæðingarkrampi (eclampsia). Teppusjúkdómur í æðum (þar með talinn blóðþurrðarsjúkdómur í hjarta). Blóðsýking (sepsis). Þekkt ofnæmi fyrir methylergometrini eða öðrum ergotalkalóíðum eða öðrum innihaldsefnum lyfsins (talin upp í kafla 6.1). 4.4 Sérstök varnaðarorð og varúðarreglur við notkun Í þeim tilvikum þegar barnið ber ekki rétt að í fæðingu má ekki gefa Methergin fyrr en barnið er fætt og ef um fleirburafæðingu er að ræða má ekki gefa lyfið fyrr en síðasta barnið er fætt. Brjóstagjöf Vegna hugsanlegra aukaverkana hjá barninu og minnkuðu mjólkurmagni á ekki að nota Methergin meðan á brjóstagjöf stendur. Konur mega ekki hafa barn á brjósti meðan þær eru á meðferð með 1
Methergin og í að minnsta kosti 12 klst. eftir gjöf síðasta skammts. Farga skal mjólk sem myndast á þessu tímabili (sjá kafla 4.6). Virk meðferð á þriðja stigi fæðingar krefst eftirlits fæðingarlæknis. Ráðlagt er að gefa lyfið í vöðva. Þegar lyfið er gefið í bláæð skal gefa það með hægri inndælingu, á að minnsta kosti 60 sekúndum, jafnframt því sem nákvæmlega er fylgst með blóðþrýstingi. Forðast skal að gefa lyfið í eða við slagæð. Háþrýstingur og skert lifrar- og nýrnastarfsemi Gæta skal varúðar við notkun lyfsins handa sjúklingum með vægan til í meðallagi mikinn háþrýsting (alvarlegur háþrýstingur er frábending) sem og handa sjúklingum með skerta lifrar- eða nýrnastarfsemi. Kransæðasjúkdómur Sjúklingar með kransæðasjúkdóm eða með áhættuþætti fyrir kransæðasjúkdómi (t.d. reykingar, offita, sykursýki, of hátt kólesteról) eru í aukinni hættu á að fá blóðþurrð í hjarta og hjartadrep í tengslum við æðakrampa af völdum methylergometrins (sjá kafla 4.8). 4.5 Milliverkanir við önnur lyf og aðrar milliverkanir Ergotalkalóíðar eru hvarfefni CYP3A4. CYP3A4 hemlar Forðast skal samhliða notkun Methergin og öflugra CYP3A4 hemla eins og sýklalyfja af flokki makrólíða (t.d. troleandomycins, erythromycins og clarithromycins), HIV próteasahemla eða bakritahemla (t.d. ritonavirs, indinavirs, nelfinavirs og delavirdins) og sveppalyfja af flokki azola (t.d. ketoconazols, itraconazols og voriconazols), því slíkt getur leitt til aukinnar útsetningar fyrir methylergometrini og þar með aukinna eiturverkana af völdum ergota (æðakrampa og blóðþurrðar í útlimum og öðrum vefjum) (sjá kafla 4.4). Bromocriptin Varast skal notkun bromocriptins samhliða Methergin eftir fæðingu (puerperium), þar sem methylergometrin getur aukið æðaþrengjandi áhrif annarra ergotalkalóíða (sjá einnig kaflann Æðaþrengjandi lyf, triptan-lyf, adrenvirk lyf og aðrir ergotalkalóíðar hér að aftan). Prostaglandín Prostaglandín (t.d. sulproston, dinoproston, misoprostol) auðvelda samdrátt legvöðva, þannig að Methergin getur valdið því að verkun prostaglandína á legið verði kröftugri, og öfugt. Varast skal samhliða notkun þessara lyfja. Milliverkanir sem þarf að taka tillit til Ekki eins öflugir CYP3A4 hemlar Gæta skal varúðar við samhliða notkun Methergin og CYP3A4 hemla sem ekki eru eins öflugir (t.d. cimetidin, delavirdin, greipaldinsafi, quinupristin, dalfopristin), vegna þess að það getur aukið útsetningu fyrir Methergin. Æðaþrengjandi lyf, triptan-lyf, adrenvirk lyf og aðrir ergotalkalóíðar Gæta skal varúðar þegar Methergin er notað samhliða öðrum æðaþrengjandi lyfjum eða öðrum ergotalkalóíðum. Methylergometrin getur aukið æðaþrengjandi (vasoconstrictor/vasopressor) áhrif annarra lyfja svo sem triptan lyfja (5HT 1B/1D viðtakaörva), adrenvirkra lyfja (einnig adrenvirkra lyfja sem notuð eru við staðdeyfingar) og annarra ergotalkalóíða. 2
Betablokkar Gæta skal varúðar þegar Methergin er notað samhliða betablokkum. Samhliða gjöf betablokka getur aukið æðaþrengjandi verkun ergotalkalóíða. Svæfingarlyf Svæfingalyf svo sem halothan og methoxyfluran geta dregið úr oxytocinlíkum eiginleikum Methergin. CYP3A4 hvatar Lyf (t.d. nevirapin, rifampicin) sem eru öflugir hvatar CYP3A4, draga sennilega úr lyfjafræðilegri virkni Methergin. Glyceryltrinítrat og önnur lyf við hjartaöng Methylergometrin veldur æðaþrengingu og búast má við að það dragi úr verkun glycerylnítrats og annarra lyfja við hjartaöng. 4.6 Frjósemi, meðganga og brjóstagjöf Meðganga Meðganga er frábending frá notkun Methergin þar sem það eykur spennuna í leginu verulega (sjá kafla 4.3). Brjóstagjöf Greint hefur verið frá því að Methergin dragi úr mjólkurmyndun og að það skiljist út í brjóstamjólk (sjá kafla 5.2). Greint hefur verið frá einstökum tilvikum um eitrun hjá börnum á brjósti þegar mæðurnar fengu lyfið í nokkra daga. Vart varð við eitt eða fleiri eftirfarandi einkenna (sem hurfu þegar notkun lyfsins var hætt): Hækkaðan blóðþrýsting, hægslátt, hraðslátt, uppköst, niðurgang, eirðarleysi og krampaköst. Með tilliti til hugsanlegra aukaverkana á barnið og minni mjólkurmyndunar er ekki mælt með notkun Methergin fyrir konur sem hafa barn á brjósti. Konur mega ekki hafa barn á brjósti meðan þær eru á meðferð með Methergin og í að minnsta kosti 12 klukkustundir eftir gjöf síðasta skammts. Farga skal mjólk sem myndast á því tímabili. Frjósemi Á ekki við fyrir Methergin vegna samþykktu ábendinganna. 4.7 Áhrif á hæfni til aksturs og notkunar véla Methylergometrin getur vegna aukaverkana sinna (sundl og krampar), einkum í upphafi meðferðar, haft áhrif á hæfni til aksturs og notkunar véla (lítil eða væg áhrif). 4.8 Aukaverkanir Í töflunni hér að aftan eru aukaverkanirnar flokkaðar eftir líffærakerfum samkvæmt MedDRA flokkun. Innan líffæraflokka eru aukaverkanir flokkaðar eftir tíðni, þær algengustu fyrst. Innan hvers tíðniflokks er aukaverkunum raðað eftir alvarleika. Þær alvarlegustu eru taldar upp fyrst. Auk þess er tíðnin skilgreind samkvæmt eftirfarandi: Mjög algengar ( 1/10), algengar ( 1/100 til < 1/10), sjaldgæfar ( 1/1.000 til < 1/100), mjög sjaldgæfar ( 1/10.000 til < 1/1.000), koma örsjaldan fyrir (< 1/10.000), tíðni ekki þekkt (ekki hægt að áætla tíðni út frá fyrirliggjandi gögnum). 3
Tafla 1: Aukaverkanir sem komið hafa fram í klínískum rannsóknum og greint hefur verið frá eftir markaðssetningu lyfsins Ónæmiskerfi Bráðaofnæmisviðbrögð. Taugakerfi Eyru og völundarhús Hjarta Mjög sjaldgæfar Æðar Mjög sjaldgæfar Öndunarfæri, brjósthol og miðmæti Meltingarfæri Húð og undirhúð Stoðkerfi og stoðvefur Meðganga, sængurlega og burðarmál Höfuðverkur. Sundl, krampakast. Ofskynjanir. Suð fyrir eyrum. Verkur fyrir brjósti. Hægsláttur, hraðsláttur, hjartsláttarónot. Hjartadrep, krampar í kransæðum. Háþrýstingur. Lágþrýstingur. Æðaþrenging, æðakrampar, slagæðakrampar. Segabláæðabólga. Nefstífla. Ógleði, uppköst. Niðurgangur. Útbrot. Aukin svitamyndun. Vöðvakrampar. Kviðverkir (vegna samdrátta í legi). Almennar aukaverkanir sem greint hefur verið frá (spontanous reports) eftir markaðssetningu, og sem komið hafa fram í birtum greinum (tíðni ekki þekkt) Eftirfarandi aukaverkanir hafa komið fram við notkun Methergin eftir markaðssetningu og hafa verið tilkynntar af sjálfsdáðum eða komið fram í birtum greinum. Þar sem þessar aukaverkanir voru tilkynntar af sjálfsdáðum af þýði af óþekktri stærð, er ekki mögulegt að ákvarða tíðnina af nákvæmni og því er tíðnin flokkuð sem ekki þekkt. Aukaverkanir eru flokkaðar eftir líffærakerfum samkvæmt MedDRA flokkun. Innan hvers tíðniflokks er aukaverkunum raðað eftir alvarleika. Þær alvarlegustu eru taldar upp fyrst. Taugakerfi Tilvik sem tengjast heilaæðum, breytingar á húðskyni. 4
Hjarta Sleglatif, sleglahraðsláttur, hjartaöng, gáttasleglarof. Tilkynning aukaverkana sem grunur er um að tengist lyfinu Eftir að lyf hefur fengið markaðsleyfi er mikilvægt að tilkynna aukaverkanir sem grunur er um að tengist því. Þannig er hægt að fylgjast stöðugt með sambandinu milli ávinnings og áhættu af notkun lyfsins. Heilbrigðisstarfsmenn eru hvattir til að tilkynna allar aukaverkanir sem grunur er um að tengist lyfinu til Lyfjastofnunar, www.lyfjastofnun.is. 4.9 Ofskömmtun Einkenni: Ógleði, uppköst, háþrýstingur eða lágþrýstingur, dofi, náladofi og verkir í útlimum, öndunarbæling, krampar, dá. Meðferð: Meðferð við einkennum, undir nákvæmu eftirliti með hjarta og æðakerfi og öndun. Nota má benzodiazepin ef þörf er fyrir slævingu. Ef alvarlegir slagæðakrampar koma fram, skal gefa æðavíkkandi lyf t.d. natríumnitroprussid, phentolamin eða dihydralazin. Komi til kransæðaþrengingar á að veita viðeigandi meðferð við hjartaöng (t.d. nítröt, sjá þó kafla 4.5). Mistök við lyfjagjöf Greint hefur verið frá því að lyfið hafi verið gefið nýburum fyrir slysni. Í þessum tilvikum hefur verið greint frá einkennum eins og öndunarbælingu, krampaköstum, bláma og þvagþurrð hjá nýburunum. Ennfremur hefur verið greint frá heilakvilla hjá ungbörnum með einkennum eins og skapstyggð, æsingi og sinnuleysi. Meðferðin á að fara eftir einkennum. Í alvarlegum tilvikum hefur stuðningsmeðferð við öndun og hjarta- og æðakerfi reynst nauðsynleg. Greint hefur verið frá banvænum tilvikum þegar meðferð hefur ekki verið fullnægjandi. 5. LYFJAFRÆÐILEGAR UPPLÝSINGAR 5.1 Lyfhrif Flokkun eftir verkun: Ergotalkalóíðar. ATC flokkur: G 02 A B 01 Methylergometrin, sem er hálfsamtengd afleiða náttúrulega alkalóíðsins ergometrins, er öflugt og sértækt lyf sem eykur samdrátt legs. Það verkar beint á slétta vöðva í legi og eykur grunnspennu, tíðni og tímalengd reglubundins samdráttar. Í samanburði við aðra ergotalkalóíða eru áhrif á hjarta og æðar og miðtaugakerfi ekki eins áberandi. Öflug og sértæk oxytocinlík verkun methylergometrins stafar af sértækri verkun þess sem bæði örvi, að hluta, og blokki serotoninvirkra, dopaminvirkra og α-adrenvirkra viðtaka. Samt sem áður kemur það ekki algjörlega í veg fyrir æðaþrengjandi fylgikvilla (sjá kafla 4.4 og 4.8). Til að fyrirbyggja og meðhöndla blæðingu frá legi, þegar gefa á lyfið í vöðva, má íhuga að gefa samtímis Methergin og oxytocin, þar sem biðtími eftir verkun oxytocins er mög stuttur en methylergometrin hefur hins vegar lengdan verkunartíma. 5.2 Lyfjahvörf Verkun Methergin hefst 30 til 60 sekúndum eftir inndælingu í bláæð, 2 til 5 mínútum eftir inndælingu í vöðva og varir í 4 til 6 klst. 5
Frásog Eftir inndælingu 0,2 mg af Methergin í vöðva var C max (hámarksþéttni í plasma að meðaltali) 5.918 ± 1.952 pg/ml og t max 0,41 ± 0,21 klst. Aðgengi eftir notkun töflunnar var hið sama og aðgengi eftir inntöku stungulyfs sem ætlað er til notkunar í vöðva og í réttu hlutfalli við skammta eftir inntöku 0,1, 0,2 og 0,4 mg. Dreifing Eftir inndælingu í bláæð dreifist methylergometrin hratt úr plasma til útlægra vefja, á 2 til 3 mínútum eða skemmri tíma. Hjá heilbrigðum, kvenkyns sjálfboðaliðum er dreifingarrúmmálið 56,1 ± 17,0 lítrar. Ekki er þekkt hvort lyfið fer yfir blóð-heilaþröskuld. Umbrot Methylergometrin umbrotnar einkum í lifur. Umbrotaleiðin hefur ekki verið rannsökuð hjá mönnum. In vitro rannsóknir sýna N-metýlsviptingu og hýdroxýltengingu á phenylhringnum. Brotthvarf Eftir inntöku hjá heilbrigðum, kvenkyns sjálfboðaliðum er plasmaúthreinsun 14,4 ± 4,5 l/klst. og helmingunartími brotthvarfs er að meðaltali 3,29 ± 1,31 klst. Rannsókn hjá karlkyns sjálfboðaliðum leiddi í ljós að einungis um 3% af skammti til inntöku skiljast út í þvagi á óbreyttu formi. Brotthvarf methylergometrins verður einkum með galli í hægðum. Methylergometrin skilst einnig út í brjóstamjólk. Einni klukkustund eftir gjöf staks 250 míkrógramma skammts af methylergometrini til inntöku var mjólkur/plasmaþéttnihlutfall 0,18±0,03. Helmingunartími methylergometrins í mjólk er 2,3±0,3 klukkustundir. 5.3 Forklínískar upplýsingar Ekki er vitað hvort methylergometrin hefur eiturverkun á erfðaefni. Engar rannsóknir hafa verið gerðar til þess að meta hvort methylergometrin geti haft krabbameinsvaldandi áhrif. Ekki hafa verið gerðar hefðbundnar dýrarannsóknir á því hvort methylergometrin hafi eiturverkun á frjósemi og æxlun. 6. LYFJAGERÐARFRÆÐILEGAR UPPLÝSINGAR 6.1 Hjálparefni Maleinsýra. Natríumklóríð. Vatn fyrir stungulyf. 6.2 Ósamrýmanleiki Enginn þekktur. 6.3 Geymsluþol 3 ár. 6.4 Sérstakar varúðarreglur við geymslu Geymið í kæli (2 C-8 C). Geyma má lyfið í 2 vikur við stofuhita. Má ekki frjósa. Geymið í upprunalegum umbúðum til varnar gegn ljósi. 6.5 Gerð íláts og innihald Lykjur. 6
Pakkningastærð: 1 ml x 10 lykjur. 6.6 Sérstakar varúðarráðstafanir við förgun og önnur meðhöndlun Engin sérstök fyrirmæli. 7. MARKAÐSLEYFISHAFI Novartis Healthcare A/S Edvard Thomsens Vej 14 2300 København S Danmörk. 8. MARKAÐSLEYFISNÚMER MTnr 640374 (IS). 9. DAGSETNING FYRSTU ÚTGÁFU MARKAÐSLEYFIS/ENDURNÝJUNAR MARKAÐSLEYFIS Dagsetning fyrstu útgáfu markaðsleyfis: 30. desember 1965. Nýjasta dagsetning endurnýjunar markaðsleyfis: 23. mars 2011. 10. DAGSETNING ENDURSKOÐUNAR TEXTANS 10. júní 2016. 7