SAMANTEKT Á EIGINLEIKUM LYFS

Transcript

1 SAMANTEKT Á EIGINLEIKUM LYFS 1. HEITI LYFS Peratsin 2 mg húðaðar töflur Peratsin 4 mg húðaðar töflur Peratsin 8 mg húðaðar töflur 2. INNIHALDSLÝSING 2 mg tafla: Hver tafla inniheldur 2 mg af perphenazíni. Hjálparefni með þekkta verkun: Hver tafla inniheldur laktósaeinhýdrat sem samsvarar 36 mg af laktósa. Hver tafla inniheldur 38 mg af súkrósa. Sjá lista yfir öll hjálparefni í kafla mg tafla: Hver tafla inniheldur 4 mg af perphenazíni. Hjálparefni með þekkta verkun: Hver tafla inniheldur laktósaeinhýdrat sem samsvarar 35 mg af laktósa. Hver tafla inniheldur 38 mg af súkrósa. Sjá lista yfir öll hjálparefni í kafla mg tafla: Hver tafla inniheldur 8 mg af perphenazíni. Hjálparefni með þekkta verkun: Hver tafla inniheldur laktósaeinhýdrat sem samsvarar 33 mg af laktósa. Hver tafla inniheldur 38 mg af súkrósa. Sjá lista yfir öll hjálparefni í kafla LYFJAFORM Húðuð tafla 2 mg tafla: Hvít, kringlótt, kúpt sykurhúðuð tafla, þvermál um 6,8 mm. 4 mg tafla: Fölgræn, kringlótt, kúpt, sykurhúðuð tafla, þvermál um 6,8 mm. 8 mg tafla: Fölblá, kringlótt, kúpt, sykurhúðuð tafla, þvermál um 6,8 mm. 4. KLÍNÍSKAR UPPLÝSINGAR 4.1 Ábendingar Geðrof og geðklofi. Fyrirbyggjandi gegn og sem meðferð við verulegri ógleði og uppköstum. 4.2 Skammtar og lyfjagjöf Skammtar eru einstaklingsbundnir: Sólarhringsskammturinn er 4-24 mg í 1-3 aðskildum skömmtum. 1

2 4.3 Frábendingar Ofnæmi fyrir virka efninu eða einhverju hjálparefnanna sem talin eru upp í kafla 6.1, krómfíklaæxli, sjúkdómar sem hafa áhrif á beinmerg, heilaskaði, greinileg skerðing á meðvitund. 4.4 Sérstök varnaðarorð og varúðarreglur við notkun Geðrofslyf geta lengt QT bil, skammtaháð. Greint hefur verið frá torsade de pointes og skyndidauða (sjá einnig kafla 4.8). Gæta skal varúðar við meðferð sjúklinga með marktækan hægslátt, meðfætt LQT heilkenni (congenital long QT syndrome) eða fjölskyldusögu um LQT heilkenni eða samhliða notkun annarra lyfja sem vitað er að geta lengt QT bil (sjá einnig kafla 4.5). Truflun á blóðsaltajafnvægi (blóðkalíumlækkun og blóðmagnesíumlækkun) auka hættu á illkynja hjartsláttartruflunum og ætti að leiðrétta áður en phenothíazín meðferð er hafin og einnig meðan á meðferð stendur (sjá einnig kafla 4.5, 4.8 og 4.9). Við meðferð sjúklinga með hjartasjúkdóma, skerta lifrar- eða lungnastarfsemi, sykursýki, flogaveiki eða aldraða sjúklinga, skal gæta ýtrustu varúðar og reyna að nota minnsta virka skammt. Greint hefur verið frá tilfellum bláæðasegareks í tengslum við notkun geðrofslyfja. Þar sem sjúklingar sem fá meðferð með geðrofslyfjum eru oft með áunna áhættuþætti sem gerir þá líklegri til að fá bláæðasegarek, skal greina alla hugsanlega áhættuþætti bláæðasegareks áður en meðferð með Peratsin er hafin og meðan á meðferð stendur, og gera allar nauðsynlegar fyrirbyggjandi ráðstafanir. Forðast skal samhliða notkun með öðrum geðrofslyfjum. Við meðferð sjúklinga með ofnæmi fyrir öðrum geðrofslyfjum, skal fylgjast náið með sjúklingnum eftir að hann hefur fengið fyrsta skammtinn vegna hættu á krossofnæmi. Perphenazín getur verið skaðlegt sjúklingum sem eru viðkvæmir fyrir andkólínvirkum áhrifum, þar á meðal aldraðir sjúklingar, sjúklingar með þrönghornsgláku, stækkaðan í blöðruhálskirtil eða Parkinsonssjúklingar. Hætta skal perphenazín meðferð smám saman. Í slembiröðuðum klínískum rannsóknum með lyfleysu var þrefalt meiri hætta á aukaverkunum á heila og æðar með ódæmigerðu geðrofslyfi hjá sjúklingum með vitglöp. Verkunarháttur er ekki þekktur. Ekki er hægt að útiloka aukna hættu við notkun annarra geðrofslyfja eða hjá öðrum sjúklingahópum. Gæta skal varúðar við notkun perphenazíns hjá sjúklingum með áhættuþætti fyrir heilaslagi. Aukin dánartíðni meðal aldraðra með vitglöp Niðurstöður úr tveimur stórum eftirfylgnirannsóknum sýndu lítið eitt aukna dánartíðni meðal aldraðra með vitglöp sem fengu meðferð með geðrofslyfjum miðað við þá sem ekki fengu meðferð. Nægjanlegar upplýsingar liggja ekki fyrir til að hægt sé að leggja fullnægjandi mat á umfang þessarar áhættu og orsakir eru ekki þekktar. Peratsin hefur ekki verið samþykkt til meðferðar á atferlisröskunum tengdum vitglöpum. Sjúklingar með mjög sjaldgæfa erfðakvilla svo sem frúktósaóþol, galaktósaóþol, glúkósa-galaktósa vanfrásog eða súkrasa-ísómaltasa skort, Lapp laktasa skort ættu ekki að nota lyfið. 2

3 4.5 Milliverkanir við önnur lyf og aðrar milliverkanir Perphenazín eykur bælandi áhrif annarra efna á miðtaugakerfið, svo sem alkóhóls, kvíðastillandi lyfja, þunglyndislyfja, svefnlyfja og andhistamína. Adrenalín getur haft öfug áhrif við blóðþrýstingslækkun hjá sjúklingum sem nota perphenzín. Perphenzín getur skert blóðþrýstingslækkandi verkun guanethidíns, metýldópa og klónidíns. Forðast skal samhliða notkun með öðrum lyfjum sem valda lengingu QT bils og truflun á blóðsaltajafnvægi. Perphenazín eykur áhrif annarra andkólínvirkra lyfja og getur haft áhrif á frásog annarra lyfja með því að hægja á maga- og þarmatæmingu. Perphenazín og önnur lyf sem umbrotna fyrir tilstilli cýtókróms P2D6, geta hamlað umbrotum hvers annars. Lyf sem umbrotna fyrir tilstilli CYP2D6 og eru viðkvæm fyrir milliverkunum eru meðal annars thioridazín, zúklópentixól, halóperidól, risperidón, amitriptylín, imipramín, klomipramín, nortriptylín, míanserín, paroxetín, flúoxetín, flúvoxamín, sertralín, venlafaxín, dextrómetorfan, kódein, tramadól, encainíð, flecainíð, propafenón, mexiletín, alprenólól, metóprólól, própranólól, timólól, fenýtóín og klórókín. Kínidín, valpróat og címetidín geta einnig hamlað umbrotum perphenazíns. Dísúlfíram, carbamazepín, phenóbarbital, ómeprazól og reykingar geta hraðað brotthvarfi perphenazíns og dregið úr þéttni þess í plasma. 4.6 Frjósemi, meðganga og brjóstagjöf Meðganga Perphenazín fer yfir fylgju og skilst út í brjóstamjólk. Það er vitað að lyfið hefur vanskapandi áhrif hjá mönnum. Nýburar sem hafa verið útsettir fyrir geðrofslyfjum (þar með talið Peratsin) á síðasta þriðjungi meðgöngu eru í hættu á að fá utanstrýtueinkenni og fráhvarfseinkenni. Alvarleiki og tímalengd einkennanna eftir fæðingu geta verið mismunandi. Einkennin sem koma fram hjá nýburanum eru meðal annars æsingur, ofstæling, slekja, skjálfti, svefnhöfgi, erfiðleikar við öndun og erfiðleikar við að nærast. Af þessum orsökum þarf að fylgjast náið með ástandi nýburans. Brjóstagjöf Magnið sem ungabarn innbyrðir af perphenazíni úr brjóstamjólk er svo lítið að það hefur engin lyfjafræðileg áhrif. Perphenzín ætti ekki að nota á meðgöngu og við brjóstagjöf. Ef lyfjameðferð er talin nauðsynleg á meðgöngu skal nota minnsta virka skammt og reyna að miða að lyfjalausu tímabili fyrir settan fæðingardag. 4.7 Áhrif á hæfni til aksturs og notkunar véla Perphenazín veldur slævingu og skertri hreyfigetu. Sjúklingar sem nota perphenazín eru með skerta hæfni til aksturs og athafna sem krefjast óskertrar árvekni, sérstaklega á fyrstu vikum meðferðarinnar. Þol fyrir slævandi verkun lyfsins verður þó við áframhaldandi meðferð. Skert sjónskerpa vegna andkólínvirkra áhrifa lyfsins getur einnig dregið úr hæfni til aksturs. 3

4 4.8 Aukaverkanir Tíðni aukaverkana er flokkuð sem hér segir: Mjög algengar ( 1/10) Algengar ( 1/100, < 1/10) Sjaldgæfar ( 1/1.000, < 1/100) Mjög Sjaldgæfar ( 1/10.000, < 1/1.000) Koma örsjaldan fyrir (< 1/10.000) Tíðni ekki þekkt (ekki hægt að áætla tíðni út frá fyrirliggjandi gögnum) Blóð og eitlar Innkirtlar Efnaskipti og næring Geðræn vandamál Mjög algengar Væg hvítfrumna fjölgun eða hvítfrumna fæð kemur fram hjá um 30% Algengar Sjaldgæfar Mjög sjaldgæfar Of mikið prólaktín í blóði vegna dópamín blokkunar og tengdar truflanir á tíðahring, brjósta stækkun hjá konum og körlum Breytingar á matarlyst og þyngdaraukning Slæving, sérstaklega í upphafi meðferðar Breytingar á glúkósaþoli Koma örsjaldan fyrir Kyrninga hrap, vanmyndunarblóðleysi Tíðni ekki þekkt 4

5 Taugakerfi Bráð truflun á vöðvaspennu, hvíldaróþol (akathisia), Parkinsonseinkenni og í tengslum við langvarandi lyfjameðferð síðkomnar hreyfitruflanir og skjálfti í kringum munn Andkólín virkar auka verkanir (t.d. munn þurrkur, þvagteppa, sjón stillingar truflanir, aukinn hjartsláttur, hægða tregða, bráð versnun þröng hornsgláku, getuleysi, minnis truflanir). Réttstöðu þrýstings fall, standpína, ristruflanir vegna blokkunar á alfa viðtökum. Lækkaður krampa þröskuldur (hætta á krömpum hjá sjúklingum sem ekki eru flogaveikir er mjög lítil). Illkynja sefunar heilkenni 5

6 Augu Hjarta Æðar Húð og undirhúð Meðganga, sængurlega og burðarmál Æxlunarfæri og brjóst Almennar aukaverkanir og aukaverkanir á íkomustað Lágþrýstingur Einkenni í húð (aðallega ofsakláði, húðbólga, kláði), hjá 5% aukið ljósnæmi fyrir sýnilegu ljósi og útfjólubláum geislum Þreyta, sérstaklega í upphafi meðferðar 6 Uppsöfnun lyfs í horn himnu, augasteini og táru sem veldur útfellingu (uppsöfnun veltur á upp söfnuðum skammti) Sleglatakt truflanir VF, VT Breytingar á kynhvöt, seinkun fullnægingar Hjartsláttar truflanir við mikinn styrkleika, lenging QT bils, óútskýrður skyndidauði, hjartastopp, torsade de pointe Ofhæring Fráhvarfs einkenni hjá nýburum (sjá kafla 4.6)

7 Greint hefur verið frá bláæðasegareki m.a. lungnasegareki og djúpbláæðasegareki í tengslum við notkun geðrofslyfja tíðni er ekki þekkt. Tilkynning aukaverkana sem grunur er um að tengist lyfinu Eftir að lyf hefur fengið markaðsleyfi er mikilvægt að tilkynna aukaverkanir sem grunur er um að tengist því. Þannig er hægt að fylgjast stöðugt með sambandinu milli ávinnings og áhættu af notkun lyfsins. Heilbrigðisstarfsmenn eru hvattir til að tilkynna allar aukaverkanir sem grunur er um að tengist lyfinu samkvæmt fyrirkomulagi sem gildir í hverju landi fyrir sig, sjá Appendix V. 4.9 Ofskömmtun Lífshættulegur skammtur af perphenazíni er um það bil 800 mg hjá fullorðnum (100 töflu pakkning af Peratsin 2 mg inniheldur að hámarki 200 mg). Einkenni perphenazín ofskömmtunar eru meðal annars veruleg utanstrýtueinkenni, bæling miðtaugakerfis og í minna mæli aðrar aukaverkanir sem nefndar hafa verið hér að ofan. Einkennin eru yfirleitt alvarlegust innan 24 klukkustunda eftir ofskömmtun. Meðferðin er einkennamiðuð. Lyfjakol og magaskolun (ef nokkrar klukkustundir eru frá inntöku of stórs skammts) koma í veg fyrir frásog. Magaskolun er eingöngu framkvæmd í tilfellum alvarlegrar eitrunar. Truflanir á blóðsaltajafnvægi og sýru-basa jafnvægi þarfnast virkrar meðferðar. Krampa er hægt að meðhöndla með díazepami (10-20 mg í bláæð), utanstrýtueinkenni með bíperideni (2-5 mg í vöðva eða hægt í bláæð), og lágþrýstingur með dópamíni eða noradrenalíni. Ekki má nota adrenalín. Ekki er talið að blóðskilun og -síun komi að gagni. 5. LYFJAFRÆÐILEGAR UPPLÝSINGAR 5.1 Lyfhrif Flokkun eftir verkun: Fentíazín með píperazínhring í hliðarkeðju, ATC-flokkur: N05 AB 03 Perphenazín er píperazín afleiða fentíazíns. Það blokkar D 2 -dópamínviðtaka og virðist á grundvelli þessa hafa áhrif á geðrof og draga úr bráðlæti og árásarhneigð sem og tilfinningalegu sinnuleysi. Perphenazín hefur einnig uppsöluhemjandi, kvíðastillandi og miðlungsmikla ósértæka slævandi verkun. Það blokkar einnig D 1, H 1, α 1, múskarín viðtaka og serótónín viðtaka. 5.2 Lyfjahvörf Perphenazín frásogast að fullu frá meltingarvegi en aðgengi þess er 30-40% vegna umbrota í fyrstu umferð um lifur. Hámarksþéttni í sermi næst 1-3 klukkustundum eftir inntöku. Hlutfall óbundins perphenazíns í plasma er 7-10% og er dreifingarrúmmál lyfsin um 20 l/kg. Þéttni lyfsins í plasma veltur aðallega á vefjabindingu perphenazíns. Perphenazín fer yfir fylgju og skilst út í brjóstamjólk. Það umbrotnar að mestu í óvirk umbrotsefni, að hluta til fyrir tilstilli cýtókróm P450 2D6 ensímsins. Það skilst út að mestu með þvagi á formi samtengds umbrotsefnis, og brotthvarfshelmingunartími er um það bil 10 klukkustundir. Brotthvarf perphenazíns er hægara hjá sjúklingum með skerta lifrarstarfsemi, öldruðum sjúklingum, ungbörnum, fóstrum og þeim sem eru með hæg umbrot vegna erfða. 7

8 5.3 Forklínískar upplýsingar Perphenazín hefur vanskapandi áhrif á rottur og mýs við stóra skammta. Þessi áhrif koma hvorki fram hjá rottum né kanínum við skammta sem eru 4-7 faldir ráðlagðir skammtar fyrir menn. 6. LYFJAGERÐARFRÆÐILEGAR UPPLÝSINGAR 6.1 Hjálparefni Töflukjarni Maíssterkja Laktósaeinhýdrat Póvidón Magnesíumsterat Töfluhúð Makrógól 6000 Súkrósi Maíssterkja Kalsíumkarbónat Póvidón Carnauba vax Að auki í 2 mg töflum: Títantvíoxíð (E171) í 4 mg töflum: Títantvíoxíð (E171) Kínólíngult (E104) Indigótín (E132) Natríumbenzóat (E211) í 8 mg töflum: Patent blátt (E131). 6.2 Ósamrýmanleiki Á ekki við. 6.3 Geymsluþol 3 ár. 6.4 Sérstakar varúðarreglur við geymslu Geymið við stofuhita (15-25 C) 6.5 Gerð íláts og innihald HDPE glas með HDPE skrúfuloki 100 töflur 8

9 6.6 Sérstakar varúðarráðstafanir við förgun Engin sérstök fyrirmæli. 7. MARKAÐSLEYFISHAFI Orion Corporation Orionintie Espoo Finnland 8. MARKAÐSLEYFISNÚMER IS/1/12/140/ DAGSETNING FYRSTU ÚTGÁFU MARKAÐSLEYFIS / ENDURNÝJUNAR MARKAÐSLEYFIS Dagsetning fyrstu útgáfu markaðsleyfis: 18. desember Nýjasta dagsetning endurnýjunar markaðsleyfis: 10. DAGSETNING ENDURSKOÐUNAR TEXTANS 4. október