SAMANTEKT Á EIGINLEIKUM LYFS

Transcript

1 SAMANTEKT Á EIGINLEIKUM LYFS 1. HEITI LYFS Cisordinol Depot 200 mg/ml stungulyf, lausn. 2. INNIHALDSLÝSING Zúklópentixóldekanóat 200 mg/ml Sjá lista yfir öll hjálparefni í kafla LYFJAFORM Stungulyf, lausn. Cisordinol Depot 200 mg/ml er tær gulleit olía, sem er nokkurn veginn án agna. 4. KLÍNÍSKAR UPPLÝSINGAR 4.1 Ábendingar Geðrofsástand (psycosis) fyrir utan þunglyndi. 4.2 Skammtar og lyfjagjöf Skammtar Fullorðnir Aðlaga skal skammt og tíma milli lyfjagjafa fyrir hvern sjúkling fyrir sig með það fyrir augum að ná sem mestri mögulegri bælingu geðrofseinkenna með lágmarks aukaverkunum. Viðhaldsskammtur er venjulega mg (1/2 2 ml) hverju viku, eftir svörun sjúklingsins. Sumir sjúklingar þurfa stærri skammta eða styttri tímabil á milli lyfjagjafa. Þegar skipt er um lyfjagjöf þ.e.a.s. frá Cisordinol töflum yfir í viðhaldsmeðferð með Cisordinol Depot er hægt að miða við eftirfarandi: x mg til inntöku (p.o.) daglega jafngildir 8x mg dekanóat 2. hverja viku. x mg til inntöku (p.o.) daglega jafngildir 16x mg dekanóat 4. hverju viku. Þegar skipt er yfir í dekanóat formið er Cisordinol gefið áfram í töfluformi fyrstu vikuna eftir fyrstu inndælinguna, en skammtar eru minnkaðir jafnt og þétt. Þegar skipt er frá meðhöndlun með Cisordinol-Acutard yfir í viðhaldsmeðferð með Cisordinol Depot má nota eftirfarandi leiðbeiningar: Samtímis (síðustu) inndælingu með Cisordinol-Acutard (100 mg) er gefinn mg (1-2 ml) skammtur af Cisordinol Depot 200 mg/ml. Viðhaldsmeðferð heldur síðan áfram eins og ráðlagt er hér fyrir ofan. Cisordinol-Acutard og Cisordinol Depot má blanda saman í sprautu og gefa sem eina inndælingu. Börn Ekki á að nota Cisordinol Depot fyrir börn þar sem klíníska reynslu skortir. 1/10

2 Aldraðir Gæta skal varúðar við skömmtun hjá öldruðum. Skert nýrnastarfsemi Má nota í venjulegum skömmtum. Skert lifrarstarfsemi Gæta skal varúðar við lyfjagjöf til sjúklinga með skerta lifrarstarfsemi; ef mögulegt er skal mæla sermisþéttni. Meðferðarlengd. Sjúkdómsháð. Áralöng meðhöndlun getur verið nauðsynleg við langvinnu geðrofi. Íkomuleið Til inndælingar í vöðva. Þegar magn stungulyfs fer yfir 2 ml á að gefa lyfið á tvo inndælingarstaði. 4.3 Frábendingar Ofnæmi fyrir virka efninu eða einhverju hjálparefnanna sem talin eru upp í kafla 6.1. Minnkuð meðvitund af hvaða ástæðu sem er (t.d. vegna eitrana af völdum áfengis, barbítúrata eða ópíata), lost, dá. 4.4 Sérstök varnaðarorð og varúðarreglur við notkun Illkynja sefunarheilkenni (neuroleptic malignant syndrome) Skýrt hefur verið frá tilvikum illkynja sefunarheilkennis við notkun geðrofslyfja, en einkennin eru ofurhiti, vöðvastífleiki, óstöðugleiki í ósjálfráða taugakerfinu, breytingar á meðvitundarstigi og hækkun á serum kreatínfosfókínasa. Hættan er líklega meiri eftir því sem lyfin eru virkari. Sjúklingar með vefrænt heilaheilkenni (organic brain syndrome), eru andlega skertir, eða misnota ópíöt og áfengi, eru í mestri hættu þegar skoðuð eru dauðsföll vegna ofannefndra einkenna. Meðhöndlun: Notkun geðrofslyfja er hætt, veita á meðferð eftir einkennum og almenna stuðningsmeðferð við sjúkrahúsinnlögn. Einkenni geta varað í meira en eina viku eftir að notkun geðrofslyfs til inntöku hefur verið hætt og eitthvað lengur ef um forðalyfjaformið hefur verið að ræða. Fyllstu varúðar ber að gæta við notkun zúklópentixóls hjá sjúklingum með vefrænt heilaheilkenni, krampasjúkdóma og langt genginn lifrarsjúkdóm. Svörun við insúlíni og glúkósu getur breyst, þannig að nauðsynlegt getur reynst að aðlaga sykursýkimeðferð hjá sjúklingum með sykursýki. Sjúklingar á langtímameðferð, einkum með stórum skömmtum, eiga að vera undir nánu eftirliti með reglulegu millibili til að hægt sé meta hvort minnka megi viðhaldsskammtinn. Zúklópentixól getur valdið lengingu á QT-bili. Þrálát lenging QT-bils getur aukið hættu á illkynja hjartsláttartruflunum. Því á að nota zúklópentixól með varúð hjá næmum sjúklingum (með blóðkalíumlækkun, blóðmagnesíumlækkun eða arfgenga áhættuþætti fyrir hjartsláttartruflunum) og hjá sjúklingum með sögu um hjarta- og æðasjúkdóma eins og lengt QT-bil, verulegan hægslátt (<50 slög á mínútu), nýlegt brátt hjartadrep, ómeðhöndlaða hjartabilun eða hjartsláttartruflanir. Forðast skal samhliða meðferð með öðrum geðrofslyfjum (sjá kafla 4.5). 2/10

3 Skýrt hefur verið frá tilvikum af bláæðasegareki í tengslum við töku geðrofslyfja. Þar sem áunnir áhættuþættir fyrir bláæðasegareki eru oft til staðar hjá sjúklingum sem eru meðhöndlaðir með geðrofslyfjum á að greina alla mögulega áhættuþætti fyrir bláæðasegareki áður en meðferð með zúklópentixóli er hafin og meðan á henni stendur og gera fyrirbyggjandi ráðstafanir. Skýrt hefur verið frá tilvikum af hvítfrumnafæð, daufkyrningafæð og kyrningahrapi við notkun geðrofslyfja að zúklópentixól dekanóati meðtöldu. Gæta verður varúðar við notkun geðrofslyfja í langverkandi forðalyfjaformi með öðrum lyfjum sem vitað er að geta valdið mergfrumubælingu, þar sem ekki er hægt að skilja þau hratt úr líkamanum þegar þörf krefur. Aldraðir Heilaæðar Gæta skal varúðar við notkun zúklópentixóls hjá sjúklingum sem hafa áhættuþætti fyrir slag. Í slembuðum samanburðarrannsóknum með lyfleysu hjá sjúklingum með heilabilun, hefur verið sýnt fram á u.þ.b. þreföldun áhættu á aukaverkunum á heilaæðar við töku sumra óhefðbundinna geðrofslyfja. Verkunarmáti fyrir þessa auknu áhættu er ekki þekktur. Ekki er hægt að útiloka að áhættan sé einnig aukin fyrir önnur geðrofslyf eða aðra sjúklingahópa. Hækkuð dánartíðni hjá öldruðum með vitglöp Með gögnum úr tveimur stórum áhorfsrannsóknum hefur verið sýnt fram á lítið eitt aukna áhættu á dauðsföllum meðal aldraðra einstaklinga með vitglöp sem fá meðferð með geðrofslyfjum í samanburði við þá sem ekki fá meðferð. Ekki liggja fyrir fullnægjandi gögn til að sé hægt að meta á öruggan hátt umfang áhættunnar nákvæmlega og ástæða aukningar áhættunnar er ekki þekkt. Zúklópentixól er ekki skráð til meðhöndlunar á atferlistruflunum tengdum vitglöpum. 4.5 Milliverkanir við önnur lyf og aðrar milliverkanir Zúklópentixól getur aukið slævandi verkun áfengis, barbitúrata og annarra lyfja, sem hafa slævandi áhrif á miðtaugakerfið. Geðrofslyf geta aukið eða dregið úr verkun blóðþrýstingslækkandi lyfja. Blóðþrýstingslækkandi verkun gúanetidíns og skyldra efna minnkar. Samtímis notkun geðrofslyfja og litíums eykur hættuna á taugaskemmdum. Þríhringlaga þunglyndislyf og geðrofslyf hamla umbrotum hvors annars þegar þau eru notuð samhliða. Zúklópentixól hamlar verkun levódópa og verkun adrenvirkra lyfja. Samtímis notkun metóklópramíðs og píperazíns eykur hættuna á utanstrýturöskunum. Zúklópentixól umbrotnar að hluta til fyrir tilstilli CYP2D6 og getur samhliða notkun lyfja sem hamla þessu ensími því haft í för með sér minnkaða úthreinsun zúklópentixóls. Ekki er mælt með samtímis töku lyfja sem lengja QT-bilið (sjá kafla 4.4). Meðal lyfja sem þetta á við um eru: Lyf við hjartsláttartruflunum af flokki Ia og III (t.d. kínídín, amíódarón, sótalól). Sum geðrofslyf (t.d. thíórídazín). Sumir makrólíðar (t.d. erýtrómýcín). Sum andhistamínlyf (t.d. terfenadín, astemízól). Sum kínólón sýklalyf (t.d. moxifloxacín). Listinn hér að ofan er ekki tæmandi og forðast skal notkun annarra lyfja sem vitað er að lengja QTbilið verulega (t.d. cisapríð og litíum). 3/10

4 Lyf sem vitað er að valda truflun á saltajafnvægi eins og þvagræsilyf úr flokki tíazíða (vegna blóðkalíumlækkunar) og lyf sem vitað er að auka plasmaþéttni zúklópentixóls, á einnig að nota með varúð með zúklópentixóli þar sem þau geta aukið hættuna á lengingu QT-bils og illkynja hjartsláttartruflunum (sjá kafla 4.4). 4.6 Meðganga og brjóstagjöf Meðganga: Forðast ber að nota lyfið á meðgöngu sé þess nokkur kostur. Nýburar sem hafa orðið fyrir áhrifum af geðrofslyfjum (þ.m.t. Cisordinol Depot) á síðasta þriðjungi meðgöngu eiga á hættu að fá aukaverkanir, eins og utanstrýtueinkenni og/eða fráhvarfseinkenni, sem geta verið misalvarlegar og staðið yfir mislengi eftir fæðingu. Skýrt hefur verið frá tilvikum af æsingi, ofstælingu, slekju, skjálfta, svefnhöfga, andnauð eða vandræðum við að nærast. Þess vegna verður að fylgjast náið með nýburum. Eituráhrif á æxlun hafa sést í þeim dýratilraunum sem framkvæmdar hafa verið (sjá kafla 5.3). Brjóstagjöf: Cisordinol Depot ætti eingöngu að nota meðan barn er haft á brjósti ef brýn klínísk ástæða er talin fyrir því, en mælt er með því að fylgst sé náið með barninu, einkum fyrstu 4 vikurnar eftir fæðingu. Cisordinol Depot finnst í það lágri þéttni í brjóstamjólk að áhrif á barnið eru talin ólíkleg við notkun ráðlagðra skammta. Það magn sem berst til barnsins er innan við 1% af dagsskammti móðurinnar að teknu tilliti til þyngdar (sjá kafla 5.2). Frjósemi: Skýrt hefur verið frá aukaverkunum hjá fólki eins og prólaktínhækkun í blóði, mjólkurflæði, tíðateppu, ekkert sáðlát og ristruflunum (sjá kafla 4.8). Þessar aukaverkanir geta haft neikvæð áhrif á kynlífsvirkni og frjósemi hjá konum og/eða körlum. Komi fram klínískt marktæk prólaktínhækkun í blóði, mjólkurflæði, tíðateppa eða kynlífstruflanir, á að íhuga skammtaminnkun (ef það er hægt) eða að hætta meðferðinni. Þessar aukaverkanir eru afturkræfar við meðferðarrof. Gjöf zúklópentixóls til karl- og kvenkynsrotta tengdist lítils háttar seinkun á pörun. Í tilraun þar sem zúklópentixól var gefið með fæðunni, kom fram minnkun á pörunarhæfni og minnkuð tíðni getnaðar. 4.7 Áhrif á hæfni til aksturs og notkunar véla Engin varúðarmerking. Cisordinol Depot getur haft lítil eða miðlungs áhrif á hæfni til aksturs eða notkunar véla, einkum í upphafi meðferðar og við aukningu skammta. 4.8 Aukaverkanir Þær aukaverkanir sem oftast koma fram eru munnþurrkur, svefnhöfgi, hvíldaróþol (akathisia), ofhreyfni og vanhreyfni, sem geta komið fram hjá meira en 10% sjúklinga sem eru meðhöndlaðir með lyfinu. Aukaverkanirnar eru í flestum tilvikum skammtaháðar. Aukaverkanirnar eru algengastar og alvarlegastar í upphafi meðferðar og dregur úr þeim við áframhaldandi meðferð. Hreyfingartruflanir geta komið fram einkum í upphafi meðferðar. Í flestum tilvikum er hægt að ráða bót á þeim á fullnægjandi hátt með því að minnka skammta og/eða með því að nota lyf við 4/10

5 Parkinsonssjúkdómi. Ekki er mælt með venjubundinni, fyrirbyggjandi notkun lyfja við Parkinsonssjúkdómi. Lyf við Parkinsonssjúkdómi draga ekki úr síðkomnum hreyfitruflunum, en geta gert einkennin verri. Mælt er með að minnka skammtinn eða ef hægt er að hætta meðferð með lyfinu. Benzódíazepínlyf eða própranólól geta gagnast við þrálátu hvíldaróþoli. Aukaverkanir eru flokkaðar hér að neðan eftir MedDRA flokkun eftir líffærum og tíðniflokkun. Mjög algengar ( 1/10); algengar ( 1/100 til <1/10); sjaldgæfar ( 1/1.000 til <1/100); mjög sjaldgæfar ( 1/ til <1/1.000); koma örsjaldan fyrir (<1/10.000), tíðni ekki þekkt (ekki hægt að áætla tíðni út frá fyrirliggjandi gögnum). Blóð og eitlar Ónæmiskefi Innkirtlar Efnaskipti og næring Geðræn vandamál Taugakerfi Augu Mjög algengar ( 1/10) Koma örsjaldan fyrir (<1/10.000) Blóðflagnafæð, daufkyrningafæð, hvítfrumnafæð, kyrningahrap. Ofnæmi, bráðaofnæmisviðbragð. Prólaktínhækkun í blóði. Aukin matarlyst, þyngdaraukning. Minnkuð matarlyst, þyngdartap. Blóðsykurshækkun, óeðlilegt glúkósaþol, blóðfituhækkun. Svefnleysi, þunglyndi, kvíði, taugaveiklun, óeðlilegar draumfarir, æsingur, minnkuð kynhvöt. Sinnuleysi, martraðir, aukin kynhvöt, rugl. Svefndrungi, hvíldaróþol, ofhreyfni, og vanhreyfni. Skjálfti, truflun á vöðvaspennu, aukin vöðvaspenna, sundl, höfuðverkur, náladofi, minnkuð einbeitingarhæfni, minnisleysi, óeðlilegt göngulag. Síðkomnar hreyfitruflanir, ofviðbrögð, hreyfitruflanir, Parkinsonsheilkenni, yfirlið, hreyfiglöp, taltruflanir, minnkuð vöðvaspenna, krampar, mígreni. Illkynja sefunarheilkenni. Sjónstillingarörðugleikar, sjóntruflanir. Augnknattahreyfingar, ljósopsstæring. 5/10

6 Eyru og völundarhús Hjarta Æðar Öndunarfæri, brjósthol og miðmæti Meltingarfæri Lifur og gall Húð og undirhúð Stoðkerfi og stoðvefur Nýru og þvagfæri Meðganga, sængurlega og burðarmál Koma örsjaldan fyrir (<1/10.000) Mjög algengar ( 1/10) Koma örsjaldan fyrir ( 1/10.000) Tíðni ekki þekkt (ekki hægt að áætla tíðni út frá fyrirliggjandi gögnum) Sundl. Ofnæm heyrn, eyrnasuð. Hraðtaktur, hjartsláttarónot. Lenging á QT-bili. Lágþrýstingur, hitakóf. Bláæðasegarek. Nefstífla, mæði. Munnþurrkur. Aukin munnvatnsframleiðsla, hægðatregða, uppköst, meltingartruflanir, niðurgangur. Kviðverkir, ógleði, uppþemba. Breytingar á lifraprófum. Gallteppulifrarbólga, gula. Mjög aukin svitamyndun, kláði. Útbrot, ljósnæmi, truflanir á litarefnum, flasa, húðbólga, purpuri. Vöðvaverkir. Vöðvastífni, kjálkastjarfi, hálssveigur (torticollis). Truflanir á tæmingu þvagblöðru, þvagtregða, ofsamiga. Fráhvarfseinkenni nýbura (sjá 4.6). 6/10

7 Æxlunarfæri og brjóst Almennar aukaverkanir og aukaverkanir á íkomustað Ekkert sáðlát, ristruflanir, fullnægingarstol (konur), þurrkur í kynfærum kvenna. Brjóstastækkun hjá körlum, mjólkurflæði, tíðateppa, reðursístaða. Þróttleysi, þreyta, vanlíðan, verkir. Þorsti, lækkun líkamshita, sótthiti. Staðbundin viðbrögð á inndælingarstað. Eins og við á um önnur lyf úr lækningaflokknum geðrofslyf, hafa mjög sjaldan sést tilvik, við notkun zúklópentixóls, af lengingu á QT-bili, sleglasláttarglöp sleglatif, sleglahraðsláttur - Torsade de pointes og skyndidauði af óþekktum orsökum (sjá kafla 4.4). Ef notkun zúklópentixóls er hætt skyndilega geta komið fram meðferðarrofseinkenni. Algengustu einkennin eru ógleði, uppköst, lystarleysi, niðurgangur, nefrennsli, aukin svitamyndun, vöðvaverkir, náladofi, svefnleysi, óróleiki, kvíði og æsingur. Sjúklingarnir geta einnig fundið fyrir sundli, hita- eða kuldatilfinningu og skjálfta. Venjulega byrja einkennin 1-4 dögum eftir að meðferð er hætt og hverfa á 1-2 vikum. Tilkynning aukaverkana sem grunur er um að tengist lyfinu Eftir að lyf hefur fengið markaðsleyfi er mikilvægt að tilkynna aukaverkanir sem grunur er um að tengist því. Þannig er hægt að fylgjast stöðugt með sambandinu milli ávinnings og áhættu af notkun lyfsins. Heilbrigðisstarfsmenn eru hvattir til að tilkynna allar aukaverkanir sem grunur er um að tengist lyfinu samkvæmt fyrirkomulagi sem gildir í hverju landi fyrir sig, sjá Appendix V. 4.9 Ofskömmtun Vegna aðferðar við gjöf lyfsins er ólíklegt að ofskömmtunareinkenni komi fram. Einkenni Svefnhöfgi, meðvitundarleysi, utanstrýtueinkenni (hreyfitruflanir), krampar, lost, ofurhiti eða of lágur líkamshiti. Skýrt hefur verið frá breytingum á hjartalínuriti, lengingu QT-bils, Torsades de pointes, hjartastoppi og sleglahraðsláttarglöpum við ofskömmtum með zúklópentixóli og samtímis gjöf lyfja sem þekkt eru af að hafa áhrif á hjarta. Meðferð Veita á meðferð eftir einkennum og stuðningsmeðferð. Veita skal öndunarfærum og hjarta- og æðakerfi stuðning. Ekki má nota adrenalín þar sem það getur valdið enn frekari blóðþrýstingslækkun. Krampa má meðhöndla með díazepami og einkenni um hreyfitruflanir með bíperidíni. 5. LYFJAFRÆÐILEGAR UPPLÝSINGAR 5.1 Lyfhrif Flokkun eftir verkun: Geðrofslyf, tíóxantenafleiða ATC flokkur: N 05 AF 05. Zúklópentixól er geðrofslyf af flokki tíóxantena. 7/10

8 Verkun geðrofslyfja við geðrofum (antipsycotic effect) er tengd blokkandi áhrifum á dópamínviðtaka, en er einnig mögulega tengd blokkun 5-HT viðtaka. Zúklópentixól hefur mikla sækni in vitro á D 1 og D 2 viðtaka, α 1 -andrenerga-viðtaka og 5- HT 2 viðtaka, en hefur enga sækni í kólínerga múskarínviðtaka. Það hefur væga histamín (H 1 ) sækni og blokkar ekki α 2 - andrenergaviðtaka. In vivo er yfirgnæfandi sækni í D 2 fram yfir sækni í D 1 viðtaka. Zúklópentixól er sterkt geðrofslyf, í öllum hegðunarlíkönum sem hafa verið notuð til að kanna geðrofsvirkni (blokkun dópamínviðtaka). Fylgni er milli in vivo prófanalíkananna, sækni í D 2 viðtaka in vitro og á meðaltals dagsskammta til inntöku gegn geðrofi. Eins og flest önnur geðrofslyf eykur zúklópentixól prólaktínmagn í sermi og er það skammtaháð. Rannsóknir á lyfhrifum hafa sýnt að zúklópentixóldekanóat í olíu hefur lengri geðrofsverkun og það magn efnisins sem þarf til að viðhalda ákveðinni verkun í langtíma meðhöndlun er umtalsvert minna með forðaforminu en við að taka lyfið daglega inn. Lyfhrifa rannsóknir gefa til kynna að hægt er að ná langvarandi geðrofsverkun án augljósra slævandi áhrifa með forðaforminu. Enn fremur má búast við að hættan á milliverkunum verði minni við svæfinga- og deyfingalyf. Í klínískri notkun er Cisordinol Depot ætlað til viðhaldsmeðhöndlunar á langvinnu geðrofi. Zúklópentixóldekanóat hefur skammvinna,skammtaháða róandi verkun. Ef sjúklingur fer yfir á viðhaldsmeðferð með Cisordinol Depot frá Cisordinol til inntöku eða Cisordinol-Acutard, eru róandi áhrif ekki vandamál. Þol myndast fljótt gegn ósérhæfðri róandi verkun lyfsins. Cisordinol Depot hentar sérstaklega vel til meðhöndlunar á æstum, eirðarlausum-, fjandsamlegum, eða árásargjörnum geðrofssjúklingum. Cisordinol Depot tryggir samfellda geðrofsmeðferð og fækkar bakslagstilfellum vegna lélegrar meðferðafylgni hjá sjúklingum sem eru á lyfjameðferð til inntöku. 5.2 Lyfjahvörf Frásog Hámarks sermisþéttni (T max ) næst eftir 3-7 daga eftir inndælingu í vöðva. Með áætlaðan helmingunartíma u.þ.b. 3 vikur (endurspeglar losun frá forðaforminu) næst stöðug þéttni eftir u.þ.b. 3 mánaða endurtekna lyfjagjöf. Dreifing Dreifingarrúmál (V d ) β er u.þ.b. 20 l/kg. Próteinbinding í plasma er u.þ.b %. Umbrot Umbrot zúklópentixóls eru aðallega með súlfoxun, N-afalkýleríngu á hliðarkeðju og samtengingu við glúkúrónsýru. Umbrotsefnin hafa enga verkun gegn geðrofi. Zúklópentixól yfirgnæfir umbrotsefni í heila og öðrum vefjum. Sýnt hefur verið fram á erfðafræðilega fjölbreytni. Brotthvarf Helmingunartími í plasma meðan á brotthvarfi stendur (t 1/2 β ) er u.þ.b. 20 tímar; heildar plasmaúthreinsun (Cl s ) er u.þ.b. 0,86 l/mín. Zúklópentixól skilst aðallega út með hægðum, en þó einnig í einhverju magni í þvagi (u.þ.b. 10%), aðeins u.þ.b. 0,1% skilst óbreytt út með þvagi. Zúklópentixól skilst í litlu magni út í brjóstamjólk. Mjólkur-/sermisþéttnihlutfall hjá konum sem eru meðhöndlaðar með zúklópentixóli til inntöku eða dekanóat afleiðu er u.þ.b. 0,3. Línulegt/ólínulegt samband 8/10

9 Lyfjahvörf eru línuleg. Eftir 200 mg skammt af zúklópentixóldekanóati 2. hverja viku er C mín u.þ.b. 25 nmól/l við jafnvægi. Aldraðir Lyfjahvörf eru að mestu óháð aldri sjúklings Skert nýrnastarfsemi Ekki rannsakað, en miðað við ofangreindar upplýsingar um brotthvarf má ætla að skert nýrnastarfsemi hafi ekki mikil áhrif á þéttni zúklópentixóls í sermi. Skert lifrastarfsemi Hefur ekki verið rannsakað. 5.3 Forklínískar upplýsingar Bráð eitrunaráhrif Bráð eitrunaráhrif af zúklópentixóli eru lítil. Langvinn eitrunaráhrif Í rannsóknum á eituráhrifum við langvarandi notkun kom ekkert fram sem hefur þýðingu fyrir lækningalega notkun zúklópentixóls. Eituráhrif á æxlun Í rannsókn á þremur kynslóðum af rottum kom fram seinkun á pörun. Þegar pörun hafði átt sér stað sáust engin áhrif á frjósemi. Í tilraun þar sem zúklópentixól var gefið með fæðunni, kom fram minnkun á pörunarhæfni og minnkuð tíðni getnaðar. Ekki hafa komið fram merki um eituráhrif á fóstur eða vanskapandi áhrif í æxlunarrannsóknum á dýrum. Í for- og eftirburðar rannsókn á rottum leiddu dagskammtar af stærðinni 5 og 15 mg/kg til aukningar á andvana fæðingum, minnkunar á lifun unganna og seinkun á þroska unganna. 6. LYFJAGERÐARFRÆÐILEGAR UPPLÝSINGAR 6.1 Hjálparefni Þríglýceríðar með meðallangar keðjur. 6.2 Ósamrýmanleiki Cisordinol Depot má einungis blanda með Cisordinol-Acutard sem er uppleyst í sömu olíu. Ekki má blanda Cisordinol Depot með forðalyfjum með sesamolíu sem burðarefni, þar sem það hefur töluverð áhrif á lyfhvörf viðeigandi lyfja. 6.3 Geymsluþol Lykjur: 1 ml: 3 ár. 6.4 Sérstakar varúðarreglur við geymslu Ekki þarf að geyma lyfið við sérstök hitaskilyrði. Geymið lykjurnar í ytri umbúðum til varnar gegn ljósi. 6.5 Gerð íláts og innihald 1 ml x 10 lykjur. 9/10

10 6.6 Sérstakar varúðarráðstafanir við förgun og önnur meðhöndlun Engin sérstök fyrirmæli. Farga skal öllum lyfjaleifum og/eða úrgangi í samræmi við gildandi reglur. 7. MARKAÐSLEYFISHAFI H. Lundbeck A/S Ottiliavej Valby Danmörk 8. MARKAÐSLEYFISNÚMER (IS) 9. DAGSETNING FYRSTU ÚTGÁFU MARKAÐSLEYFIS/ENDURNÝJUNAR MARKAÐSLEYFIS Dagsetning fyrstu útgáfu markaðsleyfis: 1. mars Nýjasta dagsetning endurnýjunar markaðsleyfis: 9. apríl DAGSETNING ENDURSKOÐUNAR TEXTANS 12. júní /10