NAGMAAL. SKRIFLESING: Johannes 19: TEKS: Johannes 19:30. Christus doen alles klaar. Psalm 2 : 6. Skrifberyming 59 (10-2) Psalm 65 : 2

Transcript

1 NAGMAAL SKRIFLESING: Johannes 19:17-30 TEKS: Johannes 19:30 TEMA: Christus doen alles klaar. Psalm 2 : 6 Skrifberyming 59 (10-2) Psalm 65 : 2 Skrifberyming 16 (11-3) : 1,, 2, 3, 4, 5, 6 Psalm 40 : 5 Skrifberyming 78 (13-3) By aanvang van tafels: Matteus 11:28 By tafels: Ps 62:2-9 Ps 63:2-9 Ps 65:2-6 Ps 66:8-14 Ps 68:2-7

2 2 Dis net voordat die Here Jesus sterf. Hy s klaar deur een van Sy eie dissipels uitverkoop aan Sy vyande, soos n misdadiger gevang, skandelik misken deur Petrus, een van die leiersfigure onder die apostels, deur n klug van n klomp verhore, onskuldig ter dood veroordeel, beledig, bespot, gegesel, gespoeg en geslaan, gekruisig, deur ure van ondenkbare liggaamlike pyn en swaarkry, deur die hel van Godverlatenheid En nou, net voordat Hy sterf, voordat Hy Sy gees in die hande van Sy hemelse Vader oorgee, 1 sê Hy hierdie een woord in die Griekse taal, wat in Afrikaans weergegee word met: - Dit is volbring. Dis onder andere iets van n amptelike verklaring van die amptelike Middelaar tussen God en mens, van die Gestuurde, van die Gesalfde: - Dis volbring. = Dis klaar. = Dis afgehandel. = Dis gedoen. Wat is gedoen? In vers 28 staan daar: - alles; - Hierna het Jesus, met die wete dat alles klaar volbring is en sodat die Skrif vervul kan word, gesê: Ek is dors. Alles hier beteken: o Alles wat die Vader en die Seun en die Heilige Gees in die ewigheid al besluit het op hierdie tydstip van die wêreldgeskiedenis deur die Middelaar hier op aarde vir sondaars gedoen moes word. 1 Luk 23:46

3 3 o Alles wat die hemelse Vader aan Sy Seun opgedra het om vir die sondes van Sy volk te doen toe Hy Hom na hierdie wêreld toe gestuur het. o Alles wat in die Ou Testamentiese bedeling voorsê is wat gedoen moes word om sondaars te bevry. o Alles wat nodig was om die skuld wat mense met hulle sondes by God gemaak het, te betaal. o Alles wat gedoen moes word om die straf wat mense met hulle sondes voor die hemelse Regter verdien het, te dra. o Die groot Offer wat gebring moes word vir die verlossing van die wêreld. o Die bloed wat gestort moes word om God se genadeverbond met Sy uitverkorenes vir ewig vas tye maak. Álles wat deel van God se straf op die sonde uitmaak en wat die Verlosser in hulle plek vir sondaars moes kom ly, is nou klaar gedoen, dis volbring (sê die Here Jesus). Wat die Christus moes kom doen het, is uitgevoer. Dis volbring. Dis wat die Here Jesus met die een woordjie wat Hy hier sê, verklaar: hiérdie deel van Sy pligstaat as Verlosser is afgehandel. Wat sê hierdie verklaring van Hom vir ons van Hóm? Noem twee dinge: In die eerste plek is die manier waarop Hy dit stel vir ons nog n bewys van Sy nederigheid. Hy sê nie Ék het alles volbring! nie. Hy sê Dit is volbring. Die aandag is op die taak wat Hy kom doen het, nie op Hom wat dit uitgevoer het nie. Hy s nog nie daar waar die kollig op Hom en op Sy Goddelike heerlikheid val nie soos wat na Sy opstanding uit die dood uit begin gebeur het en met Sy hemelvaart voortgesit is en veral eendag by Sy wederkoms voluit gaan gebeur nie.

4 4 Hy s hier nog die Dienaar, die Een wat opdragte moet uitvoer, die Een wat gehoorsaam moet wees, al kos dit Hom Sy lewe. Dis die nederige Jesus wat hier praat, nog nie die verhoogde Hére van die hemel en die aarde nie. Maar in die tweede plek is hierdie verklaring van Jesus (Dit is volbring), ook n bewys van Sy volmaakte Verlosserskap. Hy t álles volbring. Daar hoef by dit wat Hy gedoen het, nooit weer enige iets bygedoen te word nie. Nooit weer hoef enige sondaar wat in Hom glo, iets verder te doen om van sondes verlos te word nie. Daar s niks meer straf-op-sondes wat deur gelowiges gedra moet word nie. Die idee van n vagevuur, waar gelowiges na hulle dood nog eers moet boet vir sondes wat kwansuis hier op aarde nie afgehandel is nie, voordat hulle hemel toe kan gaan, is direk in stryd met wat die Here Jesus hier verklaar: - Dis volbring. - Die straf is gedra, kláár, álles! Ja, die hemelse Vader tug nog wel Sy kinders tydens hulle aardse lewe, maar dis nie meer die straf van die hemelse Regter op sondes nie dis die liefdevolle dissipline van n volmaakte Vader wat jou slyp en skaaf om dié kind te word wat Hy jou gemaak het om te wees Hoekom straf God my so? is iets wat n kind van die Here nie meer behoort te sê nadat jy Christus aan die kruis hoor sê het Dit is volbring nie. Niks hoef ooit bygedoen te word nie. Niks van wat Jesus gedoen het, hoef ook ooit weer herhaal te word nie, oorgedoen te word nie.

5 5 Die diere-offers wat in die Ou Testameniese tyd vir die sondes geoffer is, moes gedurig herhaal word jaar in, jaar uit; want hulle kon nie regtig vir die sondes van mense betaal nie, en was maar net kennisgewingborde van die ware Offer wat eendag gebring sou word. Maar toe die Here Jesus Homself as die ware Lam van God aan die kruis vir die sondes offer, toe is die saak tussen die gelowige sondaar en God daarmee afgehandel, klaargemaak, en hoef hierdie offer nooit weer op enige manier herhaal te word nie. 2 In die wêreld van destyds is daar baie kere op betaalde rekenings die Griekse woord τετέλεσται geskryf, wat beteken: - dis betaal; - die rekening is afgehandel; - die skuld is weg; - jou blaadjie is skoon. Dís die woord wat die Here Jesus hier aan die kruis sê: - τετέλεσται; - dis afgehandel; - daar hoef nie weer op hierdie saak teruggekom te word nie; - dis verby. Verstaan u wat dit beteken? Mense wat in die geloof aan die Here Jesus vasgryp, hoef nooit weer terug te draai na hulle sondes toe, asof daar nog onafgehandel sake daar-rondom is nie, asof daar nog skuld is waaroor hulle hulle moet bekommer, waaroor hulle met angs vir die oordeelsdag hoef wakker te lê nie. Jesus het hierdie saak vir ons afgehandel. Dis álles volbring, ten volle betaal eens en vir altyd As u dan aan die nagmaalstafel sit, en in u geestesoog die Gekruisigde sien Sy gebreekte liggaam en Sy bloed wat gestort is, en as u gelowig die broodjie eet en die slukkie wyn drink en deur die Heilige Gees van u eenheid met Christus bewus gemaak word, hóór Hom dan sê: 2 Bv Hebr 10:10-12

6 6 - Dit is volbring. En as ons dan netnou met hierdie Dit is volbring in ons ore weer die lewe daarbuite instap, hoe kan ons dan weer gaan skuld maak? AMEN