PASIËNTINLIGTINGSPAMFLET Kombinasieproduk Westerse kruiemiddels. Hierdie medisyne is nie deur die Medisynebeheerraad geëvalueer nie. Die doel van hierdie medisyne is nie om enige siekte te diagnoseer, behandel, genees of te voorkom nie. SKEDULERINGSTATUS Nie geskeduleerd nie. EIENDOMSNAAM, STERKTE EN FARMASEUTIESE VORM Vital Vitacharge- sagte gelatienkapsules. Lees hierdie pamflet sorgvuldig deur, aangesien dit belangrike inligting bevat. Vital Vitacharge is sonder n doktersvoorskrif beskikbaar. Jy moet nogtans Vital Vitacharge versigtig gebruik om die beste resultate te verkry. Hou hierdie pamflet. Dit mag nodig wees om dit weer te lees. Vra jou apteker indien jy meer inligting of advies benodig. Raadpleeg n dokter indien jou simptome vererger of nie verbeter nie. WAT VITAL VITACHARGE BEVAT Elke Vital Vitacharge- sagte gelatienkapsule bevat: Ginseng- ekstrak (Panax ginseng) Gelykstaande aan Ginsengwortel Betakaroteen Vitamien B1 Vitamien B2 Nikotienamied (Vitamien B3) Vitamien B6 Foliensuur Vitamien B12 Biotien Vitamien B5 (Pantoteensuur) Vitamien C Vitamien E Kalsium 100 mg 500 mg 2,5 mg 20 mg 150 µg 25 µg 50 µg 37,5 mg (16,8 mg α- TE) Bladsy 1 van 5
Magnesium Seleen Sink Inositol Cholien 12,5 mg 12,5 µg 7,5 mg Die ander bestanddele is Antifoam M, byewas, gelatien, gesuiwerde water, gliserien, lesitien, sonneblomsaadolie/ kanola- olie, swart ysteroksied, titaandioksied en verharde onversadigde olie. Vital Vitacharge bevat maltodekstrien. WAARVOOR VITAL VITACHARGE GEBRUIK WORD Vital Vitacharge ondersteun daaglikse voeding in individue wat geestelike en fisiese uitputting ervaar en kan energievlakke verbeter. VOORDAT JY VITAL VITACHARGE NEEM Moenie Vital Vitacharge neem: indien jy hipersensitief (allergies) vir die aktiewe bestanddele of enige ander bestanddele is (sien WAT VITAL VITACHARGE BEVAT ). Neem spesiale voorsorg met Vital Vitacharge: indien jy aan hoë bloeddruk, slaapversteurings, hartprobleme of enige geestesgesondheidstoornis ly (sien Neem van ander medisyne saam met Vital Vitacharge ). Neem van Vital Vitacharge met voedsel en drank: Neem Vital Vitacharge met water ná voedsel. Swangerskap en borsvoeding: Veiligheid tydens swangerskap en borsvoeding is nie vasgestel nie. Indien jy swanger is of jou baba borsvoed, raadpleeg asseblief jou dokter, apteker of ander professionele gesondheidsorgwerker vir advies voordat jy Vital Vitacharge neem. Bladsy 2 van 5
Bestuur en die gebruik van masjinerie: Vital Vitacharge behoort nie jou vermoë om te bestuur of masjinerie te bedryf, te beïnvloed nie. Belangrike inligting oor sommige van die bestanddele van Vital Vitacharge: Die kapsule is van Halaal gelatien van bees- (dier- ) oorsprong gemaak. Neem van ander medisyne saam met Vital Vitacharge: Stel altyd jou professionele gesondheidsorgwerker in kennis indien jy enige ander medikasie gebruik (Dit sluit komplementêre en tradisionele medisyne in). Neem spesiale voorsorg indien jy medikasie vir hoë bloeddruk, hartprobleme en hoë bloedsuikervlakke (diabetes) neem, aangesien Vital Vitacharge die werking van hierdie medikasie kan beïnvloed. Indien jy onseker is, raadpleeg jou gesondheidsorgpraktisyn. HOE OM VITAL VITACHARGE TE NEEM Neem Vital Vitacharge altyd presies soos aangedui, of soos jou dokter aan jou voorgeskryf het. Raadpleeg jou dokter of apteker indien jy onseker is. Die normale dosis is 1 kapsule daagliks. Neem met water ná voedsel. Indien jy meer Vital Vitacharge as nodig neem: Sien MOONTLIKE NEWE- EFFEKTE. In die geval van n oordosis raadpleeg jou dokter of apteker. Indien geeneen beskikbaar is nie, kontak die naaste hospitaal of gifbeheersentrum. Indien jy vergeet om n dosis Vital Vitacharge te neem: Neem jou oorgeslane dosis wanneer jy onthou. Moenie n dubbele dosis neem om vir die oorgeslane dosis op te maak nie. MOONTLIKE NEWE- EFFEKTE Vital Vitacharge kan newe- effekte hê. Bladsy 3 van 5
Nie alle newe- effekte wat vir Vital Vitacharge aangemeld is, is in hierdie pamflet ingesluit nie. Indien jou algemene gesondheid agteruitgaan of jy enige ongewenste uitwerkings met die gebruik van die medisyne ondervind, raadpleeg asseblief jou dokter, apteker of gesondheidsorgpraktisyn. Naarheid, braking, sooibrand, eetlusverlies en diarree asook hoofpyn, prikkelbaarheid, veluitslae en slaaploosheid is met die gebruik van ginseng aangemeld. Indien jy enige newe- effekte opmerk wat nie in hierdie pamflet ingesluit is nie, stel asseblief jou dokter of apteker in kennis BERGING EN WEGDOENING VAN VITAL VITACHARGE Berg alle medisyne buite bereik van kinders. Berg teen of benede 25 C op n droë plek. Beskerm teen lig. Moenie ná die vervaldatum wat op die etiket aangedui word, gebruik nie. Neem alle ongebruikte medisyne terug na jou apteker. Moenie ongebruikte medisyne in afvoerpype of rioolstelsels (bv. toilette) weggooi nie. AANBIEDING VAN VITAL VITACHARGE ʼn Toepaslik geëtiketteerde plastiekhouer met n wipdeksel wat 30 Vital Vitacharge- sagte gelatienkapsules bevat. IDENTIFIKASIE VAN VITAL VITACHARGE n Langwerpige, houtskoolgrys sagte gelatienkapsule. NAAM EN ADRES VAN APPLIKANT Vital Health Foods (Pty) Ltd Lavenderlaan Kuilsrivier 7580. Bladsy 4 van 5
DATUM VAN PUBLIKASIE Augustus 2011. Vital Health Foods (Edms) Bpk. 2016. Bladsy 5 van 5