Geseënd is dié wat rein van hart is!

Geseënd is dié wat rein van hart is! Ds Willem Louw: NG Kerk Miederpark Skriflesing: Psalm 24:3-6; Psalm 51:12; Matteus 5:8; Romeine 12:11; 1 Johannes 3:1-3 Vooraf: Opsommend het ons met die reeks saligsprekinge ontdek: Wanneer jy besef dat jy God nodig het in jou lewe, wil en kan jy nie langer sonder Hom leef nie! Dit het gevolge: (Eerste gevolg): o na binne Met God in jou lewe, gaan jou oë oop vir die groot nood in die wêreld. Jy treur oor die stukkende wêreld. o na buite- Ons word sag teenoor mense en tree vriendelik en begripvol op. (Tweede gevolg): o na binne- As ons die diep nood van wie wêreld besef, gee God vir ons ŉ rustelose verlange dat dit anders sal word. Ons honger en dors dat geregtigheid sal begin geskied in die wêreld. o na buite- Daarom word ons barmhartig teenoor almal in nood. (Derde gevolg vandag): o na binne- en dit lei tot ŉ positiewe toewyding van onsself aan die Here en aan die saak van Sy koninkryk. Vandag se Tema: Geseënd is dié wat rein van hart is, want hulle sal God sien. Teksvers: Matteus 5:8 (Afr.83): Geseënd is dié wat rein van hart is, want hulle sal God sien. (Die Boodskap): Gelukkig is almal wie se lewe van binne af nuut geword het. God sal sorg dat hulle Hom met hul eie oë sien. (Message): You re blessed when you get your inside world your mind and heartput right. Then you can see God in the outside world. Kom ons ontleed hierdie vers sodat ons dit beter kan verstaan: 1

1. hart waarna verwys dit? Om dit te verstaan moet ons eers kyk wat bedoel die Bybel met die term hart : As die Bybel praat van die hart, dan is dit nie die orgaan wat binne-in my klop en bloed pomp nie. Die term hart in die Bybel verwys na die kern of integrasiepunt van ons geestelike lewe, vanwaar uit ons totale geestelike lewe beheer word. Dit is die plek waar ons begeertes en gedagtes, maar ook ons karakter vorm aanneem. Dit het te doen met die toewyding en oorgawe van jou ganse lewe aan God. Dit het te doen met jou keuses, jou voorkeure en prioriteite. Dit het te doen met die diepste motiewe of bedoelings van ons lewe. Dit sluit ook die vraag in: Waarvoor lewe jy? Wat is die diepste motief van jou lewenskeuses? o Die seilkundige Freud, het ŉ groot bydrae tot die wetenskap gelewer. Hy het bo alle twyfel bevestig dat van die belangrikste keuses en besluite wat die mens maak, dikwels beïnvloed word deur diepere motiewe en drange (sommige wat in ons skuil waarvan ons nie eers bewus is nie.) Die motiewe wat ons vir ander voorhou, is baie dikwels nie eers die diepste motiverings en lojaliteite van ons lewe nie! o Pascal het by geleentheid gesê dat die hart soms redes het waarvan die verstand nie altyd weet nie! Wat beteken dit? Hierdie saligspreking sê dat dit eenvoudig so is, dat jou diepste hartsmotiewe nie altyd suiwer en edel is nie! Ons dien die Here dikwels met gemengde motiewe. Dikwels gaan dit maar nog steeds oor onsself en ons eie belange! Ons het ŉ inherente swakheid wat ons vandag moet besef, ons nie vir God kan wegsteek nie. Van daar die versugting na ŉ Rein hart voor God! 2. Wat beteken dit nou as iemand ŉ Rein hart begeer? Die Griekse woord vir rein wat hier gebruik word, is Katharos en dit beteken: vlekkeloos van skuld, skoon wees, onberispelik suiwer. ŉ Rein hart wil op God fokus en niks doen wat Hom teleurstel nie. Reinheid van hart gaan oor ŉ positiewe toewyding of oorgawe van ons ganse lewe aan die Here. Dit is iemand wat besef dat hy God nodig het en 2

nie langer sonder Hom kan en wil lewe nie. En dan juis sy lewe oorgee aan die Here. Die term rein kan ook verklaar word in die sin van onverdeeldheid: God wil hê dat ons harte onverdeeld aan Hom sal behoort. Daar is ŉ Engelse uitdrukking wat dit vir my die beste verwoord, naamlik singlemindedness Die Deense filosoof en teoloog Soren Kierkegaard het hierdie aspek baie raak geformuleer toe hy gesê het: Reinheid van hart beteken om net een ding in die lewe te wil of te begeer. Dit is die groot probleem in baie Christene se lewe: In daardie boks van hulle lewe is nie net God nie. Daar is ŉ klomp dinge wat saam in die boks van die lewe gehou word. Te veel van ons dien die Here ÓÓK: ons wil ÓÓK aan die Here sy deel gee, ons wil graag saam met ŉ hele klomp ander dinge wat ons is en doen, ÓÓK darem nog Christene wees en daar ons deel probeer doen. As dit gebeur dan doen ons presies dit waarteen die Here ons in Matteus 6:24 gewaarsku het: Niemand kan vir twee base tegelyk werk nie. Hy sal óf die een minder ag en die ander een hoër, óf vir die een meer oorhê en die ander een afskeep. Julle kan nie God én Mammon dien nie. Hierdie begrip is reeds deur God in die tien gebooie (Eksodus 20) opgeteken: Waar daar gepraat word van ŉ onverdeelde trou aan God. God wil ons nie deel met ander dinge van die wêreld nie. o Singlemindedness vra afsondering vir God alleen. Sodra die ÓÓK in my godsdiens en die uitleef van my geloof is, dan het die bose daarin geslaag om my hart te verdeel. o Satan se strategie is om ons net baie besig te maak. Wanneer ons besig is, word ons tyd en aandag deur soveel dinge in beslag geneem, dat ons God afskeep. Ons skeep ons gesprekke met god af, ons Bybellees en uiteindelik ons gehoorsaam wees aan God. o Sonder om God te probeer uitskuif uit ons lewens, kom die duiwel bloot eenvoudig en sit langs God drie, vier, vyf ander belange neer alles belange wat in hulleself geneem dalk heel goeie en verdienstelike sake kan wees. As dit gebeur word ons so besig en ons aandag so verdeeld dat ons self besluit om God net deels te dien. ŉ Gelowige wat so leef word kragteloos en nutteloos. Sy hart word in die Bybelse term, onrein. 3

o Die Hollandse teoloog Van Ruler het tereg gesê dat die hart nie onrein word deur wat hy in die lewe ervaar nie, maar dat die hart van binne uit onrein is. ŉ Stelling wat maar net verwoord wat Jesus self ook in Markus 7:20 gesê het: Maar, het Hy verder gesê, wat van binne af uit n mens kom, dit maak n mens onrein. Dit wat binne my is my gedagtes, my motiewe, maak dat ek van binne af onrein word. Reinheid van hart gaan ook oor ŉ commitment aan die Here. Die woord wat seker die naaste aan hierdie Engelse woord kom, is toewyding. o Die vraag waarmee ons reinheid van hart kan evalueer is: hoe diep is ons toewyding aan die Here? o Verstaan mooi: om ŉ rein hart te hê, gaan oor die begeerte om ŉ algehele oorgawe aan die Here! Dit gaan nie oor ŉ bloot oppervlakkige en skyn gee van jou lewe vir die Here nie! Nie alle diens aan God het werklike diepgang nie. Dit kan wees dat ŉ mens vir God tyd en plek inruim, maar dit doen op die periferie van jou lewe; o dat jy Hom dien en bereid is om tyd en besittings vir Hom te gee, mits dit alles nie te veeleisend raak en daar aandrang kom om alles vir Hom weg te gee nie en Hom eerste in jou lewe te stel nie o ŉ Verdere manier om ŉ rein hart te verduidelik, is om te sê dis ŉ hart wat aan die brand is vir God. Met ander woorde jou hart is passievol en aan die brand vir God se saak. o Vir Calvyn was ŉ brandende hart die simbool van geloof. ŉ Hart wat 100% committed aan God is, is immers aan die brand vir God. o Die Griekse woord vir entoesiasme entheos beteken letterlik: Om besiel te wees met Godkrag/-vuur. Ons lees in Romeine 12:11 Moenie in julle toewyding verslap nie, bly altyd geesdriftig, dien die Here. Die Griekse woord vir toewyding beteken letterlik om te kook. Ons moet kook vir die Here. In die res van die vers word hierdie kook vir die Here, beskryf as iemand wat in die praktyk die Here by elke geleentheid geesdriftig bly dien. 4

Ons moet besef dat om ŉ rein hart te kry, nie ŉ oppervlakkige saak is nie. Ons moet weet dat die reiniging van ŉ hart ŉ pynlike operasie is, omdat ŉ hele klomp van ons ydel begeertes, wense en drome moet sterf in die proses. Slegs die Gees van God kan ons hierin begelei en ŉ bereidheid gee om ŉ volle oorgawe aan God te maak. Hierdie is iets wat ŉ mens nie uit sy eie kan doen nie. Dit is alleen moontlik deur Jesus se genade en Sy verlossing aan die kruis. Robert Schuller het hierdie toewyding aan die Here gesien as vier stappe vier stappe om jou ŉ rein hart te gee: 1. WISE UP Jy besef jy het God nodiger as enigiets of enigiemand anders in die lewe. 2. CLEAN UP Jy maak jou lewe skoon van allerhande blokkasies dinge wat jou van God weghou. 3. GIVE UP Jy laat staan alle dinge wat jou fokus van God wegneem. 4. TAKE UP Jy neem God se roeping om dit te doen wat Hy van jou vra om te doen, ter harte. Mag ons dit ook doen wat Dawid gedoen het in Psalm 51:12 gebid: Skep vir my n rein hart, o God, vernuwe my gees en maak my standvastig. Bid vir God vir ŉ rein hart. ŉ Hart wat committed is aan God. ŉ Hart toegewy aan God. ŉ Hart wat singlemindedness is. ŉ Hart onverdeeld wat net aan God behoort. 3. Wat is die WINS? In hierdie saligspreking belowe Jesus nou dat iemand wat ŉ rein hart het, geseënd is. Hierdie Griekse woord geseënd (makario μακαριοι) beteken nie jy is Lucky nie. Dit beteken nie dat jy ŉ gelukskans het nie. Nee dit verwys na ŉ diep genade en guns wat God verseker oor jou lewe stort. Dit verwys na die volheid van God wat in jou lewe kom. Dit plaas jou onder God se seën! Wie onder God se seën lewe, is ŉ mens wat ten volle tevrede is, maak nie saak wat jou omstandighede is nie, want jy is in die teenwoordigheid van God! Hierdie woord verskil van die woord happy waar daar gesê word dat jy happy is omdat jy goeie omstandighede (good luck) beleef het. 5

Makarios is die mens wat in die wêreld is, maar onafhanklik van die wêreld is. Sy tevredenheid kom van God en nie van goeie omstandighede nie. Hoekom is jy geseënd? Hoekom? Wat is die WINS? Want hulle sal God sien! Jy kry die definitiewe geleentheid om God te sien! Om in Sy teenwoordigheid te kom en deur Hom begelei te word. 4. Wat beteken dit om God te sien? Onthou niemand in die Ou Testament kon God van aangesig tot aangesig sien en bly leef nie! Nie eers die beste vriend van God nie! God het Moses in ŉ rotsskeur weggesteek en hy kon darem van agter af ŉ skynsel van God sien! (Eksodus 33) Paulus het op pad na Damaskus vir God ontmoet. Hy het net ŉ helder lig gesien Nou kan jy jou indink watter geweldige belofte Jesus self hier kom gee! Die belofte om God te sien! Hoe moet ons dit verstaan? o Die eerste voor-die-hand-liggende betekenis is dat dit ŉ toekomsgerigte belofte van Jesus is dat ons God eendag van aangesig tot aangesig in die hiernamaals sal sien. Die beloftes word in Openbaring herhaal. Daar is net sekere mense, die wat deur die bloed van die Lam van God gereinig is, die wat geklee is met God se heiligheid, wat in Sy teenwoordigheid sal kom. Iets wat Jesus se genadige verlossing vir ons moontlik maak. Dit is wat Hy hier beloof. Ons Gaan God sien! Wat ŉ fantastiese voorreg! Dit maak alles die moeite werd! o Die tweede betekenis van hierdie belofte van Jesus, is nl. Dat die wat rein van hart leef, hier op aarde die voorreg ontvang om God in ŉ sekere sin te sien. Dit gaan nie hier om ŉ fisieke sien van God nie, maar eintlik om ŉ diepere unieke sekerheid ten opsigte van God, wat so goed, of selfs beter is as ŉ letterlike sien van God! o Die geheim wat Jesus in Mt.5:8 vir ons hier meedeel, is dat die soort sien, alles te make het met die aard en die gerigtheid van ons hart. As ons hart troebel, onsuiwer en verdeel is, sal ons God se spore in die wêreld en in ons eie lewe nooit sien nie. Maar as ons suiwer en rein van hart is, sal ons nou al God se teenwoordigheid smaak. Voorbeeld: 6

Toe die Rus Yuri Gagarin die eerste man wat in ŉ wentelbaan om die aarde geplaas is van sy pioniersreis in die ruimte na die aarde teruggekeer het, vra ŉ verslaggewer aan hom: Meneer Gagarin, het u dalk vir God daar bo gesien? Gagarin se antwoord was: Nee, ek het oral gekyk. Al wat ek gesien het, was onmeetlike ruimtes, ontelbare hemelliggame en sterre teen die donkerte van die heelal. God? Van Hom het ek net mooi niks gesien nie. Toe dieselfde vraag gevra is aan die Amerikaner John Glenn wat ŉ paar maande na Gagarin teruggekeer het van ŉ soortgelyke reis het hy geantwoord: Nee, ek het God nie gesien nie. Maar dit was hoegenaamd nie nodig nie. Want nog voordat ek my ruimtepak aangetrek het, het ek God gesien. Ek het Hom al op die aarde gesien. Ek het Hom in ŉ krip in Betlehem sien lê. Ek het Hom tussen mense gesien, vasgespyker aan ŉ kruis. God? Van Hom het ek net mooi alles gesien die volle God, die ware God, die genadige God. o Die Gees van God wat in jou woon, lei jou om God te sien. Jy sal weet wanneer jy binne Sy wil optree. Jy sal God se stem herken en jy sal Sy wil kan onderskei as Hy Homself aan jou openbaar. Moses het later nadat Hy God van agter gesien het vanuit die rotsskeur, ontdek dat daar ŉ beter manier is hoe hy God elke dag kan sien. Hy het ŉ tent eenkant buite die laer gaan opslaan en dit die tent van ontmoeting genoem. Daar het Hy elke dag vir God persoonlik ontmoet. Na so ŉ ontmoeting was self die heerlikheid van God se teenwoordigheid op sy gesig opmerklik. Almal het geweet God is daar by Moses teenwoordig. Selfs die wolkkolom wat oor die ontmoetingsplek kom hang het, was tekenend van God se teenwoordigheid. o Vandag nog praat God op verskillende wyses met sy kinders wat ŉ rein hart begeer, ŉ heilige lewenswandel saam met God nastreef. God praat veral met ons deur Sy Woord, deur Sy Gees, deur ons gewete, deur gebeure en omstandighede en deur mense. Wat ŉ kosbare voorreg is dit nie! Jesus het begeer om in ŉ diep verhouding met ons te wandel. ŉ Verhouding waarin ons Hom elke dag as die lewende God kan beleef en ervaar en in gesprek met Hom kan tree. Daarom wil Hy ons bederf met hierdie buitengewone voorreg: Geseënd is dié wat rein van hart is, want hulle sal God sien. AMEN 7