Lajmëtari i Radio Marisë

Transcript

1 Viti VII, Nr. 1 Faqe 1 Lajmëtari i Radio Marisë Mariatona 2016 Prill - Qershor 2016, Viti VIII, Nr. 2 Festa e Mëshirës Hyjnore dhe inaugurimi i Mozaikut faqe 2-5 Takim i Presidentëve dhe Drejtorëve të Radio Marisë të Europës në Lituani Festa e Radio Marisë në Zvicër faqe 6-7 Vizitë në Qendrën Betania në Bubq faqe 6 faqe 6 13 VJET RADIO MARIA SHQIPTARE Të dashur miq dhe dëgjues të Radio Marisë! Ditën e shtunë, me datën 16 korrik 2016 festojmë 13-vjetorin e Radio Marisë në Shqipëri. Jeni të ftuar të merrni pjesë në Katedralen e Shën Shtjefnit në Shkodër. Programi për festën do të jetë: Ora 07: 40 Procesioni me të Shenjtërueshmin Sakrament nga oborri i Katedrales së Shën Shtjefnit në Shkodër. Hyrja në Katedrale do të bëhet nga Porta e Shenjtë. Ora 08:00 Adhurimi dhe Rruzarja, e udhëhequr nga Don Prekë Lazraj. Ora 09:00 Mesha e Shenjtë që do të kremtohet nga Imzot Zef Gashi dhe bashkëkremtues Don Prekë Lazraj dhe meshtarë të tjerë.

2 Faqja 2 Festa e Mëshirës Hyjnore dhe inaugurimi i Mozaikut Në datën 3 prill 2016, në ditën e Mëshirës Hyjnore, në selinë e Radio Marisë në Tiranë, Mesha e Shenjtë u udhëhoq nga Imzot Zef Gashi dhe u bashkëkremtua nga Don Prekë Lazraj. Në përfundim të kësaj Meshe, u inaugurua edhe Mozaiku në nder të Mëshirës Hyjnore. Predikimi në meshë nga Imzot Zef Gashi Të nderuar vëllezër e motra, më lejoni që në fillim të fjalës time, t ju përshëndes përzemërsisht, duke filluar që nga i zoti i shtëpisë, Drejtorin e Radio Marisë, Don Prekën, gjithë bashkëpunëtorët e tij. Dëshiroj të përshëndes të gjitha motrat e nderit këtu të pranishme, ministrantët, fëmijët, të vegjlit e të mëdhenjtë, të gjithë juve të pranishëm. Është kënaqësi për mua që sot jam në mesin tuaj dhe me shumë kënaqësi pranova ftesën e Don Prekës, të vij sot këtu për të thënë këtë meshë e t ju drejtoj dy-tri fjalë. Me këtë rast më kujtohet dita e bekimit të gurit të themelit të kësaj shtëpie të Radio Marisë edhe tash kur pas shumë viteve jam prapë i pranishëm këtu me këtë rast solemniteti të kësaj të diele. Shoh një dallim shumë të madh, një përparim të jashtëzakonshëm. Gjithnjë duke iu falenderuar mirësise së të madhit Zot e veprës së Tij në mesin tonë, në popullin tonë në këtë qytet. Pra sot do të jemi të mbushur plot e përplot me ndjenja falenderimi mirësisë dhe Mëshirës së të madhit Zot për këtë vepër. Radio Maria kryen vepër të madhe në popullin tonë për dëgjuesit e saj anembanë botës, gjithë bashkëkombasit tanë kudo qofshin rruzullin tokësor. Përgëzoj Don Prekën edhe bashkëpunëtorët e tij për këtë vepër të mrekullueshme, këtë shërbim të shkëlqyeshëm, që i bëjnë kishës tonë e dëshiroj që më tutje të përparojë, të zgjerohet, të përsosen sa më shumë të gjithë mekanizmat, të gjitha teknikat, të gjithë bashkëpunëtorët e Radio Marisë për të mirën e njerëzve tanë. Sot është e diela e parë pas Pashkëve, e Diela e Bardhë siç njihet, e Diela e Shën Tomës së pabesë, që dëgjuam në Ungjill, por ne sot do t i japim një theks të veçantë një aspekti tjetër, një titulli tjeter, një shprehejeje tjetër për këtë të dielë. Sipas dëshirës së Papës, tashmë Shenjt, Gjon Palit II, kjo e dielë quhet e Diela e Mëshirës Hyjnore. Kjo e dielë e Mëshirës Hyjnore, që është dita e sotme, bie brenda Vitit të Jubileut të Mëshirës Hyjnore, të shpallur nga papa aktual, Papa Françesku. Pra, është arsye e dyfishtë sot që të theksojmë pikërisht këtë aspeskt. Me këtë rasht, dhe në fakt kjo është arsyeja për të cilën më ka ftuar sot Don Preka dhe ndodhem në mesin tuaj, është edhe një vepër e mrekullueshme, të cilën do ta bekojmë në fund të meshës, Mozaiku i Mëshirës Hyjnore. Uroj që kjo qendër, të bëhet tani e tuje, gjithnjë me një vemendje të veçantë, jo vetëm për këtë bashkësi të besimtarëve të kësaj lagjeje të Tiranës, por te jetë edhe një prej qendrave kryesore në nivelit kombëtar e të kishës tonë ndërshqiptare. Tema e kësaj dite, por edhe e të gjithë vitit, në të cilin gjendemi, është Meshira e Zotit me moton Të mëshirshëm sikurse Ati. Këtë moto e ka vendosur vetë Papa Françesku. Për këtë arsye, më lejoni që sot t i lëmë mënjanë të gjitha temat e tjera dhe për disa minuta t ju drejtoj pak fjalë mbi temën I mëshirshëm sikurse Ati. Është shumë e sigurt që Trinia e Shenjtë vepron si unike: Ati, Biri dhe Shpirti Shenjt. Mëshira Hyjnore është iniciativë e Atit, është e realizuar nëpërmjet Birit, në sajë të fuqisë së Shpirtit Shenjt, sepse Trinia e Shenjtë, nuk është e ndarë, është unike. Mirëpo ne sot, me dëshirën që ta nxjerrim në pah fondamentin, bazën, burimin, gurrën e Mëshirës Hyjnore, e cila është vepër e përbashkët e tri vetëve të Trinisë së Shenjtë, t i themi disa fjalë më shumë në adresë të Atit, sepse e kemi shumë të lehtë ta kuptojmë me të vërtetë misterin e Mëshirës Hyjnore, pikërisht nëpërmjet personalitetit, figurës së Atit, në të cilën përqendrohet krejtësisht Mëshira Hyjnore, për të cilën sivjet po flasim shumë në të gjitha nivelet, nga Ati i Shenjtë, nëpër dioqeza, nëpër famulli, nëpër institucione të tjera fetare e kishtare. E tërë jeta jonë e krishterë është si një shtegtim i madh, i cili na shpie kah shtëpia e Atit, dashuria absolute e të cilit ndaj secilës krijesë njerëzore çdo ditë gjithnjë e më tepër zbulohet. Ky shtegtim përfshin edhe brendësinë e personit duke u zgjeruar pas kësaj në bashkësi fetare që mund të arrijë mbarë njerëzimin. (Shiko: Biri i humbur - Lk. 15; 11-32, Figura e Atit - Ef. 1; 3-4 ). Definicioni i Atit sipas Shën Gjonit thekson: Ati është dashuri. Në këtë vit i krishteri duhet të gjejë udhën që shpie kah Ati me ndihmën e Jezu Krishtit, i cili thotë se Ai është Udha, e Vërteta dhe Jeta. Për tu gjetur udha e vërtetë kah Ati nëpër Jezu Krishtin, Shëlbuesin e botës, duhet të ndërmerren disa hapa seriozë dhe autentikë të kthimit. E kjo është jeta e pasosur: që të njohin Ty, Në të vetmin dhe Hyjin e vërtetë dhe Atë që dërgove, Jezu Krishtin (Gjn. 17.3). Mbarë jeta e krishterë është në të vërtetë një ecje, një shtegtim i madh që shpien kah shtëpia e Atit Qiellor. Këtë vit do të mendojmë shumë intensivisht, do të flasim dhe elaborojmë temën mbi Atin Qeillor. Si fëmijë të tij, do të mendojmë me dashuri të madhe dhe respekt, nderim te thelle për Atin tonë qiellor, mbi fshehtësine e Tij hyjnore, mbi veprën e shëlbimit dhe krijimit, mbi dashurinë e tij atërore ndaj krijesave te Tij. Do të mendojmë mbi urtinë e Tij, mbi bukurinë e Tij, mbi gjithëpushtetësinë e Tij, mbi amdhimin e Tij. Hyji është gjithçka tek të gjithë. Gjithçka e ka në Të fillimin dhe ekzistencën e vet. Ai është Alfa dhe Omega Fillimi dhe Mbarimi. Në vitin e Atit qiellor është mirë të mendojmë për veprën e Tij krijuese. Ai është Krijues i njeriut dhe gjithësisë. Ai është Krijues i të gjitha botëve të dukshme e të padukshme. Ai është Krijues i botëve materiale dhe shpirtërore. Ai është Krijues i makro dhe mirokozmosit. Por Ai nuk është vetëm Krijues i çdo gjëje. Ai udhëheq dhe mbaj çdo gjë. Ai me fjalë të tjera ëshë Gjithëmbajtës dhe Zotërues absolut i çdo gjëje që ekziston. Edhe më tepër: Ai është Fillues, iniciator i shëlbimit tonë, i këtij shëlbimi që na aftëson për pjesëmarrjen në mbretërinë e gëzimit të Tij të amshuar. Hyji Atë si shëlbues i njerëzve, më së miri na u zbulua në Jezu Krishtin. Ai, nëpërmjet birit, iu shfaq njerëzve me rastin e pagëzimit në Jordan. Në Jezu Krishtin, ne jetën e Tij, fjalët e Tija, veprat, mrekullitë dhe në mësimin e Tij shikojmë Atin dhe njohim dashurinë e Tij ndaj nesh. Në Ungjillin e Jezu Krishtit, kryesisht në atë të Shën Gjonit ungjilltar, në një mënyrë të jashtëzakonshme na zbulohet fytyra e Atit Qiellor. Jezusi flet për Atin e vet me dashuri të pakufishme dhe respekt. Po të bekoj, o Atë, Zotërues i qiellit e i dheut që i fsheh këto gjëra na të dijshmit e nga të urtit e ua zbulove të vegjëlve. Mirë o Atë, pse të pëlqeu Ty kështu!: (Mt. 11; 25-26). Imagjinojeni sa ka dashur të na lidhë, të na ofrojë tek Ati i vet Qiellor, që na ka mundësuar dhe lejuar që edhe ne të mund ta quajmë Atij e Tij ABBA O ATË!

3 Viti VIII, Nr. 2 Çfarë nderimi i pakufijshëm për ne! Bibla në faqet e saj të para na e zbulon Hyjin kryesisht Atë. Sipas kësaj ideje bëhet edhe atë tokësor-njerëzor i mbarë familjes dhe themel i bashkimit të saj. Në zhvillimin e mëtejshëm të idesë së atësisë, e kryesisht me dukurinë monarkiste në Izrael, mbreti bëhet Atë i të gjithë popujve. Hyji nuk është treguar kurrë aq kjartë si i vetmi Atë i popullit të vet si në atë momentin kur u del në ndihmë patriarkëve të Abrahamit dhe Jakobit në fatkeqësinë e tyre me fqinjët e këqinj. Kuptimi universal i atësisë, të cilin Izraelitët patën për Hyjin, vetë Hyji e jep, në miniaturë natyrisht, Abrahamit, kur i thotë se do të bëhet Atë i të shumtëve, pra i shumë popujve. Sipas Shën Palit, Hyji është Ati kryesor, të cilit gjithçka që ekziston i kanë borxh për ekzistencën dhe vlerën e vet. Sipas kësaj, në mes etërve njerëzor dhe Hyjit është ndonjë ngjashmëri, e cila mundëson që Hyjin ta quajmë Atë edhe më tepër: vetëm kjo atësi e Hyjit i jep atësive njerëzore kuptimin e tyre të plotë në planin e shëlbimit. Në fillim atësia e Hyjit pranohet para së gjithash në perspektivën konkrete dhe atë historike: Hyji u lajmërua si Atë i Izraelit në momentin e daljes, duke u treguar si mbrojtës dhe ushqyes i tij, e njëkohësisht si Zotërues i tij; në themel të këtij kthimi është ideja bamirëse e eprorësisë, provanisë e cila kërkon nënshtrim dhe shpresë. Para ardhjes së epokës së krishterë, Izraeli tërësisht ishte i vetëdijshëm se Hyji është Atë i popullit të tij dhe çdo besimtari në mënyrë të veçantë. Jezusi plotëson atë se çka është më e bukura dhe më e mira në mendimin judeistik mbi atësinë Hyjnore. Ai na mëson dhe na autorizon të themi: ABBA ATI YNË. Nga kjo del, sipas mësimit të Jezusit edhe qëndrimi, se Hyji është Atë i të gjithë njerëzve, e se njerëzit të gjithë janë vëllezër. Ati i begatshëm e pajis me të mirat e nevojshme këtë Izraelin e ri krishterizimin, i cili juridikisht tani u është hapur të gjithëve, e para së gjithash ia jep Shpirtin Shenjt dhe shfaq pakufijshmërinë e butësisë së tij të mëshirshme. Hyji në mënyrë të veçantë është Atë i yni atëherë kur Ai na do dhe na fal, e ne kurrë nuk do mund të jemi bijtë dhe bijat e Tij nëse në nuk sillemi në të njëjtën mënyrë ndaj vëllezërve tanë. Faqja 3 Hyji në Jezu Krishtin u lajmërua si Ati i Birit të njëlindur. Se hyji është Ati i Tij në kuptimin e të njëlindurit, Jezusi këtë e tregon me këtë që dallon Ati im dhe Ati ynë. Këtë arritje Jezusi e përforcon edhe me lutje me të cilën Ai i drejtohet Atit duke thënë: ABBA (Mk ), çka do të thotë ngjajshëm si me atë shprehjen tonë BABA. Për këtë pranishmëri nuk ka shembull para Jezusit dhe ajo paraqet praninë të cilës më nuk mund t i gjesh si të tillë. Edhe Shën Pali merret me lidhjet në mes Atit dhe Birit aq sa janë akter të shëlbimit. Ai vërteton se në Hyjin ekziston misteri transcendental i atësisë së amshuar. Gjersa Shën Gjoni shkon edhe më tutje. Ai e quan Jezusin monogenes kjo do të thotë i njëlinduri dhe i dashuri. Prej shumë shqyrtimeve dhe diskusioneve me Jezusin, Judenjtë kuptojnë dëshmitë e Jezusit si dëshmi mbi ngjashmërine me Hyjin dhe nuk mashtrohen me këtë sepse Hyji është me të vërtetë Ati personal i Jezusit. Ai (Ati) e dërgon, e dorëzon; i beson veprën që duhet ta kryejë, fjalët që duhet t i thotë, njerëzit të cilët duhet t i shëlbojë. Ati është fillimi dhe mbarimi i çdo gjëje. Që të munden njerëzit të bëhen bijtë e Hyjit, motivi është ky se Jezusi është sipas natyrës Biri i Hyjit. Në ndarjen e kuptimit apo nocionit të atësisë së Hyjit, shën Pali thotë që Hyji t i shpërblente të nënshtruarit e Ligjit, që ne ta fitonim bijësinë në shpirt. E, prej së vërteti jeni bij: Hyji dërgoi në zemrat tona Shpirtin e Birit të vet, i cili gërthet: Abba o Atë! Këndej më nuk je skllav, por bir... (Gal. 4; 5,6-7). Nëpërmjet ujit të pagëzimit, fesë e cila na bashkon në një Qenie me Krishtin, e Krishtin e bën si bir më të madh, i cili me vëllezërit e vet ndan trashëgiminë atërore (Rom. 8, 12.29; Kol. 1,18). Do të përfundojmë me të vërtetën se Hyji është i gjallë, gjithmonë veprues, i kujdesshëm ndaj të gjitha krijesave të veta, me zell-kujdes u kushtohet fëmijëve të vet, dhe pikërisht ky kujdes i Tij në një mënyrë e shtyn Jezusin krejtësisht gjersa Atit t ia kthejë Mbretërinë (Lk. 12,50) dhe në këtë Mbretëri t i sjellë të gjithë vëllezërit dhe motrat, të gjitha krijesa të Zotit. Dashtë Zoti që të jetë kështu! Amen!

4 Faqja 4 Festa e Mëshirës Hyjnore dhe inaugurimi i Mozaikut Përshëndetja e Presidentes së Shoqatës Radio Maria, Zj. Vida Kulli Qoftë Lëvduar Jezu Krishti! I nderuar Shkëlqesi, Imzot Zef Gashi, Të nderuar meshtarë! Të dashur vëllezer e motra pjesëmarrës në ketë Meshë Shejnte, në këtë ditë të madhe të Meshirës Hyjnore, këtu në Selinë e Radio Marisë në Tiranë! Të dashur dëgjues te Radio Marisë, që po e percillni këtë Meshë nëpermjet valëve te radios, kudo që jeni, në Shqiperi, në Kosove, në Maqedoni, në Mal të Zi, në Europë, Amerikë e Australi! Për mua është emocion, kënaqesi dhe nder, t ju përshendes sot, pikërisht në ditën që Sh. Gjon Pali II e ka shpallur ditën e Mëshirës Hyjnore, këtu, para këtij mozaiku të Mëshirës, të ideuar me përkushtim nga Don Preka, të realizuar me dashuri dhe art nga çifti Eduard dhe Albana dhe i promovuar në ditën që Papa Françesku shpalli vitin 2016, vit i Shenjtë i Mëshirës Hynore. Përjetuam Krezhmet, ku pamë Jezu Krishtin e munduar në malin e Kalvarit, të rrahur në kopsht, të tradhëtuar nga Juda, të kryqëzuar nga Ponsi Pilat, të varrosur. Secili nga ne, me mëkatet e tij, i shtoi dhe një mundim, i dha edhe një shuplakë, e tradhëtoi edhe një herë, i shtoi dhe një gozhdë e shtyu më thellë heshtën, afroi edhe i dha uthullën, i afruam vdekjen, e varrosëm, por pasi zbriti në nëntokë Ai e ndriçoi atë gropë, që deri atë kohë qe e erret dhe e pa shpresë, Ai u ngjall me lavdi dhe me vehte tërhoqi nga nëntoka të gjithë, nga Adami e Eva, Moisiu e Abrahami, profetë e priftërinj, i ngjalli dhe i lartësoi duke ju dhënë jetën e pasosur. Kremtuam Pashkët dhe pame Krishtin e ngjallur që e mundi vdekjen dhe na dha jeten që do ta jetojme gjithmonë, kalimtare në tokë dhe dhe atë të pasosuren, përgjithmonë, në qiell. Na fali ne qe qemë pjesëmarrës në vdekjen e tij, por si bir i Mëshirës na fali dashurinë, i u lut Atit të ketë meshirë për ne dhe të na falë, na fali mëshiren duke na ngritë nga çdo mjerim, meshirën që na frymzon çdo shpresë, Mëshirën që është burim i gëzimmit tonë. Pra Zoti është mëshirë. Nuk ka kurrfarë kufiri për mëshirën, ka thënë Papa Françesku në një nga ditët e festes së Mëshirës Hyjnore. Zoti ka shumë mëshirë ndaj nesh. Të mësohemi edhe ne të kemi mëshirë ndaj të tjerëve, posaçërisht ndaj atyre, që vuajnë. Fjalë, që për ne janë thirrje për kthim, për më shumë dashuri me njeri-tjetrin, për më shumë duresë, më shumë falje, më shumë përvujtëri. Fjalë që vijnë nga dashuria e pa kufi që vetëm ai, që dha jetën në kryq mund ta ketë, jane fjalë që vijnë nga Zoti. Ndaj, të dashur vëllezër e motra, kudo që jeni, me lejoni t ju them se nese doni, të dëgjoni këtë fjalë të Zotit që është fjalë jete, të jetoni me këtë fjalë që është vetë dashuria, të merrni Mëshirën Hyjnore, që është mëshirë e Zotit, është një zë i fuqishëm që ju ndihmon. E ky ze buçet nga Radio Maria, në çdo orë të ditës e natës, është me ju dhe për Ju. Ju lutem dëgjojeni! Ju drejtohem sot ju të rinj, gjimnazistë e studentë, dëgjues të Radio Marisë, tërhiqni shokët e shoqet tuaja të dëgjojnë këtë Radio. Sikur nga një dëgjuës të shtoni në një muaj do të dyfishohemi e shumëfishohemi shumë shpejt. Të jeni të sigurtë se ky është një hir që ju jep Zoti ju, se kjo është një radio që kumton dashurinë, që na mungon shumë në ditët e sotme, që kumton përvujtëri e falje, që kumton Mëshirën e Zotit, që s ka kufi. Këtu do dëgjoni atë fjalë që do t ju ndihmojë ta jetoni jeten tuaj në hirin e Zotit. Ju përshëndes ju, të dashur dëgjues, që për arsye të ndryshme, të moshës, të sëmundjes, të vetmisë, të largësisë, nuk patet mundesi të jeni sot së bashku me ne në këtë festë, por të jeni të bindur që ne, ju kemi pranë, se jeni ju që me lutjet tuaja jeni të aftë t i lehtësoni vështirësitë e të tjerëve; që viheni në lëvizje, për t u ndihmuar në zgjidhjen e problemeve të të tjerëve. Është kjo dhuratë e pastërt e Zotit për ju. E ju e bëni të përbashkët me të tjerët, me valet e Radio Marisë. Jeni ju që, me gjithë paaftësitë tuaja fizike na jepni forcën për të kapërcyer çdo pengesë në punën tonë dhe për të ecur perpara. Ju faleminderit! Ju falenderoj ju të dashur dëgjues, që ndani me ne kohën tuaj, ndani jetën tuaj, lutjen tuaj me valët e Radio Marisë, i jepni asaj jetë dhe forcë për të vazhduar. Është kontributi juaj i përvujtë që vazhdon ta mbajë gjallë këtë Radio, ta përtërijë, ta modernizojë që të jemi të aftë t ju pergjigjemi kërkesave të kohës. Ju falenderoj nga zemra të gjithve ju që jeni këtu, ngado që keni ardhur, e për gjithçka keni bërë. Ju uroj Gëzuar dhe për shumë vjet. Duke përfunduar me lejoni që në emrin tuaj, të dashur vëllezer e motra pjesëmarrës, të dashur ju dëgjues, miq, bamirës, vullnetarë dhe punonjës të Radio Marisë, të falenderoj Shkelqesinë e tij Imzot Zef Gashin për dashamirësinë dhe dhe mbështjen që na ka dhënë me lutjet e tija çdo ditë Falenderoj Don Abrahamin dhe korin për prezencën dhe ndihmën që na japin në festat tona duke i bërë akoma më të bukura e më të gëzueshme. Falenderoj, shumë Don Prekën, i cili pa matur kohë, me përkushtim, me këmbëngulje, me energji të pashterrshme, me vullnet të hekurt, ka bërë të mundur që sot ne të jemi të bashkuar rreth fjalës së Zotit, të marrim Meshirën e Tij, të mund të jetojmë me të e në përngjasim të tij, të mund të ndjejmë në zemrën tonë që: Zoti është mëshirë, Mëshira është epiqendër e botës, prej nga Zoti shikon e vepron Ju faleminderit të gjithëve!

5 Viti VIII, Nr. 2 Faqja 5 Festa e Mëshirës Hyjnore dhe inaugurimi i Mozaikut Përshëndetja e Drejtorit të Radio Marisë, Don Prekë Lazraj Jemi në përfundim të meshës, të dashur vëllezër e motra. Nuk do jemi gjatë, sepse vapa ju ka nxehur mjaftueshëm. Ju kërkoj ndjesë, por dëshiroj t ju them vetëm dy gjëra. Arqipeshkëvi tha...uroj Dom Prekën me bashkëpunëtorët dhe a e dini kush është bashkëpunëtor i imi? Ju. Ju jeni. Këto nuk i ka bërë Dom Preka. Të gjitha i keni bërë ju, vëllezër e motra. Unë falenderoj Zotin për bashkëpunëtorët e mi që kam këtu para syve dhe për të gjithë bashkëpunëtorët e mi, me të cilët po punojmë punën e Zotit dhe që janë dukë dëgjuar Radio Marinë në këtë moment dhe e dëgjojnë në vazhdimësi në gjithë botën. Falenderoj Zotin për këto zemra të mrekullueshme, të cilat Zoti i ka ngritur me Shpirtin Shenjt në popullin shqiptar. Ne kemi dëshiruar që si lule të dashurisë tonë, t ia paraqesim Atit Mëshirën, mëshirën që Ati ka për ne dhe kjo është figura e Mëshirës Hyjnore, të cilën sot do të bekojmë dhe në të cilën nuk ka gurë, që janë prej gurësh, por që në çdo gur është një zemër plot dashuri. Unë falenderoj Zotin për këto zemra. E dyta, e shihni vëllezër e motra, që sot jemi në diell. E shihni që këtu janë mbjellë pemë. Do vijë dita kur të gjithë do të jemi në hije këtu. Nuk do jemi më në diell. Por një gjë tjetër më e rëndësishme se rritja e pemëve, Zoti këtu po mbjell një farë, farën e dashurisë së vet, e cila është në zemrën e secilit prej jush. Kur kemi ideuar këtë vend, kemi parashikuar që këtu të mund të rrimë 10 mijë veta, e fara që të do mund t i sjellë këtu 10 mijë veta jeni ju. Jam i bindur, edhe pse nuk e di nëse do jem unë këtu, por shumë shpejt Zoti do të bëjë që në ditën e Mëshirës Hyjnore, në këtë vend para Radio Marisë, nuk do të ketë vend mjaftueshëm për të gjithë ata që do vijnë për ta nderuar Mëshirën Hyjnore. Shkruajeni këtë gjë, që kur të ndodhë ta kujtoni që jua kam thënë. Shkëlqesi, të falenderoj shumë. Të falenderoj për gatishmërinë, që edhe pse keni qenë i sëmurë, keni pranuar dhe keni ardhur të rrini me ne në këtë diell. Por të jeni të sigurt që ne, për kishën tonë, rrimë në diellin e rrezeve të dashurisë së Mëshirës Hyjnore në 365 ditët e vitit dhe jemi të lumtur kur Zoti na dërgon gjithmonë përfaqësuesin e Tij në tokë, që është Ipeshkvi që të na bëjë të pranishme Kishën. E në mënyrë të veçantë falenderoj Zotin që sot ju ka zgjedhur ju, që të bekoni këtë përmendore që populli shqiptar ka bërë. Nuk e ka bërë vetëm populli shqiptar në Shqipëri, vetëm dëgjuesit e Radio Marisë në Shqipëri, por nuk ka vend në këtë tokë që dikush të mos ketë dhënë kontributin e vet për të bërë këtë përmendore. Për këtë arsye, unë besoj se Zoti, sot përmes jush, po i jep mbarë popullit shqiptar një privilegj të madh, sepse edhe kur nuk do jetë asnjëri prej nesh që jemi të pranishëm sot, kjo figurë do të jetë, sepse mozaiqet janë të përjetshëm, vëllezër e motra, nuk janë të përkoshme. A e dini ju se nëpër trojet shqiptare, duke u hapur një autostradë nga Prishtina në Shkup, është gjendur mozaiku i një bazilike të ngritur në vitet e para të krishterimit. Këto janë gjëra të cilat mbeten. Kur i bëjnë njerëzit gjërat që mbeten? Kur bashkohen me atë që është i përjetshëm. Kur bashkohen me Zotin. Vëllezër e motra, ju falenderoj që bashkoheni me Zotin, por gjithmonë kur them ju, nuk mendoj vetëm ju që jeni këtu, por gjithë ata që janë duke marrë pjesë në këtë Meshë Shenjte, në këtë bekim, përmes valëve të Radio Marisë. Ju falenderoj, ju po përjetoni të nxehtin, por të jeni të sigurtë, që ky i nxehtë që po përjetoni nuk është asgjë në krahasim me ngrohtësinë e Mëshirës Hyjnore, të cilën Ati është duke vënë në zemrën e secilit prej jush, në shpirtin e secilit prej jush. Don Abraham, të falenderoj që të ka zgjedhur Zoti, për të kënduar për të parën herë në popull Kurorëzën në nder të Mëshirës Hyjnore në gjuhën shqipe. Të falenderoj ty edhe këta djem, të cilët pa dashur t i fyej, por për t i ngritur, duken si vajza. Duhet të këndoni si burra. Unë premtoj që sa herë të vini këtu, zëri juaj do të përhapet në katër anët e botës, por dua që zëri juaj të jetë zëri i një zemre që e do Zotin. Ju falenderoj edhe ju motra, sepse nuk është e lehtë që në ditën e diel, kur keni njëmijë punë nëpër famulli të ndryshme, të gjeni kohën e të vini, por e keni bërë për Mëshirën Hyjnore. Unë sot i lutem Mëshirës Hyjnore, që përmes këtij flijimi që jeni duke bërë, Zoti t i mbushë shtëpitë tuaja, dhe ato pak shtëpi që keni, të shumëzohen me shtëpi të reja, në të cilat të lindin thirrje që e duan Zotin. Të dashur vëllezër e motra, çfarë feste do të ishte sot pa ju... Po të ishim sot me dhjetë veta..., dy veta..., tre veta..., çfarë feste do ishte...? Festën gjithmonë e bëni ju. Unë ju falenderoj me gjithë zemër. Ju falenderoj që festën në Radio Mari, ju e organizoni çdo ditë, por këtë vit kemi nevojë të bëjmë një festë të veçantë, siç e tha edhe Ipeshkvi gjatë predikimit, e cila nuk është thjesht një dëshirë, por një nevojë e domosdoshme, sepse Radio Maria prej 13 vitesh, punon me të njëjtën teknologji. Tashmë rrezikohet që kjo teknologji në çdo moment të mund të dalë jashtë përdorimit, sepse nuk ka më programe, të cilat mund t i përshtaten kësaj teknologjie e të përditësohen. Për këtë arsye, jemi të detyruar që këtë vit të ndryshojmë të gjitha programet e transmetimeve të Radio Marisë. Kushtojnë tepër shumë. Vetëm programet satelitore na kanë kushtuar 30 mijë euro. Një program që mundëson dëgjimin e Radio Marisë në Amerikë na ka kushtuar 14 mijë euro. Dhe programet, me të cilat duhet rinovuar Radio Maria, kushtojnë 54 mijë euro, pa llogaritur taksat e tarifat doganore, tatimet, të cilat duhet t i paguajmë për çdo gjë që sjellim në Radio Mari. Vëllezër e motra, brenda muajit qershor, këto të gjitha duhet të paguhen. Deri tani kemi paguar vetëm projektin satelitor, sepse prej Mariatonës që kemi bërë në dhjetor, të gjitha dhurimet që janë bërë sidomos në periudhën e Pashkëve, kemi arritur të sigurojme aparaturat për transmetimet satelitore dhe pjesërisht ato për Amerikën. Ndërsa ato të rinovimit të programeve të nevojshme për Radio Marinë, duhet të nisim t i bëjme. Unë besoj se do të bëhen, do të bëhen pa asnjë vështirësi. Përse e besoj këtë gjë? Sepse e di se çfarë dashurie kanë dëgjuesit për Radio Marinë, e cila çdo ditë sjell ngushëllim në zemrat e tyre, por do ju lutesha, juve që jeni duke më degjuar dhe nuk jepni asgjë për Radio Marinë e mburreni që keni Radio Marinë, mburreni kot. Unë kam dëshirë që të mburreni plot. Kur do të mburreni plot? Kur ti të dish të bësh diçka për Zotin. Kur ti të ndash diçka prej gojës sate për Zotin. Kur ti të jesh i gatshëm të flijosh diçka për Zotin. Në qoftë se bëjmë këtë gjë, vëllezër e motra, nuk do ta bëjmë vetëm për Radio Marinë tonë, por jam i bindur që do të ndihmojmë edhe shumë Radio Mari në botë, të cilat kanë nevojë. Ju falenderoj të gjithëve. Ju premtoj se çdo ditë do të lus Zotin për ju, për familjet tuaja dhe për nevojat që keni para Zotit. Dhe tani çohemi në këmbë dhe të bekojmë Mozaikun e Mëshirës Hyjnore dhe të bekojmë të gjitha figurat e Mëshirës që keni në duart tuaja me ujët e bëkuar, ndërsa Arqipeshkvi do të lusë Lutjen e Bekimit.

6 Faqja 6 Vizitë në Qendrën Betania në Bubq Xhoana, vogëlushja që jeton në Qendrën «Betania» në Bubq, donte t i dërgonte një letër Don Prekës, dhe zgjodhi që t ia dorëzonte atë përmes Ambasadores spanjolle në Tiranë. Don Preka, me të marrë këtë letër, vendosi të vizitonte Xhoanën dhe të gjithë banoret e kësaj qendre, me datë 22 mars Festa e Radio Marisë në Zvicër Siç është bërë traditë tashmë, edhe këtë vit u kremtua festa e Radio Marisë në Zvicër, më datën 5 qershor 2016, në Zyrih. Mesha në këtë festë u kremtua nga drejtori i Radio Marisë, Don Prekë Lazraj. Pas meshës, të gjithë të pranishmit festuan me njëri-tjetrin duke bashkëndarë ushqimin që ata vetë kishin përgatitur. Takim i Presidentëve dhe Drejtorëve të Radio Marisë të Europës në Lituani Në datat prill, në Lituani, u mbajt një takim i të gjithë presidentëve dhe drejtorëve të Radio Marisë të të gjithë Europës, ku morën pjesë edhe Presidentja e Shoqatës zj. Vida Kulli dhe Drejtori i Radio Marisë Shqiptare Don Prekë Lazraj.

7 Viti VIII, Nr. 2 Faqja 7 Festa e Radio Marisë në Zvicër Predikimi i Don Prekës në Meshën e Shenjtë gjatë Festës së Radio Marisë në Zvicër Qoftë lëvduar Jezu Krishti! Të dashur vëllezër e motra, jam i kënaqur që sot së bashku me ju të meditoj fjalën, të cilën Zoti ia ka drejtuar zemrave tona. Sot Zoti i ka folur zemrës time dhe zemrës sate. Sot Zoti i gjallë ka folur me ne. Çfarë na ka thënë Zoti? Zoti sot i thotë secilit prej nesh Kam ardhur të të jap jetën. Kam ardhur të të bëj të jetosh, të jetosh në plotësi. E përse? Sepse në këtë botë gjithmonë udhëtojnë dy procesione: procesioni i njerëzve të cilët udhëtojnë drejt vdekjes dhe procesioni i njerëzve të cilët udhëtojnë drejt jetës. Kemi dëgjuar sot në Ungjill, Jezusi u drejtua drejt qytetit Naim. Jezusi e dinte që kur të vinte tek dyert e këtij qytetit, do të dilnin njerëzit që e mbajnë birin e vetëm të një nëne, djalin e dëshirit. Edhe Jezusi dëshironte që me të gjithë ata, me të cilët udhëtonte, të takohej me procesionin e vdekjes. Vëllezër e motra, qëkur Krishti ka ardhur në këtë tokë, bën të njëjtin procesion, të njëjtin udhëtim. Gjithmonë i thërret njerëzit Eja të udhëtojmë drejt jetës. Edhe ju vëllezër e motra që jeni të pranishëm këtu në këtë restorant, për të marrë pjesë në këtë meshë, a e dini pse ju ka sjellë Krishti këtu? Sepse dëshiron që me secilin prej jush të udhëtojë drejt jetës. Sepse nëpër shtëpitë tona ka shumë të vdekur, të cilët Krishti dëshiron tu japë jetën, dëshiron tua shndërrojë jetën. Përmes kujt? Përmes meje që e bie Zotin e gjallë aty ku jetoj unë dhe përmes teje, që nëse do, mund ta sjellësh Zotin e gjallë aty ku jeton ti. Sepse, vëllezër e motra, i vdekur është secili që jeton në mëkat mortar. E po t i pyesësh ata që jetojnë në mëkat mortar, që jetojnë pa Zotin, që jetojnë kundër Zotit, ata thonë ne e kemi jetën e plotë, jeta e vërtetë është kjo që jetoj unë dhe në që në të vërtetë kemi Zotin e gjallë të pranishëm në jetën tonë, mbyllim gojën përpara tyre, sepse e ndjejmë veten të pafuqishëm. Si çfarë jemi ne vëllezër e motra? Si disa bretkosa, të cilat kur bie shi tropikal në Afrikë, i mbledh uji dhe i hedh në një gropë. Mirëpo meqenëse temperatura është e lartë, uji zhduket dhe bretkosat mbeten në fund të disa vrima të mëdha dhe nuk mund të dalin. Çfarë bëjnë bretkosat? Kërcejnë, hidhen, mundohen për të dalë, por asnjëra nuk ia del. Ndërkohë bretkosat e tjera që kanë pasur fatin të mbeten lart, të mbeten në jetë, u thonë ju keni mbaruar, ju hidheni kot, ju s mund të dilni. E të gjitha bretkosat që janë aty brenda, mendojnë të njëjtën gjë, që e kanë të kotë. Nuk provojnë më të hidhen dhe ngordhin. Por një bretkosë nuk kishtë dëgjuar asnjë zë. Nuk do të dëgjonte asnjë zë nga jashtë. Ajo vazhdojë të hidhej dhe duke përdorur të gjitha fuqitë që kishte, doli sipër. Shpëtoi. E pyetën si shpëtove ti?. Shpëtova, sepse nuk i dëgjova ata që thonë nuk mundesh. Unë i thashë vetes mundem, mundem ta kem jetën. Mundem ta kem gëzimin. Vëllezër e motra, ju falenderoj juve, mbështetësve të Radio Marisë që i keni thënë vetes ne mund ta sjellim jetën tek secili vëlla dhe tek secila motër që është e vdekur. Unë mund ta sjell Zotin aty ku Zoti mungon. Ju falenderoj me gjithë zemer, se ju vërtetë e sillni Zotin, çdo ditë ju e sillni Zojën e Bekuar në çdo shtëpi që e do Zojën. Dhe ta dini që çdo ditë e më shumë, shtëpitë tona po hapen ndaj Zojës së Bekuar. Dhe Zoja e Bekuar po bëhet mbretëresha e tyre, po bëhet mbrojtja e tyre, po bëhet udhëheqja e tyre. Falë kujt? Falë dashurisë tuaj, vëllezër e motra. Falë atyre çeqeve që ju i paguani çdo muaj duke i dhënë për Radio Marinë. Falë atyre dëgjohet fjala e Zotit. Ju të gjithë që jeni këtu dhe ata që e ndihmojnë Radio Marinë dhe sot nuk kanë mundur të vijnë këtu, edhe të gjithë ata që nga katër anët e botës, kontribuojnë për Radio Marinë, janë njerëz të cilët kanë besuar unë mund të dal prej vdekjes; unë mund ta kem jetën. Ju falenderoj, vëllezer e motra, ju falenderoj që e formoni procesionin e jetës. Falenderoj Krishtin që ju prin juve dhe ju drejton drejt jetës, sepse përmes jush Krishti do të ndalojë para secilit vëlla e motër të vdekur, do të prekë vigun dhe do t i thotë: Djalosh, vajzë, burrë, grua, plak, plakë, ty po të them: Çohu! Ty po të them: Ndërro jetën! Ty po të them: Fillo të jetosh sipas dashurisë time!. Sepse çdo ditë, 24 orë, Zoti po viziton familjet tona. Zoti po viziton shtëpitë tona, makinat tona, përmes një mjeti të thjeshtë, një mjeti të vogël, që quhet Radio Mari. Falenderoj Zotin për ju dhe jam i bindur, vëllezër e motra, se Zoti përmes apostullimit tuaj, do të bëjë vepra të mrekullueshme në popullin tonë e në zemrat tona, në zemrat e vëllezërve tanë. Atëherë çfarë duhet të bëjmë? Së pari duhet të bëhemi të vetëdijshëm sot se jemi në procesionin e jetës. Pse jemi në procesionin e jetës? Sepse jemi pas Krishtit. Krishti është me ne. Atëherë çfarë kërkon Krishti? Krishti kërkon prej secilit prej nesh sot: Më sill në zemër të atij personi familjën tëndë që ka probleme. Më sill në zemrën e atij personi që më ka kthyer shpinën, që nuk lutet, që nuk ka kohë për mua, ka kohë për gjithçka, por jo për mua. Para teje Krishti ulet në gjunj dhe thotë Më sill tek ai, lutu për të, bëj pendesë për të dhe ke për të parë se çfarë do bëj për të. Ke për të parë sesi do ta ndërroj jetën e tij. Ke për të parë se sa do ta madhërojë edhe ai, edhe ajo emrin tim. Vëllezër e motra, kur kam mundësi ta sjell unë Krishtin tek ju? Kur ta kem në zemrën time. Kur ke mundësi ti ta sjellësh Krishtin tek dikush? Kur ta kesh në zemrën tënde. Kur ta kesh në shpirtin tënd. Do t i shohësh mrekullitë e Zotit, do t i shohësh të vdekurit duke u ngjallur, do t i shohësh të sëmurët duke u shëruar. Sepse nuk jemi ne që i bëjmë veprat e Zotit, nuk është Don Preka. Është Krishti. Është Krishti, i cili udhëton në procesionin e jetës. Krishti, i cili do të vijë tani në këtë meshë. Krishti, i cili dëshiron të hyjë në zemrën tënde dhe përmes zemrës sate, dëshiron të shkojë aty ku shkon ti, të takohet me ata që takon ti, t i përtërijë e t u japë jetën atyre, me të cilët jeton ti. Shikoni pra çfarë besimi ka Zoti i gjallë në ne, atëherë s na mbetet gjë tjetër, përveçse ta hapim zemrën tonë para Tij. Të shkojmë pas Tij në procesionin e jetës e Krishti duke na dhënë jetën neve, t ua japë edhe gjithë vëllezërve e motrave tona përmes dashurisë tonë. Amen. Qoftë lëvduar Jezu Krishti.

8 Faqja 8 është organ i Shoqatës Radio Maria. Tiranë Rr. Papa Gjon Pali II, Nr. 4 Fushë Kërçik, Babrru, Paskuqan Tiranë, Shqipëri Shkodër Sheshi Papa Gjon Pali II Shkodër, Shqipëri Lezhë Sheshi Besëlidhja Lezhë, Shqipëri info@alb.radiomaria.org Facebook: Radio Maria Albania Përgjegjës: Don Prekë Lazraj Radio Maria, Hiri i Hyjit në shtëpinë tënde, mund të dëgjohet në: Rrëshen e rrethina FM MHz Tiranë, Durrës, Kavajë, Berat FM 91.4 MHz Shkodër, Podgoricë, Ulqin FM MHz Lezhë, Laç të Kurbinit, Mamurras FM 89.6 MHz Pukë, Fushë Arrëz, Tropojë, Kukës dhe Kosovë FM 90.0 MHz në internet 00:00 Rruzarja misteret e gëzimit 00:30 Leximi i Shkrimit të shenjtë 01:00 Programet sipas ditëve përkatëse 02:00 Rruzarja misteret e dritës 02:30 Leximit të librit, Orselina 03:00 Meditimi 5 minuta me Zotin, Don Preka, Rruzarja misteret e mundimit 04:00 Meditimi i mengjesit, Don Preka 05:00 Rruzarja misteret e Lumturisë 05:30 Leximi i Shkrimit të shenjtë, Don Prekë Lazraj 06:30 07:00 07:30 Mesha 08:20 08:30 10:00 Emisioni ta fillojmë ditën me Jezusin paraqitja e shenjtit të ditës dhe urimet e ditëlindjeve të miqëve dhe bamirësve të Radio Marisë. Paraqitja e njetit dhe e programi, Orselina, Lutja e mëngjesores Emisioni 365 historitë e Biblës për fëmijë, Eliseo dhe Paola Rruzarja për miqtë dhe bamirësit e Radio Marisë dhe për shpirtrat e miqëve dhe bamirësve të Radio Marisë (të dielave dhe festave në orën 09.00) Programi me personat jashtë radios ose Ritransmetimi i programit të orës :00 Leximit të librit, Orselina 11:30 Leximi i Shkrimit të shenjtë, Don Prekë Lazraj 12: Meditimi 5 minuta me Zotin, Don Prekë Lazraj, lutja Engjëlli i Zotit Ora e mesme dhe Rruzarja si shenjë falenderimi për të mirat që Zoti na i dhuron Leximi meditativ i librit Të përngjamët e Krishtit, Genta 13:30 Emisioni për fëmijë, ritransmetimi i mbrëmjes 14:00 15:00 Për të gjithë nga pak, Leonida dhe Flora, (të premteve Udha e Kryqit, të shtunëve Personazhe që duhen kujtuar) Kurorëza e Mëshirës Hyjnore e Kënduar dhe Shërbesa e leximeve 15:30 Emisioni për dëgjuesit në Amerikë, fillimi i ditës atje. 16:00 17:00 18:00 18:30 Meditimi i mengjesit, të mërkureve emisioni i mbrëmshëm i të martes, dhe të shtunën emisini i të shtunës mengjes, të dielen i të enjtës në mbrëmje. Lajmet Leonida Qyrsaqi. Presim telefonatat tuaja për të paraqitur falënderimet dhe njetet për të cilat do të lutemi në rruzare Meditimi 5 minuta me Zotin, Lutja e mbrëmësores për engjejt e Shqipërisë dhe për shenjtërimin e meshtarve Emisioni 365 historitë e Biblës për fëmijë, Eliseo dhe Paola 19:00 Emisioni për fëmijë 20:00 Programi kryesor sipas ditës përkatëse 21:00 Programi ditor bazë i Radio Marisë Rruzarja për falenderimet dhe njetet e dëgjuesve që porositën gjatë ditës 21:35 Lajmet nga Radio Vatikani, lutja e pasmbrëmësores 22:30 Leximi i librit, Orselina 23:00 Programi i orës Programet që ritransmetohen Natën DIEL Ora 01 Personazhe që duhen kujtuar - Florenci Ora 04 Shpjegimi i fjalës së Zotit - Don Preka HËNË Ora 01 Portrete shenjtërish Don Dritani Ora 04 Domethënia shpirtërore e Psalmeve Don Antoni; Të vërtetat themelore të fesë së Krishterë Don Dominiku MARTË Ora 01 Të udhëtojmë nëpër BV P Flavio. Kisha nusja e Qengjit Don Lorenzo Ora 04 Meditimi i mëngjesit (enjte) Don Preka MËRKURË Ora 01 Kisha dhe shoqëria - Atë Lovro Gavran: I krishteri sipas shembullit të Shën Terezes, - Atë Mario, Përshpirtëria e Sharl de Fuko; Ungjilli i Jetës Motër Maria Katerina Ora 04 Paraqitja e Fjalës së Zotit dhe meditimi i saj - Don Preka (e hënë) ENJTE Ora 01 Lutja M.Beta, Në shkollën e Shpirtit Shenjtë - M Rita Ora 04 Të vdekurit nuk janë të vdekur Orselina. Shtigjet e zemrës M Arta PREMTE Ora Fjala e Zotit në Besëlidhjen e Vjetër - Atë Ndue Kajtazi; Ipeshkvi në studio, Mons Angelo Massafra Ora 04 Të rinjtë kërkojnë thesarin, Motër Miki SHTUNË Ora 01 Rruzarja e shenjtë dhe shenjtërit, Don Prekë Lazraj, Familja Kishë shtëpiake, shtëpi e mëshirës, Don Gjovalin Simoni (marten) Ora 04 Paraqitja e Fjalës së Zotit dhe meditimi i saj - Don Preka (e marte) Programet kryesore të ditës DIEL Ora 14:00 Meditimi 15 minuta për ty - Don Preka Ora 18:30 Të mësojmë të lutemi me Don Boskon - Antonio Ora 20:00 Enciklikat: Shën Gjoni Pali II nga Don Lorenzo, Heshtja e Marisë - Orselina, Fjala për të jetuar Fokolarinët - Veneranda (një herë në muaji) HËNË Ora 09:00 Paraqitja e Fjalës së Zotit dhe meditimi Don Preka (leximet e ditës) Ora 20:00 (1) Kisha dhe shoqëria P Lovro Gavran: (2) Pershoirteria Karmelita, Atë Mario; (3) Jeta e krishterë, Don Leonardo; (4) Ungjilli i Jetës Maria Katerina; (të hënëve sipas radhës) MARTË Ora 09:00 Paraqitja e Fjalës së Zotit dhe meditimi i saj - Don Preka (leximet e ditës) Ora 20:00 (1) Magjisteri i Kishës, Don Preka; (2)Vatra Biblike - Lezhë MËRKURË Ora 19:00 Të rinjtë kërkojnë thesarin, Motër Miki Ora 20:00 Fjala e Zotit në Besëlidhjen e Vjetër - Atë Ndue Kajtazi; Ipeshkvi në studio; Mons Angelo Massafra (një herë në muaji) ENJTE Ora 09:00 Paraqitja e Fjalës së Zotit dhe meditimi i saj - Don Preka (leximet e ditës) Ora 20:00 Urdhërimet - Mons George Frendo; Sakramentet - Motër Mimoza PREMTE Ora 14:00 Përshpirtëria e udhës së kryqit Ora 20:00 Të përtërihemi në Zotin - Motër Rita; Portrete shenjtërish Don Dritani SHTUNË Ora 09:00 Paqja e zemrës Motër Elizabeta (një herë në dy javë) Ora 14:00 Personazhe që duhen kujtuar Dr. Florenci Ora 20:00 Shpjegimi i jalës së Zotit - Don Preka (leximet e ditës së diele) Orselina PRO CREDIT BANK INTESA SANPAOLO BANK NË ZVICËR NË AUSTRI LLOGARIA NË EURO Kodi SWIFT: FEFAALFR IBAN: AL LLOGARIA NË LEK Kodi SWIFT: FEFAALFR IBAN: AL LLOGARIA NË EURO Kodi SWIFT: USALALTR IBAN: AL LLOGARIA NË LEK Kodi SWIFT: USALALTR IBAN: AL Verein Freunde vom albanischen Radio Maria Appenzeller Kantonalbank Konto: IBAN: CH Freunde vom Albanischen Radio Maria Adresa: Seyringerstrasse 1/3/19 Wien, Austria Emri i bankës: BAWAG PSK IBAN: AT BIC: BAWAATWW